Baby Kingdom - 親子王國 香港 討論區 › 首頁 › 少年成長› 好煩惱.....唔識教仔

少年成長

收藏本版
發帖
返回列表
跳至頁

首頁
1

尾頁
   0
BABYPURPLE


子爵府

積分: 13256


1#
發表於 07-11-29 15:09 |只看該作者
我個仔而家14個月....仲未識講野....
佢而家成日想要D乜..就手指指+呀呀呀...如果唔比佢..佢會踏地同喊....
佢一喊...我同老公有時唔想理佢...等佢喊.....我奶奶都驚驚地我老公...所以心痛都唔敢抱佢.....但我老爺就會TUM佢抱佢....話我地唔好由佢喊...唉....搞到我老公而家唔會係佢屋企人面前同個仔做野..如刷牙..換片等...
都唔知點好....
有時我想等佢識講野時先再教...而家TUM住佢先...但又驚已經縱壞佢...同埋我而家又有左..唔可以成日抱佢..但佢一喊就要搵我抱.....
我好多時會同個仔講道理....都唔知佢識唔識聽...總之佢就乜都唔理.....係都係喊..
SORRY...長左D.....
我可以點做?
私人傳訊

BABYPURPLE


子爵府

積分: 13256


2#
發表於 07-11-29 15:12 |只看該作者
仲有..我奶奶話...我老爺自己咁多個仔女細個時都無抱過....而家有兩個外孫女同一個孫仔....而呢個孫仔..即我個仔...而家係佢湊既...
所以我知佢好錫好錫佢....好多時會撩佢玩...佢一喊...就會心痛...唉.....
私人傳訊

kanaschoi


別墅

積分: 866


3#
發表於 07-11-29 23:38 |只看該作者
其實如果小朋友知道有人會撐佢, 梗係長喊啦, 喊喊下就可以得償所願, 比我都喊啦, 久而久之就成左習慣了, BB已經14個月大了, 雖然佢未識講, 但找相信你講的說話佢大部份都聽得明, 宜家啲小朋友好叻的啦

我自己呢, 就好清析咁同公公婆婆爺爺嫲嫲講, 係我教女的時候, 希望佢地唔好插手也唔好插咀, 如果你決定左唔會满足佢那個要求的時候, 就要堅持, 由得佢喊得幾勁, 都唔可以改變決定, 小朋友知道冇人會撐佢, 同埋長喊都冇用的時候, 就慢慢會易教啲的啦, 不過呢個方法要忍心啲, 當然唔係每一次都用呢個方法啦...宜家我教女, 無人會出聲的, 所以即使有其他人係度, 我個女喊得好勁都唔會找其他人幫手的, 因為佢知道冇人敢幫佢...試下同你的家人傾下, 如果大家有唔同立場, 你一句我一句, 小朋友聽左都亂啦, 仲點會聽教呀

以上係我自己的經驗:loveliness: , 希望幫到你啦
私人傳訊

sa2501


禁止訪問

積分: 2729


4#
發表於 07-11-29 23:53 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

BABYPURPLE


子爵府

積分: 13256


5#
發表於 07-11-30 10:12 |只看該作者
唉....我個仔佢喊就會搵我...即使係我鬧佢.......佢都會痴住我....唔會走去其他人度...佢一去我度就會靜d...其他人抱未必會收聲

咁有時我坐係度...佢抱住我隻腳係度喊...我都會係咁易攬住佢手臂.....由佢喊....又唔會完全唔理佢....but佢又唔會走開...一定要我理佢...

我老爺奶奶就好驚佢喊到出晒汗....就會tum佢...我個仔係無野分散到佢注意力...佢要果樣就要...比其他野佢..佢唔會理...

我老公試過好惡咁話老爺奶奶...唔係個孫要d乜就比乜.....但我老爺唔會驚佢架.....奶奶就會唔出聲....

我地已經唔係成日制止佢...好多時都比玩...當然危險既就no la...
私人傳訊

414928


水晶宮

積分: 63864

母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 HiPP勳章(1) 2018父親節勳章 2018復活節勳章 15週年勳章 畀面勳章 好媽媽勳章 醒目開學勳章 BK Milk勳章 hashtag旅遊勳章 hashtag影視迷勳章 認識瑞士牛牛第一回 認識瑞士牛牛第二回 認識瑞士牛牛第四回 最關心BB問題熱投勳章 Xmas吸收勳章 美好大世界2017勳章 開心吸收勳章 食得好勳章 笑得好勳章


6#
發表於 07-11-30 11:36 |只看該作者
你個問題,好多小朋友都會出現,首先,如果佢想要的東西,是你允許的,都要教佢講正確名稱,當然佢未必識講,但這個時刻就是教導佢的最好時間,加深佢對物品名稱的認知,對佢日後語言發展好有幫助,也可延遲佢的欲望,學習耐性。
當小朋友想要的東西是你不允許的,就要明確說明(短而清楚),小朋友喊是情緒表現,不要害怕,也要同家人商討好,否則事倍功半,完全不理他不是最好的方法,因為小朋友還細,比佢喊一陣,就定個時間要佢收聲,如果做得到就比其他獎勵佢,時間長左,佢就知喊係唔會得到佢想要的東西,而且小朋友大左,理解同語言好左,這些情況就會改善,若現在處理不好,日後要面對的問題更大。
私人傳訊

SandraLo


珍珠宮

積分: 33215


7#
發表於 07-12-2 23:16 |只看該作者
原文章由 BABYPURPLE 於 07-11-30 10:12 發表
我老爺奶奶就好驚佢喊到出晒汗....就會tum佢...我個仔係無野分散到佢注意力...佢要果樣就要...比其他野佢..佢唔會理...
...


BABYPURPLE :

知唔知點解你阿仔 "要果樣就要...比其他野佢..佢唔會理" ?
因為佢知道只要喊, 佢就一定會有! 咁佢駛乜理你其它offer呢 ?
相信你都明, 咁落去有幾大鑊, 因佢會覺得呢個世界既所有, 佢想要的話, 都係應該可以得到........

睇睇呢度, 瞭解小朋友心理同行為先 :
http://forum.baby-kingdom.com/viewthread.php?tid=951856&extra=page%3D1&page=5

長遠計.... 可能要搬開唔同99住 !
私人傳訊

睿睿豬


男爵府

積分: 5061


8#
發表於 07-12-3 17:09 |只看該作者
BB係佢未識用言語表達時好多時都會用發皮氣或喊來得到想要嘅嘢, 但我想話隨左由得佢喊嘅同時都要教佢用言語表達出來(就算你估到佢想要咩都唔好即刻比佢住), 例如問佢你想要咩, 你喊媽咪唔明, 唔知你想要咩呀, 你話比知啦, 係唔係要糖糖呀, 鼓勵佢講出來, 久而久之佢就會學識用說話表達自己。仲有, 千祈唔好睇小小朋友理解力, 你以為同佢講佢都唔會明, 但其實佢地心裡明白, 只是未到識得表達嘅時間, 比多少少耐性, 用多d愛心, 佢哋係好叻嘅

原文章由 BABYPURPLE 於 07-11-29 15:09 發表
我個仔而家14個月....仲未識講野....
佢而家成日想要D乜..就手指指+呀呀呀...如果唔比佢..佢會踏地同喊....
佢一喊...我同老公有時唔想理佢...等佢喊.....我奶奶都驚驚地我老公...所以心痛都唔敢抱佢.....但我老爺就 ...
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見