夫婦情感

收藏本版
發帖
返回列表
跳至頁

首頁
12

尾頁
   0
Karena1015


男爵府

積分: 9099


1#
發表於 07-10-24 23:35 |只看該作者
阿仔出世到而家2個幾月，而家我都已返緊工，我地同99一齊住佢亦幫我湊阿b，坐月果個月，阿b多數都係我湊，夜晚阿b喊第一個起身既一家係我，果陣心諗做阿媽又未洗返工，應該既！老公多數都會瞓著左，唔係阿b大喊都唔會起身，而起身時只會問"做咩呀？"我都知佢唔鍾意比人嘈醒，我忍！佢要返工比阿b嘈醒會冇精神，我明既。不過阿b都唔癡我，唔知點解呢，阿b鍾意99同老公抱多d，有d心傷。

到左坐完月要返工，我地同99一齊住佢亦幫我湊阿b，夜晚阿b同佢瞓，情況好左好多，我都有得瞓下，但99每日凌晨3點幾都會去晨運，阿b就擺出廳，喊/食奶都仍然係我，都明既，老公做野辛苦d嘛。有時都會叫老公餵奶，因我餵人奶，返工後盡量都泵出黎比阿仔，叫老公餵時，佢話唔識掃風，唔肯餵，都ok，我最多餵完掃完風先再泵奶囉，叫佢換片，又話唔識包，都好喇，又我換喇，鬼叫我生出黎架咩，而家好左d十次會換/餵一次。

阿b出世冇耐，佢就買左架車，話方便出街喎，點知佢好似理架車多過個仔咁，佢有時間去洗車打臘，阿仔就留比我理，仲有佢以前一路都有keep住踢波，我生之前停左個幾月，而家又開始返，一星期兩次度，阿仔又係我理，其實我唔係介意照顧個仔，但我想公平d囉，點解我連泵奶既時間都要就，而佢就可以去呢度去果度？

好多次都因為阿仔令我同佢嘈，仲好多次都好想喊，點解要搞成咁，其實真係好少事，但我有時諗到好似咩都係我付出晒咁，又要餵人奶，成日擔心唔夠，想泵密d時間又唔容許，而佢又可以周圍去，我連返工衫都冇時間買，點解佢唔可以陪我地多d？我都好想有自己既時間，而家好似放假/工，名b一定要跟住我咁，我既壓力真係越黎越大喇


私人傳訊

心滿意足


男爵府

積分: 8910

好媽媽勳章


2#
發表於 07-10-24 23:39 |只看該作者
同佢傾下先,睇下佢肯唔肯改,唔肯改就發佢脾氣,直至佢肯改為止
私人傳訊

eva1320


男爵府

積分: 7478


3#
發表於 07-10-24 23:56 |只看該作者
Dear Karena,

唔好諗咁多野呀, 啱啱生完bb, 曾取時間休息, 暫時唔好理個c6住, 咩都唔好指意佢, 過多一排bb跟你唔跟佢, 佢就知味道嫁la, 餵人奶係勁辛苦, 但一諗到肥肥白白健健康康ge可愛樣, 就咩都值返哂, 加油呀, (不過千其唔好"免"強自己, 如果覺得 唔到, 咁食奶粉都好嫁)

多d上黎傾下計, 講下湊仔經, 好開心嫁, 注意力去返bb到, 唔好理個c6住

原文章由 Karena1015 於 07-10-24 23:35 發表
阿仔出世到而家2個幾月，而家我都已返緊工，我地同99一齊住佢亦幫我湊阿b，坐月果個月，阿b多數都係我湊，夜晚阿b喊第一個起身既一家係我，果陣心諗做阿媽又未洗返工，應該既！老公多數都會瞓著左，唔係阿b大喊都唔會起身，而起身時只會 ...
私人傳訊

ammon.wong


男爵府

積分: 8849


4#
發表於 07-10-24 23:58 |只看該作者
初為人母, 當然同做囡, 做老婆唔同啦.. 真係會辛苦好多好多...你要加油呀!
男人基本上係自私過女人, 好多時只顧自己的享樂, 女人就唔同, 做媽媽就更唔同了......... 母愛是無微不至, 無私,
你可以同佢坐低慢慢傾, 平心靜氣咁話俾c6知你的感受, 我相信佢會明白&諒解你既..
我做左媽媽超過10年, 我可以好肯定咁話俾你知, 做媽媽既負出一定會多過爸爸好多倍.. 不過, 當你見到阿仔一天一天咁成長, 就乜野壓力, 什麼的不開心, 都唔會再有架喇.....努力! 奮鬥! 加油! 我永遠支持你啦!!!!:-P


原文章由 Karena1015 於 07-10-24 23:35 發表
阿仔出世到而家2個幾月，而家我都已返緊工，我地同99一齊住佢亦幫我湊阿b，坐月果個月，阿b多數都係我湊，夜晚阿b喊第一個起身既一家係我，果陣心諗做阿媽又未洗返工，應該既！老公多數都會瞓著左，唔係阿b大喊都唔會起身，而起身時只會 ...

Cheers,

阿檬
私人傳訊

eva1320


男爵府

積分: 7478


5#
發表於 07-10-25 00:02 |只看該作者
唔好啦, 唔好發脾氣啦, 生完bb情緒有一段時間會唔穏定, 等陣激親自己就唔低ar, 你都同佢鬧過咯, 我諗再鬧都作用唔大, 仲激親自己tim

信我丫, 張d心機時間放落bb度, 一定有回報嫁, 好快bb就好跟你, 你會感受到bb ge愛,

個c6.........唔係唔理, 不過暫時唔係時候

原文章由 心滿意足 於 07-10-24 23:39 發表
同佢傾下先,睇下佢肯唔肯改,唔肯改就發佢脾氣,直至佢肯改為止
私人傳訊

小寶貝兒


珍珠宮

積分: 30295


6#
發表於 07-10-25 01:17 |只看該作者
妳老公咁樣, 暫時改變唔到!!

男人同女人唔同, 女人懷胎十月, 由一知道自己有左開始, 母愛就會係心底慢慢增長, 而男人, 要到bb出左世, 親眼見到一個同自己血脈相連既人仔, 父愛先會開始積聚!!

所以, 要比多少少時間, 比佢地有親子時間, 有時, 親子時間唔代表一定要爸爸喂奶或換片既, 出街時, 多d叫老公抱住仔仔, bb得意, 多數會引到d c9阿太埋黎, 同妳老公傾下, 讚下個仔好得意好可愛, 咁樣佢又會多d驕傲感同認同感, 會更愛更緊張個仔!
有時, 妳喂完奶, 掃完風, bb仲精神既, 就交比老公, 叫佢地玩一陣, 你去做其他野, 呢d又係親子時間!!

要記住, 男人唔同女人, 唔會咁快自覺佢係一個人仔既爸爸, 冇女人果種使命感!! 所以更加需要多d時間既相處, 如果太強逼佢照顧仔仔, 佢可能會覺得好麻煩(即使做媽媽既, 都會有時覺得唔知bb喊乜, 比佢喊到心煩架啦!! 更何況係更不了解bb既爸爸呢~)

加油呀!!

另外呢, 妳話bb唔多鐘意跟妳, 我唔知呢樣會唔會有關

我聽人講過, 若喂人奶, 媽媽的心情都會令母奶既味道改變, 心情唔好, d奶會冇咁好味, 而且妳抱bb時, 係咪多數都唔開心? 咁樣都可能係其中一個bb唔跟妳既理由!!

因為我99個樣, 成個苦瓜乾咁, 我第一眼見到佢仲以為我踩親佢條尾呀!! 所以d bb唔鐘意跟佢, 佢一抱bb, 尤其係b女, 一掂就喊到失控~~

多d笑下啦, bb都鐘意望到媽媽笑架!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

clementbaby


子爵府

積分: 11879

畀面勳章


7#
發表於 07-10-25 01:46 |只看該作者
唉！大部份男人都係咁樣架啦
我c6都係咁架
我就同佢講(仲要有小小惡)
究竟個b你有冇份先(c6實唔出聲)
如果有份點解唔識得幫下手呢
唔好話唔識law
你一出世唔通就識行識走咁叻(又係唔出聲)
唔識咪學law我都係咁學返黎架
唔通我一生阿b出黎就乜都識咩
我咪又係學返黎
你唔理阿b呀遲d佢連你係乜水都唔知呀！

跟住乜野都要佢幫手
同埋要佢望清楚
有時見c6得閒咪叫佢換
有時自己扮唔得閒要佢換片(話肚痛去廁所)
等佢一支公去換，換換下咪識law
仲要好似tim細路仔咁讚下佢好叻呀果d野咁
自自然然佢就會做架la

私人傳訊

CMMANDY


珍珠宮

積分: 31586

母親節2025勳章 2025勳章蛇年勳章 牛年勳章


8#
發表於 07-10-25 09:54 |只看該作者
點解母親節和父親節有咁大分別 呢? 就是大部份都是媽媽ga辛勞多D囉 , 男女跟本唔平等, 我 ga case, 是任何囝囡ga野都是我咁濟, 不過我老公就無外出, 他最肯做浪衫, 不過浪足半小時 .
幸好我d囝囡好親我的, 這樣算是一種回報
私人傳訊

Karena1015


男爵府

積分: 9099


9#
發表於 07-10-25 09:54 |只看該作者
多謝大家既意見先，其實佢唔係第一次做人爸爸架喇，佢自己有個女，都10歲喇，不過冇乜見就真既，而我卻係第一次做媽媽，點解我d野唔識就要頂硬上，而佢就要靠我喎，真係唔係好明囉，我未有bb時都有同佢傾過踢波問題，佢話踢波係佢唯一既興趣，經過果次我唔夠膽叫佢唔好去踢波，怕佢覺得我管住佢，唔知係咪我自私/諗得太多呢，成日覺得佢付出冇我咁多，而佢又成日用d唔係咁高興既態度同我講野，令我心情更加唔好，好似好多野不滿咁，我驚終有一日我會爆呀。


私人傳訊

cc0202


男爵府

積分: 6160


10#
發表於 07-10-25 12:01 |只看該作者
原文章由 Karena1015 於 07-10-25 09:54 發表
多謝大家既意見先，其實佢唔係第一次做人爸爸架喇，佢自己有個女，都10歲喇，不過冇乜見就真既，而我卻係第一次做媽媽，點解我d野唔識就要頂硬上，而佢就要靠我喎，真係唔係好明囉，我未有bb時都有同佢傾過踢波問題，佢話踢波係佢唯一既 ...

男人冇女人咁细心及耐性架佢地會覺得BB咁细隻軟淋淋好難攪所以唔多咁掂BB,等BB大Ｄ識同佢玩就會好Ｄ架,我C6就係人辨,你要加油呀
私人傳訊

大肚婆小姐


洋房

積分: 466


11#
發表於 07-10-25 12:16 |只看該作者
自私 d, 對自己好 d
等你老公學下付出就 ok
不過要做到先得, 講係無用
私人傳訊

ivy_lau


男爵府

積分: 5054


12#
發表於 07-10-25 12:19 |只看該作者
其實男人同女人既分別就係男人一生一世都會有個女人響身邊服待佢,未結婚之前會有佢阿媽,結婚之後會有個老婆....
女人唔同,結婚之前阿媽照顧,但係結婚之後,你唔生都至少要照顧一個人,所以男女係唔平等既,而且男人真係會自私一點,好多野佢地唔會明白唔會感受到..
我都係餵人奶,我老公一樣乜都唔理,夜晚個仔喊都係我理,佢自己一早同我分房訓好耐,佢唔想個仔嘈到佢,我都有同佢嘈,點解一定係我理？個仔佢無份架咩？響佢角度嚟睇,佢覺得我唔駛返工,日頭可以大把時間休息,但係你估我做少奶咩,朝早又要做家務,又要同仔玩,又要煮飯,男人點會明白女人響屋企無得抖吖...唉,女人係苦命D,樓主你都唔好咁激氣喇,好多女人同你處境都差不多,你試下同你老公傾下幫下你手,如果佢唔肯都吹佢唔賬,唯有睇開D~~
私人傳訊

Siuchoi


珍珠宮

積分: 32052


13#
發表於 07-10-25 12:47 |只看該作者
唔知點解D男人係咁, 我大女已經8歲了, 回想起當時, 咩都唔識, 又冇人幫, 又要返工, 覺得自己勁慘, 老公又話咩都唔識唔洗理BB, 同BB玩既時候就有佢份, 揍BB就係我! 有一日, 我比左BB呀媽睇住先, 晚飯之後, 我叫我老公一起到公園散步, 我話有野想同佢講, 唔想比屋企人聽到, 之後我們就在寧靜的公園內傾談, 我說我生完BB後遇到的問題, 可能環境清靜, 空氣又好, 傾起來大家都好和氣, 佢聽完之後, 第2日開始真係改善左DD~ 至少換片後都會幫我丟在包片先啦! (之前放包片在地上成日都唔丟架), 算啦, 小朋友好快大, 自己揍BB, 回憶都多D, 第時BB大左, 你大把話題同佢講, 邊個照顧佢, 邊個咁辛苦, BB知道架~ 老公? 行開D啦~
私人傳訊

ammon.wong


男爵府

積分: 8849


14#
發表於 07-10-25 13:02 |只看該作者
Karena,
算啦, 其實你老公鐘意踢波都係健康的運動, 踢開好能叫佢唔踢架..
認真d, 心平氣和d同去傾下, 大家協定好自己既私人時間, 咁都ok 架... 唔好咁煩啦.. 加油呀!!!

原文章由 Karena1015 於 07-10-25 09:54 發表
多謝大家既意見先，其實佢唔係第一次做人爸爸架喇，佢自己有個女，都10歲喇，不過冇乜見就真既，而我卻係第一次做媽媽，點解我d野唔識就要頂硬上，而佢就要靠我喎，真係唔係好明囉，我未有bb時都有同佢傾過踢波問題，佢話踢波係佢唯一既 ...
Cheers,

阿檬
私人傳訊

carylce


大宅

積分: 2015


15#
發表於 07-10-25 13:22 |只看該作者
嘿~~~我老公咪又是咁樣....
玩就有距份,不過都是好短時間...
不過我工返工,B是99湊,一個星期淨是星期六日同99一齊湊B
B跟99訓..
我老公見老豆既時間好少,但她都好癡老豆...
都唔明點解,B見我時間多過老豆好多啦.但唔癡我....
我老豆咁少時間陪我,
我真是想B唔知他,唔同他玩..(好似好衰咁:tongue: :tongue: )
私人傳訊

ammon.wong


男爵府

積分: 8849


16#
發表於 07-10-25 13:30 |只看該作者
你放心啦, 遲 D 你的 BB 一定癡你多過你老公, 我眼見個個細路都癡媽媽多過爸爸架... 因為我地既"母愛" 真係好偉大o架...:-P



原文章由 carylce 於 07-10-25 13:22 發表
嘿~~~我老公咪又是咁樣....
玩就有距份,不過都是好短時間...
不過我工返工,B是99湊,一個星期淨是星期六日同99一齊湊B
B跟99訓..
我老公見老豆既時間好少,但她都好癡老豆...
都唔明點解,B見我時間多過老豆好多啦.但唔 ...
Cheers,

阿檬
私人傳訊

mywong


男爵府

積分: 9963

好媽媽勳章


17#
發表於 07-10-25 13:35 |只看該作者
慢慢黎, 你個C6可能仲未習慣多左個B, 同埋d男人成日驚自己粗手粗腳會整親個B,所以好多野都唔會主動去做.

你繼續叫佢幫手, 佢做得唔好都唔好話佢, 等佢上左手就會主動好多.

私人傳訊

牛皇妹


子爵府

積分: 11667


18#
發表於 07-10-25 15:45 |只看該作者
樓主,你唔好咁唔開心啦~我個c6都係咁架,佢收好夜,我留飯比佢,佢食完咩都唔執,隻腳就行左去電腦個邊:-| 食完d薯片,零食d包裝袋都唔會拎去掉下,抺完咀d紙巾就咁放係枱~沖埋奶叫佢幫手喂仲叫番你轉頭,都唔知點解d男人個個都有呢d通病?-(

[ 本文章最後由 牛皇妹 於 07-10-25 15:55 編輯 ]
私人傳訊

OneTwoThree


男爵府

積分: 5598


19#
發表於 07-10-25 16:35 |只看該作者
原文章由 ivy_lau 於 07-10-25 12:19 發表
其實男人同女人既分別就係男人一生一世都會有個女人響身邊服待佢,未結婚之前會有佢阿媽,結婚之後會有個老婆....
女人唔同,結婚之前阿媽照顧,但係結婚之後,你唔生都至少要照顧一個人,所以男女係唔平等既,而且男人真係 ...


agree~ 我奶奶都係咁問我嫁, 朝早有無煮早餐俾佢個仔即係我老公食, 又話我老公同個孫即係我個仔越嚟越瘦, 頂~ 女人唔係天生出嚟要服待男人, 我做女時夠唔洗做啦, 點解結左婚就要我好似呀四咁做~做~做~ 睬佢都有味啦, 你有你揍b, 而家bb都係出世無耐, 你係會非常唔適應, even就算我個仔而家兩歲幾都仲係好困身, 但當佢慢慢長大你就會覺得揍bb會有好大滿足感, 因為你可以由一個bb揍到佢成人, 呢段時間真係要慢慢適應, 老公好多時會置身事外乜都唔理, 皆因俾99縱慣左係屋企做少爺, 同埋bb唔係佢個肚度出, 個責任感會無我地咁重, 諗住老婆會攪得掂, 或者呀Q d睇, 老公都係睇得起你啫, 如果唔係都唔會俾你一個人pick up哂bb既野啦, 你而家唔好同佢嘈啦, 留番ｄ氣教自己個b好過啦, 大既無得教, 個細既仲有得教嘛, 努力呀!!

仲有, 你個bb好cute呀, 好想搣吓佢臉珠仔, 加油呀, 有咩唔開心記住上嚟講呀

[ 本文章最後由 OneTwoThree 於 07-10-25 16:41 編輯 ]
私人傳訊

Karena1015


男爵府

積分: 9099


20#
發表於 07-10-26 12:52 |只看該作者
其實做多d我真係唔介意，但係而家好似做咩都係我唔岩咁，有次阿仔換換下片痾臭臭，搞到件衫又有，瞓住果塊"隻"同我條褲都係，但佢都仍然要我幫阿仔換左衫先，佢就企左係度，到我放返阿仔落床仔，佢就大大聲同我講，唔好捱埋去啦(因我條褲都有臭臭)，我開始不滿，但都冇出聲，咁我換完褲就幫阿仔洗件衫先(因臭臭黃色如果食左落件衫好難洗)但佢就不斷叫我唔好洗住，我問點解佢又唔講咩原因，我都唔知佢想點，之後佢先話要洗左塊"隻"先，大佬呀！你唔講我點知呀？！果一刻我真係嬲都爆，咩都係我做，你就企係度，搞到我直情喊住咁大聲話"我唔湊喇！"

尋日又試係咁，永安減價，同99一早講左會去買d野，點知老公冇端端話想星期六先帶埋阿b出去買，咁我梗係話唔好啦，星期六人又多，帶住阿b又唔方便，點都叫老公尋日去，去到油麻地冇位泊車，咁我地去尖沙咀啦，又冇位亦冇車場添，咁又返油麻地泊遠d既車場，去到我地要既野冇貨、冇得訂，咁我咪叫老公再去尖沙咀囉，佢就話我喇，咁我點知會冇貨，星期六去都係冇架啦，仲要帶住阿b咪仲唔方便，而佢就死都覺得星期六去好d，仲好不滿咁話"都話左星期六去架啦，都唔知你急乜"我真係唔明囉，兩個人出去唔係方便d咩？咁我就心平氣不和，但都用好好既語氣同佢講"對唔住，你唔好去啦，我自己去得架喇"之後先火火地加句"都唔明點解生完bb之後咩都係我錯晒"佢聽完當冇件事，同我講笑，之後都係照我計劃去左尖沙咀，雖然都係買唔到，但起碼有得訂貨。

我真係好唔明，點解咩都係我做而咩都係我錯？佢就最岩？點解唔可以用好d既語氣同我講野，我唔係佢心果條虫，好多野我都唔知架，唉~~我真係越黎越頂佢唔順。


私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy