吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› BB有黃又成日瞓，想放棄

母乳餵哺今日: 0|主題: 85707

收藏本版

回覆發帖

返回列表

跳至頁

查看: 2335 | 回覆: 19

BB有黃又成日瞓，想放棄 [複製鏈接]

amy_lee

大宅

積分: 1193

1^#

發表於 07-10-29 21:55 |只看該作者 |倒序瀏覽 |打印

BB已14日大，有黃，已經照過鐙，D黃都仲係marginal，我已經2個鐘埋身餵，但佢成日瞓，食10-15分鐘就瞓，用盡方法都整唔醒佢，e生話要食多d奶先至快d退黃，如果食奶粉應該好好多，我堅持餵人奶好似真係累咗佢:-(
加上佢已食到我好痛，真係好想放棄，老公都叫我唔得就唔好勉強，無謂令bb既黃拖長!!

0 0 0

私人傳訊回覆引用

Lulu皇后

子爵府

積分: 11120

2^#

發表於 07-10-29 22:33 |只看該作者

我個女到滿月時都係黃,仲要返醫院留醫驗血tim,但我都係堅持餵人奶,因為人奶係奶粉代替唔到嘅,如果唔係病態嘅黃疸,其實可以照餵,只要bb每日有6條濕片,經常返健康院check住就無問題.人奶b係會食得密d,同埋黃嘅bb係特別眼瞓,希望你唔好放棄,bb好需要你寶貴嘅母乳,另外餵母乳對親子關係有好大好處,唔好咁易放棄,我囡囡快一歲啦,而家好健康活潑,無病無痛,佢個半月嘅時候都退晒黃啦,只要有信心,相信母乳,你同BB都會得益,到BB2個月大就會好好多,無食得咁密,精神上嘅支持好有效,有咩問題上來問下奶媽們,大家都會幫你架,努力

未經本人許可, 不得轉載

私人傳訊回覆引用

amy_lee

大宅

積分: 1193

3^#

發表於 07-10-30 11:26 |只看該作者

我有pump出黎用奶樽餵(用杯餵bb食得好慢)，可以知道bb食咗幾多，不過d姑娘話會越pump越少，bb會唔夠食，真係沮喪:-(

私人傳訊回覆引用

ammc

大宅

積分: 1422

4^#

發表於 07-10-30 13:07 |只看該作者

我bb都係全人奶, 而家1個月多d啦, 頭先番健康院check黃, 都仲未退, 醫生本來話寫紙比bb去醫院急症抽血驗, 但我無心理準備, 決定睇多一個禮拜, 下星期再番健康院check一次, 睇下有無需要驗血, 都好擔心.....

私人傳訊回覆引用

bbpooh

男爵府

積分: 9395

5^#

發表於 07-10-30 13:22 |只看該作者

BB有黃係好眼訓的，兒子初生時都係偏黃，還記得頭一個月每次要用上差不多一小時餵他，因為他食食下又訓，所以大部份的時間是要吵醒他，真是很辛苦的！如果佢整極都唔醒，你可以試下幫佢換尿片，通常會醒。

你要盡力餵，真的是多努多得咖！

我都是這樣捱過來的，我兒子全人奶至1歲8個月，2歲自然離乳！

我得你都得！唔好放棄！

歡迎來看丁噹的成長點滴

私人傳訊回覆引用

babushka

男爵府

積分: 6472

6^#

發表於 07-10-30 14:35 |只看該作者

我個仔都係黃足一個月, 第一個月, 每星期返健康院check黃後都要去瑪麗抽血, 而家佢已經六個半月了, 食全人奶, 出世5.5磅, 而家18磅,都不知幾噤健康, 所以黃係唔洗擔心的. 只要佢有增磅, 尿尿, 便便, 你就唔洗擔心. 人奶係最有營養的, 其他奶粉係無得比架. 唔好輕易放棄, 這個經驗過左就無架啦, 無得返轉頭.

私人傳訊回覆引用

nikitac

大宅

積分: 2466

7^#

發表於 07-10-30 15:25 |只看該作者

食人奶的BB 黃會退得慢一點, 但你無害到佢. 黃耐d 真係無問題喎. 我阿B 之前黃左個半月都係咁, 只要你一路餵奶就無問題, 唔使擔心.

BB 食到你痛, 好有可能係BB 食奶姿勢唔正確, 例如個口張得唔夠大, 所以好用力咁吮到你痛, 帶BB 去健康院比姑娘睇下, 糾正好個姿勢咁就無問題.

私人傳訊回覆引用

yanlongma

男爵府

積分: 5016

8^#

發表於 07-10-30 15:59 |只看該作者

無錯呀！人奶b係會黃耐d，但呢d黃係無問題家！千祈唔好因為怕佢黃而同佢轉奶粉，只要醫院同佢check住就okay了。
你而家最大的問題就係俾佢用左樽食，令到佢有nipple confusion，所以啜損左你。請你不要再用樽餵了。馬上回健康院，搵姑娘執返正個咀形。只要咀形正確，加上密密餵，就一定夠食。要知道佢夠唔夠食，可以睇片數，一日夠六條就可以了。
正如上面有個媽咪講，可以在佢食到瞓著時，同佢換片，咁就可以再餵多十分鐘喇！
努力，呢段時間係辛苦d，但前面的路只會越走越順。加油！

私人傳訊回覆引用

肥豬豬

洋房

積分: 294

9^#

發表於 07-10-30 16:18 |只看該作者

amy_lee,
BB吮到你痛, 你咪泵住奶,比對nipple休息下先囉,泵唔夠奶,亦不仿補餐奶粉,唔好比咁大壓力自己,奶粉又唔係poison,不過同人奶比較冇咁好啫. 最緊要你keep住泵,個腦先會keep住製奶,等你對nipple好番,你有番信心,再比BB試番埋身啦.
我開頭都好似你咁,覺得呢關好難過, 成日轉牛角尖要全人奶,其實只要睇開D,只係補幾餐奶粉啫,當nipple 好番後BB又可以埋身全人奶,結果咪一樣!!
我女女3個月喇,我又要番工, 一樣可以全人奶!!
你依家keep 住泵,有幾多餵幾多,得架,信我啦!!
加油!!

私人傳訊回覆引用

zoechan2005

大宅

積分: 4913

10^#

發表於 07-10-30 16:40 |只看該作者

我三個小孩子都係食人奶,但三個都黃,第三個仲要緊急照燈(328度),你要注意食奶口型,一定要個b張大口才俾佢,否則好易損,如果佢食得正確,你密密俾佢食,過幾日會調節到奶量,會好d!

我餵每個b都覺得辛苦:
大女:佢個口有鵝口瘡,感染到我乳頭有念珠菌,好似針刺,痛到死!
二女:食到我一邊乳頭脫皮,亦係痛到死!
細仔:我左乳頭有缺陷,凹咗,bb住兩晚院(照燈),用咗奶樽食,番黎口型唔太好,食到我好痛,左邊直頭唔肯食!

今日我bb滿月,情況有好大改善!你堅持到今日,希望你成功!太痛可能要停幾人泵出黎,但你半夜要起身泵,尤其四五點,會影響第日奶量!

加油!支持你!我哋班人奶媽個個都有辛酸史!互勉!

私人傳訊回覆引用

nikitac

大宅

積分: 2466

11^#

發表於 07-10-30 17:59 |只看該作者

唔記得講, 睇下乳頭有無損, 損左每次餵奶後擠些少出來塗在乳頭上, 風乾後再塗, 一共塗三次. 咁傷口會在兩三日內好番.

我以前比BB 食損左就係用呢個方法. 人奶有抗體, 有助傷口癒合, 加上又可以滋潤乳頭。如果BB patpat 有點紅紅地都可是塗些少人奶滋潤下架。

私人傳訊回覆引用

racoy

別墅

積分: 812

12^#

發表於 07-10-30 20:49 |只看該作者

食人奶緊係好啦,不過如果真係好辛苦就要量力而為

私人傳訊回覆引用

aeiou313

別墅

積分: 838

13^#

發表於 07-10-30 21:17 |只看該作者

DR.話因為我餵全人奶所以退得慢, 醫生要我餵幾餐奶粉, 會退得快Ｄ.

星期六帶ＢＢ去打針，個醫生話我個BB膚色偏黃, 成三個月吾應該會黃.

其實我都有定時去健康院,醫生都有幫佢check, 度數係偏高但又未over, 健康院個醫生又話無問題可能係佢膚色偏黃(睇眼白又無黃）, 話吾須要照燈,吾須要再睇！！
點知家陣私家醫生又話佢偏黃吾係咁好.

健康院D醫生都係信吾過

私人傳訊回覆引用

小蝦媽媽

大宅

積分: 1226

14^#

發表於 07-10-30 22:49 |只看該作者

我阿b出世後有埋身餵, 但在第5日黃疸去到224 (安全係210), 雖未要照燈, 但已經要留院觀察.

第3日發現佢有黃, 我就特別小心, 餵完人奶就補人奶(泵出o黎)或奶粉. 等佢食得多時又痾得多, d黃在第6日就跌番晒.

返到屋企就埋身餵, 但每次食到我個nipple好痛, 痛我就唔埋身, 改泵出o黎, 等nipple & 我心靈修復.

而家阿b 十幾日人仔, 都幾乎全人奶, 只係間中補 1-2餐奶粉.

雖然人奶好可貴, 但辛苦時我就諗其他方法比阿b keep住食人奶之餘, 自己亦可以暫時relax一下.

私人傳訊回覆引用

nikitac

大宅

積分: 2466

15^#

發表於 07-10-30 23:09 |只看該作者

我BB 黃疸的時候我看了不少資料，其中一篇Dr. Jack Newman 寫的黃疸 (有link 可click) 解釋：

黃疸有分兩種，一種係BB 本身肝功能弱，所以好黃，一種係母乳餵哺引致，叫breastmilk jaundice，本身餵人奶的BB 係會退得慢，不過如果每日有足夠濕的尿片六至七塊，小便顏色係微黃或透明，大便顏色係芥辣黃色水狀有粒粒，每星期有增重，即係代表BB 食人奶食得好好，咁係無必要為左快d 退黃而要補奶粉。我識得有個BB 黃左兩三個月都係咁，無補過奶粉。

[ 本文章最後由 nikitac 於 07-10-30 23:11 編輯 ]

私人傳訊回覆引用

jensan

禁止訪問

積分: 14653

環保接龍勳章大廚勳章

16^#

發表於 07-10-30 23:44 |只看該作者

提示: 作者被禁止或刪除內容自動屏蔽

私人傳訊回覆引用

肥豬豬

洋房

積分: 294

17^#

發表於 07-10-31 09:58 |只看該作者

amy_lee

你點呀? 加油呀 ! 有問題就問啦, 我地D媽媽都好想幫到你同你BB,過埋呢關就雨過天x,餵得好開心架喇!

私人傳訊回覆引用

zoechan2005

大宅

積分: 4913

18^#

發表於 07-10-31 12:51 |只看該作者

等我都試吓先！

原文章由 nikitac 於 07-10-30 17:59 發表
如果BB patpat 有點紅紅地都可是塗些少人奶滋潤下架。

私人傳訊回覆引用

TOTO0925

大宅

積分: 1012

19^#

發表於 07-10-31 14:47 |只看該作者

加油呀!
雖然我仔仔冇黃過, 但我餵人奶都喺餵到哭架, 唔喺因為痛, 喺因為好多倒台的聲音, 好在都仲有老公支持我, 我先可以堅持到今日, 依家我BB已13個月大啦, 都仲食緊, 所以你都可以架, 比D信心自己, 有時間同你老公去聽下D講坐, 等佢都相信人奶的好處, 等佢都支持你, 咁你就會好好多架啦....