吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 大事小事忍左4年，終於爆出來，感恩

婆媳關係今日: 0|主題: 27780

收藏本版

發帖

返回列表

跳至頁

查看: 3094 | 回覆: 19

大事小事忍左4年，終於爆出來，感恩 [複製鏈接]

energy5458

別墅

積分: 697

1^#

發表於 14-7-10 00:34 |只看該作者 |倒序瀏覽 |打印

琴日朝早c6同我講番前晚佢老母12點幾打來原來叫我地唔好用濕紙巾幫bb抺手，話有毒，ok,咁我琴日同bb出街已經即刻帶棉花同煲過既水幫bb抺，去到健康院見完姑娘，c6就陪啊女打針，我就去取藥，取藥途中啊62打比我（其實佢2老不嬲都好小打比我，幾乎無咁制，同埋打來唔方好野，所以我通常都唔會聽）點知條62原來轉左電話我唔知，一個5字頭既電話打來，我就聽左，頂，一聽原來係佢，第一句問啊女乖唔乖，第二句就講「你唔好再同啊女用濕紙巾，有毒！」重複左3次，佢每講一次我就話「哦，知架啦！」點知佢仲係咁講4、5、6、7、8..........成廿幾三十次都係講「你唔好再同啊女用濕紙巾，有毒！」我頂你個肺，我咪答左你知道囉，洗唔洗重複幾十百萬次，最後我忍唔住打斷佢「啊爸，你可唔可以聽下人講？我已經答左你好多次，我地知道，我地唔會再用濕紙巾，點解答左你咁多次你仲要問？我唔知仲可以答你啲乜！」62：「我講下都唔得呀，我驚你唔識提你喳，我當你女係皇帝女呀....xyzgdvhehhh....」一連串既轟炸
我：「我知你錫個孫，所以你一講話有毒我地咪唔用囉，已經答左你好多次...」我好無奈....呢個時候，我62條粉皮竟然無啦啦燒埋我老豆老母果疊
62：「係呀，你老豆老母講既就係岩，我地講既就係錯...xyzhdvjfjjebbj」佢繼續自己一倫嘴係度講，態度極之惡劣！我真係火都黎埋，你無野呀？你唔妥我姐，關我老豆老母咩事？我從來無係你地面前提過我老豆老母囉，pk!真係佛都有火呀！我已經好比面我老公，次次我都忍左去就算，因為我唔想佢做磨心！（我本身脾氣唔好，但為左唔想老公做磨心，所以一忍就忍左咁多年，但今次我真係好想爆佢呀！禍不及家人呀！你無病呀！？呢個時候我真係要爆！
我：「啊爸，講真啦、我對住你地真係好大壓力呀！你係咁講毒紙巾，我都話無比佢用，你仲要繼續講，個女我生架，唔通我會想毒死佢呀！？每次見你地，你地有邊一次唔係驗屍咁驗我個女，睇下我有無幫佢剪指甲，有無比蚊咬，有無邊度損左，有無呢樣，有無果樣，一係就話佢個頭訓扁左，唔通我叫啲蚊去針我個女呀？我特登唔幫佢剪指甲等佢爪損自己？我特登要佢訓扁個頭？我講多一次個女係我生既，我唔心痛過你！無人比我更緊張！」我一路講呢番說話佢就一路自己係度9up,我都唔知佢有無聽到我講乜！跟住佢就話「講下都唔得，我以後唔講野！」心諗，好呀，最好咩都唔好講，以後唔見仲好！
我：「我唔係咁既意思，你要咁諗我都無辦法，我只係講事實！我而家好忙，我要湊女，唔得閒同你講！再見！」跟住我就收左佢線
之後就去拎藥然後上番去搵c6，應該條粉腸已經打左比我c6，我真係好q嬲！覺得好委屈，但我喊唔出，點解好似咩都係我既問題！？上到去見到c6佢第一句問我係咪佢老豆打黎煩我，我話我真係忍唔住同佢頂左幾句，之後c6話頭先個姑娘揾我叫我去搵佢先，轉頭再講，入到姑娘房，姑娘話唔記得問我有無情緒問題，我就喊住講，岩岩先比我老爺鬧完，佢就話安排咩社工果啲，傾左一陣就出去搵埋c6走啦。
c6第一句就問我「做咩聽我老豆電話？」
我：「我都唔知你老豆轉左電話，5字頭打黎我咪聽囉，你又無講過佢轉左」
C6：「咁佢講乜？」
我：「我首先要同你講對唔住先，我無心要頂佢，但佢真係好煩，我頂佢唔順，我唔想因為佢令我地鬧交，影響我地感情，所以我一直都係忍忍忍，都只係唔想你成為我同你老豆老母既磨心，但係我條橡筋拉得太（行）斷左，其實你爸媽係咪真係好唔鐘意我？當初點解要比我嫁入來？點解咁鐘意搵野黎鬧？定係我前世欠左佢2個？」
C6：「老婆，我只想你開開心心湊住bb，唔開心既野唔好諗！」我點都估唔到c6無嬲我仲同我講呢番說話，好感動，跟住就無再講呢單野，食完野買餸就番屋企，番到屋企，我就整餸，聽到老公關左房門傾電話，我估到係佢老豆或佢老母打比佢，我無理到，到我整完餸坐係梳化休息時，老公就傾完出來，問我可唔可以幫佢做小小野，我心已經估到應該係佢老母叫我打番比佢老豆，因為我62最鐘意煩我99叫佢煩佢個仔，最後煩到我！點知真係比我估中左...一半，請留意下面對話
C6：「老婆，你可唔可以幫我做小小野？」
我：「做咩？」
C6：「你可唔可以打比我老豆道個歉？」佢有啲唔好意思咁講
我真係當堂O左嘴,唔係呀麻，要我道歉！？
C6：「唔緊要，你唔想我唔會逼你，只係我唔想你同佢地有咩誤會呀」
我：「下，唔係呀麻？我無可能同佢道歉囉，第一，錯不在我，係你老豆係度好似癲9咁吠，我只係講事實，講中左，你老豆唔卜；二，呢啲唔再係誤會，我唔想再理呢個人！」
C6：「唔係呀，我唔想一陣我媽放工番到屋企係咁比我老豆（鵝）」
我：「我覺得成件事都幾攪笑囉，你老豆鬧我都算，話埋我老豆老母仲想我同佢道歉，道歉既原因係因為你媽怕你老豆（鵝），咁你可唔可同你啊媽講，叫你老豆同我道歉呀，你話你就黎比我煩死啦，睇下佢會點！打橫黎講，你老豆攪到今時今日咁係你老母養成！」
C6：「係呀，呢個係無得改變架啦，咁由得佢啦，我都唔想比佢煩！都唔想佢地再煩你。」跟住就無再講呢件事，出奇地仲要無鬧過一句交！只針對事！
Ps.感恩老公今次不做愚孝仔

點評

leohungwingfuk 分開下啦發表於 14-7-11 18:16

0 0 0

私人傳訊

啤梨b女

男爵府

積分: 6268

2^#

發表於 14-7-10 00:42 |只看該作者

回覆：大事小事忍左4年，終於爆出來，感恩

私人傳訊

wahiuma

翡翠宮

積分: 94880

3^#

發表於 14-7-11 18:01 |只看該作者

回覆：大事小事忍左4年，終於爆出來，感恩

最緊要你老公都撐你，D老人家都几煩下

私人傳訊

laiko

大宅

積分: 2770

4^#

發表於 14-7-11 19:12 |只看該作者

回覆：energy5458 的帖子

私人傳訊

namnamnamlolo

珍珠宮

積分: 44826

5^#

發表於 14-7-11 22:48 |只看該作者

回覆：大事小事忍左4年，終於爆出來，感恩

男人老狗仲煩過我媽我媽多數一日講五幾連續講一星期左右

私人傳訊

bbmumdad

禁止訪問

積分: 3241

6^#

發表於 14-7-16 01:50 |只看該作者

回覆：energy5458 的帖子

提示: 作者被禁止或刪除內容自動屏蔽

私人傳訊

falalala

珊瑚宮

積分: 113640

HiPP勳章(1) 2018父親節勳章 2018復活節勳章畀面勳章 BK猜猜猜慶中秋 hashtag影視迷勳章

7^#

發表於 14-7-16 03:15 |只看該作者

回覆：大事小事忍左4年，終於爆出來，感恩

私人傳訊

myki

男爵府

積分: 6164

8^#

發表於 14-7-16 11:17 |只看該作者

本帖最後由 myki 於 14-7-16 11:20 編輯

你就好啦, 老公咁體諒你. 我都忍左我62好耐, 由同我老公拍拖開始已經唔like佢. 唔識尊重人佢講乜都得, 我地就要小心講野, 講錯野有排俾佢煩. 我都好想爆佢, 我都就快谷爆. 佢成日以為自己好巴閉. 我同我老公係同居左一年先結婚, 個62話我好彩喎, 佢個仔肯同我結婚. 但其實同佢個仔同居0個陣我提出過2次分手. 係佢個仔要生要死我先冇同佢個仔分手. 佢個人頭豬腦仲覺得女仔同人同居係蝕底晒架啦, 冇人要架啦. 佢都真痴痴地. 即係我覺得佢好侮辱我羅, 講到我好似賣剩蔗咁但事實上係有人追我但係我老公當時對我好好, 好就我, 我唔想對唔住佢. 我c6就冇你c6咁好, 我c6同佢老豆一樣話係我好彩. 所以我覺得好嬲好委屈. 我嫁到佢只係好彩在唔洗住劏房羅.
有日飲茶又話我個仔冇粥仔食因為佢生長在刻薄之家, 即係話我刻薄個仔, 佢湊就有粥食我地湊就冇. 第一: d粥係99煮又唔係佢煮, 認咩叻呢! 第2: 我唔係唔洗做, 我要返工架, 點煮呀. 放假我會煮.
我真係就谷爆啦, 我都想爆佢呀!

點評

M.A.C 你C6如果都係咁認62, 其實點解你串C6, 問當初邊個要生要死??? 就係你太俾面C6 發表於 14-7-21 09:15

私人傳訊

已刪除用戶

已刪除用户

積分: 611

9^#

發表於 14-7-16 11:24 |只看該作者

回覆：大事小事忍左4年，終於爆出來，感恩

提示: 作者被禁止或刪除內容自動屏蔽

私人傳訊

energy5458

別墅

積分: 697

10^#

發表於 14-7-16 18:30 |只看該作者

引用：+本帖最後由+myki+於+14-7-16+11:20+編輯+\\

原帖由 myki 於 14-07-16 發表
本帖最後由 myki 於 14-7-16 11:20 編輯

你就好啦, 老公咁體諒你. 我都忍左我62好耐, 由同我老公拍拖開 ...

好彩我c6仲肯撐我，我都無咁嬲，我62同你62一樣，把死人口唔識收，最鍾意踩底人地抬高自己，踩到人地啲仔女一文不值，自己果啲就係最好最叻，點解我咁講，因為我個衰姑仔既可憐男友成日比佢老豆踩，當面話人地大大份成隻大笨象，係人地背後又話人地屋企賣報紙（開報紙檔）無家底，我心諗你自己好好咩，咪又係住公屋，人地起碼有層私樓先啦，成日話自己個女讀大學幾叻幾叻，香港大把大學生啦，都痴痴地，成日叫個女係公司搵個好樣又有錢，真係想爆佢一句「你簡人，人簡你呀，有錢又好樣都唔洗簡你個女啦，以為自己個女係香港小姐，我仲有個細姑仔，已經離家出走3年幾，點解離家出走，咪因為佢好憎我62，我果時未嫁比c6但有時會去佢屋企，我個趴街62成日話佢去做雞，呢個人真係因住收尾果2年，邊有老豆話自己個女做雞，比著我都離家出走啦，發神經！

私人傳訊

energy5458

別墅

積分: 697

11^#

發表於 14-7-16 18:41 |只看該作者

引用：樓主可以聽62講咁耐都好勁，我一早就會收佢

原帖由 am621 於 14-07-16 發表
樓主可以聽62講咁耐都好勁，我一早就會收佢線！

Cut佢線仲大獲，鬧到我上天花板，唔聽電話係最好，不過今次聽左係因為我唔知佢轉左電話，平時我由得佢響

私人傳訊

kit-kwok

大宅

積分: 3399

12^#

發表於 14-7-19 00:29 |只看該作者

回覆：energy5458 的帖子

我同你情況一樣，不过我調轉，煩個個係99.下星期都係要捉去見社工，我唸到時忍唔住又爆喊

私人傳訊

daydayhappy_

大宅

積分: 2090

13^#

發表於 14-7-19 00:44 |只看該作者

我採取軟皮蛇政策。。。。黑面。。唔使任何家務。。唔發音。。唔回應

私人傳訊

ac320

男爵府

積分: 7324

育兒性格勳章

14^#

發表於 14-7-19 00:45 |只看該作者

引用：琴日朝早c6同我講番前晚佢老母12點幾打來原

原帖由 energy5458 於 14-07-10 發表
琴日朝早c6同我講番前晚佢老母12點幾打來原來叫我地唔好用濕紙巾幫bb抺手，話有毒，ok,咁我琴日同bb出街已 ...

私人傳訊

霜雪

洋房

積分: 50

15^#

發表於 14-7-19 10:58 |只看該作者

講起99火都嚟麻

私人傳訊

yan12

男爵府

積分: 9026

16^#

發表於 14-7-19 17:09 |只看該作者

你c6真係好錫你，我老公只做愚孝仔什麼都要我忍忍忍，全男家都係幫親不幫理

私人傳訊

rubyfung926926

複式洋房

積分: 224

17^#

發表於 14-7-19 17:37 |只看該作者

回覆：yan12 的帖子

比我就彩佢都有味！
有次我整支幾色既彈弩原子筆，整左好耐都整唔番！「果時姑仔同佢老公都在」個62就話我，智商底小小野都整唔到！「唔緊要，你就睇你點整！」我就同佢講：你咁叻，你幫我整囉。之後整左10分鐘，話自己今日累，眼唔夠好，第日先整！我就講：整唔到就講唔夠眼！「我心諗：我就等你聽日整」到第2日，我特登叫亞女比番支筆佢整，整左半粒鐘當然整唔到啦，我就講：點呀高手，整唔到呀？我以為你好勁添，原來一樣智商底…哈哈！「果時我心都涼埋，串我，我十倍反激！」