我個印姐姐好乖，做野都唔錯，3 個月前問佢仲續唔續約，佢講唔做返印尼，又問過佢唔做屋企夠唔夠錢用（講真姐姐山長水遠嚟香港做野都係為錢啫），叫佢同老公商量吓先，過一排又再問佢商量成點，老公點講，佢都係答我唔做，又過一排，怕佢唔明我講咩，就打比佢妹妹（响香港做咗 7 年野，廣東話超好），叫妹妹問清楚係唔係唔做，答案都係一樣，咁我就請 Agent 幫我搵人。請到人之後，仲問佢遲一個月先返印尼好唔好，叫佢教新嚟姐姐要點清潔屋企、狗狗要點放行去邊再行返屋企等等嘅日常工作，佢都仲答我「好丫」。
今個月初，印姐姐突然又話要返嚟做，亦都同佢解釋咗，我唔可以再請佢，我已經請咗人，不過幫你問同 Agent 講又問吓有無朋友要姐姐，當晚放工返到去已經同佢講有朋友要姐姐照顧婆婆，問佢做唔做，佢話唔做要响太太道做，再次解釋佢知我唔可以請佢，佢好似明白咁，就無咩事發生，原來呢個只係開始咋。
之後，佢開始失魂，叫佢提我返工時攞啲奶粉（俾公公），佢唔記得，屋企一滴水都無又無煲，廁所垃圾桶又無掉，總之平時做得好好都做到甩甩漏漏。其實，我都無十分介意，今日衰咗聽日做返好就得。隔兩日又同我地講要留返响道做野．
上星期五晚，佢突然好似痴咗咁belibala講一大堆印尼話，問佢咩事，佢又係講印尼話跟著好似小朋友扭計咁响二樓條走廊瞓晒地，「氹又唔得，話又唔得」跟著大大聲鬧佢
「我唔識印尼話，我唔知你講咩，同我企返好」（佢未比我鬧過架），佢先冷靜啲，佢話搵唔到老公同個仔，估計係儲值用晒啲錢無增值，以為佢一吓又搵唔到老公又搵唔到個仔，唔知果邊發生咩事，亂晒龍，幫佢打比佢個妹問屋企有無事，妹妹幫佢打去印尼，用conference mode 等佢同老公傾，傾完好似無咩野，咁問佢係唔係屋企有事，佢又唔講，無野做到，各人又返房瞓，再打比佢妹問係唔係屋企出咗事，有無野要幫手，妹妹話無事，不過如果姐姐越早返去越好，半夜去廚房飲水，聽到佢自言自語，又喊晒咁，諗可能屋企真係有事（我心地唔好，覺得佢老公可能有另一個，十個有九個姐姐老公都係咁）
。
第日(星期六)起身，一開門就見到佢企响道，同我講咩電話卡，又咩電話，總之一輪咀，又廣東話又印尼話，估係電話卡壞咗要去買之類，同佢去到相熟間印尼鋪，襯佢買卡，我就同老板娘講「佢心事重重咁，又唔肯講我知，你幫我問吓佢咩事，睇吓點幫到佢，同鄉可能肯同你地講」，我就叫佢留响鋪頭同朋友傾吓計，我去食早餐（佢齋期唔食得），返去接佢時老板娘話問佢做咩唔開心咁，佢咩都唔講。唉！唯有返屋企啦！點知當晚，又嚟hang 機，又捉手又捉腳又跪又喊又「累」要放完假返嚟做，驚覺佢精神開始出問題
，先生喝佢先至停。當晚再打比佢妹妹，同妹妹傾咗好耐，佢屋企係無事嘅，老公都無第個，不過大家都覺得佢掛老公同仔掛到亂晒龍，再咁落去佢真係會崩潰，決定提早比佢走，唔駛賠一個月，十四日大假比足，糧就出埋佢上機果日，妹妹會第二朝過嚟同佢傾。可能前一晚無瞓，呢晚就好平靜。
星期日朝，妹妹嚟到將我地傾好嘅野解釋比佢知，又氹住佢放完假返嚟做，佢又好似無野咁，咩都 OK，我地一屋又扮到無野咁，到夜晚開家庭會議，決定如果 agent 果邊可以收留佢兩日，就星期一扼扼氹氹軟硬兼施咁同佢過咗佢先，好過佢自己一個人响道又唔知諗啲咩搞啲咩。
尋日下午收到 agent 電話，安排到人睇實佢，可以夜晚同佢過去，過年期間返去印尼，兩手空空咁，好可憐，啲人又會睇唔起佢（之前個工人講架），收工第一時間兵分兩路，我去數字屋買咗三百幾蚊賣十幾蚊嘅零食，我家姐就去uniquo 買件T-shirt同超市買盒銀莎同紅罐曲奇比佢（應該見得吓人掛），買埋炸雞（聽講印尼好貴）一齊返去食，返到去屋企門口，已經天黑，佢無開燈，成間屋黑蚊蚊，傻奸奸咁坐响道，見到我地返到，又唔起身開門，佢又 down 機。等佢安安落落食飽，叫佢而家入房換衫拾野，同你過公司，當然又開始爭持去留問題啦（太混亂，唔講啦），總之扼扼氹氹軟硬兼施咁夾咗佢過去，去到 agent 同佢做埋啲手續交返本passport比佢，佢居然話本 passport 唔係佢架喎，死未
我覺得我好似將佢趕走咁，佢又無做錯野，總之感覺唔係幾好
。
發表於 
好彩你地送走佢
返回列表
