論盡家傭

收藏本版
發帖
返回列表
跳至頁

首頁
1

尾頁
   0
加菲


子爵府

積分: 11068


1#
發表於 14-6-24 17:41 |只看該作者
第一次請工人，其實一向家人和自己兩公婆湊開，不過因為家人嗰邊湊唔到才焗住請。但問題係我屋企超超超細，放唔到工人床，雖然有房，但只可以提供三摺式床褥。我一方面諗屋企咁細，唔會有太多WORKLOAD，日後買餸 / 2個小朋友沖涼 / 夜晚BB餐奶 / 洗奶樽 / 湊返放學 / 上興趣班 / BB和大女跟我房瞓...呢啲工作都會仍然由我負責，工人只係幫我一般清潔和最最最緊要睇住個BB咁就OK。但問題係....我怕工人嫌棄我家空間超細，佢會住得唔LIKE，然後做唔夠一個月就話RESIGN。因為我見依家啲工人咁揀擇又公主病，我真係好驚會發生响我身上。我冇咁多時間和金錢再請過個呀。
私人傳訊

mandyhoho3


大宅

積分: 3043

畀面勳章 BK Milk勳章


2#
發表於 14-6-24 19:46 |只看該作者

回覆：好緊張, 工人下星期就到了

你請工人簽合約都有說明你家幾大，要照顧咩人。佢ok才來，你到時比多d野佢做，唔好製造公主出來才對
私人傳訊

ope


侯爵府

積分: 20752


3#
發表於 14-6-24 19:59 |只看該作者

回覆：好緊張, 工人下星期就到了

你請菲定印？我以前請overseas 印，比較樸素，唔會太驕傲。

我上一個有經驗的菲，見工時講明要有工人房，我話有工人套房，佢問我幾多尺，我答左佢，佢反眼！最後無要，還是揀了overseas 菲，算幾好
私人傳訊

加菲


子爵府

積分: 11068


4#
發表於 14-6-25 09:18 |只看該作者
回覆 mandyhoho3 的帖子

我初頭同AGENT講，會安排同大女同房 (因為初頭諗住訂子母床比工人和大女)，亦老實講自己屋企嘅面積只有350呎 (建築呎數)，可能AGENT聽到後都覺得太細，就自動幫我作大啲，寫400呎。工人如期簽約，點知返去諗過度過才驚覺屋企細到冇朋友!!! 最終決定只可以大女跟我瞓，工人一個瞓房，但只可以三摺床褥，因為冇位造床，要留返啲空間放書櫃和書枱和貯放衣物的膠箱。

私人傳訊

加菲


子爵府

積分: 11068


5#
發表於 14-6-25 09:21 |只看該作者
回覆 ope 的帖子

你嗰句 "反眼" 真係好搞笑呀!!! 真係想像唔到依家啲工人要求還比僱主高呢!
我新工人係OVERSEAS印印，但已有10年在香港工作的經驗，其中有2個約係再續的，所以怕佢有經驗會一支嘢啲。
私人傳訊

ope


侯爵府

積分: 20752


6#
發表於 14-6-25 11:38 |只看該作者
加菲 發表於 14-6-25 09:21
回覆 ope 的帖子

你嗰句 "反眼" 真係好搞笑呀!!! 真係想像唔到依家啲工人要求還比僱主高呢!

在香港完過約 就當 "完約印", 我理解的 OVERSEAS 印係未來過香港的, 有錯請指教.

佢做左 10 年香港, 真係乜都識, 尤其勞工法例. 應該有朋友, 比較有主見. 但好處係自動波, 唔會一張白紙咁. 有辣有唔辣. 如果你要返工, 係香港做過的姐姐會幫到你. 起碼你唔駛花長時間教一張白紙.

我請過一個overseas 菲, 係比較異數, 佢來自好僻的材落, 未出過國, 未來過香港. 去我屋企, 未見過電梯, 教左好多次, 都唔記得入 lift 要按掣, 按掣又求其按, 我住 xx 樓, 佢亂咁按一個數字, 根住打比我話迷左路.
最過份係完全唔識煮飯, 佢話佢在家裏係佢阿媽煮的. 叫佢做的野只做到 3 成, 比著誰都唔敢比個 nb 佢湊. 佢仲要好識爭取, 爭取咖啡, food allowance, 放星期日, 8 點要入房, 叫我買電話卡........ 根本不是來工作的. 玩左我廿幾日走埋. 人都顛.

所以我比較 buy 有出過國的, 起碼工作過, 唔會黎到佢先發現自己原來不適合打工.
私人傳訊

加菲


子爵府

積分: 11068


7#
發表於 14-6-25 12:42 |只看該作者
回覆 ope 的帖子

你嘅CASE好得人驚呀! 我可能用錯TERMS，佢响香港連續做了10年6個月 (當中2個係續約，1個完約，最後1個卻只做了半年就因家事回鄉)。但我見佢之前3個約都係完約，其中還有2個係僱主續約的，應該不太差。佢2013年回去後就今年再出返嚟搵工，我都係摶吓架咋，與其請個冇經驗嚇餐飽，寧願搵個有經驗。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見