吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 嬲99嬲到訓唔著！

婆媳關係今日: 0|主題: 27779

收藏本版

發帖

返回列表

跳至頁

查看: 3176 | 回覆: 22

嬲99嬲到訓唔著！ [複製鏈接]

babywingleung

大宅

積分: 1845

1^#

發表於 14-7-18 03:04 |只看該作者 |倒序瀏覽 |打印

話說我上一次講到聽到99既說話好難聽，積積埋埋已經好想爆佢！出完po既之後一晚，我有小小事要落屋企留下，有個朋友俾野我，當時老公99囡囡喺屋企睇緊電視，我就同老公交代一聲就出門口，出門口既時候我囡喊住想跟我一齊去，咁老公都安慰佢我又話買雪糕俾佢食就照出去，出到等都聽到囡有喊，因屋企離好近，之後等期間聽到99好大聲同我囡講“唔好喊，唔好要媽咪啦，又出街，唔好要佢番黎啦“我當時一聽到好嬲好嬲，就諗都冇諗行番轉頭，隔住鐵閘望番入屋企左幾秒，大聲講左一句“係咪唔要我番黎丫，咁我唔番喇！“老公同99好驚訝以為我已經落左去，老公之後應我“行啦，講下笑啫“我再回佢“講笑可以咁講架咩“就行左去搭落樓。到我番屋企佢地已經熄哂燈入左房，之後我入去同老公再傾，一傾就開始爆喊，我話“佢係咪諗住我聽唔到就可以咁樣同個囡講野丫，我做錯既你可以話我鬧我，但佢唔可以咁樣同個囡講話我衰囉，我究唔鐘意佢啦，我係咪會日日同個囡講嫲嫲衰丫，我同你妹究反面啦，我都冇唔俾個囡同佢玩啦，大人既野唔好影響埋個細路囉！“老公見到我喊就知道我係好嬲好嬲，話聽日會再同佢媽傾下！到左第二日我起身見到佢都叫唔出早晨，因為我都仲係好嬲，而老公就番左工，到差不多中午時間老公就打電話番屋企同佢媽傾，我當時準備出街，聽到小小99講既說話“係……講錯左，一時口快講錯左“跟住再冇聽到就出左街，之後既幾日同99都係面阻阻冇乜兩句，因為佢咁岩失業成日都會喺屋企，我就連續幾日帶住個囡避番娘家，唔想見到佢！

到上個星期佢又開始番工，同埋感覺到佢有小小改變，有時我教囡佢都冇第一時間出聲講埋啲衰野，同佢既關係又變番好小小，開始會有啲計傾番！

但係今晚佢把口又再開始唔收，又要講我又俾我聽到！今日佢收工番黎我同老公同囡食緊飯，餐飯係我煮咁老公就食完去洗碗，洗碗時又俾我聽到佢意思話點解老公要洗碗，老公答佢餐飯係我煮既，佢又話收早番黎仲要做不如唔好收早，仲要洗碗！之後佢又話冇煮姑仔飯，老公話已經叫左佢係佢自己唔食，佢又話冇飯淨俾姑仔帶，老公答佢佢唔食咪我地食埋佢囉！

我好嬲點解要話老公收早番黎唔可以洗碗，佢番工會攰我就唔會攰咩！早幾日佢放低幾佰蚊叫我買送，佢話今個星期佢會番黎煮飯，今日佢番唔到黎煮俾我煮左，見佢個囡冇食飯就想話我地唔叫佢食飯！實情係我同老公都冇煮佢飯又跟本唔知佢番唔番黎食，咁開飯時佢咁岩番左黎，我又記得99俾過錢我買送，咁我先叫老公問佢食唔食，佢要食都夠食！佢唔食都係多出一碗飯咁我一向都唔食隔夜飯，咪我同老公分左一人一半食囉，又要話佢冇得帶飯，真係想問佢邊個知佢帶唔帶飯呀，整多左唔帶我會倒左佢都唔會食！

