夫婦情感

收藏本版
發帖
返回列表
跳至頁

首頁
12

尾頁
   0
yoyoch


複式洋房

積分: 149


1#
發表於 08-1-16 22:24 |只看該作者
唔知有無人好似我甘,事業上比另一半好,而且距離越來越遠,覺得對大家感情有影響嗎,他們既心態又會如何呢?有無可分享?
私人傳訊

我愛Corina


瑪瑙宮

積分: 137881

2025勳章 2025勳章蛇年勳章 2024年龍年勳章 好媽媽勳章 醒目開學勳章 環保接龍勳章


2#
發表於 08-1-17 04:38 |只看該作者
我見我表哥係咁,佢老婆讀書多過佢,搵錢多過佢...
佢地拍拖+結婚10年lu..見佢地好恩愛呢..:mrgreen:
私人傳訊

ccmssm


大宅

積分: 1511


3#
發表於 08-1-17 08:57 |只看該作者
我個死黨都是呀 ! 佢由拍拖開始到結婚好似都多賺錢過佢老公。
佢當然都不是太開心啦。因為人工又要平分啊 ! 而結婚開支佢又出大部份....又唔比佢留私已錢。
個個月計住佢賺幾多，要儲幾多，什麼不應該比，之類啦 !
我朋友都開始好唔開心，成日都因為咁吵架 .... 而家佢比自己家人過節的錢都唔可比佢c6知。當然又是由私已扣啦 ! 佢都說沒那麼多私已了 ~
私人傳訊

虎虎


別墅

積分: 595


4#
發表於 08-1-17 10:25 |只看該作者
其實當你越來越進步, 要求越來越高, 而對方冇進步, 已經有gap.如果人工差太多, 一定會嘈架, 男人有自尊心架ma, 就算佢唔介意, 佢d fd呀, 大家屋企人甘呀,講下講下, 唔介意都變介意.

睇你甘寫, 似乎著重大家既心態多啲.當初我c6都係揾$少過我, 我要俾多好多$養家, 家用都冇俾過我, 個個月揸頸就命, 嗌交多過食飯.雖然佢份人冇乜脾氣, 都試過俾我冷嘲熱諷激親而一巴打俾黎.....

但因為我地都好愛對方, 我亦睇到好多就算男揾$多過女, 唔代表感情好, 最終都會離婚. 得罪講句, 男人有$就身痕.終於自己衝破心理關口, 唔再計較.

而家大家揾得差唔多, 亦樂也融融, 所以問題唔係邊個揾得多, 而係在乎大家點諗.有好多野都係忍一時風平浪靜, 退一步海闊天空.

希望以上真人真事可以幫到你啦.

私人傳訊

小必理痛


大宅

積分: 1366


5#
發表於 08-1-17 11:06 |只看該作者
我只係會從家嘅角度去諗，其實邊個搵得多錢都冇所謂，唔係你養我就係我養你，只要唔須要為個家憂柴憂米，一切都唔重要。我唔明點解一定要係男養女，或者公一份婆一份，從來都唔可以過個條中間線。

如果我老婆搵錢多過我好多，又或者佢o係事業上越來越進步，Okay，that's fine，但就唔好要求埋我都要進步。我見我有Ｄ朋友話同對方好大壓力，就係因為佢地嘅伴侶成日要求佢地一齊進步，大家唔好差太遠，伴侶們唔使o係其他朋友面前咁失禮云云，我朋友向我呻：「都唔知佢地係想要男朋友/老公，定係想要面子。」

或者我係一個小男人，我覺得有左個家，一切都唔好淨係為人o個方面去諗。

[ 本文章最後由 小必理痛 於 08-1-17 11:10 編輯 ]
私人傳訊

carylce


大宅

積分: 2015


6#
發表於 08-1-17 11:12 |只看該作者
我覺得揾錢多過老公沒問題.
但我會介意大家既思想上有好多差距.
嘿...
真的,當兩人思想上有大差距真是好辛苦的.
私人傳訊

ShinTung820


別墅

積分: 975


7#
發表於 08-1-17 11:45 |只看該作者
我同我老公都可以係一個例子.
我同老公係我f.7時暑期工識既. 佢係長工, 我只不過暑假等放榜, 不過未放榜已經開始拍拖....順利入u...畢業....搵工...賺錢... 在我身邊,以及家人無一不說可以搵個好d, 唔駛同佢捱...老公學歷唔高...人工唔高...仲要照顧屋企....係佢地眼中根本係'配我唔起'... 佢曾經都有為呢d言論而唔開心, 會叫我搵個好d....期間出現過第三者, 佢有, 我都有... 但大家始終都起返埋一齊... 12年啦....
但我地從來都無為個$$而嗌交....可能我地既長處唔同啦, 我會善長對外, 佢反而善長對內... 我唔識煮飯,煲湯, 佢最愛自己煮...好多時佢會星期日趁我未起身而打掃好屋企...
其實你決定同呢個人一齊時, 你都好清楚佢既成就可以去到邊. 同埋人既際遇個個唔同, 可能自己順d, 佢可能無o甘順... 我覺得男人係會自卑, 但我地作為佢身邊人, 可以從另一方面去肯定佢既價值, 好似我o甘, 我會成日同佢講我覺得自己好幸福, 因為老公成日煮好野比我食...又會同佢講多謝佢為我分擔家務.... 男人自卑源於佢覺得自己無用, 只要我地鼓勵佢多d, 肯定佢多d, 讚佢多d, 佢就會有返自信架啦... 同埋我覺得一定唔可以用佢搵幾多$$去衡量佢對個家既付出囉....我好remind自己, 任何時候嗌交都唔可以話佢搵得$$少.... 好hurt架,正如我地自己都有死穴, 有d野一講o左就收唔返架啦, 攪到兩公婆有條刺就唔好啦.
其實最重要係唔好擺一個高姿態, 吓吓head住佢, 佢實無癮, 我有時都要扮蠢, 明明識既都要扮唔識, 比佢威呀(especially係佢d friend / 屋企人面前呀)
只要兩個人係愛大家, 就唔會計算o甘多架啦.
私人傳訊

rtt@kaikai


大宅

積分: 3691


8#
發表於 08-1-17 11:54 |只看該作者
原文章由 ShinTung820 於 08-1-17 11:45 發表
我同我老公都可以係一個例子.
我同老公係我f.7時暑期工識既. 佢係長工, 我只不過暑假等放榜, 不過未放榜已經開始拍拖....順利入u...畢業....搵工...賺錢... 在我身邊,以及家人無一不說可以搵個好d, 唔駛同佢捱...老 ...


Dear ShinTung,

I think you are very smart & clever!!
私人傳訊

fitceo


子爵府

積分: 13431


9#
發表於 08-1-17 12:05 |只看該作者
原文章由 ShinTung820 於 08-1-17 11:45 發表
我同我老公都可以係一個例子.
我同老公係我f.7時暑期工識既. 佢係長工, 我只不過暑假等放榜, 不過未放榜已經開始拍拖....順利入u...畢業....搵工...賺錢... 在我身邊,以及家人無一不說可以搵個好d, 唔駛同佢捱...老 ...


同意 !
我都曾經擔起頭家幾年,嗰幾年我老公真係搵唔到錢,不過我唔會出半句怨言,只要佢盡左力就得,一頭家大家都有份,邊個有能力咪邊個出多d,而家佢事業上左軌道,我咪可以輕鬆d.
[img align=right]http://i116.photobucket.com/albums/o21/keiyan76/CEO.gif[/img]
私人傳訊

ioi


伯爵府

積分: 16557


10#
發表於 08-1-17 13:26 |只看該作者
我人工同學歷都高過老公, 由我識佢時已經係咁, 所以我唔介意佢搵錢少過我. 但係我係一個唔識善解人意o既人, 唔識好似其他回覆者咁樣讚下/鼓勵老公, 其實我心裡面都欣賞佢的長處的, 但係又唔會表達出黎俾佢知, 而且有時嗌起交上黎, 都會冷嘲熱諷下佢, 所以會令佢覺得我介意佢搵錢少, 讀書少. 其實我都知道我咁樣做係唔好的, 但又唔識改.

其實未有bb前, 所有家庭開支都幾乎係佢出, 我自己份糧就自己駛, 自己儲. 有bb之後, 我負責bb同工人的開支, 大家負擔的差唔多. 但可能係我對自己無乜信心, (我老公幾靚仔和好脾氣的), 我點都唔想自己負擔的家庭開支大過老公, 最多只可以一人一半, 因為我怕如果我投資左太多錢落去, 而老公又好似呢度其他樓主的老公咁搞婚外情, 咁我就好慘, 所以寧願留番d錢自己旁身. 其實咁樣諗都唔係幾好的. :-|
私人傳訊

ShinTung820


別墅

積分: 975


11#
發表於 08-1-17 15:01 |只看該作者
原文章由 rtt@kaikai 於 08-1-17 11:54 發表


Dear ShinTung,

I think you are very smart & clever!!



rtt,
唔敢當. 可能我阿媽成日教我地做人要將心比己, 你自不然做任何事/講野都會顧多o左人地既感受架啦.
私人傳訊

yoyoch


複式洋房

積分: 149


12#
發表於 08-1-17 21:31 |只看該作者
原文章由 虎虎 於 08-1-17 10:25 發表
其實當你越來越進步, 要求越來越高, 而對方冇進步, 已經有gap.如果人工差太多, 一定會嘈架, 男人有自尊心架ma, 就算佢唔介意, 佢d fd呀, 大家屋企人甘呀,講下講下, 唔介意都變介意.

睇你甘寫, 似乎著重大家既心態多 ...


我同意你所講,其實係開始有gap,我同佢都係中五畢業,相識到結婚都有十幾年了,以前大家搵既差不多,佢都好啺我,就晒我,大家係無什麼問題,但近幾年自己因工作關係,不斷進升,而且亦不斷去進修,係呢幾年間,我同佢之間既人工以及職位已越來越相距大,呢個問題我們亦都一直無拿出來講,因為我覺得邊個搵多與少其實無所胃,都係為了頭家,但正如你所講你身邊的男人是會介意的,相反佢會開始無甘愛你,佢會好大壓力,而大家溝通上亦會因接觸既不同,而越來越有gap!
私人傳訊

虎虎


別墅

積分: 595


13#
發表於 08-1-17 22:48 |只看該作者
如果你開始覺得你老公有介意既話, 就要更加小心處理. 攤開黎講, 佢一定唔會講心底話.你要俾佢知道大家冇分彼此, 都係為頭家, 講唔埋幾時你老公都會upgrade.只係際遇問題, 你行早幾步姐. 我都等左好耐, 不過好彩我老公冇沙沙滾, 所以大家先會相安無事.而家已經唔再介意, 畢竟都結婚甘多年, 好了解對方.所以加油呀!

原文章由 yoyoch 於 08-1-17 21:31 發表


我同意你所講,其實係開始有gap,我同佢都係中五畢業,相識到結婚都有十幾年了,以前大家搵既差不多,佢都好啺我,就晒我,大家係無什麼問題,但近幾年自己因工作關係,不斷進升,而且亦不斷去進修,係呢幾年間,我同佢之間既 ...
私人傳訊

bonnieandy


大宅

積分: 1165


14#
發表於 08-1-17 22:49 |只看該作者
有距離是事實，不去想距離就不是距離！
無他的，風水輪流轉，今日不知明日事，我常告訴我老公，可能下星期你發達呢...

不是如此開玩笑帶過，他心理就會不平衡。

兩公婆，分得咁清楚，不開心的
盲目的愛他們 8-)
私人傳訊

ccmssm


大宅

積分: 1511


15#
發表於 08-1-17 23:42 |只看該作者
嘩 !!! 原本大家都睇得好好呀 ! 等我都同我朋友講下叫佢不要再唔開先。
講得都岩，家是兩個人，應該兩份。
不過，我本人都怕老公會有第三者，因為佢都幾靚仔及有女人緣。因此，我都會自己儲多d私已錢囉。
私人傳訊

