吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 好唔開心呀,辛苦到喊...

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1270 | 回覆: 9

好唔開心呀,辛苦到喊... [複製鏈接]

applegun

複式洋房

積分: 473

1^#

發表於 07-10-22 15:45 |只看該作者 |倒序瀏覽 |打印

囡囡成日都訓得唔好,
其實已經幾個月都習慣,不過之前佢都起碼有一次可以訓到3-4個鐘,但最近呢兩個月左右,佢晚晚都係咁醒,一醒就要吮奶,老公又訓係身邊,又擔心吵住佢,就唯有俾佢食囉,俾佢食都唔緊要,但佢剛剛吮完幾分鐘就放開,跟住好似訓左咁,點不知隔唔夠十分八分鐘又來過:-( 有時連續都係咁樣啊,如果問題唔係太嚴重我都可以忍受,但係有時我真係忍無可忍啊,因為佢會搞搞震成個鐘啊,唔知點算,好唔開心,我差唔多12點左右會同佢訓,(有時11點,視忽佢日頭訓得早定晏,訓前一定食奶)等佢訓左我就會起身再上下網之類,自己就差唔多一點左右上床訓,每次我剛剛訓落去就快訓著佢就醒了,總之就不停醒,晚晚都醒唔知幾多次...
一開始我以為我唔夠奶俾佢食,試過訓前喂奶粉,但係4安奶佢都食唔晒,(佢已經八個幾月大)但俾人奶就係咁吮,食完奶粉加人奶都一樣會醒,昨晚佢醒左幾次之後我唔想俾奶佢吮,試過喂佢飲肥仔水,同埋俾水佢飲,安撫奶嘴都俾過,不過佢根本就唔要,係咁搖頭,又試過抱起佢,拍佢,都唔定,佢吵得3-4分鐘我唔俾奶佢,老公又"寸"我話"佢喊著好耐了喔!成5分鐘了!!"於是我就更興....唯有好晦氣咁訓低又俾佢吮,一路吮一路話"食啦食啦,鐘意點食就點食啦!!!"
我真係好唔開心,好大壓力,唔知點算好,昨晚後尾我一個人走出客廳,話你鐘意喊幾耐喊幾耐,我唔想再理啦!點知我出左來聽到佢都唔係點喊,以為佢訓左,入房見到原來老公抱住佢同佢玩緊米奇公仔啊!佢仲碌大隻眼望住我笑...(果陣已經快5點鐘)
唉,又一輪"連哄帶鬧"佢都係唔肯訓,於是我生氣抱左佢出客廳叫佢自己玩,佢又真係眼碌碌周圍望又玩起玩具來,見我抱住佢喊佢又無端端係咁kiss我,個心都軟晒...最終搞到快七點,又再入去訓過,當然又係俾佢食奶....我覺得個胸已經好平冇再脹,佢食粥又麻麻地,日頭都訓一次最多2個鐘啫,又唔係訓得多,點解咁唔想訓覺呢?
點解夜晚不停醒,冇左奶嘴就唔得呢?就連今早七點至訓,佢都係個零鐘又醒一次,訓到中午快12點起身.................:-( :-( :-( 救命啊,我好唔開心,不如我戒左佢人奶好唔好呢?但係佢一定會喊得好勁,老公又會同我吵交,我都於心不忍啊....唉,點解我個乖女會訓得咁差呢?個心真係又痛又攰呀..........佢呢排又出緊牙仔,但見到裂開好多日了都係冇再長出來既?我真係覺得自己好失敗...唔識做人阿媽呀....唉

[ 本文章最後由 applegun 於 07-10-22 15:51 編輯 ]

