夫婦情感

收藏本版
發帖
返回列表
跳至頁

首頁
12

尾頁
   0
raval


複式洋房

積分: 120


1#
發表於 07-9-10 15:25 |只看該作者
首先, 未入正題時, 我想講當兩個人嬲緊既時候, 尤其已經發緊脾氣兩日以上, 呢幾日”睇唔過眼”既野好多時都會積積埋埋…已經唔再關第一次發生”嬲”呢個情況事….唔知有無人會認同呢??

事情會好長篇, 但唔打晒所有野唔知事情係點….希望你地會睇晒啦…

入正題喇…星期六晚係C6阿媽度食完飯, 等lift 時佢仲糖黐豆咁黐埋黎, 果陣我覺得lift口好焗…
就講 : “e度好焗呀…”
佢聽到就話 : “唔係嘛? 焗? 打開左個窗架喇?仲焗?我地果度無窗咪仲焗!!”
我 : “我覺得真係好焗呀, 都無風, 出面又對住d廚房”
當時有lift, 佢就話 : “無風都唔會焗啦!”
…..其實感覺焗係我, 點解d人仲咁好氣質疑我呢?......
入到lift 我就話 : “打開晒窗又點? 出面對住d廚房架, 吹入黎果d又咪係人地係廚房抽出黎果d風, 又熱又剩!”
…..當時有人入lift,但部lift好唔生性咁自動開左兩次,佢就發抆憎問部lift : ”玩夠未呀!”咁…..
到佢關左lift門好蔑視咁笑住話 : “頭先你又話焗~~(係拉長左個”焗”字)!?咁你係熱定焗呀?”
我咪話 : “我覺得熱咪熱焗咪焗囉, 有咩分別啫, 吹入黎咪熱囉, 無風吹返走d熱氣咪變左焗住係度囉!”
之後一開lift門, 佢就自己行左去…出到去我見到地下濕晒, 好隨意咁問 : “E…頭先落雨黎咩?”
佢無答我, 只係係度將我講”落雨”呢兩個字哼成歌咁唱…冇理佢, 之後再問佢一個屋企人問題, 佢亦冇答…我咪話 : “問乜都唔答, 十問九唔應咁!”
我咪自己一個行去停車場囉, 上到車我都已經冇出聲, 我自己打機, 佢繼續揸佢既車, 到出閘果陣佢問我有冇廿蚊, 我就話 : “哇…終於同我講野啦?”
佢都係冇出聲…算….返到屋企停車場, 我咪自己一個快手快腳行返屋企囉, 都唔知得罪人地d乜野, 一來費事惹親人, 二來如果我問佢做乜,佢又唔應或者話冇野, 可能發火果個係我!!!
成晚睇電視都冇乜兩句, 咪講下電視咁囉, 到佢想搭住我果陣, 我就問 : ”仲乜痴埋黎?” 之後佢都冇, 我咪唔理佢囉!!

[ 本文章最後由 raval 於 07-9-10 15:29 編輯 ]
私人傳訊

raval


複式洋房

積分: 120


2#
發表於 07-9-10 15:27 |只看該作者
到左星期日, 佢起左身先, 到我出廳佢同我say hi, 我都有答, 大家亦好似冇晒問題, 一路睇電視一路都有講有笑, 到左下晝, 有護衛上黎話我地部冷氣機漏水, 部冷氣機6月裝, 所有d保養証亦係佢keep, 點知佢自已唔知收埋晒係邊, 我問佢係咪掉左, 佢就話冇, 我咪自己上網搵之前買果間公司既電話, 問人地可以點做, 好彩間公司幫我地搵間廠, 叫我地留電話同約埋時間, 我問佢想約幾時, (其實佢開始有d唔多耐煩咁…) 佢話 : “你問左人地幾時得先啦” 我話 : “人地問我地下晝想幾點呀!” 佢話 : “咁佢地幾點得呀! 咪一點至兩點囉!”, 於是我就同電話裡既人講一點至兩點, 果個人又話冇咁早, 要兩至四點, 點知佢聽到即刻話 : “都話問左佢地先架啦!”...冇理佢, 收左線先問我打去邊度, 我話 “ “咪係買冷氣果度囉, 都唔見左d野咯, 唔搵返買果間野點叫廠上黎睇呀!” 之後大家都冇再講野, 我亦唔知自己又做錯d乜, 佢成日無啦啦發脾氣, 一係無啦啦黐埋黎, 到左四點幾我地出街做gym, 佢有佢行, 我有我行, 係停車場已經問佢係咪唔舒服所以行得咁慢, 佢又話唔係!!
私人傳訊

