論盡家傭 今日: 0 | 主題: 134032

積分: 1472

1^#

發表於 07-12-23 22:07 |只看該作者 |倒序瀏覽 |打印

我請左個菲傭終於響11月28日到左啦!!!

本來一心以為會好D啦, 起碼上多個人照顧我嘛!!! (因為我老公響大陸做野, 通常星期六先會返黎)

因為我之前未請過菲傭，而基於家人及朋友意見，呢個菲傭我係響Agent見D現成既，佢地話正面同佢傾下同埋了解下會好D，加上我都曾經致電給我呢個菲傭既前僱主，問過呢個菲傭既過去，佢個舊老闆都同我講佢好鍾意自作主張，自我中心好強，叮囑我一定要強過佢，否則佢唔會聽我講!!

點解我都仲會請佢....因為佢個舊boss話佢揍bb係一流，好有經驗，同埋我叫過佢黎我家試工，煮飯炒菜都ok，所以我就請佢。

響11月30日我就出佢第一次出糧，我比左HK$348元佢，D賓妹真系好精，佢即刻問我..."MUM, YOU SHOULD GIVE ME 100 DOLLARS MORE FOR MY TRAVEL ALLOWANCE"。Agent叫佢第一日黎上工要將一批文件交比我，佢係有比呀!!! 不過份合約佢就收起兩份，原來佢自己睇晒份合約，上面寫左我地僱主要響佢上工及辭工分別要比HK$100佢，作為"車馬費及膳食費"。我終於都多比佢HK$100。

過左兩個禮拜，佢開始黎料啦!!!!!

前兩個星期一(14/12)，我早上叫佢去街市買菜，我每次都會以英文及中文寫清楚我要佢買什麼回來，首先我叫佢買Vegetable - 芥蘭一斤，Fish - 鯇魚 HK$15.00.....及其他等等。點知佢買左舊大魚回來，我本來都check佢，經過廚房見到舊大魚，我就同佢講，我叫你買鯇魚唔係大魚??? 佢話同賣魚佬用一半英文及一半中文講"I WANT A PIECE OF 鯇魚"，跟住個賣魚佬比舊大魚佢就話係鯇魚，我就問佢，係咪個賣魚佬聽唔明你講乜，又或者你有無比我寫果張紙比賣魚佬睇???? 賓妹話無比!!! 我心想算啦，可能個賣魚佬搵佢笨，我就同佢講，下次比埋我寫張紙比街市D人睇，你就唔會買錯啦!!! 點知佢突然同我講，"MUM.....大魚AND鯇魚ARE THE SAME!!!"哇......咩叫做一樣呀???? 真係斗膽，駁咀!!!!我之後叫佢總之我係唔食大魚，因為太多骨，以後都唔好再買...OK???

到左同日下午，因為我要拎幾個FILES去比核數師，佢鬼咁好心，話幫我拎去停車場，但係廚房內佢煲緊湯，佢即刻走入去較慢火，就拿拿聲想同我出去。哇!!!我問佢，你咁樣就行得架??? 佢話OK啦，行得!!!! 真係嚇傻我，居然夠膽唔關火就走，我跟住就好狠咁話佢，"I'M TELLING YOU SERIOUSLY, YOU MUST SWITCH OFF ALL THE FIRE BEFORE YOU LEAVE, IF NOT....I'LL FIRE YOU!!!!可能佢會覺得我好吋，但係事實，屋都比佢燒埋，唔仲使乜用工人呀???心諗真係好彩，我係響屋企做野，所以有好多時間睇實個賓妹。

到左同日晚上(於晚飯前)，我同佢講我明天早餐要食清淡些，後天要返醫院檢查，我就同佢講明天我會食麥皮加一只烚蛋做早餐，我都有問佢聽日食乜早餐，因為我都要照顧埋佢食乜，佢話會食noodle。到了晚飯時間，我叫佢炒芥蘭一齊食，因為每餐都係煮一斤菜(For 我同賓妹二人食)，因為我有妊娠糖尿，每餐只可食兩匙飯，所以我會食多一點菜，加上每餐都係一斤菜，所以份量我都知道有多少.....真奇怪!!!點解今晚d芥蘭得咁少?????平時碟菜會好似一座山咁，點解今晚係平碟??? 心諗，算啦!!可能佢比賣菜佬"握"秤啦!!!

到左11點半鐘，我要飲盒鮮奶，打開雪櫃，居然比我發現佢收埋左部份芥蘭響生果箱，原來佢收埋用黎明天早餐比佢自己煮麵食.....真係豈有此理!!!! 雖然幾條菜唔值得幾多錢，但係個問題係佢根本都唔尊重我，你要食都同我講一聲，卒之到左第二朝，我就問佢點解要收埋d菜????佢猛say sorry, 不過突然爆左句，"I THINK THAT VEGETABLE YOU SHOULD ENOUGH"，又駁咀，我即時鬧佢，不如唔好我做你阿MUM，你做我阿MUM仲好啦，既然你乜都可以幫我拿主意，我真係比佢激C.....

到左今日，佢又有新野，我有半支洗頭水及半支沐浴露用剩，(兩支都係好野黎架)，咁我響佢第一日上工時就叫佢用，佢今日居然同我講，話叫我買洗頭水。哇....大姐，半支架，你可以兩個禮拜就用完，你要黎飲架??? 我問佢黎咪日日洗頭，佢話係，我都無野好講，卒之我今晚買左cheap cheap三寶(沐浴露，洗頭水及牙膏)，我同佢講由今晚起你改用呢套cheap cheap三寶啦!! 佢話我買呢支"澳雪"沐浴露同佢之前個MUM買既都係一樣，一唔係就買"澳寶"比佢用，我心諗....梗係啦，你咁用野法，邊個阿MUM請你都會買呢D比你用啦!!!!

其實我而家都係觀察緊佢，我都唔知換唔換左佢好，因為我仲有6~7週就生得，如果而家替換，要等2個幾月，請大家比D意見我呀!!!!

0 0 0

私人傳訊

Boxer06

積分: 1317

2^#

發表於 07-12-23 22:22 |只看該作者

Stella,自己都係無物經驗去deal菲菲

,不過想信呢到D媽咪都好有經驗講到比你知點可去以handle~~~不過,千其唔好攪到心情差先,要做過開心媽咪~~~特別係生完后,唔好比佢攪差,Take care!!!!

Little Boxer媽咪

私人傳訊

積分: 1472

3^#

發表於 07-12-23 22:41 |只看該作者

原文章由 Boxer06 於 07-12-23 22:22 發表
Stella,自己都係無物經驗去deal菲菲 ,不過想信呢到D媽咪都好有經驗講到比你知點可去以handle~~~不過,千其唔好攪到心情差先,要做過開心媽咪~~~特別係生完后,唔好比佢攪差,Take care!!!! ...

boxer, 非常多謝你呀...
不過佢真係越黎越過份架，今日我都忍唔住打電話比agent，佢叫我聽日再打電話比agent，因為今日星期日，有好多客人，所以叫我聽日再聯絡，由佢直接同菲傭講。

要講個菲傭真係有排講......又駁咀，又大洗。

駁咀:
呢排佢沖完涼返入房，一定有一陣味，係佢唔知搽左d乜，你知啦，香港地既屋企有幾大地方呀......我頂唔順陣味，於是走去問佢，佢死口話無搽野，咁再問佢d味邊度黎，佢答...可能響出面傳入黎呢....吹漲!!

大洗:
洗頭水，沐浴露用得好犀利原因係....佢一日沖兩次涼，早上起床一次，做晚飯前一次，所以呢d護理用品耗得得快。
還有，廁紙都係一樣，原來佢洗完手係用廁紙抺手架，幾衛生呀!!! 佢阿mum我都係用抺手布咋，所以d廁紙一個月可以用成12卷架(即係一條裝)，犀利無????

私人傳訊

pollybell

子爵府

積分: 14001

4^#

發表於 07-12-23 22:56 |只看該作者

你既問題係個頭開得衰食佢唔住羅,買餸同佢一齊去唔好比佢知道你咩都唔知,咪比佢自由發揮先得架,重有日用品要佢自已買做咩要供應佢,以為你好易話為,總之初初乜都要嚴格些唔係以後有排你受,香港做過既工人十個有九個乜都好似老馮自以為是咁好難食得住所以你一食佢唔住生完BB就重激死你自己.

原文章由 stella789 於 07-12-23 22:07 發表
我請左個菲傭終於響11月28日到左啦!!!

本來一心以為會好D啦, 起碼上多個人照顧我嘛!!! (因為我老公響大陸做野, 通常星期六先會返黎)

因為我之前未請過菲傭，而基於家人及朋友意見，呢個菲傭我係響Agent見D現成既，佢地話 ...

私人傳訊

LittlePigmom

積分: 5667

5^#

發表於 07-12-23 23:15 |只看該作者

我果個一樣咁衰, 等我坐完月就唔要佢.
成日扮唔識扮唔知, 其實就係懶.
抹成屋窗, 唔夠半個小時話做完, 我果d窗成年無抹, 唔好玩野, 要凡每隻睇住佢抹先抹, 如果我有咁既時間自己抹啦.
今日仲整爛我個相架, 真係火到黎.

原文章由 stella789 於 07-12-23 22:07 發表
我請左個菲傭終於響11月28日到左啦!!!

本來一心以為會好D啦, 起碼上多個人照顧我嘛!!! (因為我老公響大陸做野, 通常星期六先會返黎)

因為我之前未請過菲傭，而基於家人及朋友意見，呢個菲傭我係響Agent見D現成既，佢地話 ...

私人傳訊

積分: 1472

6^#

發表於 07-12-24 00:14 |只看該作者

原文章由 pollybell 於 07-12-23 22:56 發表
你既問題係個頭開得衰食佢唔住羅,買餸同佢一齊去唔好比佢知道你咩都唔知,咪比佢自由發揮先得架,重有日用品要佢自已買做咩要供應佢,以為你好易話為,總之初初乜都要嚴格些唔係以後有排你受,香港做過既工人十個有九個乜 ...

唔係呀，第一次去街市買餸我係同佢一齊去架，仲有，個街市入面的檔口老闆好多我都識架，我要比佢知道，你唔好"出估惑"，因為街市d老闆我全部都識，所以佢係無辦法"打斧頭"。仲有，每餐飯既餸菜係我決定，佢唔可以自行決定我食乜。

至於日用品，我係問過agent架，agent回覆:如果你唔買比佢，佢到時用你家人果d咪仲衰!!! 所以先至買比佢o羅!

私人傳訊

FennieMan

珍珠宮

積分: 37358

減齡達人勳章

7^#

發表於 07-12-24 00:31 |只看該作者

其實我覺得你應該盡快請個新工人, 等新工人一到就即炒佢. 佢而家己經自把自為, 駁咀, 嚟咗都冇一個月, 已經攪到你心情差. 你點頂佢2年呀?
你生完坐月, 最需要休息, 佢而家己經係咁, 再要佢照顧埋bb, 分分鍾比佢激到cc吓.

私人傳訊

lormy

禁止訪問

積分: 8007

8^#

發表於 07-12-24 00:31 |只看該作者

提示: 作者被禁止或刪除內容自動屏蔽

私人傳訊

Froggy_joe

珍珠宮

積分: 48372

9^#

發表於 07-12-24 00:43 |只看該作者

咁串呀，第一日就同你講labour law
回敬佢，攞住份約，好gentle咁同佢講，合約講明，無必要提供浴沐露、洗頭水架喎，請佢自己去買:lol
一日沖兩次涼呢樣，其實都有好處既，因為佢遲少少湊newborn，乾淨好過唔乾淨，不過煮飯之前沖就騎尼D，你唔like咪叫佢沖少次law

私人傳訊

積分: 1472

10^#

發表於 07-12-24 00:54 |只看該作者

原文章由 FennieMan 於 07-12-24 00:31 發表
其實我覺得你應該盡快請個新工人, 等新工人一到就即炒佢. 佢而家己經自把自為, 駁咀, 嚟咗都冇一個月, 已經攪到你心情差. 你點頂佢2年呀?
你生完坐月, 最需要休息, 佢而家己經係咁, 再要佢照顧埋bb, 分分鍾比佢 ...

新工人到就即炒佢，要唔要補錢架????

其實呢幾日我都有諗，但又怕佢拎住d咩勞工法例，我想請問一下各位有經驗既媽媽，是否未夠三個月要一個禮拜通知，過左三個月就要一個月通知架??

私人傳訊

labelle

禁止訪問

積分: 13047

11^#

發表於 07-12-24 01:16 |只看該作者

提示: 作者被禁止或刪除內容自動屏蔽

私人傳訊

mymelody2003

積分: 8641

12^#

發表於 07-12-24 09:44 |只看該作者

如果你第一次請工人而又請個咁有經驗的, 真係好易比佢"食住", 我諗你要同佢再清楚地講一次你的要求, 因為就算你同agents講佢地都唔會聽(尤其係現成的), 你工人都係初到, 如果你同佢講完有改善的就唔好轉工人, 第二個都可能會係咁咋!

駁咀, 講大話, 打斧頭..... 差唔多每個工人都係咁, 唯有自己頂唔順佢時就炒啦

私人傳訊

積分: 1472

13^#

發表於 07-12-24 18:21 |只看該作者

原文章由 labelle 於 07-12-24 01:16 發表
工人無試用期, 新工人到就即炒佢要補一個月錢俾佢 or 一個月通知 (-->但係我唔會通知會補錢炒)

但係我有個朋友已用外傭10多年，她告訴我如果聘請之外傭還未夠一個月，炒佢是不用補錢。

請問有沒有經驗的傭主可以幫我解決呢個問題!!!

私人傳訊

060228

積分: 5817

14^#

發表於 07-12-24 19:52 |只看該作者

坦白講,對於我來講,
我睇完睇唔到任何一個問題出來喎~

妳可能第一次請工人,又生BB,同一個外人生活點都要協調下,
我唔覺佢駁咀,好啦,好似好好禮貌但蠢到飛起,揍唔到BB,又
揾妳個BB較飛既.....妳未試個啦~~:-|

執著帶來痛苦、學習放下煩惱

私人傳訊

060228

積分: 5817

15^#

發表於 07-12-24 19:57 |只看該作者

其實識得揍好NB既工人已好難得,
我今日.....

------------------------------

我已經比一般人平心靜氣,平時D衫洗到好舊甘,都算
我現著緊條睡褲都痴晒厠紙,算,唔緊要...但呢件我好鍾意
因我本已講完又講,呢件記得要手洗,(質地係好軟既「勇」外套)
正常人都唔捨得放入洗衣機攪~
(上次亦有一件全新228大褸未穿過放入洗衣機攪~嘩
攪完可以係....天橋底著既~惜物既人都會心痛吧)
以前228D衫洗完好新淨,人地收左都好開心架.....
我完全冇罵工人,真係已留左啖氣養命~

正正因為我想斗斗,現唔再下下跟佢D工作,今日去觀禮,
昨夜,提佢10:00am一定要出門口,
我問佢準備好D衫未?(之前已講晒,講左成個禮拜)
唔記得,唯有漏夜洗啦,今朝見佢仲補緊條裙,
吓,又唔記得? 等佢,等到10:40am先出門口,
出到門口,問佢才發覺忘記帶奶咀
(人家註冊正正228午睡,扭眼訓尖叫就唔惦,人地一生人一次)
於是又好急忘甘去萬寧買奶咀. 仲有今日我係證婚人,
我驚人地等我,好急之下,我聽到有人叫我
「喂喂喂...妳係邊呀~」(係....幻聽)

...........其實我個人都算交帶,所以我平日跟足工人D野,
但跟得多都好倦,試下唔跟佢D野呀,今日差D急到喊,
我今日都冇話佢,我只想留番啖氣,我想轉運~

執著帶來痛苦、學習放下煩惱

私人傳訊

cathngai

伯爵府

積分: 15317

16^#

發表於 07-12-24 22:02 |只看該作者

(至於日用品，我係問過agent架，agent回覆:如果你唔買比佢，佢到時用你家人果d咪仲衰!!! )
妳個ａｇｅｎｔ好幫佢喎

唔好聽曬ａｇｅｎｔ講，顧主是不用提供日用品的，她好我就無所為，她不好　就叫佢自己買羅

私人傳訊

Froggy_joe

珍珠宮

積分: 48372

17^#

發表於 07-12-24 22:08 |只看該作者

咪係，agent用呢個道理去推論，係咪可以連Ｄ手袋、錢、老公都送俾佢，因為到時你唔俾佢，佢會自己偷

工人唔同你計較，我地做僱主咪大方Ｄlaw，下下斤斤計較既，我地僱主咪同佢講原則law

原文章由 cathngai 於 07-12-24 22:02 發表
(至於日用品，我係問過agent架，agent回覆:如果你唔買比佢，佢到時用你家人果d咪仲衰!!! )
妳個ａｇｅｎｔ好幫佢喎唔好聽曬ａｇｅｎｔ講，顧主是不用提供日用品的，她好我就無所為，她不好　就叫佢自己買羅 ...

私人傳訊