大仔大女媽媽會

收藏本版
發帖
返回列表
跳至頁

首頁
12

尾頁
   0
covermark


大宅

積分: 2910


1#
發表於 08-2-2 11:29 |只看該作者
DELETED DELETED

[ 本文章最後由 covermark 於 08-2-3 08:40 編輯 ]
私人傳訊

JojoB


男爵府

積分: 6170


2#
發表於 08-2-2 11:57 |只看該作者
covermark

我覺得始終大家血濃於水 佢係親家姐 無論佢點衰 做D野點過份 當佢有乜野事當然會理
有D野可能到佢老左佢先會諗返 後悔
但我覺得 自己做D野唔好令自己後悔就得啦

佢既遭遇 唔係妹妹一手一腳做成 做妹妹既都唔需要內疚
每個人有每個人既遭遇,命運.
唔可以話因為人地好 自己無咁好 就怪人地累自己
但思想向佢到 佢要咁諗 你都無辦法
加上 佢又成日諗埋一邊 又情緒唔穩定
所以最好似後佢出來都唔好帶小朋友
以免小朋友會被佢嚇到

同埋 有時越就佢 佢既感覺越唔好
因為佢內心會有斗纏 (佢其實感覺到你對佢好但佢自己又要堅持於佢好憎你) 所以成日困左自己向角落到
當你越對佢好 越就佢 佢就有抗距感
越想講D野 / 做D野 令妹妹感到傷害
所以 好似果一次 個妹妹反駁佢時 佢就無聽出啦

我唔係話要次次 你一言我一語咁 大家變左鬧交收場
只係話 到一個點時 唔好話忍氣吞聲
每個人都有自己觀點

對於姐姐 我好憐憫佢 因為佢既心結束住佢個心
令佢不能走出佢既框框
或者 佢該去睇下心理醫生 幫下佢解開佢心結
佢先可以快活做人

[ 本文章最後由 JojoB 於 08-2-2 12:00 編輯 ]
私人傳訊

BigPig阿花


伯爵府

積分: 18061

好媽媽勳章 醒目開學勳章 畀面勳章 環保接龍勳章


3#
發表於 08-2-2 12:41 |只看該作者
covermark

家姐同細妹的出生都係冇錯架，每個家庭都有自己本生的問題，好明白家姐當年好hurt，所以成為她的陰霾，好似個包袱咁，好老實講，一個人淨係諗自己有幾慘同成日淨係睇到自己冇的東西的話，做人都真係會好唔開心，細妹已經做左自己的本份「對佢好」，又何必再好諗結果。

做人最緊要係問心無愧姐，相信家姐亦唔係唔知細妹對自己好，不過有時人就係咁，明知都好，都係要用個口去傷人，因為心理關口過唔到，家姐係要走去牛角尖，旁人都冇辦法。

親情係血濃於水，成為兩姊妹係一個事實，有時可能細妹都要好似係茶樓時咁，間唔中要反映下自己的想法同不快，如果係我，我都唔會唔理佢的，始終親人好重要，如果細妹真係想唔再理個家姐，不如先問下自己會唔會抱憾終生呢？千其唔好比自己後悔今日的決定。

家姐如果能夠去搵到專家解開自己的心結，相信問題亦能迎刃而解，而我亦希望細妹都能夠快ｄ解到心結，要開心ｄ，咁樣對肚中的小ｂ好ｄ架！

希望家姐細妹都可以快樂地生活呢！
我 要 舉 起 救 恩 的 杯 、 稱 揚 耶 和 華 的 名 。詩 116:13兒 女 是 耶 和 華 所 賜 的 產 業 ． 所 懷 的 胎 、 是 他 所 給 的 賞 賜 。詩 127:3
私人傳訊

covermark


大宅

積分: 2910


4#
發表於 08-2-2 14:15 |只看該作者
花花，jojo,

阿妹既c6都好唔鐘意家姐，因為佢曾經親眼見到自已老婆比佢鬧，佢既睇法係童年陰影係作惡既籍口，先天性格有缺陷先係主要問題，如果你有童年陰影但性格樂觀，根本唔會有影響，好似阿妹既童年都一樣唔講得上愉快，而且仲成日比家姐蝦，大左卻仍然錫個家姐，因為佢樂觀唔記仇。

