吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 嬰兒用品› 我想問下有沒有在QE生孖，而可以比老公陪產 ...

嬰兒用品今日: 0|主題: 93262

收藏本版

發帖

返回列表

跳至頁

查看: 1338 | 回覆: 13

我想問下有沒有在QE生孖，而可以比老公陪產 [複製鏈接]

taboccccc

複式洋房

積分: 245

1^#

發表於 14-4-4 21:32 |只看該作者 |倒序瀏覽 |打印

我想問下有沒有在QE生孖，而可以比老公陪產的媽媽？？因我好想老公可以陪我，但QE又話生孖胎的手術室已很多人，多數不能老公陪產

0 0 0

私人傳訊

Kariswongmama

洋房

積分: 67

2^#

發表於 14-4-5 12:31 |只看該作者

回覆：taboccccc 的帖子

我1月尾都在Q E生孖B, 真係無得陪產的。一來是開刀生孖，二來手術室真係好多人。醫院怕有咩突發事，兼顧唔到。所以不可以陪產呢！

私人傳訊

taboccccc

複式洋房

積分: 245

3^#

發表於 14-4-5 16:40 |只看該作者

回覆：Kariswongmama 的帖子

想問下你在QE生孖，會住幾多日呀？我下星期會生，上次見醫生，佢話若沒特別情況，其實3日都可以出院。還有，QE開刀醫生手勢好嗎？會是較年輕的醫生或是有經驗的醫生開刀呀？你傷口痛了幾多日呀？sorry 問多了問題，因我好怕痛，謝謝你的答覆

私人傳訊

Kariswongmama

洋房

積分: 67

4^#

發表於 14-4-6 12:01 |只看該作者

回覆：taboccccc 的帖子

我是開刀前1日入院的，當天需見麻醉師，剃毛等。翌日上午就開刀，我排等3，開刀前會先插尿喉，我記得上午10點幾已經上產房，好快就生左。過程其實1個幾鐘度。開完刀之後要住4日3夜。所以我共住左5日4夜呀。傷口在醫院時都會痛，所以都有食止痛藥。出院後，都痛左大約1星期才好少少。頂唔順我都會食止痛藥。
另外，在產房真係有好多醫護人員的。負責開刀有2個醫生，比較cool,唔會同你多講野，都算後生。我覺得手勢都ok。而且條疤都算靚，一條線又唔算長，所以可放心。
我都明白無先生在旁陪產係好唔開心同不安，我個感覺都係。而我仲要係生bb前1日先知無得陪，即刻喊左出黎。不過都無計，唯有頂硬上。到左生個日就好希望快d到，當聽到bb出來的喊聲，即刻流眼淚，好感動的。所以你要加油呀，唔洗驚呀！祝你生產順利。

私人傳訊

Kariswongmama

洋房

積分: 67

5^#

發表於 14-4-6 12:14 |只看該作者

回覆：我想問下有沒有在QE生孖，而可以比老公陪產

再補充少少，上到手術室，會飲杯野黎中和胃酸，好細杯但超難飲。之後會在手到插喉，都痛的。之後準備在背隻打麻醉針，都痛的。不過唔可以亂郁，因落針要好準。但要個人盡量屈埋，但咁大個肚頂住，真係談何容易呢…總之係會有種肉隨鉆板上的感覺，不過好彩醫護人員動作快，好多時都黎唔切反應就攪店左。

私人傳訊

taboccccc

複式洋房

積分: 245

6^#

發表於 14-4-6 13:24 |只看該作者

回覆：Kariswongmama 的帖子

謝謝你咁詳細解答我的疑慮，令我緊張的心情，得以放鬆一些。令我還知道原來開刀出來的bb，一出我的肚便會即刻喊，我還以為開刀打了麻醉針，是要過一段時間才哭。衷心謝謝你！另外我想問姑娘是否第一日就會比阿b你埋身餵奶？但第一日仍是插喉，咪會好辛苦？？

私人傳訊

Kariswongmama

洋房

積分: 67

7^#

發表於 14-4-6 23:23 |只看該作者

回覆：taboccccc 的帖子

係呀，B B出來後，清理乾淨，護士就會拎bb比你睇，仲可以快速親一親。之後bb同媽媽就會分開觀察了。不過可能因麻醉藥的關係，個人會騰騰震，我就係咁，唔需要驚呀。不過護士好好，會幫我加被，同埋做完手術都會觀察大約一個鐘，有護士陪伴在側，可放心。心跳同血壓正常就會推回產後房，所以你老公可在你生完之後2個鐘度按鐘問姑娘你返回產後房未？不過當你回產後房，入面的姐姐都會幫你拎定d床墊，m巾出來，你都可以叫佢幫你拎個電話打比老公，話佢知你係咩病房同床位，此時同老公會有10分鐘見面機會，不過就仲未可以見到bbs住，準爸爸就要等探病時間先可見到。
其實當bbs一切正常，在特定的餵奶時間，姑娘就會推晒2個bbs比你餵人奶，不過你要有心理準備係好辛苦的。當時又未上奶，傷口又痛，bbs又唔識啜，所以攪到佢地血糖低呀…需要補奶粉。不過我覺得補奶粉都係好，起碼自己無咁辛苦，而bbs又肯定可以食得飽。建議你可以同姑娘講梅花間竹咁餵，即係輪流餵人奶，再補奶粉，唔好一次餵晒2個，如果唔係就無晒時間休息。我就蠢左，最後個日先識提出，令自己超辛苦同大壓力，所以勁少奶。
加油呀！希望可以解答你啦。