自由講場今日: 223|主題: 1364113

收藏本版

發帖

返回列表

跳至頁

查看: 322 | 回覆: 3

你地認為各有另一半的佢地咁樣相處有問題嗎??? [複製鏈接]

小manman

翡翠宮

積分: 86911

1^#

發表於 07-7-30 19:19 |只看該作者 |倒序瀏覽 |打印

你地認為一個50歲結左婚的女人同一個35歲未結婚的男人,呢個年齡組合有可能嗎???
我honey公司上個月黎左一個新的女同事,從我honey口中知道個女人生活好悶,佢打工只為打發時間,事關佢老公長期係內地做野,佢個女都18歲,係外國讀書,成日都得佢一個人~~~
我honey初初係呢間公司做的時候,因為個老細好惡頂,所以佢做得唔係好開心,成日向我呻,但當個女人黎左之後,佢明顯開心好多,連講野的語氣都輕鬆左好多,我初時都好"鄧"佢開心,因為我都想佢做野開心,當時我係完全無諗其他野~~~
但到左上個星期佢地開始有電話聯絡,試過連續兩晚返到屋企都仲傾成個幾鐘電話,原本第1晚傾我都無野,點知第2晚又傾,我發現我honey同佢傾左電話之後,同我講的野少左,我嘈佢,佢就話個女同事知得佢地公司d野清楚d,所以大家呻起上黎都會比較清楚公司的運作同情況,而且因為做野好累,所以唔想講咁多,咁點解又可以同佢傾成個幾鐘呢???
之後我honey知我唔鍾意就無再同佢傾,但個女人都仲成日打比佢,差唔多每日一電,個女人請左假都要打比佢,問佢公司野喎!!!
有一日佢早走左,我honey成9點幾先走,佢打左兩次電話比我honey,問佢走左未,我都唔會打比我honey,因為我知我honey做緊野唔想煩住佢,我都未敢煩住我honey,佢憑乜野打咁多次比佢呀???
個晚我honey知我第2日要早起身,就叫我早d訓,跟住就話要打番比佢交代公司d野喎,我聽到之後火都黎埋,我honey就話唔打~~~
之後,我honey同我講其實每次都係個女人打比佢,有兩次成12點打比我honey,我話有無搞錯成12點仲打比人,我honey話有一次係公司,個女人問佢有無睇半夜播個套電視劇,我honey話有,所以佢知道我honey12點會睇電視劇,所以咪打比我honey,呢d係我honey的生活習慣,乜呢d都算係公司野咩???
佢地依架仲日日係公司用msn溝通,佢未黎之前我叫我honey online佢都唔肯,話公司部電腦好慢,咁點解依架又online同佢玩呢???
我honey同我解釋佢地來來去去的話題都係講佢地老細d是非同衰野,一係就講公司野,其他野佢地唔會講喎!!!

你地認為究竟係我太多心or佢地咁樣相處確實係有問題呢???

0 0 0

私人傳訊

小manman

翡翠宮

積分: 86911

2^#

發表於 07-7-30 19:29 |只看該作者

有一日,我開msn見我honey online,on左好耐我honey都無hi過我,如果係平時佢一見到我一定會即刻hi我,但個日完全無hi過我~~~
我一直留意住佢,佢on左成個下午,直班6點左右就off左,後尾知道原來個女人已經走左,咁唔怪得off喇!!!
到左第2日,我無開過msn,但我個fd話比我知見佢都係on左成個下午,我覺得佢變左,呢d唔係佢平時的習慣,平時佢唔會on咁長時間,佢根本無心機玩咁耐,就算係都只係on一陣,同我傾兩句就off,然後打比我,依架就算佢落左街都仲見佢on住,平時佢去個廁所都off,依架好明顯唔同左喇!!!
佢就向我解釋,因為公司部電腦好慢,一on一off好浪費時間,所以就長on住,個日見到我都唔hi我,係因為佢成日都會打比我,唔使用msn溝通喎!!!

大家覺得呢d係佢的藉口or係事實呢???

私人傳訊

方方媽媽

水晶宮

積分: 74328

3^#

發表於 07-7-30 20:13 |只看該作者

無論有無問題,你依家首先要做既,唔好嘈你老公,係要tum番佢.
因為佢同個女人傾得好開心,先會繼續傾落去.如果要改變呢個情況,大吵大鬧當然可以,但係會傷感情.呢個時候,殺手揀就係溫柔+忍耐,同埋occupy晒你老公既公餘時間,例如叫佢一齊去睇戲.或者約朋友聚會,打下牌,總之唔比你老公得閒,等佢地無得傾電話.
係公司就阻止唔到架啦.
兩個年紀相差咁大既人,無野既.
有都係個女人有既姐,你估你老公傻既咩.
如果你嘈你老公,講到佢地好似有野,咪即刻侮辱緊係老公.
佢可能會唔高興架.