本人租住西灣河劏房,每月17日交租,租左三個月到有次7月21號我想櫃員機過數交租,點知食左咭,於是即時通知業主可唔可以等幾日拎番張咭先交租(打工仔飯鐘一粒邊夠時間排隊),業主話唔接受呢個理由,於是我7月25號交左比佢,,點知月尾有張土地審裁署既信貼係門口,話業主會進行收樓,要我7日內去土1地審裁署提出反對,於是我剷落地產問張紙攪咩?我又冇欠租,地產答我唔駛理佢交左租就得業主會取消,我相信佢所以冇理會,8月租金都交左業主冇任何表示,8月31日收到業主話收到法庭既得直令同收樓令要我9月7日前要搬走,我9月2號即刻去土地審裁署申請廷遲反對通知書,廷遲收樓令,於是安排今日上庭,上庭前我以為個官會問我點解遲交租之類既問題,我拎晒証明,點知個官問我你要申請廷遲反對通知書,咁你有咩合理理據要求廷遲,我話我第一次租屋咩都唔知,我問左地產,佢話交左租就得,我咪冇理囉,個官就話呢個係我不幸信錯地產,問我仲有冇野講,我話仲有咩可以講,第二樣廷遲收樓令佢問我要幾耐時間先足夠,我話一個月,個官問業主比唔比到一個月我,個業主話太耐啦最多二個星期,個官問佢執達史果邊做野未?業主話做緊,下星期會第二次上黎!二項野全部否決,要我二星期內搬走,到完果陣我問個官係咪按金要退還晒比我?個官答我交樓果時一定要交晒按金比我,個業主問番個官租約條例寫明如果遺約要扣晒所有按金,個官答佢呢個唔係今次要裁決既事,叫佢去小額錢債追我!唔係話15日內唔交租先可以告我既咩?點解連5日寬限期都係過左2日就可以告我?我只想拎番二個月按金有咩方法?我可唔可以賴死唔搬二個月,有執達史上黎既話要點做?pls help
發表於 
返回列表
