吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 大控訴

夫婦情感今日: 5|主題: 42708

收藏本版

發帖

返回列表

跳至頁

查看: 3238 | 回覆: 30

大控訴 [複製鏈接]

JennyKwok

大宅

積分: 2735

1^#

發表於 07-10-26 09:08 |只看該作者 |倒序瀏覽 |打印

自從我有咗bb之後, 已停了找工作, 專心在家安胎, 但經濟點算, 老公只每月給予$500咁大把的現金, 根本不夠用, 連食個早餐, 都給兩名多事的姑拉及奶奶的諸多意見, 成日話我浪費金錢, 試問食個$15, 6元的早餐都要給人批評, 又不是食她們的, 好過每天都是煮麵吃, 我就真是吃不下呢!
生完囡囡之後,我覺得我的老公及奶奶對我與以往不同,當初我陀住個女開始,佢地對我特別照顧,因為我陀住他們的骨肉,尤其是我奶奶, 恨抱男孫恨到發晒燒, 由個女護士長看超聲波話我呢胎係女既時候,我親眼見到我奶奶成塊面由滿臉笑容變成黑面神; 其實仔又好女又好啫,駛唔駛咁介懷呢, 之後回到家時已變口說, 其實男孫又好, 女孫又好啦, 都係我既孫啫, 只要健健康康就得架啦 (講假話)!!
好啦, 生完個女之後, 我的情緒起了變化,時常同個女一齊喊,佢老人家就話我喊喊喊..喊咩呀, 我以前夠生幾個啦, 又唔見產後抑鬱, 宜家就咁多嘢煩, 淨係服侍妳 (指我)就夠辛苦啦, 仲要服侍埋妳個女, 呢d說話真係頗為難聽. 好啦, 坐月都未完, 我老公已經急不及待叫我搵工做, 呢樣野唔駛佢地講我都會去搵啦, 搵咗成兩星期都未有消息, 個老人家就唔係好耐煩, 剛巧個抽油煙機又要更換零件, 仲要去到屯門區, 我老公話我去配啦, 佢老人家就話, 你唔駛開工咩, 我又要在家做家務, 叫
得閒人去啦, 吓! 即係叫我啦, 我火都嚟埋話, 等我呢個得閒人去啦, 個個都係大忙人嚟架嘛! 谷鬼氣!!

0 0 0

私人傳訊

JennyKwok

大宅

積分: 2735

2^#

發表於 07-10-26 09:10 |只看該作者

基本上我每天都有女女衫, 毛巾,等要洗, 總共都有成7, 8件咁多, 我每次總會放落洗衣機內洗的, 呢次個老人家就出聲話, 成日放d衫落洗衣機洗
(因為佢地平時洗衫都係用手洗的), 睇吓幾時整壞, 我又駁佢: 個洗衣機成日當展覽品咁放係度, 唔用至壞呀!! 又有一次, 佢老人家每日都慣了7時起床, 但星期日佢唔想我們咁遲起床就用鑊產敲打不锈鋼碟來叫醒我們, 妳係人係鬼都希望仔, 媳婦及孫女可以睡遲一點, 平時都已經早起床, 她最想我們每星期日一早起床打掃屋企, 做掂晒家頭細務才去街, 飲茶! 佢最痛錫佢個女, 比個女用粗口當街當巷產到佢頭仰仰就好地地, 妳話佢呢種人係咪欺善怕惡!
至於我老公, 我生完個女後, 佢對我的態度就開始變差, 可能我果時只顧個女, 沒有顧及佢既感受, 佢對我成日將件細微既事化大, 譬如我同佢之間發生問題, 佢都會向佢亞媽講, 弄到我同佢之間都好似沒有秘密, 我宜家覺得我同佢, 奶奶及他的家人好似有隔膜, 我唔開心既時候, 唔敢對老公講, 因為我知道同佢講, 佢唔會開解妳, 反會像微波傳送, 即時將我所講的, 一五一十向奶奶品告! 想同媽咪, 亞妹講, 但她們都無心聽妳講, 同知心友Kathy講, 佢會話: 妳唔好同我講呢d嘢, 我驚妳會打沉我!” (因為她都有抑鬱症), 沒有傾訴對象的我, 唯有求助 ”撒瑪利亞防止自殺會”, 對她們講出抑壓心裏的鬱結, 可暫時紓解到!

私人傳訊

JennyKwok

大宅

積分: 2735

3^#

發表於 07-10-26 09:11 |只看該作者

我唔舒服時佢唔會問妳點呀, 駛唔駛我陪妳去睇醫生, 佢唔會咁做; SAR期間我感冒, 去看醫生, 醫生話似有SAR徵狀, 嚇到我死, 屋企人即晚食飯要我用工筷, 對我都有啲忌諱, 我已經早晚都有戴住口罩, 佢都唔係好敢比我掂個女, 我老公佢衰到連睡覺都話要出廳睡!! 驚我傳染佢!! 掉轉如果係佢阿媽, 佢就會對佢呵護備至, 所以我覺得佢係一個好仔, 1/3 好爸爸, 但絶對不是一個好老公!!! 買咗張被給個女,
因為舊個張都唔啱個女, 有時同個c6 駡交時, 時常將我件外套掉進垃圾桶裏; 將我衣櫃d衫整到亂晒; 又同佢亞媽, 家姐講我的不是, 根本由始至終我係受害者, 佢嗅檔到連我呀媽都話, 我呢世女最討厭有人抵毁我父母, 於是我咪反話佢老母咯!! 我事後同奶奶講, 講佢個仔點樣陰濕, 仲同佢亞媽講妳唔好怪我咁講野, 妳個仔咁話我媽, 我梗係要咁樣話番妳啦!! 佢個老人家話其實我己經忍住, 我心唸, 妳個仔有妳生, 我就無阿媽生咩, 怪就怪妳個仔駡人唔駛本, 唔好以為我地郭氐家族好(蝦)
得格!!

食晚飯時, 閒話家常, 當時講起香港人, 佢個老人家唔知做咩鬼咁激動, 又話d香港人擺款, 冇錢係度沖濶佬, 講到呢度我都唔會咁激氣, 最激氣就係佢話係香港土生土長既香港人個個都係衰人, 嘩! 呢句就最頂心, 我即時駁佢, 我話奶奶妳講咩呀, 咩土生土長既香港人個個都係衰人呀
(因為我都係made in Hong Kong), 妳地d大陸人又有咩咁巴閉呀, 冇公德心, 見錢眼開, 又懶又hill, 奶奶妳咁憎香港人就唔好
落黎香港定居啦, 死返上去妳既祖國懷抱 – 新會啦, 落黎香港把鬼咩, 仲申請埋兩個女落黎, 妳唔好忘記妳雖然唔係係香港出生, 但妳都已經係香港生活咗30年啦 ; 妳莫講話屯門, 元朗唔識去, 連九龍都唔識, 又算唔算得上係香港人呀!!!

私人傳訊

JennyKwok

大宅

積分: 2735

4^#

發表於 07-10-26 09:12 |只看該作者

同妳一齊住好多野都冇自由, 好似天氣熱, 呢幾日成30幾度氣溫, 夜晚開冷氣睡覺都好正常啫, 但妳個老人家就怪到自己唔開, 就唔比人開, 成日就話咁既天氣駛咩開冷氣呀, 吓!! 30幾度噃都話唔駛開冷氣?? 妳自己唔開我唔管, 但妳管到我, 我就要出聲!! 客廳部冷氣機, 每次開親溫度都徘徊在27度, 不如關機算吧!! 每次開洗衣機洗衫, 佢個老人家都要用隻眼look一look我, 我成日重申洗衣機係要黎洗衫, 唔係要黎陳列的, 唔用就會壞!!!!
佢老人家最痛錫4樣野, 第一佢個女 (三家姐), 第二佢個男孫明輝, 第三屋企牆壁, 第四屋企柚木地板, 屋企每樣野, 包括傢俬等, 都要用膠袋或雜誌墊地, 恐防弄花地板, 如果真係咁愛錫地板當初就唔好舖柚木地板, 轉舖鏄地咪仲好, 女女啲玩具如有轆的話, 都不許在地板上玩; 牆璧用白色漆油漆上, 佢都好錫住, 最愛用紙皮左插右sip在睡床近牆璧位置, 非常礙眼!

私人傳訊

JennyKwok

大宅

積分: 2735

5^#

發表於 07-10-26 09:13 |只看該作者

成日就話d洗衣粉用得咁快, 梗係啦, 呀一又用手洗牛仔褲, 呀二又用手洗衫, d洗衣粉唔快用晒就奇啦, 正如睡房部冷氣機, 一年到晚都唔開, 唔壞就奇啦!! 我知啦, 可能d大陸呢
真係唔怕熱架, 佢地只會怕凍, 天氣得15度都要著3條褲 (連埋底褲)!! 妳頂唔頂得佢哋順!!!! 我記得我同老公拍緊拖將近結婚既時候, 佢個老人家夠胆死同我講話將來妳地結咗婚之後, 妳 (指我) 唔好成日返外家, 只有過年過節才可返外家呀!! 我眼都突埋望住佢老人家話, 吓! “伯有”, 宜家咩年代呀, 二千年啦, 仲有呢支歌仔唱既, 我個人好講自由架, 唔鍾意人管住我既, 就算我將來的老公都唔可以管到我, (更何況妳!!) 呢句我冇講! 自始之後, 我地既關係就正如奶奶與新抱, 說話時表面上客客氣氣, 但實際上大家有心病, 沒有一點像兩母女般的婆媳關係!! 媽咪當初都有同我講, 話做人新抱, 態度要好似對自己母親一樣孝順, 其實我都有嘗試過, 但唔可以!! 果個始終係奶奶, 唔係自己母親; 有人問過我, 如果妳媽咪, 老公, 兩個跌落水中, 妳只可救一人, 妳會救誰? 我想都不用想會救自己媽咪, 因為母親得一個!!
講開香港電台處長召妓既事, 又話男人出來滾, 做女人要懂得啞忍, 鬼叫你係佢老婆呀!! 咁又係既, 咁咪叫妳個女唔好落黎香港自食其力啦, 係大陸食呀工咪仲好, 自己老公包二奶, 做人老婆都要啞忍架啦, 鬼叫妳嫁佢咩!!

私人傳訊

JennyKwok

大宅

積分: 2735

6^#

發表於 07-10-26 09:13 |只看該作者

學校有份學畫畫的通告, 個老人家就不滿地說: 駛唔駛咁巴閉呀, 宜家咁細個就學呢學佬, 等佢大d再算啦?! 有冇搞錯呀, 宜家都4歲半, 讀緊低班啦! 而家唔學等幾時呀, 舊年又話今年, 今年又話明年學, 又唔駛妳個老野比錢, 關妳咩事啫!! 多事幹!! 有啲人一星期學3樣興趣班啦, 宜家安排係星期六學, 仲係係學校添, 我知, 阻住你個老人家去飲茶, 妳可以送完瑤瑤上興趣班, 先飲茶都得架嗎!! 死蠢!!
呢一晚, 個死佬, 又唔知做咩鬼, 又係度亂吠, 又話個女由年頭開始咳, 到宜家啲咳成日番發, 好賴我新精頭掉咗個女個枕頭,由年頭嘈交嘈到年尾, 咁又係咪可以賴你! 我產後抑鬱到宜家都未好, 咁又係咪賴你同你亞媽呀! 全家人都迷信到咁, 點頂呀! 呢唔得, 果又唔得, 麻鬼煩!! 仲有果個咁既奶奶, 細路仔生病就梗有架啦, 成日就話麻鬼煩, 一日講成幾十次, 妳個死老鬼, 夠成日麻鬼煩我啦, 唔係呢度唔舒服就果度唔舒服, 成日麻煩到我要攞假!! ~

私人傳訊

wxxyxn

大宅

積分: 2339

7^#

發表於 07-10-26 09:20 |只看該作者

兩個星期啫，搵兩三個月就差唔多啦

可唔可以當佢地成家人透明呀? 自己搵到份工之後就儲錢囉，唔知妳想呻下定點，如果佢地長期都係咁，都真係子難相處。雖然妳駁得佢好好，但咪鬼睬妳99啦，同呢d人講野整cheap自己。

私人傳訊

Siuchoi

珍珠宮

積分: 32052

8^#

發表於 07-10-26 09:30 |只看該作者

唉~ 同老人家住就係咁架啦~ 可否考慮搬開住? 如果唔得....咁你就一定要諗諗計了, 要一齊住, 便要包容了, 睇開D啦~ 你諗下BB有幾得意, 咁你就會開心晒架啦~ 最後忠告: [自己一定要儲起個錢, 你老公靠唔住, 有咩事帶埋個女鬆人!] good luck姊妹 >_^

私人傳訊

mickeywinnie3

翡翠宮

積分: 81026

2025勳章 2025勳章蛇年勳章

9^#

發表於 07-10-26 10:01 |只看該作者

agree ! 振作 !!你老公靠唔住, 有咩事帶女走 !!

原文章由 Siuchoi 於 07-10-26 09:30 發表
唉~ 同老人家住就係咁架啦~ 可否考慮搬開住? 如果唔得....咁你就一定要諗諗計了, 要一齊住, 便要包容了, 睇開D啦~ 你諗下BB有幾得意, 咁你就會開心晒架啦~ 最後忠告: [自己一定要儲起個錢, 你老公靠唔住, 有咩事帶 ...

自由太多會令世人失去平衡

私人傳訊

蜜糖小叮

禁止訪問

積分: 1686

10^#

發表於 07-10-26 11:14 |只看該作者

提示: 作者被禁止或刪除內容自動屏蔽

私人傳訊

hippomama

複式洋房

積分: 269

11^#

發表於 07-10-26 11:30 |只看該作者

咁既99都幾惡頂,

可唔可以唔理佢, 當佢唱歌!
以前一遇99發神經,我會扮睇電視, 唔睬佢!:tongue:
我也贊成現在多儲點錢, 不要受制於夫家,
生活在這種環境, 對你和你個女都唔係咁好.
早點為將來打算啊! :cry:

私人傳訊

juicypig

珍珠宮

積分: 30278

環保接龍勳章 hashtag影視迷勳章

12^#

發表於 07-10-26 12:19 |只看該作者

唉, 真係人都癲

一個人之所以快樂,不是因為她擁有得多, 而是因為她計較得少

私人傳訊

EVA222

禁止訪問

積分: 81485

13^#

發表於 07-10-26 13:04 |只看該作者

提示: 作者被禁止或刪除內容自動屏蔽

私人傳訊

JennyKwok

大宅

積分: 2735

14^#

發表於 07-10-26 13:35 |只看該作者

原文章由 Siuchoi 於 07-10-26 09:30 發表
唉~ 同老人家住就係咁架啦~ 可否考慮搬開住? 如果唔得....咁你就一定要諗諗計了, 要一齊住, 便要包容了, 睇開D啦~ 你諗下BB有幾得意, 咁你就會開心晒架啦~ 最後忠告: [自己一定要儲起個錢, 你老公靠唔住, 有咩事帶 ...

起初都有同c6講過話搬出去住架, 但個c6唔肯, 佢話如果搬出去住, 佢亞媽會好寂寞架咯!!

私人傳訊

MC陳師奶

大宅

積分: 2381

好媽媽勳章

15^#

發表於 07-10-26 14:36 |只看該作者

嘩．．．好長篇．．．
唉，寄人籬下又係後輩，係咁架啦！鬼叫你老公都幫唔到你咩！
講真，加快速度勤力ｄ搵工，呢個世界係咁，邊個有錢，邊個咪講野大聲ｄ囉，到時一係搬走，一係住度俾面色佢地睇，到時你要食乜開幾耐冷氣都冇人有資格出聲啦！

不過話時話，每日7/8件衫仔毛巾都開機洗，我覺得冇必要喎！老人家慳ｄ想你儲多ｄ至洗都有道理！

http://hk.myblog.yahoo.com/mickjunior318