可能你地講得o岩，阿妹應該有適當既反擊，無理由一面倒就晒佢，反而咁會更加差。

希望有一日家姐會懂得珍惜阿妹。

私人傳訊

柔柔mami


大宅

積分: 2254


5#
發表於 08-2-2 14:37 |只看該作者
我同意每個家庭都有自己本身的問題, 作為子女都唔可以改變自己的成長過程, 好多人都有唔愉快既童年, 我自己都係, 但係發生左既事冇得返轉頭, 未來既事就掌握係自己既手, 家姐長大後既際遇唔順利, 令到佢更加憎恨妹妹, 我覺得妹妹唔應該唔理家姐, 因為始終呢個係佢最親既親人, 妹妹肚裡面有bb, 亦可趁機會解釋俾大女知道親情可貴, 第時無論點樣都要愛錫弟妹, 家姐有病固然令佢諗野諗埋一邊, 妹妹啞忍左咁多年亦令佢覺得妹妹都自覺有責任, 我覺得妹妹應該同姐姐坦誠咁傾下, 連大家一直放係心入面既野都講晒出黎, 其實細個妹妹一樣冇媽媽一樣冇爸爸係身邊, 如果要數可憐其實兩個都一樣, 家姐可憐在於佢仲要憎恨個妹, 而相對地妹妹自小有個憎自己既家姐一樣可憐, 兩姊妹大喊一場希望感情會有進展, 妹妹可以趁機會勸家姐去睇心理醫生, 或者諗下有咩可以幫到佢既生活, 可能帶多d囡囡去探佢都有幫助, 人生仲有好漫長, 家姐前半生巳經唔開心, 希望解開左心結可以令佢下半生學會令自己開心!
私人傳訊

virgobb


大宅

積分: 2240


6#
發表於 08-2-3 01:16 |只看該作者
covermark
你有冇睇過本書叫家庭舞蹈呀 ? 我好多年前睇過已經唔係記得好詳細，主要係講好多家庭都有問題，跟住會出現一個 equilibrium state, 每一個家人都有佢係家庭裡既角色，如媽咪係一個好囉嗦既人，爸爸係充耳不聞，個仔就係超級反叛，咁 equilibrium 唔等於大家都開心架，只係大家相安無事，可以永遠係咁落去，包括一直唔開心落去.

直至有一日，其中一個角色有轉變，咁個家庭會去適應直至去到另一個 equilibrium 為止.

要去面對被媽媽離棄既事實，對一個９歲大既小朋友太難啦。佢選擇去做一個孤僻負面既人亦唔奇，好彩妹妹當時比較細，亦選擇左去成為家庭裡既開心果，幸福真係要自己去爭取架，你要幸福就會來。

亦有可能妹妹心底裡係接受左自己做姐姐既出氣袋，始終都做左咁多年。

不過，如果妹妹真係覺得，做姐姐出氣袋其實係幫唔到佢架，其實唔會令姐姐開心左，咁，妹妹會唔會考慮下改變 lee 個 equilibrium 呢 ?

我係清林.歡迎來看看清林誌
私人傳訊

PekoBB


別墅

積分: 930


7#
發表於 08-2-3 02:25 |只看該作者
其實我覺得睇亞妹而家仲係咪好珍惜大家既關係, 如果係的話, 我會選擇就佢, 因為一來唔係成日見, 二來我覺得如果亞妹反抗家姐, 家姐會以後都更加唔搵個妹, 如果唔想無姐妹做下去, 咪有得佢囉, 又唔係經常要接觸, 人會隨住年紀及接觸唔同既事而改變, 如果我係亞妹, 我會選擇唔會再介意佢所有令自己唔開心的事, 因為亞妹有一個好幸福的家庭, 精神上每日都會放了係自己個家上, 其實都就o左家姐咁耐, 人既生命真係好難講, 今日唔知明日會點, 最終都係兩姐妹, 放寬d 自己個心去面對, 佢鐘意咪鐘意, 唔鐘意咪由得佢點去諗, 亞妹係唔洗再理佢個想法的, 做番自己個本份咪得, 問心無妨, 但如果自己覺得真係好頂唔順, 唔想再容忍, 咪隨意囉, 你最緊要記住, 要對自己好, 唔需太強迫自己去接受對方! 總之一句講晒.......自己個心想點咪點囉, 唔需要想埋佢係點諗!
私人傳訊

