我同個賓renew左contract(2月約滿),因為佢真係好好,清潔同對我D小朋友都好好,我仲打賞左2千幾銀俾佢. 當時,佢係我請過4個工人以來最好既1個. 5月開始佢開始成日傾電話… (我仲有個姨姨響我返工時來我屋企,睇住D小朋友同帶小朋友出入, 個姨姨話個賓電話不離手,不過佢係有做野既).
我個廳有cam,廚房冇,個賓一傾電話就lee埋係廚房. 我係唔准D小朋友入廚房既…今日個姨姨請假,我亞媽來睇D小朋友. 我亞媽同我大囡上完興趣班回來,一開門就見倒我個細囡響廚房…個賓響度傾緊電話,好大聲咁叫我個細囡出返來(因佢知婆婆回來), 之後急忙收線… 婆婆話個細囡係度講緊驚驚,因為行緊雷.好明顯個賓唔係理緊佢啦!
另外,上個星期有人打我屋企個電話俾佢.個賓話唔關佢事,係因為佢個friend同我個賓一齊開手提電話,我個賓就寫左我屋企既電話(for reference?), 佢個friend就用埋我個屋企電話.家陣佢個friend冇交月費就有人打來我屋企.奇就奇在打來果個都係賓賓,佢話係由菲國打來,電話顯士係外國電話,不過我個賓就死話係中環一間電訊公司打來.我都唔知佢攪乜?
當我個賓day 1來到我家,我就同佢白紙黑字寫低唔准工作時間傾電話,帶headphone,亦唔可以係未得我同意下俾我地D電話人地.
我e+想同佢講我唔想呢D問題來發生,但又怕佢唔鐘意(不境我有小朋友響屋企),請問我可以點講呢? Thx!
發表於 
返回列表