LouBB


男爵府

積分: 6153


16#
發表於 08-1-17 23:43 |只看該作者
其實係對方冇進步至激氣
王子
私人傳訊

YanYan0116


珍珠宮

積分: 36516

好媽媽勳章


17#
發表於 08-1-18 16:44 |只看該作者
原文章由 ioi 於 08-1-17 13:26 發表
我人工同學歷都高過老公, 由我識佢時已經係咁, 所以我唔介意佢搵錢少過我. 但係我係一個唔識善解人意o既人, 唔識好似其他回覆者咁樣讚下/鼓勵老公, 其實我心裡面都欣賞佢的長處的, 但係又唔會表達出黎俾佢知, 而且有時嗌起交上黎, 都會冷嘲熱諷下佢, 所以會令佢覺得我介意佢搵錢少, 讀書少. 其實我都知道我咁樣做係唔好的, 但又唔識改.


好似我d性格呀, 我媽同妹成日都叫我唔好"窒"c6, 小朋友會有樣學樣, 但有時真係忍唔到.

其實我都知每個人的際遇都唔同, 唔可以要求c6在事業上有咩新突破, 我地唔洗供樓, 開支唔算多, 但c6好大洗, 個個月清袋, 成日都訂/買雜誌, 都唔知佢睇唔睇得哂, 我同佢講小朋友的戶口仲多錢過佢, 叫佢唔好咁大洗, 真係好似教仔咁, 可能佢覺得有比家用我等於有儲蓄.
私人傳訊

ioi


伯爵府

積分: 16557


18#
發表於 08-1-19 12:05 |只看該作者
原文章由 YanYan0116 於 08-1-18 16:44 發表


好似我d性格呀, 我媽同妹成日都叫我唔好"窒"c6, 小朋友會有樣學樣, 但有時真係忍唔到.

其實我都知每個人的際遇都唔同, 唔可以要求c6在事業上有咩新突破, 我地唔洗供樓, 開支唔算多, 但c6好大洗, 個個月清袋, 成 ...


我媽咪都叫我唔好咁樣窒老公, 佢擔心我老公會遲早有一日被我鬧走.

我老公以往都好慳的, 儲到錢. 但最近我再加左人工, 佢唔想同我的收入差距愈來愈大, 竟然走去學人買股票, 頭果個月的確幾好, 賺到的錢已經多過我份糧, 但之後就蝕番轉頭, 所以我又鬧佢, 我叫佢腳踏實地做好份工就得, 人工高低唔重要. 但係佢心裡面唔係咁諗, 佢知以自己學歷一定搵唔到我咁多, 佢想搵得多過我, 甚至夠養埋我, 唔駛我做野添. 其實佢咁諗係好, 但係我覺得咁樣諗唔實際, 如果佢攞筆儲蓄去投資或者做生意才有機會發圍, 但係風險好大, 無謂博啦, 依家生活都ok, 踏實d咪仲好.
私人傳訊

虎虎


別墅

積分: 595


19#
發表於 08-1-19 21:20 |只看該作者
我老公都成日話想搵多d, 我都係同佢講做人踏實d, 股票d野我地唔識, 都唔岩玩, 但佢眼見人地玩股票玩到個個賺$, 真係心都紅埋.好在佢冇$玩喳.因為而家有小朋友, 一定要審慎用$先得...

原文章由 ioi 於 08-1-19 12:05 發表


我媽咪都叫我唔好咁樣窒老公, 佢擔心我老公會遲早有一日被我鬧走.

我老公以往都好慳的, 儲到錢. 但最近我再加左人工, 佢唔想同我的收入差距愈來愈大, 竟然走去學人買股票, 頭果個月的確幾好, 賺到的錢已經多過我 ...
私人傳訊

ioi


伯爵府

積分: 16557


20#
發表於 08-1-19 22:41 |只看該作者
補充...

我老公知我前度男友的收入好高, 所以佢心裡面會介意自己搵得少, 有時佢會對我說: 如果你唔係嫁俾我, 而係嫁俾你前度男友, 咁你就唔駛做野咁辛苦啦. 有次佢又同我講番, 佢同一位男同事討論過, 搵個工廠妹做女友/老婆都幾好, 因為對一個工廠妹黎講, 佢的收入已經幾好, 工廠妹可能會好欣賞佢...
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy