少年成長 今日: 0 | 主題: 16102

積分: 7205

1^#

發表於 07-8-8 09:51 |只看該作者 |倒序瀏覽 |打印

發生係TKO toysrus, 我唔知嗰位太太係咪bk mami, anyway, I don't care, 因為我以下所講都係事實, 冇加鹽加醋 :tongue:

事情就係我同一位太太嘈, 依位太太同行仲有佢先生, 一對仔女, 我估個女大約8-9yrs, 個仔大約5-6yrs, 就係依位太太話我囝囝冇禮貌, 係一個鐘意"wer人"(即係用手"抓"人)既細路, 而我囡囡未夠3yrs, 囝囝就20個月, 當時我係抱住囝囝

尋晚等老公返黎, 因為冇煮飯, 所以係帶住對仔女係新都城周圍逛, 點知老公遲遲未返到, 由2期行到1期再行到3期, 連惠康都逛完既我地, 唯有入toysrus行

到行咗一個圈之後, 囡囡話要排隊玩v-smile, 好啦就比佢玩陣啦, 到啱啱排到佢嗰陣, 依家人就應該係依家入黎企咗係我後面 (當時我唔知有人企我後面), 當時我囡囡玩緊, 我就抱住囝囝企係後面, 之後我feel到我囝囝隻手係後面撥來撥去, 我唔知佢做咩, 所以令一令個頭向後面望, 原來有個男仔企係後面, 仲企得好貼我, 可能我囝囝就係想拍個男仔 (亦係依位太太所形容既"wer人"啦), 我當時第一個反應就係捉實囝囝對手, 然後話"邊個咁架, 唔得架喎, no, no呀", 但我好sure係我囝囝一定拍唔到個男仔, 因為佢唔夠手長 (大家可以諗下我5尺5, 抱埋個仔, 有冇可能摸到一個大約得110cm高既小朋友) :(

就係依個時候, 我聽到後面有把聲話"你企開啲啦, 人地wer你都唔行開, 一陣人地wer到你啦", 當時我聽到覺得依句說話好難聽 :tongue: 好啦, 心諗算啦, 佢protect自己啫, 所以我都唔理佢, 跟住佢講得仲過份, 話"依個係鐘意wer人既細路黎架, 你見到仲企埋去, 佢咁鐘意wer人一陣wer你架", 聽完依句我開始有火啦, 駛唔駛咁講嘢呀

第一, 我囝囝唔係"wer人", 我估係佢見到有哥哥, 想聊人玩
第二, 根本我囝囝就掂佢唔到
第三, 我即時阻止我囝囝繼續撥來撥去, 我都驚佢真係整親人

我諗個個做阿媽聽到都嬲卦, main point係我囝囝真係冇wer到佢囉 :tongue:

跟住個男仔聽完佢阿媽講完就行開咗, 過咗一陣, 我囡囡轉身同我講"mami比細佬玩啦", 跟住就行開咗去旁邊個貨架, 咁我就比囝囝企落地"禁"兩下個joystick, 跟住又聽到把聲話"你係咪玩呀, 係就企番係到排隊等啦", 我心諗係咪又比說話我聽, 話我兩個細路阻住晒呢, 跟住我囝囝"禁"咗個menu制, 咁我就同佢講"哦, 冇啦, 冇得玩啦, 我地走啦", 然後我拖住囝囝, 行過旁邊個貨架度拖埋囡囡走, 都未行開, 又聽到把聲話"你企開啦, 人地揹住個袋, 你仲行埋去, 人地個袋會撞你架", 原來今次依位太太係同個女講, 可能個女仔見我行開就即刻走埋去部機度, 所以依位阿媽又教佢做人既道理啦, 但係同樣我個袋係掂唔到佢架喎 ?-( 聽埋依句真係都幾火滾

我好長氣咁講到依到, 唔知大家點睇, 我覺得protect仔女係好正常, 我都會, 不過我唔會咁教小朋友囉, 依位太太講到好似人地樣樣都係專登整佢咁, 好多時出街我囡囡都話人地撞到佢個頭, 我會教佢"你小心啲行囉, 唔好周圍望, 你咁細粒人地見唔到你架嘛, 你見到人撞埋你度, 你就行開啦", 好似依個情況比我都會叫自己啲仔女企開啲, 因為人地唔知你係後面, 企咁近就好易撞到, 坦白講我唔知佢兩個小朋友企咁近做咩囉

