嬰兒醫護 今日: 0 | 主題: 79152

積分: 1435

1^#

發表於 08-1-23 23:57 |只看該作者 |倒序瀏覽 |打印

各位爸爸媽媽, 我係乳牛媽媽, 好多有關心開都知道乳牛b係一個早產bb, 到今時今日都未出得院? 4個幾月喇! 點解會咁耐? 我實在忍唔住想晌呢度同大家討論下, 睇下有無人可以幫我解答一下!

<25週早產經歷>
話說乳牛b係25週o既早產bb, 9月出世, 到依家已經4個幾就黎5個月喇, 初初晌NICU 跟緊佢果位男醫生都幾好, 好盡責, 好細心, 醫生, 我兩公婆同乳牛B經過3個幾月O既努力, 我地終於由NICU轉返出去加護病房, 果時, 我地真係好開心架, 以為好O既日子會慢慢就黎。

<媽媽鬆既第一口氣>
點知, 乳牛B唔好彩, 比醫生驗到佢個肝有D唔妥, 最初重懷疑係D萬中無一O既肝病, 果幾星期, 我兩公婆無覺好訓, 抽血睇報告, 不下數十次, 驗肝膽驗2次, 又抽組織驗, 終於醫生話開始有好轉..我地又再鬆返一下, 眼見乳牛B越黎越精神, 肝病又開始好返Do既時候,

<新醫生接管>
就晌今個月頭, 太約2號左右, 乳牛b要轉手比第2個醫生去接管, 因為佢地d醫生原來每6個月就會轉手一次, 我地知道好唔開心, 因為本身個醫生跟得非常之好, 但醫院有醫院o既規舉, 無辦法下唯有去接受....點知, 可怕o既事就黎喇! 以下係我幾個個案:

(醫生特然失蹤)
新醫生係1月2號先接手o既, 咁橋果一日就係乳牛b book到做肝臟穿刺手術o既一日, 我朝早9點鐘未夠就去到醫院, 因為9:00am要落去X光部門度做, 點知等到成10點先有姑娘黎同我講, 話佢重未尹到乳牛B個醫生, 因為BB做手術要比安眠藥同鎮定劑, 一定要有主診醫生在場, 要醫生監察住, 等BB做緊手術時唔會突然醒返, 點知佢個醫生竟然10點未見人, 唔緊要, 姑娘叫我等多陣, 好, 無問題! 等到11點, 姑娘埋黎同我講, 乳牛B主診醫生竟然話要請病假, 要請一星期, 竟然無人知, 重要個醫生竟然話唔知今日乳牛B要做手術, 我聽到好唔開心, 不過"肉隨針版上" ,無計呀, 結果11點半先安排到第2個醫生陪乳牛B落去!

