論盡家傭

跳至

首頁
1

尾頁
   0


複式洋房

積分: 359


1#
發表於 14-4-4 10:56 |只看該作者
我之前經朋友介紹去"得如"請姐姐, 第一個...嚟到, 我要幫佢每月人工扣$3000入比一間AGENT到, 個工人喊苦喊忽求我唔好入去嗰間AGENT, 又話自己無借咁多錢, 話"得如"呃佢.

我第一次請工人, 心唸....都係信"得如". 後來個工人又去菲領事館投訴...又日日求我...我打去問返"得如", 我問點解要我幫佢還, 仲要扣成6個月咁多, 咁佢每個月得幾百蚊喎?! 同埋佢而家影響到我, 日日求我...我覺得好煩. "得如"覆我 「D工人實講到無借咁多, 好似比人呃咁MA, 好多都係咁GA LA, 佢想博你同情啫」

我再問: 咁其實我請佢係要比$3970佢, 咁不如我比返佢, 佢自己還返比你地啦, 因為都唔係我問題, 點解要我幫佢做呢個動作呢?

"得如"竟然覆我 「咁...你其實覺得做得好, 咁你咪照出返全數比佢, 等佢自己還」....= =" 我覺好古怪. 由於頭一個搞到我好煩, 又STUPID, 後來我炒咗轉個新.

新菲傭今次又係咁, 又係話無借咁多, 話"得如"食佢3個月$3000...呢個又係咁講, 又係求我唔好過錢入嗰張咭到...今次呢個表現幾好, 我都無理"得如"直接出糧比返個工人算.

後來, "得如"叫我叫個工人去拎ID CARD, 又話拎ID CARD要比10%人工佢地做手續費?! 個工人又問我點解, 又話入職無講, .... 勁煩!! 我問返"得如"點解又要收錢...你地請人時點解唔LIST DOWN所費, 點解2次工人都咁講你地. 一個我都唔係好信, 家下2個都係咁...

後來我識個朋友又係經"得如"請人, 佢又係同我CASE一樣....而且呢間嘢D答案係勁海鮮, 一時一樣...而且講嘢好神秘, 我覺得呢間嘢都係有D古惑.

總之呢間公司我個人覺得好多古惑, 手法唔係咁好. 媽媽們要小心!!


子爵府

積分: 13913

BK猜猜猜慶中秋 BK Milk勳章


2#
發表於 14-4-4 11:19 |只看該作者
其實你唔應該扣起工人既人工傢. 佢要還錢係佢既事. 你照出$4010比佢, 之後既事, 你唔好理


複式洋房

積分: 359


3#
發表於 14-4-4 11:25 |只看該作者
回覆 8仔 的帖子

我後來先咁做....因我都有問"得如", 佢地講到好誇張...又話你唔幫佢還, 佢地唔還會煩到你, 可能會打去你屋企或者寄信等等....咁我當時第一次請工人, 咁唯有信"得如"講....所以我而家咪分享比大家知


別墅

積分: 662


4#
發表於 14-4-4 11:28 |只看該作者
第一, 工人實講到無借咁多, 好似比人呃<工人實係咁講 , 跟住下下走去領事館投訴.

第二, 工人黎香港做野, 會先係當地借錢1萬8千左右 , 黎香港打工頭6個月係要還番錢俾果邊AGENT .

第三, 其實AGENT扣起錢仲安全 , 佢地(工人)唔會準時還錢的 , 仲會係香港再借錢 ,越借越多 .

你朋友介紹AGENT你都唔信 ? 你去D細中介你仲驚 , 大行有牌唔會亂來的 .


男爵府

積分: 6137


5#
發表於 14-4-4 12:08 |只看該作者

引用:第一,+工人實講到無借咁多,+好似比人呃

原帖由 SuperD 於 14-04-04 發表
第一, 工人實講到無借咁多, 好似比人呃
係咪菲同印都係借大约萬八蚊,先來到香港


複式洋房

積分: 359


6#
發表於 14-4-4 13:05 |只看該作者
唔一定架, 我第一個工人扣6個月, 第二個只係扣3個月, 佢個同紳扣1個月...我覺得好怪. 我問佢地係咪佢地嚟到有借錢, 佢地又無答我...只係話: 佢地咁大個點會唔知自己簽咗咩呀....

咁我問...咁即係點, 佢係咁煩我, 我問返你地(AGENT)又無答我.


複式洋房

積分: 359


7#
發表於 14-4-4 14:27 |只看該作者
Waib 發表於 14-4-4 12:08
係咪菲同印都係借大约萬八蚊,先來到香港

應該唔係囉, 借錢無固定....菲同印都唔同


首頁
1

尾頁

跳至
Presslogic Logo
Baby Kingdom Logo