吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我嬲到攬住我老公喊

婆媳關係今日: 2|主題: 27759

收藏本版

發帖

返回列表

跳至頁

查看: 5909 | 回覆: 24

我嬲到攬住我老公喊 [複製鏈接]

有苦自己知

民房

積分: 10

1^#

發表於 08-2-11 00:40 |只看該作者 |倒序瀏覽 |打印

我老爺同奶奶唔係算好惡頂，但係有好多嘢，我同老公結婚成十年我都唔習慣佢地嘅作風。

我奶奶同老爺都係受過教育嘅人（一個係醫生，一個係大學教化學，兩個都係晌50年代留學澳洲時識），佢地已經70歲有多。我奶奶係一個好厲害嘅女人，雖然能幹但係成日戴住假面具做人，我覺得佢好虛偽。我老爺屋企以前非常有錢，所以唔知民間疾苦，份人好自私，成日要人就佢，好鐘意洗錢（洗晌自己度，鐘意食，享受）。

我老公得一個妹，佢晌美國，有一仔（三歲半）一女（半歲），我只有一個仔就黎一歲，我老爺平時晌電話都問亞仔識行未（佢地移咗民去澳洲），話應該識行，通常我奶奶就會即刻截住佢，講話細路仔一到時候就會自己行，唔洗膽心。如事者都試過幾次咁嘅情形，問完又答咁，我只係以為佢只係過份關心，無乜嘢。新年老爺奶奶返黎同我地過年，點知年初二嗰晚，我地一齊晌屋企食飯，又有兩個親戚將會移民，其中一個有病，專登黎同我地飯敘。但係我老爺開著個電視睇，雖然佢地熟，但係我同奶奶都覺得佢無禮貌，將近埋位我就熄咗個電視，食完飯，佢又開番個電視，話睇DV碟，係佢平時同旅行影嘅，初初睇返新年呢幾日影我個仔果D，我個仔仲有幾日就一歲未識行，佢話想影晒隻碟，所以影我個仔，然後播俾我地同親戚睇，跟住唔知點樣，我睇到佢轉碟，然後晌Menu揀片，揀到其中一段片仲要Fast forward，當停咗嘅時候，就見姑仔同佢老公一人企走瑯一邊，佢個仔晌佢地中間行好開心，好似係啱啱識行咁，我睇到佢個仔應該當時細過兩歲（佢兩歲我地見過面，係唔同樣）咁我地以為佢係歲半，點知老爺話唔係，係一歲，仲補充話係一歲生日會影（有氣球）我第一時間就諗點解播完我個仔，然後揾碟再播佢另外個男孫。仲要唔係近期嘅，係兩年幾前嘅一歲生日。（後尾同老公講返，佢都有同感，唔明佢亞爸點解有咁嘅舉動）

我即刻面都變埋，好傷心，想起身入廚房避，但係俾奶奶叫住我要我坐番低（我覺得佢知發生乜事，但係扮豬食老虎，雖然佢果陣係晌餐檯同人傾緊計，背住沙化）我覺得老爺原來一直以黎唔係關心我個仔嘅進展，只係想用我個仔托起佢個男孫有幾醒（因為佢將兩段片咁播法），一歲就識行，我唔係要鬥同比乜嘢，我只係心痛佢咁樣利用我個仔，難為我個仔見親佢都好開心爬埋佢度。除咗呢樣，佢見親我個仔都撩佢，例如俾嘢等佢拎，但又即刻收返等佢喊。我個仔攞住枝叉玩，所有人都叫我老公拿拿臨收番枝叉（包括佢）點知原來佢話驚亞仔篤花佢張檯，我地個個都即時話有無攪錯，顧張檯唔顧個孫。我當晚就同我老公講，我好傷心失望，攬住我老公喊，想掉晒佢地送俾亞仔嘅嘢（唔多，有幾件衫仲係一洗甩色兼走樣，where晒果隻）。你讚個男孫咪讚囉，洗唔洗要拍埋一齊俾人睇。

佢地唔係第一次咁樣，我都係最近先同番佢地聯絡，我老公不嬲企我呢邊，佢話佢都想問佢亞爸點解，因為佢亞爸係唔會講對唔住，次次都係奶奶同佢拆掂，而奶奶又成日詐唔知，扮傻。

我個仔初六生日，佢地話要同我地一齊慶祝，但係我仲好傷心，唔想佢地嚟，因為一諗起我就想喊，好心痛，佢地當我個仔係乜？飯後娛樂？

我係咪反應太大？

[ 本文章最後由有苦自己知於 08-2-11 00:44 編輯 ]

0 0 0

私人傳訊

yukkie

男爵府

積分: 7827

2^#

發表於 08-2-11 03:12 |只看該作者

唔使唔開心 ﹐ 我對囝囡兩個都成 18個月大先識行 ﹐ 而且我媽咪話太快識行唔係0 甘好 ﹐ 我細佬 9個月大就識行 ﹐ 我姑媽叫我媽咪整底我細佬唔比佢 0甘快行。你 62唔識做 ﹐ 但唔係成日見 ﹐ 咪當佢沒見識 :tongue:

Nijnje

私人傳訊

shirley73a

禁止訪問

積分: 24331

好媽媽勳章畀面勳章

3^#

發表於 08-2-11 07:03 |只看該作者

提示: 作者被禁止或刪除內容自動屏蔽

私人傳訊

babygigi

大宅

積分: 1013

4^#

發表於 08-2-11 08:20 |只看該作者

每一個BB都有一日會識行路﹐我大仔都13個月先識行...
你老爺係E生﹐噤簡單既道理都唔明????