入到房同老公講，以後你媽唔煮飯就餐餐出街食，邊個都唔駛做！聽日你比番幾佰蚊佢，我唔會再幫佢買送唔駛煮我飯，要食我自己會煮，唔好以為俾嗰小小錢就要我求你囡食飯先得呀，問佢唔食咪唔好食囉，3歲細路咩！

我以為佢真係會有小小改變啦，點知都係咁，今日既事又令我諗番起之前既事，成日把口唔收，真係唔知幾時我又再忍唔住爆佢

0 1 0

私人傳訊

nkm11

男爵府

積分: 5046

畀面勳章

2^#

發表於 14-7-18 07:47 |只看該作者

回覆：嬲99嬲到訓唔著！

搬吧

點評

Jolin_Yuen

發表於 14-7-18 14:53

私人傳訊

cky34979

伯爵府

積分: 15838

育兒性格勳章畀面勳章

3^#

發表於 14-7-18 08:10 |只看該作者

回覆 babywingleung 的帖子

同意樓上搬啦！
你講到甘白討厭你99同姑仔你老公竟然仲無意思搬呢个老公真系。。。

私人傳訊

Fionwan901

禁止訪問

積分: 657

4^#

發表於 14-7-18 08:14 |只看該作者

回覆：babywingleung 的帖子

提示: 作者被禁止或刪除內容自動屏蔽

私人傳訊

nemrak

男爵府

積分: 9448

hashtag旅遊勳章

5^#

發表於 14-7-18 08:19 |只看該作者

回覆：嬲99嬲到訓唔著！

搬！好佩服果d頂到同6299做既jm

私人傳訊

Hippo323

大宅

積分: 1411

6^#

發表於 14-7-18 08:24 |只看該作者

回覆：babywingleung 的帖子

其他野都可以忍！點可以同自己小朋友講0的禁既野！太過份啦！

點評

小丸123 agree, 但老人家，把口唔收左咁多年，要佢地改真係難過登天。。。。發表於 14-7-21 00:27

私人傳訊

cream090909

侯爵府

積分: 21319

我的育兒心得勳章

7^#

發表於 14-7-18 08:52 |只看該作者

回覆：嬲99嬲到訓唔著！

以後食埋飯等佢訓左先返，再唔係返娘家住囉，做咩搞到咁委屈啫？！

私人傳訊

M.A.C

伯爵府

積分: 17773

8^#

發表於 14-7-18 09:55 |只看該作者

百分之七十的99們係咁架啦,

自己個仔女要返工既會累, 唔返工既就係應該唔駛做,

而人地個女就"鐵打+不死身"既, 應該可以24小時識返工揾工, 然後回家做哂家務, 再跟住湊仔囉~~~

我支持你爆C6和99, 真係不知所謂!!!

雖然你C6有幫手話99, 但要你哭求才懂得做, 根本巳經唔合格~~~~

點評

Ktyan0619 講得好人地個女嫁黎就做工人我奶奶仲pk 叫我日頭湊仔半夜去返工驚佢仔辛苦養我但我就可以on call36 發表於 14-7-21 01:23

vinnieluo 👍👍👍👍好精華，講得好實情。發表於 14-7-18 14:54

私人傳訊

JenniferLeung88

大宅

積分: 1073

9^#

發表於 14-7-18 09:55 |只看該作者

搬走

私人傳訊

Phoebe_snufkin

公爵府

積分: 25021

hashtag影視迷勳章 BK Milk勳章

10^#

發表於 14-7-18 10:03 |只看該作者

我99都係架, 永遠覺得男人返工先係最辛苦, 我試過答佢睇做咩位同咩工啫, 佢返工辛苦唔通我返工唔辛苦? 佢仲要話: 做野邊會唔辛苦, 我都費事再應佢, 不過返到屋企就俾說話我老公聽, 話佢好辛苦, 返到屋企唔駛佢做啦, 我返工係最舒舒服服既.....我老公唔敢出聲, 哼! 99你有你講, 我返到屋企繼續嘆, 我老公自願做你管得幾多

私人傳訊

babywingleung

大宅

積分: 1845

11^#

發表於 14-7-18 14:47 |只看該作者

引用：我99都係架, 永遠覺得男人返工先係最辛苦,

原帖由 Phoebe_snufkin 於 14-07-18 發表
我99都係架, 永遠覺得男人返工先係最辛苦, 我試過答佢睇做咩位同咩工啫, 佢返工辛苦唔通我返工唔辛苦? 佢仲 ...

我老公同你老公都似，放工番工屋企肯做家務煮飯洗碗湊囡，我一句話要放假約朋友佢通常都就我，有時我仲番下pt，佢放工番黎都係自己一個湊囡食飯沖涼訓教，一手一腳搞掂唔駛我擔心！係99成日覺得我要番工搵錢搞到佢仔辛苦，覺得我唔就佢囡，我成日都唔聽佢講自己有自己一套，仲要同對面屋傾計都話俾人地聽我訓到9點幾咁晏先起身，人地一句答佢佢冇野做咪訓晏啲囉，咁早起身做乜，99即刻冇聲出！

私人傳訊

gg_candy

侯爵府

積分: 20994

2018復活節勳章

12^#

發表於 14-7-18 14:54 |只看該作者

既然咁唔開心真係搬啦

私人傳訊

babywingleung

大宅

積分: 1845

13^#

發表於 14-7-18 15:08 |只看該作者

回覆：嬲99嬲到訓唔著！

回覆上面咁多位，有邊個可以搬都唔搬丫，一齊住得梗有原因理由，都係上黎呻下令自己可以舒服番啫。99佢一齊住咁耐以黎比過唔小說話我聽，講埋哂教壞我囡既說話，專登做啲野出黎整到我囡爆喊，我就忍忍忍都差不多一年，我從來都冇求過佢幫我湊囡，亦都冇叫過佢幫我睇下一陣，係一陣都唔會交比佢，因為知道佢唔識照顧小朋友！佢唔鐘意我做既野我會等到佢唔喺屋企先做，就係為左避免聽到佢啲難聽說話！自從同姑仔反面之後，屋企有買送煮飯都唔會預佢，唔會叫佢食，除非係99煮飯先會坐埋一齊食，琴日佢番到黎都係我出聲叫老公叫佢食飯我老公先叫，我都係睇左99有俾錢我買送先叫下佢，佢唔食99又好似要怪哂落我地度，成日咩都唔諗就講出黎，唔理人感受！要背後講我都要俾我聽到！

私人傳訊

方方媽媽

水晶宮

積分: 74328

14^#

發表於 14-7-18 15:27 |只看該作者

比D顏色99睇啦.
唔煮就唔煮!
但暫時都唔好剩係煮自己果份,咁樣會有位比人入.
直至99軟化,你先至煮返囉.

私人傳訊

NagiTsui

大宅

積分: 1763

15^#

發表於 14-7-18 16:06 |只看該作者

最憎d口賤99. 因我99把口仲賤.
我知99賤格, 所以同c6結婚時已經講明死都唔會同99住. 令願唔嫁.
好興幸冇同99住, 因為見佢唔到聽到佢電話把聲都可以格空激死我.
如果同佢住, 我驚我唔係死就顛.
婚前, 我99已經攪到我抑屈, 有B我99把口都唔收, 成日咒我同BB.
而家我見都唔想見到佢. 我憎佢憎到而得佢消失.
無奈老公9唔9就要我同佢食飯, 佢仲要擺款唔黎OR遲到, 賤到冇朋友.
1年見佢1次都厭多, 未試過憎一個人憎到想佢快D死.

你E個99都衰, 不過如果你知我STORY, 你會覺得我99值頭唔係人