大仔大女媽媽會

收藏本版
發帖
返回列表
跳至頁

首頁
1

尾頁
   0
siumimi416


等待驗證會員

積分: 729


1#
發表於 07-9-5 13:58 |只看該作者
唔知點解 ~ 我覺得好討厭自己老公 ~ 佢無理過我同 bb
又唔陪我做產檢 ~見我唔舒服又唔關心下我 ~ 令到我成日都喊
同佢傾過 ~ 佢話佢唔係唔想理我 而係因為佢要返工 ~無時間理我 ~ 但佢連最基本既關心下 問下我既野都無 ~ !!
記得我陀囡囡個陣 都唔係咁 佢話我已經有晒經驗 唔需要下下問佢 ~ 但講真 我湊住個囡又要顧住肚入面個個真係好大壓力架~
前幾日 問佢我地幾時去買bb野 佢竟然同我講 你自己去睇啦
我去都無意見架啦 一係你叫你朋友陪你去啦 ~~ 唉 !!
但其實我個心真係好想同佢去 ~~~ 點解佢唔陪下我呢 !!
有陣時我仲會懷疑佢係唔係有第二個 ~ 唔知點好 !!
本身今日要去健康院做產檢 ~但我無去到 因為無人睇住囡囡
加上姑娘話做產檢唔好帶小朋友去 唔方便 ~~!!
又要再約過 ~每晚都唔夠訓 (因為囡囡半夜會喊醒 ) 食野又食唔到 ~ 一路食就發脾氣 (因為要抱住囡囡黎食 ) 又成日都想喊 ~由其係返娘家個陣 ~ 因為我唔想比我屋企人知道我老公咁樣對我~其實我咁樣係唔係有產前抑鬱呀?
有無媽咪可以教下我應該點做 ~
私人傳訊

bonnie1013


男爵府

積分: 8233


2#
發表於 07-9-5 15:06 |只看該作者
siumimi416, 你嘅情況好唔樂觀, 快d搵人幫手, 我自己初初有第二胎時都有你嘅問題, 不過冇你咁嚴重, 依家已經好好多.

先找你老公傾, 老婆生bb, 其實男人都會有壓力, 你可以坦白同佢講你嘅感覺, 然後直接話比佢聽你想佢點做, 如果佢唔ok, 你要反問咁佢可以點配合你, 千祈唔好收收埋埋.

另外, 是否可以搵人幫手湊囡囡, 等你情緒穩定番先自己湊?陀仔已經唔係好舒服, 如果小朋友扭計就令媽咪更唔開心, 你同囡囡都唔會開心架

有咩事一定要同屋企人講, 佢地一定會幫你, 血濃於水嘛, 唔好怕唔好意思, 而且你同老公又唔係有咩大問題, 只不過大家都有壓力, 一時配合唔到啫, 一定會解決到.

懷孕期間, 荷爾蒙轉變很大, 令媽媽情緒大起大落一定會有, 我都曾經試過, 千祈唔好自己亂諗野, 搵家人朋友傾吓啦, 再唔係, 你同我傾都得架, 知嗎!
私人傳訊

LittlePigmom


男爵府

積分: 5667


3#
發表於 07-9-5 22:52 |只看該作者
我有時都有少少, 咁耐都係陪我去過一次產檢, 不過, 男人係咁, 佢地唔知我地情緒會差d, 而且又有生活壓力. 我地睇開d啦. 大果個有時真係好激氣, 不過, 佢地細又唔識. 有時我地心情唔好, 又閙佢, 攪到大家都唔開心. 我地要處理好自己既情緒先, 唔好向壞方面諗, 同朋友傾下計, 你開心番, 小朋友又開心番佢會易揍d, 老公見你無咁燥, 老公反而會同你傾多d.

原文章由 siumimi416 於 07-9-5 13:58 發表
唔知點解 ~ 我覺得好討厭自己老公 ~ 佢無理過我同 bb
又唔陪我做產檢 ~見我唔舒服又唔關心下我 ~ 令到我成日都喊
同佢傾過 ~ 佢話佢唔係唔想理我 而係因為佢要返工 ~無時間理我 ~ 但佢連最基本既關心下 問下我 ...
私人傳訊

susuki925


大宅

積分: 3954


4#
發表於 07-9-6 14:35 |只看該作者
我都好明白你嘅感受,因為我都係第2胎,我老公都係咁樣對我,我去產檢佢都係唔陪我去,不過我明白又唔可以成日請假,同埋而家個肚都唔係好大,我都唔會叫佢去,不過連我產檢完,佢都唔會主動問吓我有冇問題,都唔會關心吓我,其實我都好唔開心呀:-( ,可能今次係意外有咗bb,佢根本都唔想要,我都好似你咁,好怕俾屋企人知佢咁對我,不過有時忍唔住,我都會同我阿媽講兩句,再諗吓自己肚入面嘅bb,都會開心d!你都試吓唔好成日諗啦! 一齊為bb開心d,我地又可以一齊傾吓計呀!

私人傳訊

yauyau08


大宅

積分: 1273


5#
發表於 07-9-6 21:45 |只看該作者
我朋友都有你地的情況, 佢都無 "車" 望佢老公陪佢產檢
佢當時都好唔開心

但生左仔之後, 佢話回想返都好好笑, 當初唔應該比自己唔開心, 應該要自己笑多d喎

佢話 : 而家仔女大過天, 老公真係行埋一邊 喎.... :mrgreen: :mrgreen:




私人傳訊

kakashi


大宅

積分: 1586


6#
發表於 07-9-7 09:55 |只看該作者
唔好諗咁多, 對你同阿B都唔好.
私人傳訊

agneslee28


別墅

積分: 842


7#
發表於 07-9-7 12:36 |只看該作者
siumimi416 ,明白你的不快和壓力，你好乖，會察覺或擔心自己會不出現產前抑鬱，這正是可以及早預防的關鍵。

不要放棄溝通，有時如果講唔湊效，不如試試寫封信俾你老公，講你既感受，你對佢既體諒，然後講你對他的期望和需要。一定要從積極角度出發。

不快樂的時候，看看囡囡多精乖，感受懷中的寶寶在撐手撐腳，要加油呀！

大家都要做個開朗的媽媽。
我們愛，因為神先愛我們。
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見