母乳餵哺

收藏本版
回覆 發帖
返回列表
跳至頁

首頁
1

尾頁
   0
AI927


大宅

積分: 3099


1#
發表於 07-9-21 00:49 |只看該作者
我想知道全泵是否無埋身餵咁好呢？
其實有什麼分別呢？
私人傳訊回覆 引用

smilebaboo


大宅

積分: 2873


2#
發表於 07-9-21 09:49 |只看該作者
我就係啦..:mrgreen: 由囡囡出院第2天開始就全泵了..咁當然可以埋身會好d 啦, 不過我為左有多d 時間陪大囝, 所以決定全泵 (其實大囝時佢食得唔好, 我都係一直全泵比佢食), 但係最近試過埋身比佢食, 佢又肯食, 同埋好鐘意添..一見到我就唔肯要奶樽, 所以現在每天晚上我都會比佢食一次埋身..其實埋身食係好sweet 同埋直接餵比bb 食一定好過又要pump 又要入樽, 又要雪過再坐熱番比佢食啦..不過如果真係餵唔到要做全泵, 我覺得都係一個好選擇, 總好過食奶份.



原文章由 AI927 於 07-9-21 00:49 發表
我想知道全泵是否無埋身餵咁好呢？
其實有什麼分別呢？
私人傳訊回覆 引用

yanlongma


男爵府

積分: 5016


3#
發表於 07-9-21 10:04 |只看該作者
請問是什麼原因令你考慮要全泵呢？
我試過了，大女由一個月開始全泵至19個月大，細仔埋身餵，只在返工時泵出來。
我可以話俾你聽，差別很大，全泵辛苦好多：
1)泵的力大大不如bb啜的力，尤其初生時期，很難泵奶，或根本泵不出，只有一兩滴。但bb啜就會啜到。初生頭一個月用泵，會令乳房刺激不夠，不容易上奶。
2)泵出來的量非常少，會令媽媽以為自己無奶，嚴重打擊新手奶媽的信心。但其實只要俾bb啜，就會有奶。
3)泵要用好多力，當然是bb用力啜好過要我用力啦！:mrgreen:
4)用泵，要洗、消毒、冷藏、坐暖、試溫度，幾咁多功夫。埋身餵，只要幫bb latch on，跟住媽媽就可以閉上眼休息，或與bb談天溫馨。
5)出街帶少好多野，熱水樽、凍水樽、奶樽、奶粉，全部唔洗帶。只要帶片片、濕巾、紗巾，便可以出街。Daddy不知幾開心！(唔洗做騾仔)
6)最最重要的，係同bb親密的關係。不瞞你說，我的大女2歲前是比較親工人姐姐的。曾經不少夜晚，我都抱住個泵哭，想着如果抱住的是女女，就好喇！ 現在細仔便完全不同，雖然佢同工人姐姐都好好感情，但如果有得選擇，他一定要我抱及同佢玩。每次抱住佢餵奶，都好溫馨，尤其現在，佢食食下會同你玩下，同你笑下，真係心都甜哂！

你有什麼問題，可以在這裏問問其他有經驗媽媽，不要只想着全泵，真的很辛苦的呀！

原文章由 AI927 於 07-9-21 00:49 發表
我想知道全泵是否無埋身餵咁好呢？
其實有什麼分別呢？
私人傳訊回覆 引用

eeb


水晶宮

積分: 51073

至尊種植勳章 醒目開學勳章 畀面勳章 環保接龍勳章


4#
發表於 07-9-21 10:42 |只看該作者
我day1已經開始用手唧，一落到床就全泵，因為bb食唔到，我先要全泵，但bb~3個月時食得叻咗，只要我同bb一齊就一定埋身，返工先o係公司泵bbo係屋企bottle feed.