raval


複式洋房

積分: 120


3#
發表於 07-9-10 15:28 |只看該作者
之後佢慢到同我差成條街, 我咪打電話問佢做乜行咁慢囉, 佢無啦啦一句”得”埋黎話 : “咁點呀~~”….我直頭火都黎埋, 咪同佢講 : “我想join yoga, 我自己上去先喇” 佢話 : “好~~~~” 點知我搭錯lift, 返到地下見到佢喇, 已經冇再講野, 之後我join yoga 佢冇跟住, 佢有佢玩, 我有我玩咁….平時唔係咁的, 佢好鍾意乜都黐埋一齊玩咁架! 之後佢去沖涼, 咁我當時都未做完, 咪叫佢自己走先囉! 後尾佢坐係lobby 一路講電話一路等我, 我係完全冇理佢, 自己一個走左, 佢打電話黎問我 : “使唔使車埋你返去” 我話 : “乜我地有一齊出過黎咩? 行又唔係一齊行, gym又唔係一齊玩”, 佢話 : “即係唔使啦係嘛?” 我話 : “係呀! 我自己搭車得架喇!” 之後我條氣好唔順, 我一直係度諗我做錯左d乜野, 於是打返電話去問佢 : “你話你冇野我真係唔信, 冇野使唔使行得咁慢呀? 我又得罪你d乜野呀?” 佢話 :”我行得慢需唔需要你過問呢?” 聽到e度我已經好火, 亦冇再過問佢d 野, 仲同佢講對唔住, 打攪晒添………….之後亦send 左d sms 同佢講我有問題, 係我精神過敏, 叫佢應該搵一個可以過問佢d野既人相處….
私人傳訊

raval


複式洋房

積分: 120


4#
發表於 07-9-10 15:28 |只看該作者
我唔知佢幾時返到屋企先, 總之我仲係超市行…到九點幾(玩完gym兩個幾鐘後) 佢send sms 問我 : “你係邊呀? 快返d黎啦!” 之後又打電話俾我, 問我係邊, 我咪答佢係街囉…佢之後問我嬲完未! 哈………我嬲先架咩? 乜唔係佢咩? 乜瘋人講瘋語!!!我話 : “成日話冇嬲冇野, 咁點解無啦啦行得咁慢做乜呀?! 佢就話 : “我好累好眼訓呀…係你自己一支箭咁行得快咋喎!!” 唉……….我真係冇野好講……….成晚都冇同佢講過野………


佢一句 ”需唔需要你過問呢” 真係入晒心…到今日佢竟然問我嬲完未!!!!仲話我星期六晚既野嬲到依家……….唉……仲好話我 : “都係因為我冇應你同行得慢啫, 唔使發咁耐脾氣丫..你自己都行得好快啦, 咁你夠唔認發緊嬲啦..”….唉…………………..都唔知係我癲狗咬錯人..…..我真係唔知………

私人傳訊

juicypig


珍珠宮

積分: 30278

環保接龍勳章 hashtag影視迷勳章


5#
發表於 07-9-10 15:46 |只看該作者
鬥下氣啫:loveliness: 好小朋友小學生feel呀 你地好細個架jar
一個人之所以快樂,不是因為她擁有得多, 而是因為她計較得少
私人傳訊

NGB


複式洋房

積分: 345


6#
發表於 07-9-10 15:52 |只看該作者
我都覺得好似小情侶咁
私人傳訊

raval


複式洋房

積分: 120


7#
發表於 07-9-10 16:02 |只看該作者
唉...我地都唔細架啦...成日都係咁...佢有唔開心不滿只會唔出聲同黑面, 我就唔係既..有乜唔like都會講, 咪成日去到我火勢好猛烈時佢先講我之前講左果d 原因咁囉!! 好頂佢唔順丫~~~~~ 好似今次咁簡單一件事, 都唔知係我有問題定佢有問題......我成日覺得佢屋企人太遷就佢, 因為佢係最細果個, 而我係屋企都叫做排中間果d...因為對下仲有...所以大家性格上都好大分別...
私人傳訊

NGB


複式洋房

積分: 345


8#
發表於 07-9-10 16:13 |只看該作者
原文章由 raval 於 07-9-10 16:02 發表
唉...我地都唔細架啦...成日都係咁...佢有唔開心不滿只會唔出聲同黑面, 我就唔係既..有乜唔like都會講, 咪成日去到我火勢好猛烈時佢先講我之前講左果d 原因咁囉!! 好頂佢唔順丫~~~~~ 好似今次咁簡單一件事, 都唔知係 ...



如果咁計, 我同我老公仲慘, 老公三兄弟中排最大；我三姊妹中排最細
私人傳訊

笑嘻嘻


男爵府

積分: 5393

好媽媽勳章


9#
發表於 07-9-10 16:33 |只看該作者
”需唔需要你過問呢”<~~~這句野比我聽到都好難受！
私人傳訊

raval


複式洋房

積分: 120


10#
發表於 07-9-10 18:34 |只看該作者
原文章由 笑嘻嘻 於 07-9-10 16:33 發表
”需唔需要你過問呢”



我都覺得好難受......之後佢解釋話只係講行得慢e個point咋喎...但本身個問題係因為佢嬲我先行得慢啫...我唔問又點知佢係咪嬲緊呢? 亦嬲d乜呢? 咁係咪有需要過問呀???????? 無情情拖到咁慢做乜丫..佢自己又唔知自己一向喜怒迎於色喎!成日死口話唔係有野冇發緊嬲!!正pk黎架...佢以後咪旨意我問關於佢既野呀!! 好彩一向佢問我野多d啫...
私人傳訊

fatlok


大宅

積分: 1188


11#
發表於 07-9-10 20:36 |只看該作者
原文章由 raval 於 07-9-10 18:34 發表



我都覺得好難受......之後佢解釋話只係講行得慢e個point咋喎...但本身個問題係因為佢嬲我先行得慢啫...我唔問又點知佢係咪嬲緊呢? 亦嬲d乜呢? 咁係咪有需要過問呀???????? 無情情拖到咁慢做乜丫..佢自己又唔知自 ...



而家講o左出o黎咪舒服晒囉
私人傳訊

小寶貝兒


珍珠宮

積分: 30295


12#
發表於 07-9-10 21:03 |只看該作者
哈~~ 真係好小朋友呀~~
不過我有時都會架~~

男人係咁架啦, 咩都收埋收埋, 好似佢唔講我地就唔會FEEL到佢嬲緊咁!!!

我既處理方法係, 好心情時就打爛沙盆問到篤, 即使明知問左之後佢有可能發晒脾氣咁鬧我, 但總好過2個人不聞不問咁!
如果我唔好心情, 我自己都火火地既話, 我會唔理佢, 自己柄埋打機又好, 上網又好, 睇書又好, 總之搵樣野可以轉移下注意力, 再唔得就玩掉野, 整到砰砰聲, 咁樣心情就會好過D架啦~~

之後想搞清件事既, 咪冷靜D同佢傾囉, 唔想再提起, 費事又搞到家嘈屋閉既, 咪唔再開聲講呢件事, 同以後小心D唔好再提類似既話題囉~~~

不過平時我都會串下佢, 又或教育下佢, 等佢知道唔係有道理就岩晒既, 而家唔係對錯既問題, 係佢既做法令到佢老婆我好唔開心, 久而久之佢就會好D架啦~~

冇法啦, D大少係咁架啦!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

carbeing


複式洋房

積分: 412


13#
發表於 07-9-10 21:48 |只看該作者
我就覺得有好多位可以搞gag ...
你老公有d女仔發脾氣的feel ... 好搞鬼 .....
有時佢發脾氣 ... 應該是想人哄 ... 又唔好意思大大個男人嗲嗲吓...
有時不要太在意他是否發脾氣 .... 用輕鬆口吻跟他說話 ... 他會唔好意思的 ....
私人傳訊

ywpw


男爵府

積分: 6545

好媽媽勳章


14#
發表於 07-9-11 01:06 |只看該作者
不如試下老公發脾氣時唔理佢, 等佢癲完自然會so番你, 心情唔好時問得太多會唔耐煩, 反而有反效果, 硬碰硬咪實嘈囉, 好小事0者.
私人傳訊

盲妹


別墅

積分: 671


15#
發表於 07-9-11 10:20 |只看該作者
係咪真係好細個？其實根本唔係咩事，兩公婆係要將大事化小，而你地就好似。。。將小事化大窩~ 算啦~ 退一步海闊天空啊~:)
私人傳訊

onon1022


子爵府

積分: 12600

好媽媽勳章


16#
發表於 07-9-11 17:55 |只看該作者
其實佢嬲時你又氹佢...佢唔應你...到你嬲時佢氹你...你又唔應佢...佢行得慢以為你嬲佢...你行得快...又以為佢嬲你...大家係到鬥氣...



[url=http://lilypie.com][img]
私人傳訊

eyan


男爵府

積分: 6987

畀面勳章


17#
發表於 07-9-13 11:40 |只看該作者
原文章由 盲妹 於 07-9-11 10:20 發表
係咪真係好細個？其實根本唔係咩事，兩公婆係要將大事化小，而你地就好似。。。將小事化大窩~ 算啦~ 退一步海闊天空啊~:)


同意,你腰我一句,我又腰番你一句,腰腰下就大家都吾再講野,跟住就可以BYEBYE.
私人傳訊

ringoivy


翡翠宮

積分: 76971


18#
發表於 07-9-13 12:06 |只看該作者
小事一樁 好似個d情豆初開小情人咁鬥氣 你個男朋友無特別都係一般男人會有既問題啫
私人傳訊

傻媽媽2007


複式洋房

積分: 386


19#
發表於 07-9-13 18:17 |只看該作者
你兩個好攪笑呀~~~~

你個句" 打攪晒' 都唔慌好語氣得好邊啦, 系咪?

同啲男人唔好講導理, 因為佢系你面前無導理 = 無面... 明明系佢唔見咗既嘢, 你重要幫佢攪掂, 重再三提佢系佢錯, 佢心情梗系唔好啦...

你太強啦, 咁樣好蝕底.... 點解啲男人鐘意搵二奶, 好多時系因為系老婆身上搵唔到既嘢, 可以系2奶身上搵到...

而且你好鐘意要佢認唔岩..... 兩公婆, 真系要忍讓, 無話邊個岩, 邊個唔岩....

唔好諗住改變一個人..... 自己要求少啲, 咁你就會睇到佢既優點架啦.....
私人傳訊

raval


複式洋房

積分: 120


20#
發表於 07-9-13 22:37 |只看該作者
傻媽媽2007講得岩..我ex-bf都話我感覺太強咁...e個問題都有少少令我同佢當時分手...

不過好多謝你地各位mami呀, 我同c6冇事喇, 點解冇事係因為我病左, 睇完醫生主動打俾佢同講醫生話要醫好耐, 同埋咁岩佢有個朋友同未婚妻想分開搵佢傾, 可能我地開解人時亦開解埋自己啦...之後就冇事亦冇再提lu...

by the way..我想係e度同一個叫 "williamhui"既人講, 請你唔好騷擾我, 我亦唔需要同你傾計, 請你唔好再pm 我留你既email, 我睇過你係bk留既野, 什麼口爆g點, 不知所謂, e度唔係咸網, 唔需要識你e d咸濕佬!!!!!! 想搵人ons 或者想搵怨婦行遠d!!!!!


原文章由 傻媽媽2007 於 07-9-13 18:17 發表
你兩個好攪笑呀~~~~

你個句" 打攪晒' 都唔慌好語氣得好邊啦, 系咪?

同啲男人唔好講導理, 因為佢系你面前無導理 = 無面... 明明系佢唔見咗既嘢, 你重要幫佢攪掂, 重再三提佢系佢錯, 佢心情梗系唔好啦...

你太強 ...
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy