吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 每次都係咁

夫婦情感今日: 1|主題: 42734

收藏本版

發帖

返回列表

跳至頁

查看: 3309 | 回覆: 45

每次都係咁 [複製鏈接]

12 3

超力女

複式洋房

積分: 171

1^#

發表於 07-7-26 19:24 |只看該作者 |倒序瀏覽 |打印

我想同大家傾下究竟係咪我自己問題?今晚我男友個表哥生日,要出去玩,我尋晚已經同佢講叫佢唔好咁夜,叫佢十一點幾好走,聽日要返工,佢都話ok,佢都無講要放假既,之後點知啱啱打比我同我講聽日放假,一來佢都好耐無休息過,放過假!就算放假佢都陪我既,咁我就話你即係做唔到喇應承我d嘢,佢詰唔係,佢放工先知今晚好夜先開始玩,所以聽日就放一日假想休息下,佢話聽日仲要出去買下嘢,唔係無時間,我話咁你會唔會接我收工,佢話唔知,我即係好嬲話你玩就唔洗理我架喇,佢話唔係,只係想休息,因為佢好攰,無真正休息過,我就唔開心囉,之後佢話咁我聽日接你收工囉.陪我返屋企食飯!我都唔知我係咪過份左,但佢成日都唔係呢樣就個樣做唔到應承我既嘢,都唔係話無,十次得兩次ok囉,佢唔係成日出去玩,一年都唔知見佢d friend無10次囉,出去都無三次.我有時好嬲既係佢應承我d嘢做唔到囉!我唸緊聽日係咪唔洗叫佢陪我?平時閒日都唔會見面,係星期五至日,有時佢七日都要返工tim 架,你話我點算好呢?:-(

0 0 0

私人傳訊

eyan

男爵府

積分: 6987

畀面勳章

2^#

發表於 07-7-26 19:58 |只看該作者

個人覺得做女友吾好太過痴身,要比番d空間佢,你都吾一定放假要揾佢陪,你都試下揾你d朋友去下街,拍拖同結婚一樣,吾可以管得太緊,有時要放鬆下比大家去下自己想去既地方.

私人傳訊

wxxyxn

大宅

積分: 2339

3^#

發表於 07-7-26 20:33 |只看該作者

咁妳唔好要佢應承妳咁早返咪得lor
11點真係齋食飯架咋

私人傳訊

yuenwa

男爵府

積分: 5774

4^#

發表於 07-7-26 20:47 |只看該作者

delete.....

[ 本文章最後由 yuenwa 於 07-7-26 20:53 編輯 ]

私人傳訊

yuenwa

男爵府

積分: 5774

5^#

發表於 07-7-26 20:51 |只看該作者

delete.....

[ 本文章最後由 yuenwa 於 07-7-26 20:53 編輯 ]

私人傳訊

yuenwa

男爵府

積分: 5774

6^#

發表於 07-7-26 20:53 |只看該作者

D字出唔哂....

私人傳訊

yuenwa

男爵府

積分: 5774

7^#

發表於 07-7-26 20:54 |只看該作者

樓主,

你要求你男朋友, 你都要make sense睇下佢能力啦!

你明知佢好tired, 你又要佢接你放工, 佢唔甩底都好辛苦啦! 你明知佢表哥個生日party要夜d先開始, 佢點可能早d返啊!
下次你要求你男朋友任何野前, 想下佢係唔係佢能力範圍, make 唔make sense啦!

私人傳訊

PCCW2319

水晶宮

積分: 67993

8^#

發表於 07-7-26 21:02 |只看該作者

原文章由 超力女 於 07-7-26 19:24 發表
我想同大家傾下究竟係咪我自己問題?今晚我男友個表哥生日,要出去玩,我尋晚已經同佢講叫佢唔好咁夜,叫佢十一點幾好走,聽日要返工,佢都話ok,佢都無講要放假既,之後點知啱啱打比我同我講聽日放假,一來 ...

如果佢唔應承你 11:00pm走人返屋企，咁你會嬲嘛？其實佢唔係想應承左做唔到，而係佢覺得當時唔應承你唔得o者，因為你一定會嬲 & 鬧。有時你要人應承你，但係咪佢願意 & 佢會做到架呢？要男人應承你佢做唔到或唔想做或只係你心目中既要求時，後果通常都係唔守信或講大話。咁係咪真係男人錯哂呢？

講真，如果唔係經常，就算佢去玩到零晨三點，明天要返工，我都會由得佢。由得佢自己決定玩到幾點，只會講聲唔好咁夜返屋企，明天要返工。

有時睇你d post，真係覺得你管得太緊。有時一d所謂為佢好、為大家既行為、既道理，係咪真係對佢好、對大家好呢？有時太執著，反而傷大家感情。談情說愛應該輕輕鬆鬆，成日玩貓捉老鼠真係令人疲倦，大家對段感情都疲倦，感到力不從心。

天空之城, 快樂之地

私人傳訊

happykklam

子爵府

積分: 12365

9^#

發表於 07-7-26 21:08 |只看該作者

原文章由 eyan 於 07-7-26 19:58 發表
個人覺得做女友吾好太過痴身,要比番d空間佢,你都吾一定放假要揾佢陪,你都試下揾你d朋友去下街,拍拖同結婚一樣,吾可以管得太緊,有時要放鬆下比大家去下自己想去既地方.

