吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 如果k3老師咁樣, 你會點呀?

自由講場今日: 2217|主題: 1355200

收藏本版

發帖

返回列表

跳至頁

查看: 2097 | 回覆: 17

如果k3老師咁樣, 你會點呀? [複製鏈接]

咕b

伯爵府

積分: 16040

好媽媽勳章畀面勳章

1^#

發表於 07-8-21 17:27 |只看該作者 |倒序瀏覽 |打印

平時我細仔係搭校車, 但因為大仔仲未返學, 仲要返暑期班, 兩個時間差唔多, 咁我就湊埋細仔放學啦, 去到學校, 校務處叫咗細仔放學之後, 細佬班嘅助教老師就追出嚟同我講話班主任搵我, 咁我都覺得奇, 入到班房, 班主任一輪咀係咁數數數.....話細佬今日曳, 但嚟嚟去去都係同一件事, 我完全冇機會講嘢, 班主任講得都幾難聽, 我只係記得d比較深刻印象, 亦係令我最嬲嗰幾句, 因為佢講得太多嘢...大約對話係...

老師 :"我唔知佢今日發生咩事, 唔知點解佢咁做, 我問咗佢好多次佢都唔答我, 你知啦, 比其他家長嚟投訴就唔好啦, 我好麻煩架嘛.......(下刪幾百字)

我 :"咁係, 我都明, 如果有家長投訴老師係好難做嘅, 不過我都唔知點解阿仔今日會咁, 我返去會同佢傾吓計, 問吓佢咩事"

老師 :"我唔係怕家長投訴.....不過呢d嘢做家長嘅係要教囉 (講到好似我唔教仔咁)

我 :"阿仔平時唔會咁架, 所以今次我都好諤然, 平時佢冇呢d行為, 不過以前k1同k2嘅老師如果見佢曳, 都會要佢先坐埋一邊冷靜吓之後要同佢傾吓計, 我自己都有咁做....(我比老師打斷)

老師好激動 :"我唔知人哋點教, 不過我覺得咁教唔啱囉, 唔應該咁教佢哋" (校車阿姨入班房叫搭車嘅學生出去排隊數人頭打斷咗老師)

老師係我面前好大聲加指手劃腳 :" 搭校車嘅全部同我出去排隊"
我都嚇一嚇....
跟住老師再話 :"做家長嘅係要教吓小朋友囉, 佢咁樣唔得架, 可能對方都有啱嘅, 不過算啦, 我下次唔會話係佢錯哂" (咁即係你今次唔理因由都會話係我個仔錯哂)

校車阿姨再入嚟話仲有一個學生未出去排隊

老師再一次好大聲好惡指手劃腳 :"阿xxx, 你做咩唔出去排隊呀, 又係你呀, 次次都係你, 你仲係度玩咩呀, 出去排隊啦"
我 O 咀, 當時我, 助教老師, 校車阿姨都在場....佢用咁嘅態度, 仲要比家長睇會唔會有D.......

返到屋企我再問阿仔發生咩事, 阿仔話個同學"聊"佢玩, 教佢玩噴口水同埋叫阿仔玩潑水...點知阿仔又真係跟住做....整濕少少同學件衫同功課簿, 之後再問阿仔班主任同佢講咩, 有冇鬧佢或者罰佢, 點知阿仔話, 班主任冇同佢講過嘢, 只係班主任同助教老師講嘢, 但阿仔話佢哋講得好快聽唔到佢哋講咩, 跟住助教老師就同阿仔傾計, 叫阿仔以後唔好再咁做....咁個班主任又話佢問過阿仔...原來佢冇做過...

我知阿仔係有做錯, 唔係好抵幫...但呢個老師比我覺得好似有D問題囉, 我感覺佢好似冇咩耐性同愛心, 定係我感敏呢?

呢兩年阿仔返學都好乖, 上年搬屋先轉入嚟呢間學校, 上年個個老師都好錫阿仔, 個個老師(有教 / 冇教)都話阿仔好乖, 係有時唔開心時會有少少曳, 但老師話佢都好聽話, 上年個班主任都知我好緊張阿仔, 好多時都會同我電話聯絡, 傾吓阿仔有冇咩要改善, 阿仔品行攞A, 兩個期都有攞獎...連校長都試過係家長日時拉我去傾計, 話對阿仔印象好深, 話佢好乖, 好有禮貌.....

點解今日會咁架....好心痛阿仔呀, 好似阿仔好不明不白咁白白比人鬧人餐....仲要好似比人鬧到冇家教咁

究竟係我感敏定係真係有問題呢? 如果係你又會點做呀??

0 0 0

私人傳訊

rubytang

子爵府

積分: 12706

2^#

發表於 07-8-21 17:44 |只看該作者

咕B,
你細仔個班主任有無講佢想點丫~
我就咁聽佢講, 我個人覺得:
佢好似要你返去, 打個仔一餐咁先至叫做"教" 喎~
D班主任咁激既, 雖然你仔係唔o岩,
但我個人覺得佢係噴口水同整濕野, 係曳曳, 係唔o岩~
係要返去教, 但未至於咁嚴重要出到用打卦~

我重以為佢話你個仔推人落樓 or 打交添~
唔係話呢d小事就唔應該罰,
但係, 洗唔洗咁激動呢~
佢似乎好似亞萬梓良咁有d燥狂症咁款喎~

我聽到你咁講,
我依家又有d擔心, 亞仔9月開學新既班主任會係點既人添~

私人傳訊

咕b

伯爵府

積分: 16040

好媽媽勳章畀面勳章

3^#

發表於 07-8-21 18:18 |只看該作者

佢又冇講喎....
我怕阿仔日後比佢針對.....

原文章由 rubytang 於 21/8/07 17:44 發表
咕B,
你細仔個班主任有無講佢想點丫~
我就咁聽佢講, 我個人覺得:
佢好似要你返去, 打個仔一餐咁先至叫做"教" 喎~
D班主任咁激既, 雖然你仔係唔o岩,
但我個人覺得佢係噴口水同整濕野, 係曳曳, 係唔o岩~
係 ...

私人傳訊

大宅

積分: 1020

4^#

發表於 07-8-21 19:00 |只看該作者

坦白講, 如果老師有心&分析得到POINT, 我會接受,but你仔個班主任好似投訴多D&咁激動!我估係我既話, 我會black face & 回答佢:我知點做, 跟住走人:mrgreen:

私人傳訊

小manman

翡翠宮

積分: 86109

5^#

發表於 07-8-21 19:55 |只看該作者

原文章由咕b 於 07-8-21 17:27 發表
平時我細仔係搭校車, 但因為大仔仲未返學, 仲要返暑期班, 兩個時間差唔多, 咁我就湊埋細仔放學啦, 去到學校, 校務處叫咗細仔放學之後, 細佬班嘅助教老師就追出嚟同我講話班主任搵我, 咁我都覺 ...

點解你細仔個班主任講野咁得意既,聽完佢講左一大輪野,但好似完全無point咁,都唔知佢點做人老師~~~
做幼稚園老師首要條件就係要有耐性同埋愛心,但我覺得佢兩樣都無,而且,通常我同家長溝通都會帶一個訊息比佢地,就係我主要唔係要投訴佢個小朋友,我只係想比家長知道佢個小朋友係學校的表現同情況,我會講返件事係點,佢個小朋友的表現係點,而我又點處理,同埋我會叫個家長唔好鬧佢,因為係學校我已經話左佢,佢都已經知錯,我唔想小朋友為左同一件事比人鬧兩次~~~
通常我都會好似你個細仔以前的班主任的處理方法咁,首先我會問清楚件事的來龍去脈,比一個機會小朋友解釋,我唔想冤枉左小朋友,如果真係佢做錯,我會請佢冷靜一下,然後再同佢傾,我會比小朋友知道我唔鍾意佢地做錯事,我會好唔開心同埋會好嬲,同埋最重要係要比小朋友知道佢有乜野唔啱,如果唔解釋清楚,有d小朋友就算講左對唔住,但其實佢都唔知自己錯乜,有d會用好唔服氣的態度講對唔住,我希望小朋友係真心知錯,同埋要佢地個心服我,而唔係把口服我~~~

私人傳訊

misslo

侯爵府

積分: 20121

畀面勳章

6^#

發表於 07-8-21 19:58 |只看該作者

我自己本身都係幼稚園老師, 我唔會咁對家長囉............. 做老師講說話一定要圓滑............. 哩啲係我哋做老師應有既技巧........ 亦係應有既態度!!!!

如果明亮的光線使你雙眼再也看不見
我的愛能把你帶回家

私人傳訊

joannalsm

複式洋房

積分: 484

7^#

發表於 07-8-21 20:02 |只看該作者

直接搵校長傾．同校長講埋,投訢左日後會否針對亞仔.

我覺得果班主任有些神經質.?-( ?-(

私人傳訊

Charlotte_mom

王國長老

積分: 225399

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

8^#

發表於 07-8-21 20:07 |只看該作者

k3小朋友, 雖然曳係唔arm, 不過下下都咁理智就唔係小朋友啦!

點解老師唔即場處理, 就係放學就係咁同家長投訴?!
而且老師o係家長面前鬧學生, 真係有d.......

原文章由 misslo 於 07-8-21 07:58 PM 發表
我自己本身都係幼稚園老師, 我唔會咁對家長囉............. 做老師講說話一定要圓滑............. 哩啲係我哋做老師應有既技巧........ 亦係應有既態度!!!!

私人傳訊

abu_cheung

子爵府

積分: 12839

9^#

發表於 07-8-23 03:23 |只看該作者

原文章由 misslo 於 07-8-21 19:58 發表
我自己本身都係幼稚園老師, 我唔會咁對家長囉............. 做老師講說話一定要圓滑............. 哩啲係我哋做老師應有既技巧........ 亦係應有既態度!!!!

個個老師好似你o甘...我地D家長就唔使o甘煩啦..........揀得呢間幼稚園就係覺得呢間學校好先報讀....點知突然殺出個o甘既老師.......我地做家長既唔擔心就假啦!!!

私人傳訊

咕b

伯爵府

積分: 16040

好媽媽勳章畀面勳章

10^#

發表於 07-8-23 07:12 |只看該作者

絕對同意.......
我而家就係咁, 好驚阿仔比嗰個老師有事冇事都捉嚟鬧....

原文章由 abu_cheung 於 23/8/07 03:23 發表

個個老師好似你o甘...我地D家長就唔使o甘煩啦..........揀得呢間幼稚園就係覺得呢間學校好先報讀....點知突然殺出個o甘既老師.......我地做家長既唔擔心就假啦!!!

私人傳訊

已刪除用戶

已刪除用户

積分: 27873

11^#

發表於 07-8-23 07:54 |只看該作者

提示: 作者被禁止或刪除內容自動屏蔽

私人傳訊

大眼肥妹

禁止訪問

積分: 8013

12^#

發表於 07-8-23 09:17 |只看該作者

提示: 作者被禁止或刪除內容自動屏蔽

私人傳訊

eva1320

男爵府

積分: 7478

13^#

發表於 07-8-23 10:13 |只看該作者

......你唔係敏感呀, 個老師真係?-(?-(

我仲以為你個仔打人or打交tim, 我都覺得個老師可能有燥x

不如你再問清楚佢, 咩意思, 想你點, 你話我返到屋企諗左好耐都唔係好明喎, SEE下佢點返應, 一樣咁激就着呢個機會同校長講, 唔係好明個老師的意思, 同校長講同佢溝通, see下可唔可以轉班.....仲有佢對小朋友好無禮貌呀, 咁小朋友學佢咁點呢, 同校長講埋

好彩我個仔的老師同校長都好好好好好好好好好好

私人傳訊

咕b

伯爵府

積分: 16040

好媽媽勳章畀面勳章

14^#

發表於 07-8-23 13:51 |只看該作者

其實我都有諗過同阿仔轉班, 但又怕轉班之後個新老師同呢個老師萬一係老死, 咁阿仔又係會比人針對, 唔轉班又怕呢個老師痴起上嚟唔知會點, 又怕阿仔張成績表比佢寫得唔好睇, 你哋知啦, 阿仔k3喇, 遲吓要派小學, 如果阿仔好彩係第一輪就派到好學校就話唔驚姐, 但萬一唔好彩, 可能要去拍門架嘛, 咁成績表比人寫花就好麻煩架喇....
我都同我老公同埋我爸傾過, 初初我老公都好嬲...話要即刻打去學校搵校長, 但我爸就叫我哋冷靜, 睇定d先, 叫我多d去接阿仔放學, 再留意吓個老師, 話有咩唔對路就用手機影低, 有哂証據就去同校長講, 我爸話唔知呢個老師做咗幾耐, 佢話如果人哋做得耐而又一向都冇投訴, 咁我哋就咁去講又好似唔夠說服力.....而家唯有望呢個老師唔係痴架啦...
唉...總之就好擔心, 呢幾日都係咁問阿仔返學點, 唯有叫佢記住一定要乖, 但阿仔就成日都話老師好惡, 講嘢好粗魯又大聲, 話好多同學仔都唔敢出聲...

原文章由 eva1320 於 23/8/07 10:13 發表
......你唔係敏感呀, 個老師真係?-(?-(

我仲以為你個仔打人or打交tim, 我都覺得個老師可能有燥x

不如你再問清楚佢, 咩意思, 想你點, 你話我返到屋企諗左好耐都唔係好明喎, SEE下佢點返應, 一樣咁激就&# ...

私人傳訊

eva1320

男爵府

積分: 7478

15^#

發表於 07-8-23 14:13 |只看該作者

丫, 講件事比你知,

我個仔都試過放學返黎同我講: 媽咪, 我今日返學明明有帶耳仔, 但係x老師話我唔見左隻耳仔喎!

跟住我問清楚佢啦, 其實都諗到咩事

我諗左一陣就打電話比果個老師, 我咁同佢講: 唔好意思呀, x老師, 頭先卓卓返黎同我講話佢今日明明有帶耳仔返學, 但係老師話佢無帶喎, 我想問下佢係咪唔聽話呀?

跟住個老師就話比我知, 原來個仔唔留心, 我話:係呀, 不過佢唔明你個意思呀, 因為我同佢講野好直接嫁, 我諗佢真係唔明呀

個老師就講: 咁好丫, 我會留意返呢樣野, ...........唔該哂!

之後其實我都覺得佢對我個仔係無咁熱情(對比其他小朋友), 不過好5就無咩law, 之後有咩我都會真接同老師講, 唔會放係心