covermark


大宅

積分: 2910


8#
發表於 08-2-3 09:06 |只看該作者
唔該晒你地5個媽咪，好有耐性咁睇晒呢個長篇故事。

我諗你地都估到其實呢個阿妹就係我啦！家姐呢個問題一直都對我幾困擾，因為我努力左咁多年，同佢既始終只有表面既關系有改善，本質上，佢既內心深處始終移不走對我果一道牆，甚至偶爾仲會將呢道牆裝上有倒刺既鐵圈，睇完你地既意見，我諗我都知道應該點樣做，可能我真係唔應該太遷就佢，偶爾都要將自已既小宇宙爆出來會好d，算啦，當佢係c6咁，適當既時候要爆就爆，但我都會盡自已所能對佢好既。

之前都有掙紮，好唔好post呢個關於自已既故事出來，太長喇！怕悶親人，況且自已既家事，咁樣open會唔會唔好架？不過諗深一層，唔怕啦！呢班媽咪都識左年幾，大家都係朋友，既然係朋友就可以傾訴啦。不過而家我將個故事deleted左，因為我已經比你地5個點通左，問題已經唔係問題喇。

再次唔該晒你地！

新年快樂呀！:恭:
私人傳訊

JojoB


男爵府

積分: 6170


9#
發表於 08-2-3 12:00 |只看該作者
原文章由 covermark 於 08-2-3 09:06 發表
唔該晒你地5個媽咪，好有耐性咁睇晒呢個長篇故事。

我諗你地都估到其實呢個阿妹就係我啦！家姐呢個問題一直都對我幾困擾，因為我努力左咁多年，同佢既始終只有表面既關系有改善，本質上，佢既內心深處始終移不走對我果一道牆，甚 ...


covermark
我相信你可以樂觀咁面對一齊難題

不過向果段文章中好開心知道d開心事

我都祝你全家開開心心,健健康康寧!
:恭: :喜: :發: :財:
私人傳訊

kitjoseph


別墅

積分: 958


10#
發表於 08-2-3 23:08 |只看該作者
Ah Ling,
雖然我路過晤知內容係乜, 但我相信你可以面對, 因你是有兩個BB堅強的媽媽.恭喜你呀!!!
私人傳訊

柔柔mami


大宅

積分: 2254


11#
發表於 08-2-4 00:57 |只看該作者
covermark,

其實我有3個家姐1個細佬, 不過我自小同大家姐就唔同媽咪一齊住, 所以長大後我同家人既關係都係好疏離, 最多只可稱得上好似普通朋友咁, 可能你地仲了解我多過佢地, 我覺得就算一起成長都好難互相了解, 何況係聚少離多, 我記得長大後我同一個家姐傾開, 佢竟然同我講我自小唔同佢地一齊住咪仲好, 可以唔駛做家務, 好明顯佢根本唔會明白我小時候覺得最重要既係父母既愛, 更唔駛講依家我心入面諗緊咩, 就算我曾經努力想忘記以前, 但始終同佢地既關係都係怪怪地, 所以我都唔想再勉強改變依家好似朋友一樣既關係, 不過佢地有事要幫手我都會盡量去幫! 其實我媽咪都有呢個心結, 依家都成日諗住作補償, 除左自小佢冇照顧我之外, 佢以前都講過d傷害我弱小心靈而深刻既說話, 但我同佢講發生左就係發生左, 我既記憶唔可以好似電腦咁delete, 我只可以答佢我地巳經原諒左佢, 唔需要成日諗住補償, 我都唔想媽咪活得唔開心!
我講咁多野煩到你地, 不過我都係希望話你知, 坦誠面對心結會係一個好辦法, 如果唔work就順其自然吧! 維持朋友既關係總好過大家都辛苦, 父母兄弟姊妹係冇得揀, 所以唔好唔開心, 家庭幸福美滿係你自己努力而得到既, 開開心心等待小生命誕生吧! :恭: :喜: :恭: :喜:
私人傳訊

agneslai206


大宅

積分: 2446


12#
發表於 08-2-4 01:42 |只看該作者
今日先上黎, 睇唔到LING你寫乜. 不過唔重要啦, 最緊要你依家搵到條路點行. 加油, 努力. 係呢? 你中左了? 之前都聽你提過要追, 依家係咪得左了? 果然言出必行呀. HEHE ! 如果係, 要小心身體呀 ! 同埋恭喜O西呀.
]My Melody[/url]
私人傳訊

carfoon


大宅

積分: 2613


13#
發表於 08-2-4 10:53 |只看該作者
covermark,
雖然都唔係好清楚妳嘅問題, 同埋幫唔到妳... 但係知道妳"得"左, 真係恭喜哂呀!!! :發: :發: :發:

