Baby Kingdom - 親子王國 香港 討論區 › 首頁 › 想生BB› 我太太剛小產好唔開心

想生BB

收藏本版
發帖
返回列表
跳至頁

首頁
12

尾頁
   0
yauoi


洋房

積分: 54


1#
發表於 07-11-25 10:27 |只看該作者
昨天我陪太太覆診時.醫生話個BB九個星期都無心跳及胚胎無生長,叫我地去醫院急症室檢查,去度照超聲波都係結果一樣,跟住再去醫院婦科再照結果都係.......... 現在排期做手術,呢段時間真係好難渡過, 唉!!!!今日仲要係我和太太結婚周年日,今早我還要返工陪唔到太太.
我地仲未話比親人知呀!!!!!!!!!!!!!!!!!!!!!!!:-( :-( :-(
私人傳訊

一杯紅酒


別墅

積分: 572


2#
發表於 07-11-25 10:32 |只看該作者
sorry to hear about that......:cry:

你太太有無上呢個網?
呢個時候你太太會好需要你,
佢有無喊? 叫佢喊出黎吧, 會舒服d~
但喊過之後就要振作!
呢度好多人都有不同遭遇,
而家既然事實已經發生左,
只能說BB跟你地緣份未到,
緣份一到, BB一定會再來!

我地好多人連BB個影都未見過:-(
私人傳訊

yauoi


洋房

積分: 54


3#
發表於 07-11-25 11:14 |只看該作者
我喊得仲勁過我太太,我喊唔係因為無咗BB, 已係覺得我太太承受咁大心理同生理傷痛已喊. 作為一個丈夫可以做既就係全心全意地照顧.
其實做手術後要怎樣調理身體??
私人傳訊

dot


複式洋房

積分: 135


4#
發表於 07-11-25 11:59 |只看該作者
原文章由 yauoi 於 07-11-25 11:14 發表
我喊得仲勁過我太太,我喊唔係因為無咗BB, 已係覺得我太太承受咁大心理同生理傷痛已喊. 作為一個丈夫可以做既就係全心全意地照顧.
其實做手術後要怎樣調理身體?? ...


唔好咁傷心啦...bb 突然無左心跳可能係先天已經有d problem..3個月後你可以再try ga...到時bb會返黎你身邊,依家最緊要係settle down 左你太太既心情先....your wife will have 塞藥 or 刮宮?bb無heart beat前你太太有無肚痛,流啡?

私人傳訊

irisang2007


男爵府

積分: 7737


5#
發表於 07-11-25 14:42 |只看該作者
我都係係今年10月底小產, 當時bb有16weeks大, 我係做產檢既時候先發現bb冇左心跳, e生原本要我即刻入院, 後來我問佢可唔可以遲多幾日先, 佢話比2日時間我, 係果兩日入面, 我同老公都覺得特別難過, 我地真係好傷心, 傷心到攬住一齊喊, 我地都有向對方講出自己既感受, 再互相安慰, 因為我地都知道bb如果唔健身, 勉強生出黎對佢同對我地都唔好, 係果兩日, 我地就不斷同肚入面既bb講, 話爸爸媽媽其實好愛佢好唔捨得佢, 不過我地可能緣份未到, 不過我地會再努力, 希望佢會再返黎我地身邊.

yauoi 其實我覺得你太太係做流產之前, 你同佢傾多d, 鼓勵佢講出心入面既感受, 你又可以多d同佢分享你既感受, 再同你地既bb say goodbye, 其實當你太太做手術果日, 就真係佢最難捱既時候, 因為佢要承受bb真正離開佢既身體既事實, 當中, 我相信佢心靈上既痛比起佢身體上既痛, 仲要痛上好百萬倍, 因為從此之後, bb就要永永遠遠離開你地, 呢樣野, 真係你太太先會明白, 所以你要多d鼓勵佢, 叫佢一定要乖乖咁調理好個身體, 咁到時bb就會好快返黎佢身邊架喇, 仲有, 流產一事, 女人所承受既壓力一定會比男人大, 所以你要學識點去應付d親戚朋友, 等你太太免受騷擾, 好好咁休息, 因為當你d親戚朋友知道佢呢件事後, 佢地一定會問長問短, 仲可能會講d難聽既說話or賴係你太太既問題, 所以你要為你太太擋住, so far 我老公都做得幾好, 我真係好感激佢.

到你太太入e院果陣, 如果你可以既話, 就準時去睇佢, 因為係e院真係好悶, 有你同佢傾o下計, 相信佢心情會放鬆d, 最緊要問埋你太太想唔想有其他人去探佢, 好似我咁, 因為果時真係唔想見其他人, 所以就叫我老公唔好比其他人黎探我(包括我parents & 6299), 仲有呀, 叫你太太要飲暖/熱水, 千萬唔好係e院沖涼, 因為好易泠親.

以上都係我自己經驗之談, 希望可以幫到你.
我祝你太太可以早日康復及離開傷痛, 將來生個健健康康, 肥肥白白既bb.
私人傳訊

泳泳102


複式洋房

積分: 190


6#
發表於 07-11-25 14:49 |只看該作者
yauoi,
好贊成irisang2007既建議，你真係要多d陪下太太，由其係做手術果日，當年我做完手術醒番就即刻流眼淚，好唔開心，我老公唔係咁識得開解我，我好辛苦先由谷底爬番出黎。
私人傳訊

yauoi


洋房

積分: 54


7#
發表於 07-11-25 20:59 |只看該作者
irisang2007 多謝妳的意見,
明天太太仲要返工,我叫她不要番工,她話有d工作手尾做.
昨天去屯門急症室後,e生話要做手術,但屯門e院唔做,要去元朗博愛e院做,屯院比張入院証明書叫我地28/11去登記,咁係個日做手術or去度左排期??(但係屯院時,我記得d護士話要去度再排期)
我太太唔想等咁耐.想盡早解决, 心情好矛盾.
私人傳訊

funnybabies


大宅

積分: 2048


8#
發表於 07-11-25 23:58 |只看該作者
我幾年前都係有咗3個月先照到BB先天頭骨畸型,要塞藥生出黎再刮宮,當時都好難過.其實呢個係過渡時期,最緊要叫你太太睇開D,調理好身體咪可以再嚟過咯,希望在明天嘛.



私人傳訊

irisang2007


男爵府

積分: 7737


9#
發表於 07-11-26 14:03 |只看該作者
原文章由 yauoi 於 07-11-25 20:59 發表
irisang2007 多謝妳的意見,
明天太太仲要返工,我叫她不要番工,她話有d工作手尾做.
昨天去屯門急症室後,e生話要做手術,但屯門e院唔做,要去元朗博愛e院做,屯院比張入院証明書叫我地28/11去登記,咁係個日做手術or去度左 ...



其實我好明白你太太既心情, 好似我咁, 當我到左要入e院做流產果日, e生都有再問我想即刻塞藥or再等下先(睇下身體會唔會自然將佢排出), 但我即時既反應就係唔想再拖, 叫個e生幫我塞藥. 因為我小b已經走左, 佢再留係我既身體入面, 只會令我更傷心, 加上我驚會對身體有不良影響(雖然e生話唔會), 但為左再有下一個bb, 我要好好保護自己既身體. 不過最重要既係, 如果小b早d出黎, 我就可以快d復完, 快d再試.
私人傳訊

irisang2007


男爵府

積分: 7737


10#
發表於 07-11-26 14:16 |只看該作者
原文章由 irisang2007 於 07-11-26 14:03 發表



其實我好明白你太太既心情, 好似我咁, 當我到左要入e院做流產果日, e生都有再問我想即刻塞藥or再等下先(睇下身體會唔會自然將佢排出), 但我即時既反應就係唔想再拖, 叫個e生幫我塞藥. 因為我小b已經走左, 佢再留 ...



yauoi

仲有呀, 我知道呢段日子你地真係會好難捱, 但傷心一定要有期限, 等你太太出院後, 好好同佢補身, 等佢身體復完後, 再努力過, 放心啦, 呢d傷心既日子好快就會過, 最緊要係你地兩個要積極面對, 互相支持同鼓勵, 咁小b就會好快返黎你地身邊, 加油!!
私人傳訊

香香


禁止訪問

積分: 8199


11#
發表於 07-11-26 15:53 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

高齡產婦


伯爵府

積分: 16118

玩具勳章 好媽媽勳章 畀面勳章 wyeth冷知識勳章 陪月勳章 環保接龍勳章


12#
發表於 07-11-26 16:08 |只看該作者
yauoi
我唔清楚妳哋28號會有物嘢程序, 妳試下打電話去醫院婦產科問下啦. 講妳個case比姑娘知, 如果可以要即時入院, 妳最好盡量陪住太太.
佢依家好須要妳支持, 妳一個擁抱, 一路拖住佢, 就係最好嘅支持, 我老公當時都係咁. 仲有就係佢喺呢個時候可能唔想同人講嘢, 就算係自己媽媽or姊妹等等, 你要為佢擋駕, 等佢可以好好治療心中嘅傷痛.
喱幾日會凍, 記住攞夠衫入院, 流產後千萬唔好凍親, 要好似人哋生完咁.
至於補身, 醫生話兩個星期後就可開始. 出院可以食d炒薑飯, 我奶奶都炒咗幾日比我食.
你都要堅強d呀, 妳仲要照顧太太.
私人傳訊

fishballbaby


侯爵府

積分: 24636

2024年龍年勳章 2023年兔年勳章 好媽媽勳章 畀面勳章 環保接龍勳章 wyeth冷知識勳章


13#
發表於 07-11-26 17:49 |只看該作者
yauoi

28/11那天去登記，是否會知道明確日期幾時做手術? 實在唔好拖得太久，對身和心都是一種傷害。有冇打算睇私家呢? 如需做刮宫手術，連醫生費、痳醉師費、手術室費、病房等等，應該也要大約四萬元， 我這時已經是年半前的事，所以確實費用都不太清楚了，加上當時，自己真的什麼也不知道。

聽你所描述，你太太應該是個表面堅強的人，其實都好似我，表面堅強但內心其實是脆弱的，在老公面前只哭了一次，之後就常常自己哩埋一個人喊，如果你太太是這類的，就更加要小心，因為她是不善於表現自己不開心的人，只會收藏於自己心裏，你會多觀察。

另外，不要哭太多了，因為太太會反過來嚟擔心你，你應表現積極，關心和鼓勵太太，要think positive，和太太齊齊面對前面既問題。

加油呀!
私人傳訊

高齡產婦


伯爵府

積分: 16118

玩具勳章 好媽媽勳章 畀面勳章 wyeth冷知識勳章 陪月勳章 環保接龍勳章


14#
發表於 07-11-26 18:10 |只看該作者
fishballbaby,
我10月中喺仁安做刮宮, $9000幾only (include everthing), 點解妳有4萬咁多嘅?

yauoi,
係啦, 妳哋有冇考慮下私家呢? 政府係平好多, 但如果萬一真係要刮宮, 我就冇信心喇, 所以我選擇返自己個醫生係仁安做, 可以快d完結件事, 我個b係8週時停止心跳同發育.
當然有好多人話食藥排出嚟好d, 但都有人話刮宮如果醫生手勢好仲好添.


原文章由 fishballbaby 於 07-11-26 17:49 發表
yauoi

28/11那天去登記，是否會知道明確日期幾時做手術? 實在唔好拖得太久，對身和心都是一種傷害。有冇打算睇私家呢? 如需做刮宫手術，連醫生費、痳醉師費、手術室費、病房等等，應該也要大約四萬元， 我這時已經是年半前的 ...

[ 本文章最後由 高齡產婦 於 07-11-26 18:25 編輯 ]
私人傳訊

yjhongkong


民房

積分: 28


15#
發表於 07-11-26 18:17 |只看該作者
yauoi,
如果你太太做完手術後, 一定要好好休息同調理身體呀! 要好似坐月咁休息架, 好多人都話小產仲傷過生完bb. 我十月尾時小產左, 我都休息左一個月, 好似人地坐完咁調理身體. 我自己有話比媽咪同99知, 佢地可以幫手煮野成同做下家務, 會好好多. 因為小產完身心都好疲累, 什麼都唔想做架啦! 同埋你盡量多d時間倍你太太啦! 好重要, 有老公係身邊, 個心會定D.
要向前看, 積極面對啊! 你地好快會渡過這段時間, 或者, 有問題可上BK問問.
私人傳訊

fishballbaby


侯爵府

積分: 24636

2024年龍年勳章 2023年兔年勳章 好媽媽勳章 畀面勳章 環保接龍勳章 wyeth冷知識勳章


16#
發表於 07-11-26 19:30 |只看該作者
我都係响仁安，$9,000幾咁平，我一定唔只喎，因為淨係醫生費都要成一萬蚊，痳醉師都幾千蚊，仲有手術室費、儀器費，醫生巡房費每day都一千，仲有住院費每日hk$500，果次我住了大約十日，記得埋單都要六萬蚊。

yauoi
如果有需要，不如你考慮吓高齡睇既醫生la。
手術後，仲要睇吓中醫調理吓呀。


原文章由 高齡產婦 於 07-11-26 18:10 發表
fishballbaby,
我10月中喺仁安做刮宮, $9000幾only (include everthing), 點解妳有4萬咁多嘅?

yauoi,
係啦, 妳哋有冇考慮下私家呢? 政府係平好多, 但如果萬一真係要刮宮, 我就冇信心喇, 所以我選擇返自己個醫生係 ...

[ 本文章最後由 fishballbaby 於 07-11-26 19:37 編輯 ]
私人傳訊

高齡產婦


伯爵府

積分: 16118

玩具勳章 好媽媽勳章 畀面勳章 wyeth冷知識勳章 陪月勳章 環保接龍勳章


17#
發表於 07-11-26 22:14 |只看該作者
fishballbaby,
嘩嘩嘩, 點解妳要住成10日醫院呀 ? 我係即日出院喎, 中午12點入院, 3:00做手術, 8點幾出院.
我醫生費$4000, 痳醉師$1300, 加其他=total$9000幾
妳睇邊個醫生架 ?

原文章由 fishballbaby 於 07-11-26 19:30 發表
我都係响仁安，$9,000幾咁平，我一定唔只喎，因為淨係醫生費都要成一萬蚊，痳醉師都幾千蚊，仲有手術室費、儀器費，醫生巡房費每day都一千，仲有住院費每日hk$500，果次我住了大約十日，記得埋單都要六萬蚊。

yauoi
如果有需要，不如你 ...
私人傳訊

fishballbaby


侯爵府

積分: 24636

2024年龍年勳章 2023年兔年勳章 好媽媽勳章 畀面勳章 環保接龍勳章 wyeth冷知識勳章


18#
發表於 07-11-26 22:33 |只看該作者
其實我係斷斷續續住了一個月醫院，流血流了整個月，我已盡了最大的努力，當時已18週。

原文章由 高齡產婦 於 07-11-26 22:14 發表
fishballbaby,
嘩嘩嘩, 點解妳要住成10日醫院呀 ? 我係即日出院喎, 中午12點入院, 3:00做手術, 8點幾出院.
我醫生費$4000, 痳醉師$1300, 加其他=total$9000幾
妳睇邊個醫生架 ?

...
私人傳訊

KoyeBaby


子爵府

積分: 12890

醒目開學勳章 畀面勳章


19#
發表於 07-11-27 02:29 |只看該作者
yauoi
你記得要多ｄ關心你太太，我上年因為ｂｂ係無腦兒要塞藥，足足痛咗３日先排到出嚟，不過好彩唔駛刮宮，但係我之後嗰２個月都情緒低落，會無端端大喊，發脾氣，所以如果你太太有ｄ咁嘅情況，希望你唔好怪佢！因為根本控制唔到自己～老公嘅支持喺呢個時候真係好重要！
加油呀！叫你太太好好調理身體，一定唔可以冷親，盡可能休息多ｄ，養好身子之後再接再厲～～
私人傳訊

patlo


複式洋房

積分: 451


20#
發表於 07-11-27 09:52 |只看該作者
等我share下我個case...

我今年4月時小產, 當時又係冇長大同停左心跳, 又不斷咁留啡, 所以聽我c+講去做手術, 當時係st. paul做, 係麻醉再刮宮, 留左一晚院, 埋單萬幾蚊(萬頭), 之後醫生仲話冇問題架喇, 你好似正常人咁架喇, 再黎番2個cycle m就可以再懷孕架喇. 又話唔好食行血o野, 之後我又lazy, 冇調補. 2個cycle後開始再努力, 跟住4個cycle後(10月check到有)就成功左, 好開心...

但一直都好憺心會好似上次咁... 好景不常, 到7w幾都未有心跳, 我仲憺心, 最後係8w時見啡...去左瑪嘉烈急症, 醫生都話仲未有心跳唔樂觀, 又安排我第2日去佢地個婦產科檢查, 第2日去到, 個女醫生, 再照又係冇大同冇心跳, 佢同我講"你接唔接受到? 如果得就今日同你安排做手術, 如果唔係就下星期再覆診, 再check" 但我已見到佢係個電腦上面打"mis abortion", 我見佢都咁firm, 所以我打電話同老公相量後, 決定即時入院...

係瑪嘉烈做手術既過程同係st. paul差不多, 因為我算急症, 要等手術室, 但c+就係book定. 最後瑪嘉烈埋單只需150大元, 仲要有飯食(好唔好食另計)... 慳番d錢黎睇中醫同買補品. 補好個身體再黎過!!!

我相信我連續2次係因為我上次冇調補, 因為我已有一個女, 所以一定唔係基因問題, 所以你一定要買野俾你太太補下, 最好睇下中醫清下d風tim.

加油!!!

Pat

[ 本文章最後由 patlo 於 07-11-27 11:55 編輯 ]
我叫璇璇, 英文名係Kyna, 2003-05-31出世. 我全家都係5月生日o架
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見