0 0 0

私人傳訊

積分: 7205

2^#

發表於 07-8-8 09:52 |只看該作者

件事未完架, 到我走啦, 未轉晒身又聽到依位太太既偉論, "你見到個細路wer你, 你就好行開啦, 依啲細路冇禮貌架, 成日鐘意wer人", 今次真係忍無可忍, 所以我轉身同佢講"太太你講完未呀, 咩叫wer人, 咩叫冇禮貌呀"

跟住我地就開始嘈啦, 當時都好多人眼望望架, 連啲staff都企係度睇戲, 可能上埋youtube都唔定添

我講完嗰句, 佢就"look"大對眼望住我
佢: "我教我個仔關你咩事, 我同佢講又唔係話你"
我: "你教仔唔關我事, 不過你話我個仔嘛, 你講一次都唔夠, 仲講幾次, 咩叫鐘意wer人呀, 依家wer到你咩"

同時, 佢先生行番過黎問"做咩呀"

佢: "佢wer咗兩次架啦, 唔係wer一次呀, 唔通我教個仔, 佢wer你呀, 你wer番佢啦, 好似你個仔咁呀"
我: "我見佢郁, 我都即刻捉住佢啦, 我都驚佢整到你呀, 佢得歲幾咋, 佢好多嘢都唔識, 你個仔歲幾嗰陣曉飛咩, 佢整到人我都會教佢, 但係你冇理由一句就話依啲細路鐘意wer人, 冇禮儀, 何況佢wer到你咩"
佢: "你咩叫wer到呀"
我: "咁係咪wer到呀, 如果wer到就話佢wer到你啫"
佢: "你咩叫wer到先"
我: "咁即係wer唔到啦, 依家係咪wer傷你呀"
佢: "嘩, 到你wer傷嗰陣就遲啦, wer到你最多, 係最多講句對唔住, 不過以你既range我覺得唔會囉" (其實我唔明佢個range係點解囉, range唔係解範圍, 幅度咩, sorry我英文差, 真係唔明佢點解用個range, 我估佢係話我水平低, 層次低掛)
我: "我頭先都已經捉實佢, 如果你話我企係度咩都唔到, 由佢整你個仔就話我地冇禮貌冇家教啫, 依家唔係喎"
佢: "我點知你有冇捉實佢呀, 你講之嘛, 我又見唔到, 我梗係教自己個仔架啦, 我同我個仔講咩, 點教佢關你咩事呀" (都好佩服佢, 睇到我個仔郁, 見唔到我郁, 點睇我都大範圍過我個仔掛)

我: "啱, 你要點教你既事, 不過你係我後面話我地就關我事, 講完一次又一次我唔覺你好有禮貌喎, 何況我又有捉住自己嗰仔, 你又話睇唔到, 咁你眼盲我冇法囉"

佢: "我係覺得你個仔wer人冇禮貌呀, 我教我個仔呀, 咁點呀"
我: "你都痴孖根" (好耐冇用依個詞, 但係真係覺得佢痴孖根)
佢: "話我痴孖根, 你就痴孖根"

私人傳訊

積分: 7205

3^#

發表於 07-8-8 09:56 |只看該作者

然後, 我老公黎搵我, 我將件事同佢講, 行出去嗰陣就又見佢一家係度, 我老公就行埋去同佢地講"頭先係咪話我個小朋友冇禮貌", 依位太太既反應好奇怪, 問番轉頭邊個小朋友, 我當時企開一邊, 我就諗可能佢一日話過好多個小朋友冇禮貌掛

返到屋企, 我就諗, 點解佢唔用個袋lup住對仔女先出街啫, 咁咪唔會有人整到佢囉, 同埋通街啲人都揹袋, 仲著住鞋添, 咁不如留係屋企唔出街啦, 唔係好易撞到 or 踐到架嘛

係依件上面, 我都覺得囝囝naughty, 佢好多時出街都聊人, 拍下人, 但係佢係冇惡意, 亦唔係依位太太所講既wer人 (佢係bb展我排隊攞贈品嗰陣仲衰到抆前面個爸爸條褲叫人同佢玩添