妳要保重身體~生番個肥肥白白嘅B ~!!
喜喜有細佬／妹陪佢玩啦, 真係開心呀~~!
私人傳訊

covermark


大宅

積分: 2910


14#
發表於 08-2-4 14:01 |只看該作者
喂！喂！喂！你地估架蚱！有咁既事o羊？等我2月尾証實一下先:tongue:
私人傳訊

BigPig阿花


伯爵府

積分: 18061

好媽媽勳章 醒目開學勳章 畀面勳章 環保接龍勳章


15#
發表於 08-2-4 16:09 |只看該作者
covermark
恭喜你想通左自己的問題呀,唔開心梗係要"慎"下架,唔係好易抑鬱,雨雲上面是晴天,希望你日日都開心呀!

另外,哈哈,我冇踢爆你架 !

原文章由 covermark 於 08-2-4 14:01 發表
喂！喂！喂！你地估架蚱！有咁既事o羊？等我2月尾証實一下先:tongue:
我 要 舉 起 救 恩 的 杯 、 稱 揚 耶 和 華 的 名 。詩 116:13兒 女 是 耶 和 華 所 賜 的 產 業 ． 所 懷 的 胎 、 是 他 所 給 的 賞 賜 。詩 127:3
私人傳訊

JojoB


男爵府

積分: 6170


16#
發表於 08-2-4 16:17 |只看該作者
原文章由 covermark 於 08-2-4 14:01 發表
喂！喂！喂！你地估架蚱！有咁既事o羊？等我2月尾証實一下先:tongue:


等你好消息
私人傳訊

schan


禁止訪問

積分: 910


17#
發表於 08-2-4 17:07 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

patpat234


水晶宮

積分: 64078

好媽媽勳章


18#
發表於 08-2-4 20:42 |只看該作者
:lol :lol :lol :lol :lol
:恭: :喜: :發::財:
原文章由 covermark 於 08-2-4 14:01 發表
喂！喂！喂！你地估架蚱！有咁既事o羊？等我2月尾証實一下先:tongue:
「知足者，常樂也；不知足者，富亦憂。」
私人傳訊

PekoBB


別墅

積分: 930


19#
發表於 08-2-6 02:05 |只看該作者
喂喂喂, 你知唔知我果日同你一齊坐地鐵時, 我個口忍得幾辛苦, 個心又好鬼想問你細妹係咪即係你, 因為好想同你分擔吓, 傾吓計, 另外又好想問你係唔係xx, 但又唔敢問, 怕xx 小氣, 我當晚即同我c6 講唔知有無估錯呢, 好想快d 知道, 真真真係好想知呀, 喂...下次你見到我時不如比d 暗示我, 唔洗好直接話我知o架, 例如.......叫我讓個位你坐吓啦, 笑住咁話好唔舒服啦,等等........! 你一定要比我知呀, 我成日都見到你, 我都要比我照顧吓你同喜喜呀, haha!
另外你想通就好了, 我上次打比你段o野, 我都好似打到唔知自己講o麥鬼咁, 因為打時已經成2:00am, 不過又好想打, 好想同你分擔, 我都怕幫唔到你, haha!
私人傳訊

patpat234


水晶宮

積分: 64078

好媽媽勳章


20#
發表於 08-2-7 01:35 |只看該作者
niki,




原文章由 PekoBB 於 08-2-6 02:05 發表
喂喂喂, 你知唔知我果日同你一齊坐地鐵時, 我個口忍得幾辛苦, 個心又好鬼想問你細妹係咪即係你, 因為好想同你分擔吓, 傾吓計, 另外又好想問你係唔係xx, 但又唔敢問, 怕xx 小氣, 我當晚即同我c6 講唔知有無估錯呢, 好 ...
「知足者，常樂也；不知足者，富亦憂。」
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy