哎....:cry: :cry: :cry:
家居意外呢家野真係防不勝防...
我家力仔就經歷左佢人生有史以來第一次架惡夢....
話說上星期四, 係力仔食完佢餐晚飯後, 我就如常帶佢入房覺覺豬, 我放佢落我張大人床度(放係埋牆最入面), 俾左佢最鐘意個件玩具佢玩, 見佢好HAPPY好專心咁玩緊件玩具時, 我就轉身去執好佢張BB床, (我張床同張BB床只係隔一尺位, 即係我一轉身就係佢張床), 係9秒9架時間, 力仔就係我腳邊扒左落地. 我只係感覺到有D野係我腳邊揩到, 跟著我望0下我隻腳, 就見都力仔好似青蛙咁姿勢扒係地下...我即刻抽起佢, 佢好似嚇親咁喊左兩聲, 我見佢塊面同手腳都無事先放心咋....佢之後仲0卡0卡笑玩左一陣先訓覺...真係嚇死我....
正當驚雲未定, 個心仲扑扑跳架時候.....係接著架第二晚...力仔又發生另一次慘絕人寰架意外....
又係食晚飯架時後...我煲好D粥仔, 放係檯面, 而力仔就SET好座係架HIGH-CHAIR度有爸爸陪著睇緊電視, 咁我就入廚房囉條抹布諗著抹下張檯先餵阿仔啦....點知我係廚房聽到阿仔喊得好勁, 我以為佢"樓"計啦, 心諗有佢爸爸係度, OK 啦...點知我出到去, 見到阿仔喊度面容縷曲跟著見到佢隻手紅0西, C6係咁抹佢隻手, 原來阿仔係C6睇唔到架時候, 隻手摸左落碗粥仔度...... 我即刻抱佢衝去水喉沖水, 跟著同佢搽D花士令. 佢喊到豬頭咁, 好彩得兩隻手指頭紅得緊要D, 之後呢兩隻手指頭都起左水泡, 我不知幾肉赤....
所以....大家千萬要小心.......痛在兒身,痛在媽媽心...:-( :-( :-(
原文章由 VIVIANSHUM 於 07-10-20 04:42 PM 發表 
昨天收到鄰居的不幸消息，她的BB仔非常可愛7個半月有二十四磅也很乖。
因為他家裡有用台布，前BB用手掙扎台布，把台上的熱湯倒下，BB除了面身體有4成皮膚燙傷，剛剛過了危險期，現在還插喉不能進食及打止痛針，
今天的消息已拆喉了 ...
力仔三歲四個月啦...超活潑!!!!
細老都一歲半啦...成日大哥.......
發表於 
返回列表