好彩冇比人話非禮咋

), 同埋係咪真係需要係我後面講3次wer人咁多呢 ?-( 我相信如果我囝囝真係wer到佢個仔, 佢個仔咁大個人冇理由唔識避, 唔會好似佢講wer兩次囉, 我個囡囡未夠3yrs, 比人推都識行開啦, 唔好話我知佢個仔唔夠個3yrs醒目喎

大家睇完晒, 可能覺得我唔啱, 歡迎講出意見, 我都覺得我今次好火, 我都係第一次返轉頭問人"講完未"架咋, 不過依位太太protect自己仔女既同時, 我都要protect番自己啲仔女囉 :idea:

私人傳訊

積分: 7205

4^#

發表於 07-8-8 09:56 |只看該作者

講完舒服晒

私人傳訊

bktcc

超級版主

積分: 84591

超級版主

5^#

發表於 07-8-8 10:19 |只看該作者

1. 無論有無wer到,我都會"say sory",因為多細路既地方
難免有踫撞,先道歉,開句聲無損失

2. 唔會同佢地嘈交,因為我不會同佢地一般見識,有失我既身份

3. 唔會早走,避開佢地

4. 佢地不斷講,我反而會對住佢地微笑

私人傳訊

積分: 7205

6^#

發表於 07-8-8 10:52 |只看該作者

好佩服, 你EQ好高

當時我真係忍無可忍, 我承認我EQ低, 所以諗住早走早著, 遲走訓唔著, 結果尋晚真係嬲到訓唔著

原文章由 bktcc 於 07-8-8 10:19 發表
1. 無論有無wer到,我都會"say sory",因為多細路既地方
難免有踫撞,先道歉,開句聲無損失

2. 唔會同佢地嘈交,因為我不會同佢地一般見識,有失我既身份

3. 唔會早走,避開佢地

4. 佢地不斷講,我反而會對住 ...

私人傳訊

CATMAMAHK

複式洋房

積分: 270

7^#

發表於 07-8-8 10:57 |只看該作者

原文章由 pandacat_bb 於 07-8-8 09:56 發表
講完舒服晒

吾駛嬲...呢個世界有好多父母成日以為自己啲仔女係寶貝人地個啲就吾係人....其實為人父母應該將心比己....大家都經歷過小朋友細個吾識表達自己鐘意用掂人地或拍人地黎表示想同人玩...當然亦要教佢地用言語黎表達..但小朋友得歲幾...應該要識包容lo...就我個囝出街玩比其他小朋友撞到...我都會同佢講人地冇心你下次自己小心啲啦....但如果有啲大哥哥好鐘意哈人個啲....我會教佢同人講"你吾乖我吾同你玩"..因為如果就咁自己行開...咁囝囝就會覺得吾開心同好委屈....最緊要大人要識包容同教小朋友(自己個個我吾會幫人教仔)...咁小朋友又可以識保護自己又識得體諒別人...以上只係我個人意見..如有其他高見請指教..

私人傳訊

積分: 537

8^#

發表於 07-8-8 10:59 |只看該作者

唔好嬲啦

有時小朋友好多野都唔識 , 無心ge , 可能父母要幫仔女解圍say sorry .比我 , 我一定唔mind 兼同你個仔玩tim ,講真真係wer到又有幾痛呀?

不過我覺得個位太太好有問題 , 我不是就呢件事講 , 而是佢教小朋友的方法好有問題 , 其實我有時去街都聽到有d呀媽咁教仔

1)佢同一個咁細ge小朋友計較
咁會做成佢自己的小朋友可能又小氣 , 又計較
2)佢言語之間帶出了"呢個世界好多壞人 ,連個小朋友都會害佢d屋企人咁"的信息
咁又會導致小朋友對呢世界充滿懷疑 ,對人缺乏信任

父母真係一面鏡子 . 鄧佢d仔女慘

私人傳訊

積分: 7205

9^#

發表於 07-8-8 11:18 |只看該作者

我同你諗法都好似, 其實佢第一句講嗰陣我都好理解, 佢要protect仔女唔好比人整親, 我都會, 雖然話細個唔係大晒, 但係唔應該用啲咁難聽既說話, 咁細個都要比你話冇禮貌, 好似太過份, 仲要話佢成日鐘意wer人, 你見過我個仔一次, 點可以咁武斷 ?-(

我真係唔明白佢自己都有小朋友, 都經過細個既階段, 但係好似唔明咁, 可能我個仔生得大件, 依位太太以為佢好大個卦

其實, 我都後悔話佢"痴孖根", 不過當時真係忍唔住, 我EQ一向都唔多掂, 因為我個仔即刻講"痴孖根呀?"

原文章由 CATMAMAHK 於 07-8-8 10:57 發表

吾駛嬲...呢個世界有好多父母成日以為自己啲仔女係寶貝人地個啲就吾係人....其實為人父母應該將心比己....大家都經歷過小朋友細個吾識表達自己鐘意用掂人地或拍人地黎表示想同人玩...當然亦要教 ...

私人傳訊

積分: 7205

10^#

發表於 07-8-8 11:34 |只看該作者

講完其實舒服好多, 尋晚訓唔著添, 3點幾先訓到, 今朝仲痴, 6點9個字就醒咗, 可能真係嬲得滯

我就係聽佢講嘢覺得好舒服, 好似樣樣野都係人地專登整佢咁, 連我揹住個袋都話"小心人地個袋撞到你呀", 你話我將個袋fing來fing去就話啫

咁佢自己都揹個袋, 唔通我又同仔女講"小心佢個袋撞你呀"

我諗佢一日都唔知鬧幾多個小朋友, 做佢仔女啲同學仔仲慘, 可能成日比佢投訴

原文章由 carriebaby111 於 07-8-8 10:59 發表
唔好嬲啦

有時小朋友好多野都唔識 , 無心ge , 可能父母要幫仔女解圍say sorry .比我 , 我一定唔mind 兼同你個仔玩tim ,講真真係wer到又有幾痛呀?

不過我覺得個位太太好有問題 , 我不是就呢件事講 , 而是佢 ...

私人傳訊

積分: 7205

11^#

發表於 07-8-8 11:37 |只看該作者

仲有, 佢臨走話咗我一句"你咁教仔, 我睇你第日點囉!"

激死

私人傳訊

積分: 19439

好媽媽勳章

12^#

發表於 07-8-8 11:43 |只看該作者

樓主,

唔敢講邊個岩邊個唔岩,但係,如果我係你,我可能都會出聲,亦會唔開心.

未有bb前,我自問都好怕羞下,好"暗春"下,即係比人蝦都唔敢出聲反抗個隻.但係自己生左bb之後,又要每日帶出帶入,都遇過唔少一d不快事件,一d無同情心既人.有一次我都同人當眾嘈交(有史以來第一次).又係因為我抱住個bb(一歲多d),我個手袋hi到少少隔離個c9,我即時say sorry,但佢就啤住我同jit jit聲,表現好煩厭甘....唔知點解個刻,我好嬲,火都黎埋...因為我覺得只係hi到少少,已即時say sorry,而我又抱住bb,甘都唔體諒,我覺得呢d人好無品........所以我開聲話佢,最後仲同佢嘈起上黎.....之後我個心係甘跳,好驚,點解自己既反應會甘大?當眾同人嘈......呢個唔似我既style....

唔知呢,自從做左阿媽之後,我覺得應該要好好保護自己個女,所以個人開始大膽左,有人明蝦我個女,我一定會出聲.

你個case,我覺得個女人太過自以為事,以為自己好巴閉,掂下都唔得個隻.....唉,真係咩人都有!

真係要練好d eq先可以頂得住呢d"上等人"!!

私人傳訊

積分: 537

13^#

發表於 07-8-8 12:18 |只看該作者

仲有一次我搭火車 , 係火車站係比教人多 , 咁有個呀媽同個仔講(大概10歲)""唔好行咁出 , d 人會推你落路軌""

我心諗邊個會咁無聊又咁黑心唔識都要害你?定係個呀媽成日得罪人 , 出街成日驚有人暗算佢呢??

都唔明點解而家d人咁諗野 , 全世界都係衰人 , 成日計算人
咁教法世界上真係又多個壞人...

