吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 唉~~想呻下......係咪我錯呢？點解要為左d咁少既事嘈呢 ...

夫婦情感今日: 1|主題: 42775

收藏本版

發帖

返回列表

跳至頁

查看: 1792 | 回覆: 10

唉~~想呻下......係咪我錯呢？點解要為左d咁少既事嘈呢？ [複製鏈接]

Karena1015

男爵府

積分: 9099

1^#

發表於 08-1-14 00:14 |只看該作者 |倒序瀏覽 |打印

話說今晚我第二次餵囝囝(5個月剛開始食糊仔)食糊仔，第一次奶奶唔係屋企，咁我就餵左一陣見囝囝唔係咁食就由佢比返奶佢食，到第二次奶奶就係屋企，佢一向都同我地住，一路都湊住囝囝每逢星期六、日、假期就要我地湊返，當然我地都好感激佢付出左咁多時間比囝囝，今晚我餵囝囝時佢就見到，我餵左好耐都餵唔掂囝囝一路喊，一路食，越喊越大聲，奶奶忍唔住走黎話佢餵就冇事，我餵就點點點，咁我都冇野既(其實我都係咁大個女第二次餵糊仔比bb)，都慣左比佢話，知佢都係講下呻下，但我老公就發作喇，駁咀話返奶奶，仲係好大聲果隻，講晒粗口，又話奶奶徙氣講佢餵又點我餵又點，又話冇人想整喊個仔，奶奶又唔開心回返老公話我而家好恨湊你個他呀？！我唔湊你個仔唔會冇飯開，你咁大聲嘈咁巴閉自己湊返啦！之後我唯有stop我老公叫佢入房，奶奶就餵我囝囝，而我就幫手煮飯。我都知奶奶真係好唔開心，所以我都同佢講唔好意思，老公脾氣差，我地其實都好多謝你幫我地湊bb我知你唔係一定要幫。之後我地食飯時老公都係度發脾氣，我去"tum佢佢叫我出去，好喇！食飯喇，又唔出聲，我都唔想嘈佢地，食完飯我就洗晒全部野(平時係奶奶執返企理廚房d野我去泵奶，但今晚我都做晒，唔想佢再做咁多)等奶奶湊bb，而老公平時就會洗埋bb d衫，但今晚都係我做晒，仲開機洗埋大人衫添。其實我都有唔開心，你地嘈d野就我做晒(其實都冇人叫，係自己諗住做得就做，唔好比人怨)，我唔想屋企有人嘈交，屋企得三個大人都要嘈，咁好辛苦啫，可唔可以靜下架？我知老公唔鍾意奶奶哦，但係真係唔可以忍下咩？話晒奶奶都唔係話佢，嘈黎做咩呢？阿媽得一個架咋，點解要同佢嘈呢？如果比我個仔大個咁嘈我我都一定好傷心，唉~~搞到好似因為我而起咁，都唔知點好，好似夾左係中間咁......:cry: :cry:

0 0 0

私人傳訊

changeyourmind

別墅

積分: 692

2^#

發表於 08-1-14 00:19 |只看該作者

你真係好好, 咁識唸....
你吾好怪自己, 你老公皮氣差d姐, 佢地始終係兩母子, 過兩日會冇事, 你吾好吾開心

私人傳訊

onon1022

子爵府

積分: 12600

好媽媽勳章

3^#

發表於 08-1-14 00:26 |只看該作者

其實唔係你錯...你唔好介意...等你老公心情好d...同佢講...你奶奶湊大佢已經好辛苦...而家幫你地湊bb...佢年紀大湊bb...佢都辛苦...佢都係鍚bb先咁講...下次大家忍讓下...始終個個係佢阿媽...

[url=http://lilypie.com][img]

私人傳訊

小魔

別墅

積分: 691

4^#

發表於 08-1-14 01:02 |只看該作者

邊個娶著你, 真係有福 :-P
或者係佢兩個人既相處方法呢, 兩母子, 打打鬧鬧之後咪又係會好返
你同你奶奶講個d野我諗佢都舒服d架啦, 有時d野控制唔到就睇開d, 個人會開心d

私人傳訊

飽飽

別墅

積分: 511

5^#

發表於 08-1-14 02:12 |只看該作者

呢板通常都係新抱唔like99, 老公眼中嘅小事係老婆眼中係大事, 老公夾係中心, 順99意就係愚孝, 而你個case就剛巧相反, 難得有個易相處嘅新抱, 偏偏到老公搵交嘈, 笑死

你份人比較括達, 我相信你地個家會好和諧.

私人傳訊

我愛Corina

瑪瑙宮

積分: 138602

2025勳章蛇年勳章 2024年龍年勳章好媽媽勳章醒目開學勳章環保接龍勳章

6^#

發表於 08-1-14 02:30 |只看該作者

唔知講咩好..淨係覺得你老公好火爆..

私人傳訊

Karena1015

男爵府

積分: 9099

7^#

發表於 08-1-14 11:37 |只看該作者

其實老公一向都係大大聲聲同奶奶講野，佢話呢D係佢地既溝通方式喎，不過我就真係好唔慣囉。尋晚我同老公講野佢都唔出聲，都唔知佢嬲咩，反而奶奶就會同我講野，搞到我都唔係咁開心，可能老公嬲我幫奶奶掛。
見你地話我識諗、括達，其實都唔係

，只不過我係唔想為D咁少既事而嘈，加上佢地先係至親，有D野由我呢個外人黎出聲始終都唔係咁好，所以好多時我都唔出聲由得佢地兩個嘈，不過尋晚就真係唔知老公做咩咁火，我都成晚冇同佢講野，唉~~都唔知佢有冇覺得自己唔岩，奶奶平時幫我地湊BB又煮埋飯比我地食，唔通連呻下話下我地既權都冇咩，雖然有時難入耳D，但係我呢個外人都肯哽左佢，點解老公忍唔到呢:cry: