論盡家傭

收藏本版
發帖
返回列表
跳至頁

首頁
1

尾頁
   0
JessBB


大宅

積分: 1003


1#
發表於 07-8-30 17:06 |只看該作者
本應我都想請賓賓, 因為賓賓同我奶奶溝通唔到, 我奶奶好死煩 , 所以諗住可以阻止佢"阿之阿draw"同埋可以比BB有個講開ENG的環境, 但係我係請海外的賓賓, 好驚佢嚟到又要教會激死, 但本地嗰D又怕佢估或, 其實我家姐想轉個賓賓, 佢話唔要個印印, 但佢個印印好OK, 因為煮嘢食好食, 而且我家姐兩個BB都係佢湊, 好有照顧初生BB經驗, 唯一就係佢湊兩件就兼顧唔到家務, 但為人都算老實, 所以我都想請佢, 但係如果我請佢, 我奶奶咪可以煩死我同個工人囉!!! 我老公話如果請咗個工人, 我奶奶就會上嚟我度多D, 但係依家都上嚟好多(佢有KEY, 成日失驚無神自己鐘上嚟, 仲唔會話聲你聽, 上嚟為的是特激檢查, 好討厭 ), 如果再多D我會癲o架! 我好憎我奶奶, 所以唔想見到佢, 但如果佢可以同個工人溝通到, 佢真係會日日上嚟, 到時我死硬 , 我為咗呢件事已經兩晚失眠, 好煩惱呀!!! 賓賓定印印呀? 你哋有咩意見呀!!! 可唔可以幫下我? thanks

賓好=1.同唔到奶奶溝通
2. 可以令阿B有個講英文的環境
唔好=1. 隔山買牛要博下自己好唔好彩, 可能揾到件衰嘢就要嘥 錢炒佢再揾過

家姐個印好= 1. 煮嘢好好食
2. 好有照顧初生BB經驗, 對我家姐兩個女都好好
3. 老實又做嘢都OK
4. 暫時無收過佢喺出面借錢的記錄
唔好=1.佢好有自尊有時我家姐教佢, 佢都會覺得自己嗰套啱多D
2.佢唔識英文
3. 可以同我奶奶溝通 (我怕我奶奶成日上嚟, 又比D好處個 工人, 咁工人同奶奶夾埋我咪死得? 我好唔鐘意我奶奶唔問下人就自己上嚟, 好無禮貌!!! )

私人傳訊

lormy


禁止訪問

積分: 8007


2#
發表於 07-8-30 17:48 |只看該作者
提示: 作者被禁止或刪除 內容自動屏蔽
私人傳訊

JessBB


大宅

積分: 1003


3#
發表於 07-8-30 18:08 |只看該作者
原文章由 lormy 於 07-8-30 17:48 發表


我朋友請左個賓賓俾佢媽咪, 係有人用過覺得好所以介紹俾佢, 最初都好擔心賓賓同佢媽咪溝通唔到, 但而家過左一段時間, 佢地相處一樣無問題 (依然係雞同鴨講, 係身體語言手勢搭夠, 賓賓醒目又明白), 如果你請著個衰 ...


我唔洗我奶奶幫手喎!!! 我都有阿媽, 我奶奶咩都唔識, 我奶奶D性格就係一個典型大陸人, 淨係識晒命同認威, 成日講理D唔咸唔淡的廣東話, 講鄉下話佢就最叻, 咁佢上嚟咁多, 第時我阿B就會比佢寵壞, 又學埋D死人鄉下話, D性格一定好衰, 佢D仔女性格都好惡頂(得一個妹比較好, 唔計較, 因為性格同佢哋有唔同, 所以佢哋無咁錫呢個女), 又自私又自大, 睇錢又緊張, 但又鐘意威, 咩都唔蝕底, 最基本的禮貌同愛心都無, 所以從來唔會做善事, 咁點頂呀!! 我唔想我阿B學咗佢哋咁呀!!!! 我老公以前都係咁惡頂, 我同佢一齊後, 就不停同佢洗腦, 叫佢做多D好事, 多D寛恕, 包容, 做人唔好成日咁計較, 所以我老公依家都無咁似佢D家人咁, 呢D嘢好彩佢感染到, 否則我都唔會話嫁比佢, 但始終都跟咗佢家人咁耐, 而且佢係仔, 比佢阿媽寵到壞晒, 所以有時D性格都幾惡頂, 我就唔想我個仔會係咁, 所以我唔可以比我奶奶有機會介入我生活呀!!!! 佢最好以後都唔上嚟, 靠我奶奶咩都死, 要靠我都靠自己啦!!!