私人傳訊

Charlotte_mom

王國長老

積分: 223374

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

5^#

發表於 08-2-11 10:48 |只看該作者

真傻, 虧佢係知識份子....
bb早識講野都仲可以話聰明丫, bb早識行路根本唔代表d咩, 有d bb學爬時會四腳爬得好快, 有d bb根本唔會爬, 真係唔indicate咩架wor!
唔好介意啦, 佢傻你又跟住傻, 值得咩? 把咀生o係人度, 佢鐘意點講咪點講lor, 人與人之間緣份好奇妙, 我成日都係咁唸, arm傾既就最好, 唔arm傾既, 每次見面"今日天氣呵呵呵"咪算lor!
我2個仔女都係13個月識行架, (can't type chinese suddenly) so I think your baby is pretty healthy ah! As long as your husband understands you, cheer up and don't feel so bad.
If you don't want to see your in-laws tomorrow. Why don't you find some special celebration yourself eg going to Disneyland. Alternatively you may gather some more people (eg your parents) so you don't have to talk to your in-aws that much

原文章由 babygigi 於 08-2-11 08:20 AM 發表
每一個BB都有一日會識行路﹐我大仔都13個月先識行...
你老爺係E生﹐噤簡單既道理都唔明????

私人傳訊

bobbob

伯爵府

積分: 18707

醒目開學勳章

6^#

發表於 08-2-11 11:49 |只看該作者

我覺得你有少少過敏，你6299係有D唔岩，但你都唔洗太傷心既，講真BB學行有早有遲，遲識行仲著數，對腳無咁容易彎架

私人傳訊

bigmagmag

別墅

積分: 607

7^#

發表於 08-2-11 11:53 |只看該作者

My baby can walks on 18 months,...
it's late, but i don't think it is a problem ...
Don't be sad because of it la...
your 62 is so die hard and stupid

小店Hope Store 專營兒童服装,希望各位媽媽都可以係小店挑選到"心水"貨品給自己的小寶寶!!!
http://hk.user.auctions.yahoo.com/hk/booth/magmag1710

私人傳訊

泳泳102

複式洋房

積分: 190

8^#

發表於 08-2-11 12:12 |只看該作者

唔洗理62啦，費既，枉佢係讀書人，一D教養都無，你99都係，扮唔知就得架哪，你唔鐘意的話就同你C6講唔想6299黎個仔開生日會，費事變左開片。

私人傳訊

有苦自己知

民房

積分: 10

9^#

發表於 08-2-11 12:51 |只看該作者

真係多謝各位嘅安慰。

呢幾日我真係好唔開心，可能之前都有好多事，唔止今次呢單，好多時我都算，或者幫佢揾籍口，但係今次我都唔識點呃我自己。

最近仲以為可以大家開心見誠，不過睇黎係我一廂情願。

我老爺知道我個仔正常，我地每個人都明學行呢D嘢係有遲有早，唔代表乜。但係可能佢係一個好勝心好重嘅人（年輕時好鐘意打網球同golf，仲嬴咗好多獎）所以佢可能覺得正常唔算乜，越早就越醒（其實我好多時見BK內都有媽媽有咁嘅態度，或者人性係咁）

我無諗過去鬥，亦唔係因為我個仔無人地咁快識行而唔開心。我唔開心嘅原因係，我地唔想作比較，好多時對話上都儘量避免觸及呢個話題，講真，比較下實有輸嬴，但係呢D輸嬴都唔係真輸嬴（學行遲早），但係佢一直唔放棄，講無得講就用行動去show比我地睇，其實佢係想講，佢個男孫好(口力)，監硬將我個仔label做輸家黎話俾人知個男孫好(口力)，由頭到尾係得佢同奶奶知個男孫比我個仔早行，佢地可以選擇唔出聲，但係佢無囉，係都要將兩個孫嘅同歲片段咁樣播法，仲要轉揀一歲生日，仲要係淨show行個段，好明顯係有心揀俾我地睇。

我老公話會直接問佢點解咁做，仲要唔俾奶奶幫口。如果佢又係側側膊唔多覺，我老公話唔會同佢地聯絡見面，但我覺得咁樣唔好，咁做好仵逆。

佢地成日都係咁，講嘢有好多時唔會理下人地感受，口氣又好傲慢下，我覺得好難頂，雖然唔係大事，但係成日都咁，小事成多，我好難受。佢地都要考慮下我嘅感受。真係一言難盡。