所以而家有自己小朋友時時都提醒自己要注意

私人傳訊

積分: 19439

好媽媽勳章

14^#

發表於 07-8-8 12:26 |只看該作者

呢個case,個阿媽既意思可能係:唔好行甘出,唔係人多擠迫,好易會被推出軌....呢個我覺得無問題喎.比我都會叫阿囡行入車廂既.

原文章由 carriebaby111 於 07-8-8 12:18 發表
仲有一次我搭火車 , 係火車站係比教人多 , 咁有個呀媽同個仔講(大概10歲)""唔好行咁出 , d 人會推你落路軌""

我心諗邊個會咁無聊又咁黑心唔識都要害你?定係個呀媽成日得罪人 , 出街成日驚有人暗算佢 ...

私人傳訊

積分: 537

15^#

發表於 07-8-8 12:47 |只看該作者

原文章由 雲妮彭 於 07-8-8 12:26 發表
呢個case,個阿媽既意思可能係:唔好行甘出,唔係人多擠迫,好易會被推出軌....呢個我覺得無問題喎.比我都會叫阿囡行入車廂既.

我當然明白佢的意思 , 但係佢個仔處於危險竟地是與其他人無關 , 是他自己要企咁出
但係點解要用呢個理由??就算九鐡廣播都只會話:請勿站出黃線 , 免生危險>
如果九鐡廣播改為:請勿站出黃線 , 其他成客可能會推你落路軌>
意思又完全唔同晒 , 即是話你要小心比人推落路軌 ,同時人地又唔知你會唔失驚無神推人落去

其實我意思並不是針對任何人 , 只是同一個意思可以有好多表達的說話:如:呀仔你企咁出好危險 , 一個唔小心跣腳就趺你落去 ,呀媽唔想你有咩損傷 , (再比指示)企番埋d

同一個提醒的意思但好聽好多

請留意:如果呀仔一樣唔聽 , 就算用之前個呀媽的警告一樣唔聽 . 仲會為小朋友多帶一個"全世界人都害你"的負面信息

私人傳訊

積分: 19439

好媽媽勳章

16^#

發表於 07-8-8 12:50 |只看該作者

唉,教育兒女真係唔容易呢!有排學呀!

原文章由 carriebaby111 於 07-8-8 12:47 發表

我當然明白佢的意思 , 但係佢個仔處於危險竟地是與其他人無關 , 是他自己要企咁出
但係點解要用呢個理由??就算九鐡廣播都只會話:請勿站出黃線 , 免生危險>
如果九鐡廣播改為:請勿站出黃線 , ...

私人傳訊

積分: 537

17^#

發表於 07-8-8 13:03 |只看該作者

原文章由 雲妮彭 於 07-8-8 12:50 發表
唉,教育兒女真係唔容易呢!有排學呀!

AGREE

我而家日日都檢討自己教仔ga ,自我檢討都係身教一種

私人傳訊

積分: 19439

好媽媽勳章

18^#

發表於 07-8-8 13:20 |只看該作者

係呢,你地係邊度學教仔女既方法架?睇書定上bk呀?
我兩樣都有d啦,不過仍然覺得自己唔識教.
有時,好難做到......堅持到甘上下,bb仲係扭,我最後都放棄,俾佢扭成功!:cry:

例如係街度要抱抱甘,我話唔抱,佢就係甘扭,攪住我對腳唔放......真係好好氣架!(我個囡就黎2歲):cry:

私人傳訊

paltiBB

積分: 8663

19^#

發表於 07-8-8 14:56 |只看該作者

total agreed. 有時旁人見個b哭哭啼啼, 你唔多理會個b, 以為個忍心父母, 係到指指點點, 有時我都唔理會他們, 堅持已見, 不能因小朋友在公眾地方無理取閙, 而就範

原文章由 雲妮彭 於 07-8-8 13:20 發表
係呢,你地係邊度學教仔女既方法架?睇書定上bk呀?
我兩樣都有d啦,不過仍然覺得自己唔識教.
有時,好難做到......堅持到甘上下,bb仲係扭,我最後都放棄,俾佢扭成功!:cry:

例如係街度要抱抱甘,我話唔抱,佢就係 ...

[img] http://tac.families.com/ezb/932337.png[img]
[img] http://tac.families.com/ezb/932338.png[img]
教養孩童, 使他走當行的道, 就是到老他也不偏離.

私人傳訊

See