私人傳訊

lormy


禁止訪問

積分: 8007


4#
發表於 07-8-30 18:30 |只看該作者
提示: 作者被禁止或刪除 內容自動屏蔽
私人傳訊

JessBB


大宅

積分: 1003


5#
發表於 07-8-30 19:01 |只看該作者
咁請家姐個印好, 定請嗰個新賓賓好呀???? thanks

私人傳訊

cat_house


大宅

積分: 4108


6#
發表於 07-8-30 19:57 |只看該作者
你似乎憎你99既程度高過你想請過信得過既工人喎....
私人傳訊

pcat


複式洋房

積分: 247


7#
發表於 07-8-30 21:01 |只看該作者
同我個case 差不多, 不過果個係我亞媽。佢又係鐘意就上黎, 因住我樓下, 我自己就唔十分介意, 佢只不過係上黎睇下個孫, 但有時我老公day off , 佢失驚無神咁上黎, 我老公就唔多鐘意。

我就請左賓, 結果係我個賓賓幾乾淨, (但當然唔係個個都係咁啦, 有d印印都好乾淨), 有愛心, 我亞媽同佢溝通唔到, 所以我亞媽唔會點佢做野, 但我媽可以跟下眼睇佢做成點。

老實講, 如果係我, 我會以減少奶奶上黎的次數為著眼點, 我會請賓。


原文章由 cat_house 於 07-8-30 19:57 發表
你似乎憎你99既程度高過你想請過信得過既工人喎....
私人傳訊

lormy


禁止訪問

積分: 8007


8#
發表於 07-8-31 02:01 |只看該作者
提示: 作者被禁止或刪除 內容自動屏蔽
私人傳訊

catbabycat


大宅

積分: 2137


9#
發表於 07-8-31 09:50 |只看該作者
我都會請你家姐個印, 隔山買牛, 真係好難講.
私人傳訊

JuliaCheng


公爵府

積分: 25972

版主


10#
發表於 07-8-31 10:27 |只看該作者
如果無老人家同住，我會請賓，目的都係想小朋友多o的講英文．．．我同我阿媽一齊住，谷住請印
私人傳訊

Jolly


子爵府

積分: 10239


11#
發表於 07-8-31 11:26 |只看該作者
我係你, 我會睇自己既實際需要係乜, 唔駛理同99溝唔溝通到. (我媽同我工人都雞同鴨講, 有時都會明白大家講乜, 所以語言隔莫唔係代表d乜)
你99個度真係要同你老公講下點應付, 再唔係你整鬼壞個門鎖再換過新後唔好比匙你99, 等佢唔可以不請自來.
如果你姐姐既工人真係好好既, 可以轉比你用, 有好多野唔駛教又慳番啖氣係好事, 不過同你姐姐了解一下係咪真係咁好先, 比佢來你家試一兩日全日工睇睇夾唔夾你啦~
唔岩心水就搵個第個, 我自己覺得湊nb賓賓會好少少, 不過都要睇你自己覺得係點. 海外來都唔係話實唔好架, 你開足條件比agent等佢同你搵幾個比你選, 唔好心急, 呢間agent冇貨去第間, 選到岩晒心水同埋in過先, in幾次都得架. 我自己就選左個有星加坡經驗的海外完約bun, in過三次（電話），講真來到都同我既expectation有出入, 但都唔算大分別, 佢做得都可以, 人品又ok. 勞氣實有, 始終世上冇兩個人一樣的, 佢做同你做實有唔同, 不過你識包容, 就大家happy啦~
私人傳訊

LongRyan


珍珠宮

積分: 42115

醒目開學勳章 畀面勳章 BK Milk勳章


12#
發表於 07-8-31 13:38 |只看該作者
我就會請你家姐個印啦, 因為好工人好難搵, 同'種'Mark Six差唔多, 有時請幾個都唔好, 就人都顛架. 至於你奶奶, 我覺得你請邊個佢都係會上黎, 係要想另一個方法對付佢先得.

原文章由 JessBB 於 07-8-30 18:08 發表


我唔洗我奶奶幫手喎!!! 我都有阿媽, 我奶奶咩都唔識, 我奶奶D性格就係一個典型大陸人, 淨係識晒命同認威, 成日講理D唔咸唔淡的廣東話, 講鄉下話佢就最叻, 咁佢上嚟咁多, 第時我阿B就會比佢寵壞, 又學埋D死人鄉下話 ...
私人傳訊

miutang


大宅

積分: 1964


13#
發表於 07-8-31 16:13 |只看該作者
agree "LongRyan" 說法, 有件好野係面前唔要, 要冒險隔山買牛? 你請賓, 你99會仲上黎多d, 因為佢千萬個唔放心, 事事要親力親為... 其實你咁憎99, 你索性將bb放在你亞媽屋企湊, 你99 實唔會上你娘家啦!!

ps 凡事放開d, 老人家對得佢幾耐呀?!
私人傳訊

mymelody2003


男爵府

積分: 8643


14#
發表於 07-8-31 17:39 |只看該作者
如果你99要睇bb, 無論請賓/印佢都會來, 根本阻止唔到99來; 我諗你都係搞清楚想請家姐的印印定係賓賓啦, 有湊過nb的你會放心d, 唔洗重新再教, 一個工人在香港做左幾年實會有自己一套, 問題係你的最終目的佢做唔做到, 叫印印試下工, 睇下夾唔夾再諗都未遲, 因為工人都會有選擇權, 佢地唔休無人請.
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy