吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 咩人嚟架你???

夫婦情感今日: 2|主題: 42702

收藏本版

發帖

返回列表

跳至頁

查看: 4882 | 回覆: 40

咩人嚟架你??? [複製鏈接]

12 3

12258

洋房

積分: 33

1^#

發表於 07-9-27 13:29 |只看該作者 |倒序瀏覽 |打印

成日話我放親假都要出街, 攪到你好攰, 但你又唔諗吓你晚晚放工返嚟, 食完飯之後就一係匿入房打機, 一係就睇電視, 理都唔理吓我同兩個細路, 就連放假都係咁, 我唔趁出街等你多d時間陪吓d細路, 仲可以有咩時間親子?
個個月都話唔夠錢駛, 但你一出糧又已經扣起d錢話足夠你返工用仲會有剩最少千幾蚊, 但到廿幾號就話冇錢返工, 要問我攞, 問你d錢去咗邊, 你自己講唔出或者唔敢講, 你就賴我, 話我成日都要出街, 搭車用哂.....搭車用得你幾多? 自從你話要出街駛費歸我之後, 我除咗家用, 就冇要多你一毫子, 出街食飯買嘢全數係我比, 就連你自己專用嘅哮喘藥都要我幫你買埋??出一日街你用嘅車錢唔夠一百蚊, 你咁話我?
個個月還錢比人都係歸我, 但借嗰個就係你, 之前差我老豆3千幾, 你1毫子冇還過, 買部電視, 你又話你會分期還比我老豆, 又係冇, 又係我幫你啃咗條數....啱啱呢個月還完電視筆數, 而家你想換電腦, 又叫我老豆幫你比, 又係話你會分期還, 我仲點信你呀? 你太多前科喇, 唔只呢兩單呀, 你個個月自己都唔夠駛, 仲會有錢還??? 咪即係又係我幫你啃, 我唔制, 你就發我爛渣.....
你自己咳兩聲就走去睇醫生駛二百蚊, 我比你傳染咗, 我發燒燒幾日, "睇醫生"呢3個字我提都唔敢提....你問都冇問過我一句....淨係比你食剩嘅藥我食, 叫我頂住....真係多謝
幾個禮拜, 晚晚放工返嚟食完飯, 由8點未夠開始就匿入房打機...有鐘意睇嘅電視時, 就出嚟睇吓, 冇嘅話就唔駛指意見到你, 每日同你講嘢唔多過10句.....你同隱形人有咩分別, 咁你係呢個屋企可有可無啦....
成日叫你陪吓d細路, 陪吓我, 幫吓我做嘢就話好攰, 叫我諗吓你每日瞓得幾多個鐘....先生...我晚晚11-12點就入房瞓, 係, 我係話怕你鼻寒聲大, 我瞓唔到, 你話你會等我瞓著你先瞓, 但我晚晚都幾乎一瞓落床就瞓著, 但先生你就照樣匿埋打機打到2-3點先肯瞓....2-3點....我神早已經瞓著咗啦, 你自己掛住打機打到唔知時候, 咁又賴埋我....???咁都關我事???係我唔准你瞓咩???
成日話我要出街攪到你駛多咗車錢, 咁我朝朝早同你一齊出門口返工, 車錢我比埋你嗰份, 你又唔計返比我???
個個月比4千蚊家用, 要我全包, 屋企所有駛費, 水電煤...買餸煮飯, 行街買嘢, 應買唔應買都係我, 細路學費又係我, 還錢又係我, 仲要顧埋你個個月由廿幾號開始話冇錢返工, 你比4千, 淨係月尾問我攞返嘅, 都分分鐘唔只2千呀, 咁邊個嚟幫我???你估我識變錢架?
月頭又話公司可以幫你訂月餅, 又話員工價, 話咗比你知, 呢個月我好緊, 月餅歸你, 你話好, 臨過節前一個星期先同我講話公司臨時唔幫你訂....問你幾時退返錢, 攞返d錢自己買啦, 你又話唔知, 咩都話唔知....好彩我老豆阿媽有月餅多, 比咗兩盒我姐, 如果唔係我哋唔駛過節啦....明明你已經話冇哂錢, 但你又可以中間嗰幾日冇問過我攞錢喎, 係咪公司已經退返比你, 你自己攞埋去用呀???
有你著數就擺我上台, 攞我過橋, 有事就要我幫你擋....
明知唔夠錢, 叫你呢個禮拜慳d, 唔好出去食早餐, 買麵包食, 你話唔夠飽, 我話一個唔夠咪買兩個囉, 帶支水返工飲, 都係要你捱一個禮拜姐, 你就黑口黑面, 朝朝要食廿幾蚊份早餐, 我日日都餓住個肚, 朝早6點起身餓到食晚飯呀, 唔係淨係呢個禮拜呀, 係個個月日日係咁呀, 都係為咗慳得就慳, 你唔係唔知丫, 點解我餓得你唔得呀, 你要精神要體力, 唔通我唔駛??
仲有太多...數你唔哂呀.....我真係頂你唔順喇, 有男人=冇男人, 咁我要你嚟做咩, 不如唔要你仲好, 起碼我唔駛睇你面色做人呀

0 0 0

私人傳訊

星人mama

男爵府

積分: 7558

2^#

發表於 07-9-27 14:22 |只看該作者

唉!! 我都唔明點解啲男人婚後咁忙都可以日日打機打到2,3點

打機時就鬼咁精神, 叫佢出街佢就

, 真係

你哋有兩個小朋友, 佢一個月先比4000仲要攞返轉頭

私人傳訊

mankat06

伯爵府

積分: 18803

3^#

發表於 07-9-27 14:22 |只看該作者

原文章由 12258 於 07-9-27 13:29 發表
成日話我放親假都要出街, 攪到你好攰, 但你又唔諗吓你晚晚放工返嚟, 食完飯之後就一係匿入房打機, 一係就睇電視, 理都唔理吓我同兩個細路, 就連放假都係咁, 我唔趁出街等你多d時間陪吓d細路, 仲可以有咩時間親子?
個 ...

你老公乜人來架

我覺得你唔應該忍喎~同我case好似,但我hb有人性d,起碼話完佢識檢討,好老實,兩公婆d錢, 齊洗唔緊要,但真係要一齊用,唔可以淨係得你有得用,一定要坐低傾,就算要嘈交都要傾,如果唔係做唔到一世夫妻,佢再唔重視返呢個家,要來都無用,唔好辛苦自己,我地d女人已經好慘架啦,又要湊仔又要返工,又要做家務,仲要比埋$你使,但都得唔到應有既照顧,所以我覺得你唔好再忍,一定要同佢講清楚,唔係以后就佢有佢,你有你好過,因為佢都已經無盡過做爸爸既責任,唔好以為自己比左二粒精子出來就大鬼哂:tongue: 既然靠唔到你,仲要來做乜,但如果你老公仲覺得個老婆緊要,仲係愛你,佢聽完你講野就應該會改,

私人傳訊

小寶貝兒

珍珠宮

積分: 30295

4^#

發表於 07-9-27 14:54 |只看該作者

樓主, 而家盤數係味妳揸住架??

不如試下叫佢睇住屋企盤數啦~~
我見DISCOVERY有個節目都係咁, 不過就掉轉, 個老婆大使, 老公揸數, 後尾掉轉左之後個老婆就知道屋企條數, 就唔敢亂買野啦~~

不過我諗咁做總要捱下... 妳又試下剩係比4千出黎, 叫佢搞掂晒D數, 睇下佢點!!

真係痴線, 4千蚊夠咩呀?! 剩係保險卡數水電煤都去晒啦, 唔好話學費呀, 出街用既錢呀, 返工用既錢之類啦!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

12258

洋房

積分: 33

5^#

發表於 07-9-27 15:08 |只看該作者

我自己都有做嘢, 但人工唔係多, 扣咗屋租同幼稚園學費, 再扣埋小學午飯錢, 兩個細路校車錢....真係已經所餘無幾...得3千左右, 佢比4千我, 字面計夾埋係7千左右, 係包哂成個月屋企食嘅用嘅, 水電煤, 電話費(屋企+2個手提...要交埋佢嗰個), 返工, 去街搭車, 細路活動嘅學費, 再幫佢還錢.....但係佢左手比4千, 右手最少都攞返差唔多2千(嗰個月我好彩就攞唔足2千)....
你嘅辦法我之前都有諗過....但我真係擔心, 佢攞住筆錢, 係會咩都做唔到, 到時樣樣都夜唔到錢不特止, 仲要截水截電冇飯開就死, 我頂得, 兩個細路都頂唔到

原文章由 小寶貝兒 於 07-9-27 14:54 發表
樓主, 而家盤數係味妳揸住架??

不如試下叫佢睇住屋企盤數啦~~
我見DISCOVERY有個節目都係咁, 不過就掉轉, 個老婆大使, 老公揸數, 後尾掉轉左之後個老婆就知道屋企條數, 就唔敢亂買野啦~~

不過我諗咁做總要捱下... ...

私人傳訊

12258

洋房

積分: 33

6^#

發表於 07-9-27 15:09 |只看該作者

要講要嘈....咩都做過哂......但都係咁, 我都唔知仲可以做咩....

原文章由 mankat06 於 07-9-27 14:22 發表

你老公乜人來架我覺得你唔應該忍喎~同我case好似,但我hb有人性d,起碼話完佢識檢討,好老實,兩公婆d錢, 齊洗唔緊要,但真係要一齊用,唔可以淨係得你有得用,一定要坐低傾,就算要嘈交都要傾,如果 ...

私人傳訊

tingtingb

大宅

積分: 3206

7^#

發表於 07-9-27 15:11 |只看該作者

原文章由 小寶貝兒 於 07-9-27 14:54 發表
不過我諗咁做總要捱下... 妳又試下剩係比4千出黎, 叫佢搞掂晒D數, 睇下佢點!!

唔好制喇！呢d男人咁衰...隨時連呢4千蚊都駛埋，到時仲慘...

但我覺得樓主要同佢個c6講清楚，以後月尾佢唔夠錢駛都唔會再比o架喇！叫佢自己量入而出囉！

咁大個人都唔識睇餸食飯

私人傳訊

12258

洋房

積分: 33

8^#

發表於 07-9-27 15:19 |只看該作者

我有試過呀....但人哋話冇錢返工呀, 咁我可以點?? 唔通為咗冇錢搭車冇錢食飯就叫佢連工都唔返? 佢冇咗份工又唔知要係屋企坐幾耐先肯去搵工, 已經個個月都好唔夠駛, 再少埋佢嗰1-2千, 我真係撐唔到落去.....

原文章由 tingtingb 於 07-9-27 15:11 發表

唔好制喇！呢d男人咁衰...隨時連呢4千蚊都駛埋，到時仲慘...

但我覺得樓主要同佢個c6講清楚，以後月尾佢唔夠錢駛都唔會再比o架喇！叫佢自己量入而出囉！

咁大個人都唔識睇餸食飯 ...

私人傳訊

rtt@kaikai

大宅

積分: 3691

9^#

發表於 07-9-27 16:52 |只看該作者

我多事d講句,你老公都唔係人

. 我係唔會比人咁對我.

我知我老公疏爽, 朋友借錢(數萬-十萬)都可以唔還或分n年還.
要還到幾時,還欠多少都唔知

)又或請同事食$2000飯.

但將要結婚, 我就要同他由0開始儲錢. (他月薪20k但做了10
幾年都無儲蓄):-(

所以我要管理他的財政, 我會每月計好他要的車錢及零用.
若多用了問我借, 我會下月扣除. 我好strict ga. 有時他會發脾氣,
但後來他習慣了, 買東西會看價錢, 唔會亂用, 我們又開始
抽股, 他現在比較有理財觀念la.

不過我好古惑,他買好嘢比我無錢比, 我都要記帳,
以免他日他胡亂洗錢

我suggest 你對老公strｉｃｔ d, 他說無錢返工要借, 你借給他
但要講明下月扣除. 若他下月不肯以後不要再借!!

男人是不能縱, 他這樣就是看死你不忍.

私人傳訊

ringoivy

翡翠宮

積分: 76971

10^#

發表於 07-9-27 17:34 |只看該作者

唔好話我衰, 唔好話我搵交同你嗌

但我真係想講句你自己攞黎寵到佢咁我都無話可說

你有無發過威呀

如果你一向都咁就佢, 突然發佢老脾無奶油佢會唔驚架wor?-(

原文章由 12258 於 07-9-27 13:29 發表
成日話我放親假都要出街, 攪到你好攰, 但你又唔諗吓你晚晚放工返嚟, 食完飯之後就一係匿入房打機, 一係就睇電視, 理都唔理吓我同兩個細路, 就連放假都係咁, 我唔趁出街等你多d時間陪吓d細路, 仲可以有咩時間親子?
個 ...

私人傳訊

vickywoo121

大宅

積分: 1271

11^#

發表於 07-9-27 17:49 |只看該作者

你真係唔可以寵你老公la,
要真係拎條數出黎同佢講,
佢同你講, 佢冇錢返工你又比佢,
你同返佢講, 如果我冇錢返工邊個比我,
你比4000拎返2000
咁比黎仲咩,
頭家2個都有份, 點解我得你唔得,
而家就話大家有野做, 咩都可以解決,
唔可以講得到聽日架喎,
做人可唔可以唔好咁自私,
你想買野, 我夠想,
要諗下自己有冇能力先得,
唔係比果幾千蚊就係大晒架,
屋企冇開支架,
小朋友讀書, 雜費咩都係錢,
咁大個人諗下la,
如果我係你我會好忍心, 真係可以唔比錢佢返工,
或者比幾十佢食飯,
如果佢問人借我都唔會幫佢還

私人傳訊

bobomami

子爵府

積分: 10293

好媽媽勳章醒目開學勳章

12^#

發表於 07-9-27 17:50 |只看該作者

原文章由 ringoivy 於 07-9-27 17:34 發表
唔好話我衰, 唔好話我搵交同你嗌但我真係想講句你自己攞黎寵到佢咁我都無話可說你有無發過威呀如果你一向都咁就佢, 突然發佢老脾無奶油佢會唔驚架wor?-( ...

我都有同感. 你試下next time 早過佢話唔夠$$駛, 問番佢轉頭, 到佢問你時, 你咪話我都唔夠, 全副身家剩500 (如果個日係25号), 我要返工食飯凑仔, 俾100元你, 係甘多la..我同呀仔都唔夠!!

★★

私人傳訊

12258

洋房

積分: 33

13^#

發表於 07-9-27 18:03 |只看該作者

發惡鬧佢都唔知鬧過幾多次, 有次我直情話佢食我軟飯, 咩都係靠我, 成頭家可以話係靠我一個撐住, 佢冇幫過我, 話佢d家用做樣咁比我, 左手比右手攞返走, 幾難聽,幾到肉,幾到題嘅說話都講哂....早過佢嗌冇錢都試過, 試過我扮冇錢, 連續幾日食即食麵+每人一條腸仔, 仲要係每日等一餐, 兩個細路最多中午烚隻雞蛋, 佢都可以當冇事, 因為佢知到時到候真係唔掂, 我自然會死到錢返嚟, 佢根本唔會理, 唔會怕....試過佢話冇錢返工, 我唔比錢佢, 佢就真係唔返, 坐係屋企幾日等人炒, 等公司計埋d尾糧比佢....出咗尾糧就比錢我叫我買餸, 跟住捱到我出糧就叫我比錢佢出去搵工, 佢可以搵幾個月都搵唔到工, 唔係縑份工辛苦就係縑人工少, 一係就話未做過嗰行做唔嚟....總之好多籍口....但每日只會花1個鐘上網搵工, 其他時間只係打機, 瞓教, 睇電視, 到我發脾氣, 佢就話佢搵咗但人哋唔請佢冇辦法, 嘈多佢兩嘈佢先話會去勞工處睇.....佢咁樣...我點敢唔比佢唔返工呀

私人傳訊

12258

洋房

積分: 33

14^#

發表於 07-9-27 18:08 |只看該作者

所有類似或者你哋諗丁嘅說話, 我都講過, 同佢講時, 佢咪聲大大話會慳囉, 話比佢知d細路學嘢要錢, 好貴我唔捨得比, 佢就話"細路鐘意學就由佢哋學啦, 最多我慳d駛"....但結果又係問我攞返轉頭, 根本一毫子都未慳過
我比屋企條數佢睇, 佢就真係得過睇, 根本唔會幫, 佢只係話:"我自己都冇呀".....就係咁一句...咁我可以點呀, 咪又係我頂囉...個個月都係呢條數疊嗰條數, 邊條數急就比咗邊度先, 點同佢講佢都唔會理, 唔會在意, 咁我又可以點....?

原文章由 vickywoo121 於 07-9-27 17:49 發表
你真係唔可以寵你老公la,
要真係拎條數出黎同佢講,
佢同你講, 佢冇錢返工你又比佢,
你同返佢講, 如果我冇錢返工邊個比我,
你比4000拎返2000
咁比黎仲咩,
頭家2個都有份, 點解我得你唔得,
而家就話大家有野做, ...

私人傳訊

acheah

民房

積分: 120

15^#

發表於 07-9-27 19:13 |只看該作者

My case is exactly the same as yours plus he's not giving me any money!!! I have no comment on how to treat your husband, as I don't know what I should do with mine too. All I wish for now is that he treats the kids and me well, and I'll be happy already. One thing good is that he's fine with going out on Sundays (sometimes-la).
But what I hate most is when he has money he goes out...doesn't even bother to spend that on us! And when he has a fine (he drives!) I have to pay! He just acts stupid and say don't have cheque to make payment and I have a PPS account, etc....SO MAD!!!