0 0 0

私人傳訊回覆引用

雪~bb

侯爵府

積分: 23656

2011至尊種植勳章畀面勳章

2^#

發表於 07-10-22 16:33 |只看該作者

你女8個幾月大
同我仔差不多
你女好似都係2月出世

我仔訓覺都係咁架
一晚會醒幾次
但唔係真訓醒
醒醒地就會轉身去我訓果邊搵奶啜
啜幾啖就訓返架啦
佢地唔係肚餓
只係搵媽咪搵安全感
我都好似你咁等bb訓左出去上網
咁bb一醒我咪跳上床俾佢啜囉
啜一陣咪出返去做自己野
跟住我上床訓
我訓著左
如果bb搵我佢會ee哦哦
我咪轉身俾佢啜囉
bb訓果邊bra我係唔扣打開架
一轉身bb就啜到唔使理佢
佢啜夠自己會訓
根本唔關夠唔夠奶事
有d bb食奶粉同食奶咀咪又係咁一晚醒幾次
你使唔使返工架
唔使返工咪由佢啜囉
我反而覺得咁樣感覺好好
bb需要我冇我訓唔到
冇人可以取代我位置
我有好大滿足感架

所以我6公成日"呷燥"

私人傳訊回覆引用

applegun

複式洋房

積分: 473

3^#

發表於 07-10-22 16:52 |只看該作者

原文章由 雪~bb 於 07-10-22 16:33 發表
你女8個幾月大
同我仔差不多
你女好似都係2月出世
我仔訓覺都係咁架
一晚會醒幾次
但唔係真訓醒
醒醒地就會轉身去我訓果邊搵奶啜
啜幾啖就訓返架啦
佢地唔係肚餓
只係搵媽咪搵安全感
我都好似你咁等bb訓左出去上 ...

冇錯我個女2月初出世呀,
但係我覺得佢啜到我心好煩啊,而且好似感覺自己唔夠奶咁,啜得耐左會有少少唔舒服...同埋有冇奶自己都感覺到,好軟同埋好扁.....
佢又要不停咁啜,就算井水都要時間浸出來呀嘛,我要4個鐘左右佢唔食先會好"大包"既感覺...
佢一定要奶奶到就收聲,唉,我唔洗返工,不過日頭都要湊佢同埋煲湯煮粥俾自己同佢食,又要陪佢玩又要抱佢,都好攰,爸爸返工時間又唔一定,呢個星期返中pm3.00-11.45,返到來都12點了,我又要幫佢沖涼又要拖地洗衫,煮飯洗碗等等,再加上訓唔好,真係好辛苦呀,唉,其實我有時辛苦捱過左唔出聲就算,過左之後諗返就覺得咩辛苦都唔係一回事,但係我唔知點好,唔知咁既情形要持續幾耐??:-(

私人傳訊回覆引用

彤b^^

禁止訪問

積分: 20403

4^#

發表於 07-10-22 16:59 |只看該作者

提示: 作者被禁止或刪除內容自動屏蔽

私人傳訊回覆引用

applegun

複式洋房

積分: 473

5^#

發表於 07-10-22 19:19 |只看該作者

hi,彤b,
唔該晒你地先,我老公佢梗係唔鐘意俾人吵醒啦因為要返工丫嘛!
不過佢最唔鐘意應該係我唔俾奶個女食而由得佢喊囉,所以本來細個時我打算由佢喊一陣唔喂,佢就會話我,也就係咁我個女戒唔到夜奶,同埋我都同你一樣情形就係唔想吵住個老公,焗住要俾佢食,因為唯有俾佢食奶佢至會最快收聲= =
唉,而家就算要戒我諗都應該好辛苦啦,佢習慣左一喊就有奶食,突然冇既話,佢都係越喊越大聲,好慘咁,講真老人家話忍心d,我唔係做唔到,(因為興起上來都真係唔想去理佢住)但又會同老公吵,又會擔心戒人奶阿女身體會不會唔好,因為由出世到依家阿女未病過架,如果後果係佢身體不如依家,咁我要負好大責任會好內疚啊!
總之就係壓大好大...
係囉,bb出牙要幾耐呀?我個女下面門牙d牙肉裂開左一排了都仲未出到牙仔既?

私人傳訊回覆引用

celiacat

大宅

積分: 2514

6^#

發表於 07-10-22 19:52 |只看該作者

原文章由 applegun 於 07-10-22 19:19 發表
hi,彤b,
唔該晒你地先,我老公佢梗係唔鐘意俾人吵醒啦因為要返工丫嘛!
不過佢最唔鐘意應該係我唔俾奶個女食而由得佢喊囉,所以本來細個時我打算由佢喊一陣唔喂,佢就會話我,也就係咁我個女戒唔到夜奶,同埋我都同你一樣 ...

我囝囝已經20個月啦,咪都係頂多六個鐘就一定要啜奶奶,臨天光時直頭好似食buffet咁,密密食密密食,想食就搵我,其實我都好矛盾,好似前幾晚咁,囝囝訓唔夠五個鐘喊住要食,我唔俾佢,我唔想佢咁大仲食夜奶,叫佢飲水,結果佢飲了半杯水,然後攬住我訓返,其實有時會諗,反正佢半夜一定口渴醒,我應該俾奶佢定係叫佢飲水呢

歡迎參觀奀皮仔朗維

私人傳訊回覆引用

sjlam

男爵府

積分: 5906

好媽媽勳章醒目開學勳章

7^#

發表於 07-10-22 23:25 |只看該作者

我個女已經6個半月喇，佢都係訓得唔長個隻，之前一晚醒1-2次，近來1-2個鐘就醒一醒，食住繼續訓，"臨天光時直頭好似食buffet咁"celiacat講得好中呀！通常4-5點就開始，我有時都好唔開心，覺得好似唔夠奶比佢飲，搞到佢訓唔得好。見到人地d bb訓完清神奕奕，自己個女就成隻"國寶"咁....唉....可以點呀？
唔知有冇媽咪已經過渡左里個楷段，可以分享下經驗嗎？等我地都有d昐望同鼓勵呀！

原文章由 celiacat 於 07-10-22 19:52 發表

我囝囝已經20個月啦,咪都係頂多六個鐘就一定要啜奶奶,臨天光時直頭好似食buffet咁,密密食密密食,想食就搵我,其實我都好矛盾,好似前幾晚咁,囝囝訓唔夠五個鐘喊住要食,我唔俾佢,我唔想佢咁大仲食夜奶,叫佢飲水,結果佢 ...

私人傳訊回覆引用

applegun

複式洋房

積分: 473

8^#

發表於 07-10-22 23:25 |只看該作者

原文章由 celiacat 於 07-10-22 19:52 發表

我囝囝已經20個月啦,咪都係頂多六個鐘就一定要啜奶奶,臨天光時直頭好似食buffet咁,密密食密密食,想食就搵我,其實我都好矛盾,好似前幾晚咁,囝囝訓唔夠五個鐘喊住要食,我唔俾佢,我唔想佢咁大仲食夜奶,叫佢飲水,結果佢 ...

咁如果佢日頭都飲左足夠既水我覺得俾奶會好d吧?
唉,唔知今晚又點...

私人傳訊回覆引用

applegun

複式洋房

積分: 473

9^#

發表於 07-10-22 23:43 |只看該作者

原文章由 sjlam 於 07-10-22 23:25 發表
我個女已經6個半月喇，佢都係訓得唔長個隻，之前一晚醒1-2次，近來1-2個鐘就醒一醒，食住繼續訓，"臨天光時直頭好似食buffet咁"celiacat講得好中呀！通常4-5點就開始，我有時都好唔開心，覺得好似唔夠奶比佢飲，搞到佢訓唔得好。見到人 ...

我個女日頭又好夠精神喎!成日都好精靈既,冇熊貓眼..反而有熊貓眼應該係我= =訓極都好似訓唔夠咁,有得訓時有時又失眠,好辛苦,所以真係會發忟憎,又好無助,唉,仲要成日為左bb既少少事又同老公吵起上來,因為覺得個老公緊張個細既唔錫個大既囉~~~
冇錯啦,有冇有經驗既媽咪俾d意見我地呀?