我覺得佢地係上幾代嘅人，呢個世界在變，佢地非常脫節，可能真係要同佢"今天天氣呵呵呵"，唔係下下周不時俾佢hurt一hurt，人都老快D。

私人傳訊

sylviawong

男爵府

積分: 5339

10^#

發表於 08-2-11 13:08 |只看該作者

唔駛唔開心啦,我個仔歲半先識行,行就唔駛擔心既(因為佢地無事既話一定會識行!)
你咪忍C忍尿(SORRY,好粗魯),忍埋佢呢幾日羅...癈事你老公難做啦

私人傳訊

kellyly

侯爵府

積分: 24623

好媽媽勳章畀面勳章

11^#

發表於 08-2-11 13:18 |只看該作者

洗咩理佢.
你62同我62一樣都係嗰d知識份子黎ka.
我仔6個月大時未識轉身就話乜咁蠹ka,呀妹個女4個月大時都識轉la.
好la到呀仔一歲大時又係未識行又話呀仔蠹唔識行,呀妹個女都識行la.
我無理佢,我教好呀仔.
而家佢地話我呀仔好禮貌又自己食飯.
我心諗緊係la,你地d咁既人只會睇低人地,唔會係另一角度睇人.
所以而家佢地只有"幸"無得湊孫.哈哈哈哈

私人傳訊

Charlotte_mom

王國長老

積分: 223374

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

12^#

發表於 08-2-11 14:52 |只看該作者

一廂情願??
我"後生"時, 真係曾經天真過, 我個人好直, 最怕人"扮晒蟹", 初結婚, 我62同我老公講, 結左婚就係男家既人, 唔好拎錢返外家, 我老公就叫我靜靜雞唔好俾佢地知, 我傻到好天真地同我62傾計, 話我屋企點點點, 我62即時扮野, 話我老公誤會佢意思, 佢無咁講過, 我又傻到信......
咁多年後, 我發現我以前真係好笨! 唔係下下你拎個心出黎, 人地就會同樣對你好, 所以而家我樣樣都arm's length, 真心話無謂講咁多!
所以話最好就"今天天氣呵呵呵"喇!

原文章由 有苦自己知 於 08-2-11 12:51 PM 發表
真係多謝各位嘅安慰。

呢幾日我真係好唔開心，可能之前都有好多事，唔止今次呢單，好多時我都算，或者幫佢揾籍口，但係今次我都唔識點呃我自己。

最近仲以為可以大家開心見誠，不過睇黎係我一廂情願。

我老爺知道我個仔正常，我 ...

私人傳訊

kantanjin

大宅

積分: 1272

13^#

發表於 08-2-11 15:24 |只看該作者

原來有文化同無文化既6299都係咁~既..(強項: 都係唔理人感受, 最叻用說話行動去傷害新抱)

我都似妳咁. 拎個心出來對佢地男家, 但佢地永遠當應份及應該. 妳好好啦. 起碼妳老公企係妳立場, 佢唔幫佢父母. 我c6全幫佢家人. 唔會理我感受. 無文化既家族

如妳老公話要問6299. 妳又佢問啦. 我地新抱唔好理. 妳同老公講問完既結果亦都唔想知. 廢事妳又會為呢個唔知咩既結果/答案而唔開心 (唔好浪費左自己既感情/感覺)

至於生日會既問題, 妳咪同老公講, 想一家三口開心過, 過左正日先同6299同仔仔慶祝. 一係就婉轉地講, 話不如約埋邊位朋友一齊慶祝. 妳地"一家三口" 係而家呢個年代硬係要加插埋6299, 姑99, 姑仔....etc. 妳係媽媽同仔仔慶祝天經地義

唔好為呢兩個"人物"而唔開心. 唔值得呢, 慢慢學啦. 我尚在學習中, 有排都未畢業呢

私人傳訊

有苦自己知

民房

積分: 10

14^#

發表於 08-2-11 16:03 |只看該作者

原本老公係諗住寫封信俾佢地，講番件事，但因為佢無時間晌生日之前寫，咁就選擇晌公司打電話講（啱啱12:30pm打），點知就出事。

首先講電話好易生誤會，我都唔贊成老公晌電話同佢地講，因為佢講野係好倔，好強硬。有理講不清之外，因為仲係3人會議（老爺，奶奶，老公），大家一人一句，解釋都未講完就俾對方截斷，所以講到唔清唔楚，最弊係有D說話講咗收唔返，殺傷力好大。

都唔知點講起佢地頭先嘅對話，因為成件事依家搞到好大鑊。我只可以話，臨收線前老爺話如果佢地唔受歡迎就唔會再黎，奶奶就強調話佢有權睇個孫，我老公話權利係要自己賺番黎（佢意思係我地唔同意，唔通佢真係撞門入屋擄走個孫咩？），同埋如果佢再堅持佢有權，我地會斷絕來往，以後唔見。講完後我奶奶就喊。

我都唔明點解搞成咁。其實我真係無諗過會咁。我最多諗住聽日我老公載個仔去同佢地食下野見見面，我就消失幾個鐘（乜籍口都好）然後等我心情平覆先再見面。

我同我老公講無論點，唔應該咁樣講野，少D來往咪少D囉，唔洗講到咁，無彎轉。

俾D時間我整理下先再出post。