我喺而家 li 間公司做左差唔多兩年,我一向人緣不算好, 不過在過往一年多, 同li 間公司同事有講有笑,過得好開心, 每日同一班飯腳同事一齊食 lunch, 最多人時會十個人一齊食,少既時候會四五個一齊食. 因為有 d 人唔同部門, 有d 人有時帶飯, 唔係日日一齊食, 所以時多時少, 而我就係日日都一齊食果四五個既其中一個鐵腳.後來公司炒左幾個人, 又有 d 人自己走左, 飯腳圈子由十個人剩下五六個人.
一
個月前開始左右,佢地突然唔同我食 lunch, 我而家有左五個幾月 bb, 佢地就話lunch time 要去跑步, 佢地明知我大住個肚, 唔會話跟去跑, 落大雨又得唔夠十度果幾日,佢地都話去跑步, 其實又點會真係去跑丫, 我明白只係唔想同我食飯,對我既態度亦比以前冷淡好多. 不過我都唔想令佢地尷尬, 佢地咁講我咁聽,冇追問咁多. 如是者, 每日變左同佢地好少接觸
我同佢地冇嗌過交, 工作上唔同 team, 所以亦唔會有衝突.我真係諗唔明白我做錯左 d 乜令佢地咁唔鐘意我, 話晒都一齊食左年幾飯,果年幾都嘻嘻哈哈好開心.我知道全班人都咁對我, 唔只一個既話, 應該係我有問題,如果係我做錯野, 我亦好願意道歉, 但問題係我唔知問題o係邊度 >.<
我琴日嘗試問一個另一部門, 偶然同我地一齊食飯既同事,佢話佢都唔知發生左咩事, 佢勸我人夾人緣o者, 無謂諗咁多
我知道如果人地覺得同我唔夾, 勉強冇幸福, 我亦冇辦法可以改變li個事實,好似男女分手咁, 唔係一定有得挽救, 有時就只能接受.不過, 我只想知道我既問題o係邊, 好讓我將來可以改善
我諗過問下佢地發生咩事, 但我怕佢地唔會講真話之餘,關係變得更差. 而家雖然少左接觸, 但仍然客客氣氣,見面打個招呼, 偶然開零食都會畀一件我, 佢地都會做下最基本既表面功夫.問佢地既話, 好似同佢地攤牌咁, 我驚關係變得更差
其實我好想珍惜佢地, 始於日日見咁多個鐘,仲見得多個家人, 唔想搞成咁, 畀你地會點做?
原帖由 katejune 於 14-02-19 發表
我唔知道來龍去脈，但直覺上我覺得未必係你做錯乜野，真係得罪左佢地。可能只係你同當中一個唔係太夾（唔夾 ...
發表於 
返回列表