終於又等左2星期, 報告返左喇, 高級醫生話睇落乳牛B唔似果2種稀有肝病, 就比左一種藥比乳牛B試, TOUCHWOOD效果幾唔錯, BB肝臟黃膽指數開始回落, 正晌醫生話BB情況轉好, 可以考慮比佢試下放假返屋企時又有問題發生:
(姑娘全不專業)
加護病房裡面通常會有2個姑娘睇住o既, 我地發現有幾晚當去到探bb時, 成個病房好多bb晌度喊, 一個姑娘都無, 一個可能去食飯, 一個可能去左隔離房吹緊水, 完全好似唔記得自己依家on緊duty咁, 直到8點正夠鐘餵奶先慢慢施施然咁返入黎餵奶, 大佬, 我好想講, 呢度唔係託兒所, 係病房, d細路唔舒服先會晌度架! 咁橋果幾晚我去到都見到我個仔個咀比人貼住個奶咀晌個咀度, 乳牛b喊到炆曾晒, 喊又喊唔大聲, 直到我地去到, 抱上手先知道成條片滿晒屎尿, 奶咀側邊佈滿晒口水跡, 好明顯係比人貼住奶咀好耐, 最慶一次, 我同老公去到醫院, 乳牛b貼住奶咀, 成身出晒汗, 成身成頭濕到好似游完水咁, 成個病房無姑娘, 無人理, 果晚, 我第一日發現佢發燒!
(乳牛發燒感染)
探左幾次格肋底都超過37.8-9度, 我記得醫生話要加多d, 即38幾, 即係肯定發燒, 但d姑娘死都話因為bb發脾氣, 唔係發燒! 我地頂唔順, 叫姑娘尹醫生, 醫生黎到, 話bb發燒, 不過無野好處做, 只係抽左d鼻涕去種菌, 睇佢有無事....第2日, 去到又係無姑娘, 乳牛b依舊喊晒無人理, 我丞認我個仔係成日喊, 因為佢有小腸氣, 未有期做手術, 佢一喊下身就會脹痛, 越痛越脹, 越脹越痛, 咁bb痛就一頂會喊架啦, d姑娘一覺得佢喊, 好煩, 又塞奶咀!...果晚, 我地探熱, 又發燒!
(醫生姑娘推責任)
又叫另外一個當值醫生黎睇, 又話唔知令d乜去種菌, 如是者第3日, 重係發燒, 今次 7! 有醫生黎話要打抗生素, 同要比哮喘藥! 因為bb呼吸已經好差! 第2朝, 高級醫生巡房就話乳牛b唔知點解感染到病菌, 懷疑肺炎! 姑娘竟然話因為爸爸媽媽唔舒服, 但我親眼見住d姑娘摸完一個bb唔洗手又摸另一個! 依家搞到乳牛b又要插返喉, 再加上入要返NICU!!! 經過幾個月o既努力, 竟然要我地打回原形!
(醫生話好忙﹐唔知BB情況)
入左去又幾日, 佢個主診醫生都係未見過人, 2號到今日足足3星期, 我只係見過佢3次, 每日都有唔同o既醫生睇bb, 大大話話呢幾日都見左5-6個醫生講o既病情都唔一樣! 去問佢個高級醫生, 佢又話自己好忙, 未有時間去了解我bb情況!
(打黃豆打到爆血管)
乳牛b要打黃豆晌手, 方便落藥, 3日前我地見到佢手仔淤晒, 好大達! 大約1.5個5蚊銀咁大左右! 姑娘話唔知淤左定感染到, 乜打黃豆都可以感染架!? 今日, 我再去睇, 姑娘話我知, 原來個醫生打錯位, 打左d水入去, 打爆左血管, d水留左晌裡面! 重要觀察下, 無野可以做!!!! 乜呢d都可以係解釋? 可以係理由?

我真係忍無可忍! 以上只係比較深刻o既幾件事, 其實重有其他事! 我真係唔知可以點做呀! 有無人教下我呀?
http://i259.photobucket.com/albums/hh283/cynthiafong/IMAGE_116.jpg

0 0 0

私人傳訊

prettyfish

積分: 7447

畀面勳章

2^#

發表於 08-1-24 09:56 |只看該作者

間醫院真係好不知所謂喎，一於去投訴啦!

私人傳訊

DaisyDaisy

別墅

積分: 910

好媽媽勳章

3^#

發表於 08-1-24 10:40 |只看該作者

私人傳訊

jadepearl

侯爵府

積分: 24659

2025勳章蛇年勳章 2024年龍年勳章

4^#

發表於 08-1-24 11:59 |只看該作者

我睇完都覺得很心痛. 亞B這樣一個一個月在努力, 但這些不知所謂的醫護人員就不負責 ! 最離譜是打了水落BB手, 這樣可大可小. 不如去報紙投訴 !

原文章由 cynthiafong 於 08-1-23 23:57 發表
各位爸爸媽媽, 我係乳牛媽媽, 好多有關心開都知道乳牛b係一個早產bb, 到今時今日都未出得院? 4個幾月喇! 點解會咁耐? 我實在忍唔住想晌呢度同大家討論下, 睇下有無人可以幫我解答一下!

話說乳牛b係25週o既早產b ...

私人傳訊

celery

積分: 7257

醒目開學勳章

5^#

發表於 08-1-24 12:50 |只看該作者

個咀比人貼住個奶咀晌個咀度

<用膠布貼住?

打了水落BB手,爆左血管,
成身出汗由頭濕到落腳,
成條片滿晒大小便都冇人理!!!

睇完內容真係好心痛呀!!!!!:-(

你講嘅情況,巳經唔關係醫護人手短缺問題.
係D醫護人員冇愛心呀!!
乳牛媽,你振作呀!
睇下呢度有冇媽咪熟悉投訴渠道同方法,可以幫你!!!

私人傳訊

celery

積分: 7257

醒目開學勳章

6^#

發表於 08-1-24 12:51 |只看該作者

真係冇愛心都唔緊要,
做份工,收人工,
咁都要有責任心架嘛.......!!!

[ 本文章最後由 celery 於 08-1-24 13:04 編輯 ]

私人傳訊

家家公主

翡翠宮

積分: 84431

畀面勳章 BK Milk勳章

7^#

發表於 08-1-24 13:48 |只看該作者

睇到我眼淚都流出黎..真架...乳牛BB好慘慘呀 ...

咩醫院..咩醫生呀...打錯水入去血管都夠膽死...BB已經咁弱小...仲要成日受咁多苦...
仲要成日貼住個奶咀

?係咪用膠布貼住呀 ?咁即係同大人嘈搵膠紙貼住無分別..有D似虐兒既FEEL...
如果係我我一定會去信比院長投訴..下次記低哂D醫生,,姑娘既名..直頭晌佢地面前抄低..佢問你咩事..直接同佢講你要投訴..唔使怕佢...唔通佢會夠膽虐待乳牛BB咩...基本上佢地而家做既野,,我覺得同虐兒無咩分別咯...
乳牛媽媽..你一定要出聲先可以有人幫到你地架...唔好因為驚左佢咩都唔出聲..咁乳牛BB就好慘慘..連埋其他BB都一樣架...

若問今世所遇，皆是前世的緣。今生寬以待人，來世皆是善緣。

私人傳訊

B-PAUL

子爵府

積分: 11999

8^#

發表於 08-1-24 15:07 |只看該作者

bb真係凄凉,e院d醫護人員同醫生真過份,一d同情心都無:tongue: :tongue: :tongue:

私人傳訊

積分: 1435

9^#

發表於 08-1-24 21:31 |只看該作者

好好好感激各位媽媽o既支持同比我o既意見, 我今朝已經向病房經理講過呢d野, 不過正如有d媽所講, 佢地真係好似曬緊我咁, 雖然有say sorry, 但係都好包庇自己人, 我老公話想比多次機會佢地,因為我都講左我下一步就會去醫管局同傳媒, 希望佢地會留心d我個仔, 唔好再令佢心靈或者身體再受到任何不必要o既傷害, 再有d咁o既事發生, 我一定無得算, 我一定會搞大佢!

私人傳訊

JASMINE1020

積分: 1352

10^#

發表於 08-1-24 21:47 |只看該作者

我覺得你一定要投訴佢,

但投訴佢之餘可否想想另外辦法,因為這間醫院的醫務人員質量不好的話,BB的進展都會被拖延,我就會要求轉醫院.

Hope all the best!

私人傳訊

積分: 1435

11^#

發表於 08-1-24 23:34 |只看該作者

我自己問左有關轉院o既問題, 不過經理講話真係好困難, 佢又提到係同誠信有關, 我都唔知佢講乜, 不過我真係無乜idea..我唔排除有d姑娘真係幾錫bb, 其實如果佢地肯pay more attentions, 我估情況會無咁差囉!

私人傳訊

hayhay2007

積分: 1905

12^#

發表於 08-1-25 05:10 |只看該作者

我是一位護士,不過不是在你說那間醫院工作, 身為一名護士,看到你bb的情況,的碓今人心痛,這間醫院的人員有點過份,NICU的服務,不能這樣的。

1. 發燒無人知,太過份。
2. 一個早產BB,加上要做手術,雖然是醫生交接期,但應該內部有交更過這個CASE的情況,就算新接手的醫生不知內情，也有ＯＮ　ＣＡＬＬ　醫生清楚一齊，又為何到了那麼久才知道，這個醫生ＳＬ，醫生都是人，都會病，但都要有點責任感。為你的病人負責。
３．打黃豆打破條血管，其實是平常事，不用太擔心，身體會自然地慢慢好，因為ＢＢ比較難打，ＢＢ的血管不容易欲眼去看到，可以說是憑觸摸或猜測的。

最近你ｂｂ如果？？？？？？？？？？？？？
可否待媽咪留在ｂｂ的身邊，２４小時陪伴。

私人傳訊

積分: 1435

13^#

發表於 08-1-25 09:47 |只看該作者

你好hayhay2007 , 乳牛bb因為依家要插返氧氣喉黎幫助呼吸, 又唔可以oral食奶奶要用胃喉餵, 所以今本依家我乜都做唔到, 其實早晌佢未插返喉之前我已經想比佢定住少少氧氣機返屋企, 但你都清楚bb病唔係突發o既, 原來已經慢慢"嘔"緊出黎, 當我地約好晒氧氣機公司時, 佢就要返入nicu....好無耐..., 不過我依家都係諗住情願佢好份d, 甩返喉, 食返奶, 我晌出面尹個好do既醫生我都想湊佢返屋企, 起碼有媽媽爸爸24小時去貼身湊佢囉..

私人傳訊

jcming

積分: 1769

14^#

發表於 08-1-25 10:09 |只看該作者

睇到都好心痛，妳要振作，bb會需要妳

私人傳訊

積分: 1435

15^#

發表於 08-1-25 16:10 |只看該作者

好多謝各位o既意見, 感激!

我想講o既係, 我深信該醫院o既好多醫護人員都一定睇到我呢個post, 因為我今朝去醫院都聽到唔少野! 我希望各位唔好以為我精神病, 又或者發緊癲! 我好感激醫院醫生今朝安排左一個時間比我地好好面談過, 我覺得係真係放心左, 撫心自問, 我唔係搞事份子, 我相信無人夠膽講佢自己做野一定100分, 不過我從來無為過我覺得o既所謂唔妥去回應/追究, 甚至投訴, 係我好明白你地有你地o既難處, 老實講, 將心比己丫, 你地掉轉頭做我個角色, 你地會有乜野感受? 你地可能好幸運, 小朋友唔會有咁多問題! 我再講, 無錯, 我唔可能排除就係呢班姑娘醫生裡面都有好多好錫我bb o既人, 我好感激佢地, 但總有d人係唔同, 有邊個夠膽大聲講自己係好有愛心, 最有責任感? 我自己做媽媽都未必會, 你地可能會怪我開呢個post可能唔係好好, 會影響形象, 但你地要知, 我cynthiafong唔係第1個出聲, 唔係第1個發現有問題o既人, 唔好諗住我出聲就去話我, 同時, 我講得就預左會有今日, 我一定要保護我個仔! 同埋我只係想有d人要好好正視呢d確實o既問題!

anyway, 我都好感激晌呢件事裡面肯比時間聽我發嘮叨同幫助我地o既人!

做事對得自己對得人係好緊要, 將心比己啦各位對我不滿o既人!

[ 本文章最後由 cynthiafong 於 08-1-25 16:49 編輯 ]

私人傳訊

lilyyim

公爵府

積分: 25261

畀面勳章環保接龍勳章

16^#

發表於 08-1-25 16:23 |只看該作者

這間醫院真係很不負責任!!

私人傳訊

香格里拉

積分: 1818

17^#

發表於 08-1-25 17:05 |只看該作者

cynthia
我想我都明白你的感受,我個b出生時也住了一個星期醫院,有5日係住公立醫院架.....我都睇到佢地0的衰野,作為一個母親,真係好心痛,寧願受苦0個個係自己.....
若你發覺佢地有問題,一定要大聲講,因為咁樣有阻嚇作用,再唔係搞大佢,搵傳媒,佢地就會認真0的....你要保護bb呀,你要振作呀....
祝福你及你的bb

私人傳訊

celery

積分: 7257

醒目開學勳章

18^#

發表於 08-1-25 17:52 |只看該作者

我相信如果因cynthiafong現況,
而有人會認為佢係精神病或發緊癲,
佢地真係需要整理下思緒!
遇到呢d情況,若情緒激動左,係可理解同諒解,
除非唔錫自己嘅bb!
bb現階段出院又唔得,留院又擔心類似事件/"誤會"再發生,
而家溝通過,令cynthiafong放心,咁就好lor~
我弟婦都係果間醫院護士,當然我係知好多護士同醫生係好好.

bb係未識照顧自己,更加需更多d注意同照料!

cynthiafong,祝你bb快d康復出院!!

原文章由 cynthiafong 於 08-1-25 16:10 發表
好多謝各位o既意見, 感激!

我想講o既係, 我深信該醫院o既好多醫護人員都一定睇到我呢個post, 因為我今朝去醫院都聽到唔少野! 我希望各位唔好以為我精神病, 又或者發緊癲! 我好感激醫院醫生今朝安排左一個時間比我地 ...

[ 本文章最後由 celery 於 08-1-25 17:55 編輯 ]

私人傳訊

十月變形記

積分: 2703

19^#

發表於 08-1-25 18:23 |只看該作者

我就話你好理智同包容! 俾我就已經喺搵唔到醫生嗰刻已經攪大件事!

十月變形記: http://hk.myblog.yahoo.com/bibu-fish

私人傳訊

hayhay2007