少年成長 今日: 0 | 主題: 16055

積分: 44702

2024年龍年勳章

1^#

發表於 07-12-24 15:01 |只看該作者 |倒序瀏覽 |打印

我個仔從2歲時己經係咁,跌左一支筆都唔肯拾返,話好難拾!跟住就喊要我幫佢,穿鞋又係咁,佢明明識穿,但遇到小小阻礙就會放棄唔做..我唔想佢太依賴我所以會要佢自已做,但咁耐以來佢做好多事都係咁,無耐性,怕失敗..太內弱了!令我十分擔心!!平時佢做到的野我都會讚佢,想佢多d自信和耐性,我都唔知可以點幫佢??!:-|
有冇其他小朋友都係咁既呢?我唔想佢乜野都依賴我,

0 0 0

私人傳訊

Mandy0961

複式洋房

積分: 205

2^#

發表於 07-12-24 22:45 |只看該作者

我個女都係兩歲半，有時佢都係明明識做，但又唔肯做。有時唯有做我做一半，留番一半比佢做，佢又好樂意去做。希望遲ｄ會好d。

私人傳訊

cathy6710

子爵府

積分: 10023

畀面勳章

3^#

發表於 07-12-25 09:17 |只看該作者

拖住佢手一起做?
同佢講定先，你幫佢做一半，佢自己做一半?
囡囡都試過咁，咁我就會咁樣同佢講
平時亦都會加強佢自己事自己做的攬法

有時小朋友會撒嬌，咩都要你幫佢做哂
咁就需要你態度始終如一的堅持
佢就知道有D野係佢要自己做返先得

私人傳訊

積分: 44702

2024年龍年勳章

4^#

發表於 07-12-26 16:41 |只看該作者

YES..如果我做一半咁佢先會做去 ,不然就話媽媽去做!唔知大個會否好D呢??

私人傳訊

積分: 33215

5^#

發表於 07-12-26 17:16 |只看該作者

原文章由 小ice 於 07-12-24 15:01 發表
我個仔從2歲時己經係咁,跌左一支筆都唔肯拾返,話好難拾!跟住就喊要我幫佢,穿鞋又係咁,佢明明識穿,但遇到小小阻礙就會放棄唔做..我唔想佢太依賴我所以會要佢自已做,但咁耐以來佢做好多事都係咁,無耐性,怕失敗..太內弱 ...

似係懶多d 喎！

私人傳訊

積分: 44702

2024年龍年勳章

6^#

發表於 07-12-26 22:09 |只看該作者

原文章由 SandraLo 於 07-12-26 17:16 發表

似係懶多d 喎！

yes!我都覺佢好懶！和依賴！請問性格係咁係咪好難改變呢？有咩方法可以令佢可以無咁”懶”？

私人傳訊

積分: 33215

7^#

發表於 07-12-26 22:59 |只看該作者

原文章由 小ice 於 07-12-26 22:09 發表
yes!我都覺佢好懶！和依賴！請問性格係咁係咪好難改變呢？有咩方法可以令佢可以無咁”懶”？

小ice :

佢咁細個懶同依賴絕對係有得搞..... 因唔似得做功課, 一定要自己願去做去諗同去學！
佢懶同依賴係因為「可以」, 任何嘢都好, 佢一話唔做就有人幫, 咁佢好難會自己做; 例如著鞋, 俾d 時間佢, 著唔到就唔好去街啦！當然你係要知佢能力到至可以咁做....
明續.....

私人傳訊

積分: 33215

8^#

發表於 07-12-27 22:13 |只看該作者

原文章由 小ice 於 07-12-26 22:09 發表
yes!我都覺佢好懶！和依賴！請問性格係咁係咪好難改變呢？有咩方法可以令佢可以無咁”懶”？

重細個時, 你一樣可以用「讚」嚟鼓勵佢, 俾佢知自己完成自己嘅嘢係會受到讚賞, 要注意讚嘅係自己「會」或者「肯」去做, 而唔係「識」得做！因為佢都要學咗先至「識」, 而唔識就要學.....
你留意吓教佢一樣嘢時, 會否太快而令佢覺得「不易成功」, 有挫敗, 而唔敢慢慢去試做？小朋友學嘢一定要成功到先至有自信同動力去繼續架！

私人傳訊

積分: 44702

2024年龍年勳章

9^#

發表於 07-12-30 17:13 |只看該作者

SandraLo

thanks !我而家要佢自己動手去拾玩具,每次拾完我都會讚佢,佢而家好像主動左少少,無以前咁懶,希望佢可維持下去..
另我有個問題也請教埋你,雖然我小朋友仲未讀書返學..但我總覺得佢返左學係做功課方面都幾難搞咁..請教點樣培養佢地自動自覺去完成佢地的功課,唔洗成日比人叫先去做呢?

私人傳訊

積分: 33215

10^#

發表於 08-1-1 17:10 |只看該作者

原文章由 小ice 於 07-12-30 17:13 發表
SandraLo
thanks !我而家要佢自己動手去拾玩具,每次拾完我都會讚佢,佢而家好像主動左少少,無以前咁懶,希望佢可維持下去..
另我有個問題也請教埋你,雖然我小朋友仲未讀書返學..但我總覺得佢返左學係做功課方面都幾難 ...

小ice :

我明白你的關注, 你這個問題確是要現在問！
好多媽咪自小朋友一有功課開始, 就表現得好緊張, 就算唔睇住小朋友做, 都一定要check過, 寫字唔靚又要佢擦咗寫過, 以為咁係認真, 花費大量時間之外, 重令小朋友好挫敗 (因吓吓都要再寫); 功課明明唔難做, 但小朋友只學咗盡快交d 「行貨」俾阿媽改, 而唔係做到最好交俾老師…….
功課你要由得佢自己做, 你只要make sure 佢做功課嗰段時間不受其他人或電視滋擾, 亦唔係趕住趕住咁做, 你放工佢做好咗你就必須讚佢好乖「自己完成」; 雖然你唔去改去幫, 但你要知佢學緊d 乜, 用其他方法/遊戲去加强學習同增加趣味, 例如要認字, 玩cum綿胎也有幫助, 要寫字, 就好多玩意如泥膠等都可幫到小肌肉……

千祈唔好以為揀間多功課嘅學校佢會學多d 嘢, 剛剛相反, 小朋友唔可以冇得玩
, 讀書唔係三兩年嘅事, 大量功課會打壓咗佢嘅學習興趣, 你點迫都迫唔到佢多十幾廿年！
因此, 你要和他花最多時間的, 不是做功課, 而是和他閱讀及陪養好的學習興趣！

私人傳訊

積分: 44702

2024年龍年勳章

11^#

發表於 08-1-3 17:38 |只看該作者

你講得好有道理啊!受益良多!我自己都唔鐘意比個仔讀d太多功課的學校!怕佢怕左讀書咁就慘啦..我識得有d媽咪d仔女去到p1,見到個媽咪好辛苦,(個仔又辛苦)個仔唔肯做功課,個媽咪好勞心勞力地去催佢快d做,話唔睇住佢做功課會做成6個小時都未做完!

我聽到都有d怕!怕自己的子女都會這樣!我個仔好懶,行步路都話好累!遲d若佢返學做功課既話....真係唔知會係點?:-| 可能佢會下下要我陪太子讀書先肯去做功課,下下話唔識,要我幫佢....如果係咁,我應該點做呢?
哈哈..唔好意思,未發生既事我己經諗埋呢d事..但真係想比自己一d心理準備!

原文章由 SandraLo 於 08-1-1 17:10 發表

小ice :

我明白你的關注, 你這個問題確是要現在問！
好多媽咪自小朋友一有功課開始, 就表現得好緊張, 就算唔睇住小朋友做, 都一定要check過, 寫字唔靚又要佢擦咗寫過, 以為咁係認真, 花費大量時間之外, 重令小朋友 ...

私人傳訊

積分: 33215

12^#

發表於 08-1-3 21:56 |只看該作者

原文章由 小ice 於 08-1-3 17:38 發表
你講得好有道理啊!受益良多!我自己都唔鐘意比個仔讀d太多功課的學校!怕佢怕左讀書咁就慘啦..我識得有d媽咪d仔女去到p1,見到個媽咪好辛苦,(個仔又辛苦)個仔唔肯做功課,個媽咪好勞心勞力地去催佢快d做,話唔睇住佢做功 ...

小ice :

你仔仔依家較依賴, 係因為佢只要話唔識, 或者話唔做, 你就會出手幫, 唔做哂都幫一半......, 佢咁嘅反應係好正常, 你只要俾d 耐性去等, 俾佢知一定要自已做, 情況就會唔同！

功課都一樣, 到時你若有跟開, 佢識定唔識你大概知道, 咪用其他example嚟解佢知, 但題目始終係佢做, 冇錯係花好多時間, 但當佢知阿媽係「永遠」唔會將答案告訴他時, 他是會用腦用心做的！我家小姐就係咁, d 數死都話咗唔識計先, 我用咗三題similar的來解, 佢都重係話唔識, 咁我就話：如果解咁多題你先至明, 咁你依家就算諗到點做, 都要操多三四題至會熟個喎！咁佢就會拿拿聲同你搞掂！

[ 本文章最後由 SandraLo 於 08-1-6 15:57 編輯 ]

私人傳訊