吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想八下你地同你的老公的認識、拍拖及結婚的過程 ...

夫婦情感今日: 1|主題: 42754

收藏本版

發帖

返回列表

跳至頁

查看: 8041 | 回覆: 47

想八下你地同你的老公的認識、拍拖及結婚的過程 [複製鏈接]

12 3

大包

民房

積分: 24

1^#

發表於 07-11-2 09:48 |只看該作者 |倒序瀏覽 |打印

我的很簡單：我同他認識了9年後才拍拖
之後就閃電結婚，婚後很快就有了BB,
BB又很快 7個月就出世，
所以我們由拍拖至生BB只是用了1年半多D

雖然我覺得同他結婚快了點，但都已太遲了。

唔知你地又係點的呢？

0 0 0

私人傳訊

siujanjan

珍珠宮

積分: 31297

BK Milk勳章

2^#

發表於 07-11-2 10:21 |只看該作者

我同老公上網識0既, 見過面就開始拍拖,
拍0左6年就結婚,
而家結0左婚3年喇,
計劃要bb中
:-P

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

3^#

發表於 07-11-2 10:44 |只看該作者

我同我老公係中學同學，佢係隔離班既，中二時，我已有男朋友（我個女個爸爸），有個女朋學同我講隔離班有個叫ｘｘ榮，好得意，我唔記得當時點解突然走去佢課室，就問佢係咪叫ｘｘ榮，就識咗佢！
學校好大風，當時唔興帶校褸，個個都只著冷衫返學，我就成日走去佢課室搶佢件冷衫著，因為佢唔怕凍！無帶書又走去搶佢啲書！
慢慢熟咗，佢又日日陪住我，接我放學，幫我拎書包，送我返屋企！
佢啲朋友都同我講佢鍾意我，我就問佢，如果我鍾意佢，咁佢會點？第一次，佢無答我，第二次，佢都無答我！但仍然好錫我對我好好！
依家諗，可能佢怕醜啦！
中三嗰年中秋，佢仲夜晚十一點走嚟我屋企個商場大堂等我，買哂啲蠟燭等…帶我上山玩，我仲記得嗰晚落毛毛雨，但好大風！佢拖住我一齊上山，喺山上面佢又怕我凍，攬住我，我錫咗佢塊面一吓！真係好浪漫，我呢世都會記得！
中四，我有咗ＢＢ，四月一日退學，我無同佢講，佢週圍問我啲朋友，我去咗邊，我啲朋友同佢講我有咗所以退學，但佢唔信！
到我生咗，諗住同約佢出嚟玩，佢肯出嚟，但就唔多理我，我覺得好難受！覺得同以前唔同咗！雖然我都鍾意佢，但我同佢從來無一齊過，我覺得佢唔應該嬲我！
但我都寫咗封信俾佢，解釋點解我會有咗，同埋一直都好鍾意佢，但問過佢兩次佢都唔答我，我可以點啫？
我男朋友知我鍾意佢，好唔開心，所以夾硬嚟搞咗我，我當時好細個唔知點算，又唔想同人講，有咗又唔知點，我退學時已經有咗七個幾月，所以咪生囉！
兩年後，我有再搵榮，佢有出嚟，仲喺旺角地鐵站等咗我六個鐘，我無出現到，唔知點解當時無勇氣去見佢，後嚟打電話俾佢同佢道歉佢先話俾我知佢等咗我好耐，啲人好似當佢咸濕佬咁，因為佢週圍望我有無出現！
之後我哋都好少見，因為我知佢有女朋友，都係我中學同學嚟（後來同老公一齊咗先知佢同我老公拍咗半年左右就散咗，之後我老公一直無拍過拖）！我好唔開心，所以好少見啊榮！
但每次我俾我個女老豆打，就會返外家，我外家同榮屋企好近，所以都會搵佢出嚟同佢講我有幾唔開心！
直到六年前，我屋企部電腦壞咗，我搵個同學幫我整，佢話啊榮都識整，問我點解唔叫啊榮整？
我就Call佢叫佢幫我！嗰排咁啱我無嘢做，佢又喺我屋企附近返工，我就成日整嘢攞去同佢一齊食。
嗰年六月，佢約我同班同事一齊去長州渡假屋玩，散既時候，我就問佢，我再問多你一次，你究竟鍾唔鍾意我？我只會問埋呢次，以後都唔會再問佢！佢話鍾意，咁就一齊咗，我哋就好開心咁拍咗幾年拖，同埋囡囡一齊住，上年十月我有咗佢ＢＢ，今年一月結婚，公屋申請度加埋佢同埋ＢＢ，七月就派咗依家間屋（四人單位），好幸褔咁係埋一齊！
佢真係對我好好，每個月都俾三分二佢份糧俾我，搵多咗都俾哂我！日日都接我放工，每日都打好多次電話俾我問我做緊乜，有無食嘢等…好關心我！

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

4^#

發表於 07-11-2 10:45 |只看該作者

私人傳訊

mickeywinnie3

翡翠宮

積分: 83129

2025勳章 2025勳章蛇年勳章

5^#

發表於 07-11-2 12:07 |只看該作者

妳的故事好特別!祝妳幸福快樂!

原文章由 honeybear0207 於 07-11-2 10:45 發表
我同我老公係中學同學，佢係隔離班既，中二時，我已有男朋友（我個女個爸爸），有個女朋學同我講隔離班有個叫ｘｘ榮，好得意，我唔記得當時點解突然走去佢課室，就問佢係咪叫ｘｘ榮，就識咗佢！
學校好大風，當時唔興帶校褸，個個都只著冷衫返學，我就成 ...

自由太多會令世人失去平衡

私人傳訊

Hoining

禁止訪問

積分: 39090

畀面勳章

6^#

發表於 07-11-2 12:10 |只看該作者

提示: 作者被禁止或刪除內容自動屏蔽

私人傳訊

siufung

子爵府

積分: 13005

7^#

發表於 07-11-2 13:12 |只看該作者

我未婚夫同我中學同級, 但從未同班。
當時我係優異生, 一路都唔中意佢, 因為佢同我個同學拍拖.... 我份人比較老土, 覺得咁細個 (其實都中五)拍拖唔正經 (可能係我當時冇人吼啦...

)
佢又標奇立異, 男人老狗電髮, 學校都唔比男生電髮0既....
一齊0係中學6年, 我只知有個咁0既人, 但一句說話都冇同佢講過。
中6之後我移左民去美國, 佢就去左加拿大讀書。我去左8年, 讀完大學97年就番來香港, 被邀去朋友0既婚宴, 佢咁0岩坐0係我隔離... 原來佢都由加拿大番左黎2年... 傾傾下就交換左電話。
當時佢已同個女友分左手, 而我同我美國0既男友都係0岩0岩分左...
開始約會時我都唔接受佢... 因為佢好奇怪....
但慢慢我發覺, 佢雖然好多野唔好, 但同佢一齊我好輕鬆, 成日都有得笑....
我心諗, 以前個男友係好脾氣0的,但係同佢一齊好少會笑... 成世人最重要係可以日日都笑.....
於是一拍就拍左10年拖....而家諗住出年結婚...

私人傳訊

kiki.kiki

珍珠宮

積分: 49031

醒目開學勳章環保接龍勳章

8^#

發表於 07-11-2 13:19 |只看該作者

我同老公以前係同一間公司, 唔同dept. 有次成班同事去飲野, 識咗佢. 之後佢去咗笫二間公司做, 我地都keep住有icq, 咁之後就一齊. 拍咗拖6年, 結咗婚就嚟2年.

私人傳訊

clc_ivy

大宅

積分: 3347

9^#

發表於 07-11-2 14:31 |只看該作者

我第一次見佢喺地鐵站,當時去(中三)老師嘅婚禮我個同學同佢一齊嚟,我記得我仲講點解佢咁似隻蕉

一年之後我小學同學叫我去佢朋友屋企打麻雀,去到嘅時間覺得個地址好熟,點知道就係我中學同學嘅屋企當時隻蕉都喺度,過幾日就係情人節我兩個同學咁啱你 pair所以我哋就約一齊去街(我同隻蕉都無拍拖)就咁就同隻蕉一齊咗,但係我兩個同學就分咗手

我同佢拍咗拖一年先知道原來佢都有同我其他嘅中學同學拍過拖,佢講嗰幾個我都識

不過我無唔開心我仲問佢咁多個邊個好d

過咗無耐佢問我點解咁多次你都無bb,真係....人算不如天算我真係有咗(當年我18)之後就結婚,生仔,我大仔今年6歲,細仔今年5歲......
呢個世界真係細,我老公d朋友我都識因為佢哋係我老公嘅小學同學而都係我嘅中學同學,點解我個小學同學又會識我中學同學呢??因為我小學同學嘅同學係我中學同學嘅小學同學....sorry係唔係好亂:lol

私人傳訊

kikiboy

珍珠宮

積分: 37500

10^#

發表於 07-11-2 14:50 |只看該作者

我老公係我同學o既同學, 仲讀書時一齊玩認識o既, 嗰時佢成日寫信俾我, 好老土,

我哋識左6年先開始正式拍拖, 拍拖6年先結婚, 3年後生BB, 囝囝而家3歲, 我哋兩個都係對方的初戀情人, 所以唔知道人世間o既險惡和精彩(指戀愛方面). 敗, 俾你哋估到我年齡添

[ 本文章最後由 kikiboy 於 07-11-2 14:54 編輯 ]

希望一家人每日開開心心返工(返學)去, 平平安安放工(放學)來!
全世界可以睇小佢,但佢亞媽我一定唔可以!
以平常心對待無常事~~~試問有多少人能做到呢!?

私人傳訊

舞秋月

複式洋房

積分: 229

11^#

發表於 07-11-2 15:00 |只看該作者

我同老公係online game上面識 !
( 終於有勇氣講出黎啦 )

個年係f.5會考完暑假等放榜，同學介紹我去玩一隻online game ~ 開頭個時我同佢只係上網傾下閒計咁樣 ~ 後尾越傾越投契。佢係台灣人而我係香港人 ~ 所以我諗同外國人做下 frd都唔錯呀!

後來放榜我衰左要 repeat ..係官中夜校讀 ~ 真係好唔開心~ 跟住佢話 christmas ( 當完兵退役) 同朋友黎hk玩下 ~ 問我可唔可以見面? 順便陪我散心~ 咁我就應承左佢~

佢黎hk玩呢5日我地日日都有約出黎 ~ 玩到好夜...我送佢返酒店我再返屋企~ 最後一日臨飛之前，佢問我可唔可以做女朋友? 個時我無拍過拖，覺得異地戀好浪漫 ~ 所以應承左佢~ 係機場分別時我仲喊左出黎，好唔捨得...

佢返左去 tw之後我有問 d frd 覺得我地會唔會有將來~ 佢地話唔睇好我地 ~ 覺得好快散 ~ 叫我唔好咁認真玩下就好 = =" 個一下我好 hurt 因為frd唔支持我...

到左 new year 佢又黎hk 搵我 ~ 個時全家人去左大陸 ~ 我自己一個留係屋企咁我就帶左佢返屋企住慳左住酒店$ ~ 十日假期我帶佢周圍去左好多地方 ~ 唔係咩景點 ~係我平時去的地方好似學校公園商場 ~ 我想佢了解我的生活更多 ~

後來暑假會考完我同屋企人講去台灣玩
今次係我去佢屋企 ~ 第一次見家長 ~ 佢屋企人好熱情 ~ 我好開心~ 返到香港我跟屋企人講我識左個台灣男朋友 ~ 媽咪話得閒就帶番屋企見下面啦 ! 到左 christmas 佢黎hk~ 我就帶佢番屋企了...

跟住一有假期我地就香港台灣互相跑~ 同學朋友問我地點樣識 ~ 我只會話朋友介紹識唔敢講係網上識因為佢地一定話唔睇好 ~我唔想聽 ~ 因為我對呢份感情好深好真的 ~

就咁樣拍左5~6年拖
我畢左業出黎做野到而家同佢結左婚有一年多 ~ 真係好漫長的愛情長跑 ~
當以後有人問起我地點識我終於夠膽同人講係網上識 :D

[ 本文章最後由舞秋月於 07-11-2 15:11 編輯 ]

私人傳訊

kikiboy

珍珠宮

積分: 37500

12^#

發表於 07-11-2 15:15 |只看該作者

好浪漫喎, 咁你而家住香港定台灣呀?

原文章由 舞秋月 於 07-11-2 15:00 發表
我同老公係online game上面識 !
( 終於有勇氣講出黎啦 )

個年係f.5會考完暑假等放榜，同學介紹我去玩一隻online game ~ 開頭個時我同佢只係上網傾下閒計咁樣 ~ 後尾越傾越投契。佢係台灣人而我係香港人 ~ 所以我諗 ...

私人傳訊

KiLaMiu

複式洋房

積分: 402

13^#

發表於 07-11-2 16:49 |只看該作者

要講我同老公既故事實在一匹布咁長, 長既不在於時間, 而是當中既過程, 細節, 簡直複雜不得了... 可以在這裡話俾大家知, 當初要我放棄一個拍拖5年的男朋友, 而選擇跟我老公在一起, 實在過程艱辛, 感受很深, 之後我地閃電拍拖, 閃電結婚, 到婚後1年有bb(好緊張, bb就快出世喇!), 在短短3年時間內, 我地做晒別人可能要10年時間做的事, 有些朋友可能會質疑我當初的選擇, 但我知道我沒有選擇錯誤, 而且覺得好值得!:loveliness:

私人傳訊

tinker

複式洋房

積分: 457

14^#

發表於 07-11-2 17:54 |只看該作者

2003年沙士之後，失戀已經三年，一直放不低前男友，個人有點兒悶，工作又不是太如意，於是一個人去了歐洲玩，有一天我行了很久，想找間餐廰食晚飯，但找了很多間都很貴，最後打算放棄的時候我在遠處看見一間比較平民的餐廰，門外的老闆正向我揮手，叫我入內晚饍，我看到價錢比較便宜，於是便入內。入去後，那位老闆給了我很多額外的東西吃，他是一個很快樂富有魅力的人，笑容滿面，在擺餐位的時候也是笑笑的，跟著音樂起舞，當時我心想他真是一個快樂的人，要是我能跟他過一生，我一定也會很快樂。

到了結賬的時候，他收得很便宜，我於是問他為何這麼便宜，他於是給了我他的電話號碼，說希望我明天再幫襯他。到了第二天中午，我再去找他，他又給了我很多食物，又說很喜歡我，即時便送給我一條古董鏈，之後又說下午會有幾個鐘的空檔，可帶我四週遊覧，我們玩了一個愉快的下午，但晚上我要乘火車去第二個城市遊玩，他叫我回來一定要找他。一個星期後，我終於回來找他，我們便開始拍拖了，五日後，我亦回到香港。

最初我對這段異地情心大心細，不知他是否認真，但回港後竟然是他首先打電話給我，之後我們便繼續聯絡，一年我們會見三、四次。去年我有了BB，現在BB已一歲有多了，我們未結緍，因為經濟問題，仍然分隔兩地，但BB 已入了藉，我們打算三年後結婚，希望到時我們經濟比較好，我和BB可以搬過去一起團聚。

私人傳訊

小寶貝兒

珍珠宮

積分: 30295

15^#

發表於 07-11-2 19:20 |只看該作者

嘩~~ 大家既戀愛都好激烈喎~~

我呢.... 其實我老公可以算係我既老師(師生戀哇~)

係中五會考重考果年, 仲有2個零月就考試, 我有個教會朋友, 問我讀成點, 我就話"其他科都ok, 唯獨phy, d老師點教都唔明!" 就係呢一句說話, 將我同我老公既緣份連埋一齊!!

我仲好記得, 係2月尾既一個下午, 我約左我既補習老師(即我老公啦

)係我屋企附近既一個輕鐵站見面, 然後去我屋企幫我補習, 我從來未見過佢架, 相都未見過, 但當我行到附近, 一望到月台, 就見到佢啦!!

當時, 真係有一種好大既衝擊, 直覺話比我聽就係佢, 呢個就係我一直要搵既人!! 我直到今日, 相識就快9年, 我仍然記得佢當日既衣著打扮, 仍然記得當我一見到佢果時, 全世界都好似冇晒顏色, 只得返佢同我, 所有聲音都消失晒!!

果年會考, 我既phy由 F 升到上D~~ 都係多得老公教得好!!

之後, 我再搵唔到借口KEEP住聯絡, 事後問返佢, 當時, 佢只係當我係一個普通既學生, 所以只係打左一次電話黎比我, 問我既成績, 之後就冇再聯絡啦!

第二年既聖誕, 教會搞左個表演, 我有份獨唱, 我梗係打電話叫佢黎睇下啦, 之後, 就開始有返少少電話聯絡~

第三年既年三十晚, 我發生左一件事, 好唔開心, 於時得閒就打電話同佢傾計, 又約佢出黎, 其中有一次, 令我好深印象, 就係果日我本身約左佢係上水等, 但因為我搭錯車, 所以遲左, 而我個手提又SET左飛線唔記得飛返出黎, 於是, 佢搵我唔到, 就返左屋企, 當我打去佢屋企搵到佢既時候, 我突然間, 就係條街度喊起上黎, 我喊, 係因為我錯過左一次約會......

佢知道之後, 非常感動, 開始鐘意左我......

之後經過左好多事, 終於可以係埋一齊, 就係4月16日既晚上, 我地約好去行海邊, 一路行, 一路傾計, 然後~~~ 就一吻定情囉~~~

拍拖4年幾後結婚, 大後日就係我地結婚2周年啦~~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

bebu123

侯爵府

積分: 23162

好媽媽勳章醒目開學勳章

16^#

發表於 07-11-2 20:59 |只看該作者

我都講下先

我都我honey係同學來架，不過初期我好鬼憎佢，扮鬼晒野成日懶乖懶醒咁:tongue:
我個時好鬼衰，成日整鬼佢，佢又去miss都投訴我。
後來一班同學出來玩，玩玩下覺得佢個人都ok，無咩野，同埋而家諗番d同學仔當時成日比機會我地，得我地兩個人獨處。
終於有一日佢向我表白啦

我就問佢，你唔係好唔like我既咩?
佢紅晒成塊面話: 「我第一日開學，就覺得你好靚呀!

」
哈哈~~

我係bebu mama~~我同bebu baba都好鍚bebu bb架~~bebu b你快d來啦!!!!be~~bu~~be~~ bu~~

私人傳訊

Vca

男爵府

積分: 5681

17^#

發表於 07-11-2 21:37 |只看該作者

我喺英國讀書，老公係我大學同學既朋友(我同老公讀唔同大學)。老公認識我後一直暗戀我，但我當時有男朋友。直至我個賤人男友打我，同佢分手後我老公就"乘虛而入"。但當時因為我唔再信男人，加上老公年紀又細過我(果時覺得男友或老公都一定要大過自己先得)，所以最初我對老公好衰...仲同佢講過:我而家同你一齊，不過你唔好咁認真，因為我唔係認真既，我唔想自己受傷，但都唔想傷到你...我對佢衰到連老公周圍d朋友都叫佢唔好同我一齊，但老公一直對我不離不棄，我慢慢發現佢同其他衰男人唔同...就係咁我地拍咗拖7年之後開始計劃結婚。最初我地講好我畢業後先返香港做兩三年野，之後回英國結婚。但突然有一晚佢失驚無神攞隻戒子出黎求婚，同我講:你都係唔好返香港啦!我地結婚啦，等乜鬼野兩三年...於是我地結咗婚啱啱1年啦...

私人傳訊

joe_1206

伯爵府

積分: 18914

好媽媽勳章

18^#

發表於 07-11-3 00:03 |只看該作者

原來都有人好似我咁係一個好不在實既地方(網上玩line認識另一伴,我就係玩line識左我老公我冇話過俾人知的,記得我初初係朋友教我玩初時都覺得好好奇,後來玩厭了同埋又要拍拖都冇咩時間就好小玩只係當覺得無料又想搵人傾計先會打去但就好少見面,可能係緣份啦因為都冇諗過係玩line搵男友,記得個日係0岩0岩放大假係屋企好無料(同男友分左手)就諗搵人傾計啦,就搵到佢(我老公),傾傾下原來佢住係我附近,跟住佢問我食左晏未我話未之後就一齊出左去食晏,初時都係諗住見一次就算.過了兩日佢打俾我再約我,咁我又未返工得閒佢又住附近時間又就到跟住我地就有第二次約會去左唱k,但我地都未開始的但有一晚佢好夜打俾我,我就話咁夜呀佢答我掛住你囉我就話你講笑呀,但我個心都有d心花路放,因對佢都有d好感囉,我o地第三次約會然後就一齊,佢係自己住的好快就俾左佢屋企key我,我o地拍左10個月拖就閃電結婚(冇諗過咁快),上個月剛剛過左我地既第一年結婚週年紀念

,重有我地既bb係 lee個月尾就出世啦,我屋企人同朋友見過佢都話佢好,佢又好錫我對我好好

,有時都覺得自己都幾好彩同幾幸福因為遇到佢

私人傳訊

p_o_m_a_n

子爵府

積分: 10335

好媽媽勳章醒目開學勳章

19^#

發表於 07-11-3 02:15 |只看該作者

都係同男友網上識~
果陣因為有左BB同ex攪到好唔開心,咁岩識左而家呢個~
果陣有左6個月,又考緊會考~
開頭冇咩點理佢~之後傾多左幾日佢約我出去~我就同佢講有左BB,諗住嚇走佢..點知佢知道左
又燕窩又買遮送我去考試..總之好關心我!!
幾個月之後就比佢感動左,同ex散,同佢1齊啦!!

之後問番佢點解要關心我,對我好..佢同我講本來都只係諗住做下朋友...但知道我咁細個有左就想關心我下我,之後仲中意埋我添

佢都好錫ＢＢ的，比我更加緊張佢:lol:
我真係好慶幸冇繼續同個ｅｘ而同左佢１齊呀！！
而家打算２年後就結婚囉．．
我成日都話~ＢＢ係我地既媒人呀！