agree，妳都話佢平時好少放假，又少同d fd出街既，甘妳咪俾佢聽日relax下自己去買下野囉!唔好甘執著la，兩個人相處唔可以只顧自己感受而忽略左對方感受架~

私人傳訊

kary512

別墅

積分: 739

10^#

發表於 07-7-26 21:35 |只看該作者

我唔係想話你架..但係我睇完你寫既野,其實一直都有留意~初初我覺得你都幾好架對男友..但係慢慢睇好似今次咁..我覺得你好似過份左...你都講佢一年見朋友都冇10次啦..何況生日party係大人唔係小朋友..一定返唔到黎啦11點....而且我睇你既口氣..你男友唔係應承你唔做..而係唔應承你都唔得啦..!將心俾已啦

私人傳訊

Japenese

男爵府

積分: 6946

11^#

發表於 07-7-26 23:08 |只看該作者

樓主，講到尾，都係講緊"邊個話得事"同"控制權"問題姐！

男女嘈交，或者人同人有爭執，十居其九都係以上呢兩瓣，如果依家你太介懷和執著對方是否按所謂承諾做事，將來結婚一同生活，可以話比你知情況會令你發癲！

好多事情要睇當時情況，換了是你出去玩，要在最人齊最開心最投入時話"應承男友早返屋企"，你甘心咩?!何況都係男女朋友姐，我都未管我c6啦，比d空間大家，你大方d，男友又開心d。

私人傳訊

onon1022

子爵府

積分: 12589

好媽媽勳章

12^#

發表於 07-7-26 23:19 |只看該作者

其實試下企係你男朋友既角度諗下...你都話你男朋友好耐無放過假...唔係成日出去玩...既然累...當然想休息下...既然表哥生日可以玩下...當然都玩...平時工作辛苦...當然想放鬆自己...想減下工作既壓力...如果掉轉係你...你都想咁...有陣時你越管佢...只會不斷比壓力佢...比d私人空間佢...亦都比d私人空間你自己...可能你覺得唔需要...但係佢未必覺得唔需要...

[url=http://lilypie.com][img]

私人傳訊

driedpork

禁止訪問

積分: 2182

13^#

發表於 07-7-27 00:13 |只看該作者

提示: 作者被禁止或刪除內容自動屏蔽

私人傳訊

大豬既老婆

伯爵府

積分: 17545

14^#

發表於 07-7-27 02:10 |只看該作者

樓主﹐ 距系你男友﹐ 距吾系你個仔。
如果你阿媽一定要你11點返到屋企你會點?

管得太緊﹐ 大家都透吾到氣。

私人傳訊

bbkkc

男爵府

積分: 9397

15^#

發表於 07-7-27 02:16 |只看該作者

做女人唔使下下管住晒
你男友都有自由
間唔中出去玩下唔過份

私人傳訊

成媽

男爵府

積分: 7645

16^#

發表於 07-7-27 03:06 |只看該作者

我都覺得唔需要咁緊張....迫得太緊...有反效果

原文章由 bbkkc 於 07-7-27 02:16 發表
做女人唔使下下管住晒
你男友都有自由
間唔中出去玩下唔過份

私人傳訊

超力女

複式洋房

積分: 171

17^#

發表於 07-7-27 09:41 |只看該作者

原文章由成媽於 07-7-27 03:06 發表
我都覺得唔需要咁緊張....迫得太緊...有反效果

我唔係唔比佢玩,我都知要relax,只不過佢之前成日講大話呃我,我對佢未可以有返信心,尋晚我淨係同佢講返屋企先打比我,留言.都係報個平安.都無做!佢每次出去都唔會打比我叫我訓,明知我等佢電話,佢自己話打比我,都無做到,不過你地講得啱既,我可能太逼緊自己,唔係佢,佢當無事架可以,唔會理我.我會自己靜靜,唸清楚架喇,多謝你地意見,

私人傳訊

mylulu007

伯爵府

積分: 15536

18^#

發表於 07-7-27 09:57 |只看該作者

樓主放開d啦，妳俾壓力男友＝俾壓力自己，對於一個大人，佢要對自己行為負責，下下管住，真係會適得其反。既然佢有時7日都要返工，難得有機會relax第日又唔駛返工，佢唔係去滾唔係去賭，都係正常社交o者，咪由得佢囉。

妳下下要求呢樣，認承果樣，真係人都癲架，妳男友唔守妳所謂既承諾，都係一d好minor既事，係妳男友識得氹住妳為自己減壓，如果佢唔重視妳同佢既關係，一早已經被妳迫走左啦。

男人，就好似風箏，時放時收，關係至會長，放棄無謂既要求，大家都會開心d。男人唔同女人，好多細微細眼既野係唔會上心，妳唔可以要求佢剛柔並重（事實呢d男人我未見過），最緊要大家互補不足。多欣賞男友的優點吧。

私人傳訊

Tatalo

複式洋房

積分: 172

19^#

發表於 07-7-27 10:11 |只看該作者

嘩, 十一點要走好似真係好早喎, 我自己係女仔, 有時都去到十二點幾啦. 你都話佢唔係成日出去玩啦, 其實你應該滿足先係啦, 你睇吓其他人啲 c6 邊有咁乖架. 你重要佢去接你放工, 我從來都冇要求我男友或依家既老公接我放工, 最多係約係一個地方等.

其實你要放鬆啲, 如果唔係你男友會頂唔順. 同埋你要有心理準備結左婚可能重差.

放開啲啦 !