超級同意smilebaboo同yanlongma既講法，如果bb食得到，就埋身餵最好，食唔到就搵護士/專業人士幫下，佢地都無乎(好似我個case咁)先考慮全泵啦，同埋都不時再俾bb試下埋身食下。


原文章由 AI927 於 07-9-21 00:49 發表
我想知道全泵是否無埋身餵咁好呢？
其實有什麼分別呢？

識網友只限吹下水、交換下資訊、發揮網力，邊個認真就邊個輸。
私人傳訊回覆 引用

AI927


大宅

積分: 3099


5#
發表於 07-9-21 23:10 |只看該作者
多謝各位媽咪的分享！
其實我都不都有什麼問題，因為這胎是我第一胎，所以想知道多些資料。
或者，我覺得埋身餵的話，不知道BB真正吃了幾多，如果泵出來的話就清楚一些。而且初生BB需要每餐吃得很密，如果泵出來的話，可以間中找其他人代餵，例如好似可以給Daddy餵，不過都會埋身餵。
這樣的話，我需不需要在產前己買定奶泵呢？還是出世後才買呢？
私人傳訊回覆 引用

AI927


大宅

積分: 3099


6#
發表於 07-9-21 23:17 |只看該作者
同埋我想知道，如果出街點樣埋身餵？
我知道有很商場有哺乳室，但不是處處有，而且BB會食很久，咁點呢？
如果飲奶粉，又會點呢？
私人傳訊回覆 引用

julieann


伯爵府

積分: 18922


7#
發表於 07-9-21 23:45 |只看該作者
我想問如果泵出黎比BB食, 如果之後又埋身餵係咪無咁好? 因為我BB依家十一日大, 頭一星期我埋身餵, 因為乳頭餵損左, 所以我之後就泵出黎比佢食, 依家好返喇, 我自己又想埋身餵, 不過健康院個姑娘話唔好攪亂晒BB, 一時埋身一時奶樽, 佢會好亂會啜錯晒, 用左奶樽之後又埋身可能又會啜損....但我覺得埋身個感覺真係好warm同埋同BB既感覺好close....我都唔知點好!
私人傳訊回覆 引用

smilebaboo


大宅

積分: 2873


8#
發表於 07-9-22 09:25 |只看該作者
julieann,

我出左院係全泵架, 不過bb 差不多兩個月時, 我試下比佢埋身食. 佢好likey 呀, 又冇整損我, 之後一見到我餵佢就唔肯用樽添.. , 我又覺得好sweet, 仲有一日我同老公出左去買野, 佢唔肯訓等我 (其實都用樽食左奶奶架啦), 一見我返黎就望住我, 咁我見佢咁可愛又比佢啜下啦, 佢即刻搶住咁食呀..:mrgreen: :mrgreen: 之後就食食吓咁訓左..仲一覺訓天光去到6:45am 先起身..

所以有機會就比佢試吓啦, bb 其實好聰明, 佢地識分架..不過頭一個月就驚佢會confusion, 咁不如等佢大少少先再試下可能會好d.

加油.

原文章由 julieann 於 07-9-21 23:45 發表
我想問如果泵出黎比BB食, 如果之後又埋身餵係咪無咁好? 因為我BB依家十一日大, 頭一星期我埋身餵, 因為乳頭餵損左, 所以我之後就泵出黎比佢食, 依家好返喇, 我自己又想埋身餵, 不過健康院個姑娘話唔好攪亂晒BB, 一時 ...
私人傳訊回覆 引用

julieann


伯爵府

積分: 18922


9#
發表於 07-9-22 09:44 |只看該作者
原文章由 smilebaboo 於 07-9-22 09:25 發表
julieann,

我出左院係全泵架, 不過bb 差不多兩個月時, 我試下比佢埋身食. 佢好likey 呀, 又冇整損我, 之後一見到我餵佢就唔肯用樽添.. , 我又覺得好sweet, 仲有一日我同老公出左去買野, 佢唔肯訓 ...


smilebaboo,

好多謝你既鼓勵呀, 因為BB食到我損左, 老公見我咁痛咁辛苦, 依家有時我想比佢埋身, 老公就唔讚成, 加上個姑娘咁講一講, 佢就更加驚阿B用錯力黎咬我...但係反而我好想比BB埋身, 因為個感覺同用奶樽差好遠, 起碼同BB係close好多.....所以我會繼續試下比佢埋身食奶....
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy