少年成長

收藏本版
發帖
返回列表
跳至頁

首頁
12

尾頁
   0
SEricsson


男爵府

積分: 6171

大廚勳章


1#
發表於 08-2-1 14:02 |只看該作者
工人俾我炒左, 但未有replacement, 老公仲出埋trip, 我一個要湊2個, 一個2歲半, 一個半歲. 己經涯過左5晚, 每日都係嘈嘈嘈, 喊喊喊, 我真係好想掟個仔落街, 一了百了!

大仔己經返全日學, 我見佢既時間只係早上同夜晚, 但係都頂佢唔住. 每天起身一定有野扭, 一係扭唔刷牙, 一係就唔飲奶, 一係就開燈/熄燈, 今日就扭要睇DVD. 每次佢都係要喊叫, 尖叫, lur地, 拍門, 死lur住我唔放, 到我真係發火, 罰佢, 打pat佢至肯收工.

最衰既係, 我氹佢, 佢話要乜就俾佢, 但佢可以係15秒內改變主意, 即刻同我唱反調. eg, 拿住杯水問佢要唔要水, 佢話唔要, 咁咪放低囉, 之後佢就即刻話要, 咁咪俾佢囉, 之後佢就發神經, 係咁扭計, 扭咩呢? 佢話要自己自己自己自己自己.....咁咪自己囉, 但又唔自己拿... 佢就係咁就扭到你發火為止, 每日每一樣野都可以係咁扭, 我每日只係見佢唔係好多個鐘, 都可以扭足5-6樣野, 每樣就扭你15-30分鐘, 有時仲成個鐘都唔收聲... 我真係好後侮生左件咁既野出黎.

今日我真係忍無可忍, 我係咁拿條毛巾打牆黎發洩, 我阿媽上到我屋企仲係咁話我痴左, 我聽完仲"興", 我已經日做夜做, 又請衫, 又拖地, 又煮飯, 仲要俾條死靚激到嘔血, 佢上到黎仲話我痴線, 你話呢班係咩人呀? 有無人可以體諒下呀? 我阿媽仲要話, 我炒左個工人, 無人同我做野, 好似抵我死咁喎.

我99又係一絶, 佢好好人, 上黎幫我睇住細仔, 等我唔使帶埋細仔出去湊大仔放學. 但每次大仔放學返黎, 佢就俾零食佢食, 我話到明好快開飯, 佢都唔理, 每日上黎就買一樣零食俾大仔食. 小朋友食飯前食左野, 你話佢會唔會食飯呀? 尋晚99又俾小食俾大仔, 之後我整好飯, 俾大仔食, 大仔唔坐低食, 4圍玩, 我又要餵細仔食奶, 我餵奶中途, 99話要走, (唔通唔俾佢走咩) 之後我餵左細仔食一陣, 就拿拿林叫大仔食飯, 但大仔已經唔食, 我食完餐飯, 大仔只食左2啖, 我收碗, 佢又扭, 話我收碗.... 我99上黎係想玩靚, 佢俾野我大仔食, 大仔就會叫佢, 所以就係咁俾零食佢食, 你話咁既人都有, 唔理後果, 只求自己開心.

好煩呀.....
私人傳訊

Jocheng


男爵府

積分: 5925


2#
發表於 08-2-1 14:59 |只看該作者
唔好唔开心啦，大个两个仔知道你辛苦会锡返你嫁，等到他们识讲好多野时会讲好多好sweet的说话给你听嫁。做妈妈是好辛苦的，但有付出一定会有回报的，你要坚持啊。教小朋友要慢慢来，不要心急。加油啊，支持你
私人傳訊

Joy


子爵府

積分: 12241


3#
發表於 08-2-1 15:06 |只看該作者
冷靜, 冷靜.. 你太累, 所以有情緒問題...... 唔好發在小朋友身上啦, 等老公回來 咬佢兩啖啦. 小朋友 要"turn" 架, 耐心+鼓勵!!! 知你好辛苦啦.. 不過為了小朋友, 忍下啦. 錫番你!!!
我係天天豬, 爸爸媽媽好愛我呀!
私人傳訊

See


伯爵府

積分: 18772

好媽媽勳章


4#
發表於 08-2-1 16:31 |只看該作者
SEricsson,
哇！一個2歲半，一個半歲，比我我都瘋！你算做得好啦！唔好勞氣錫返你啦
原文章由 SEricsson 於 08-2-1 14:02 發表
工人俾我炒左, 但未有replacement, 老公仲出埋trip, 我一個要湊2個, 一個2歲半, 一個半歲. 己經涯過左5晚, 每日都係嘈嘈嘈, 喊喊喊, 我真係好想掟個仔落街, 一了百了!

大仔己經返全日學, 我見佢既時間只係早上同夜 ...

全世界都在看你家的笑話，騙不過天地，沒不了良心。即管繼續下去，總有一天自己受！
私人傳訊

hoklam-mama


洋房

積分: 289


5#
發表於 08-2-1 16:33 |只看該作者
你唔好咁唔開心啦, 我個仔有段時間都試過呢個情況, 又係2歲半左右, 我都俾佢攪到喊, 氹又氹過, 要呢樣個樣, 俾到佢啦, 佢又話唔要, 收起又話要返, 要我抱佢, 行到佢身邊就起腳叫我走, 真係好煩㗎. 不過最近又無事啦


原文章由 SEricsson 於 08-2-1 14:02 發表
最衰既係, 我氹佢, 佢話要乜就俾佢, 但佢可以係15秒內改變主意, 即刻同我唱反調. eg, 拿住杯水問佢要唔要水, 佢話唔要, 咁咪放低囉, 之後佢就即刻話要, 咁咪俾佢囉, 之後佢就發神經, 係咁扭計, 扭咩呢? 佢話要自己自己自己自己自己.....咁咪自己囉, 但又唔自己拿... 佢就係咁就扭到你發火為止, 每日每一樣野都可以係咁扭, 我每日只係見佢唔係好多個鐘, 都可以扭足5-6樣野, 每樣就扭你15-30分鐘, 有時仲成個鐘都唔收聲...
私人傳訊

li2008


複式洋房

積分: 380


6#
發表於 08-2-1 17:30 |只看該作者
請個part-time幫手做些家務，又或者負責買餸煮飯。唔駛自己做咁多嘛。
私人傳訊

sasa@uk


珍珠宮

積分: 45224


7#
發表於 08-2-1 18:34 |只看該作者
揍2個.. 真係非同小可

家務可以唔做既就唔做. 我都係架, 又返工又要煮飯邊做得咁多?

我主力淨係煮飯 &洗衫. 其他有力氣就做.
洗碗我用個 timer "迫"自己, 洗10分鐘. 洗唔完都好, 停手. 不過往往因為時間"迫"住自己, 所以可以洗得晒.

大仔: 你試下比個 choice 佢.

你想媽咪拖住去廁所刷牙定你自己行?
你想自己ji 牙膏定媽咪 ji 牙膏?
你想用呢隻杯飲水定呢隻杯飲水?
你想著呢件衫定呢件衫?


記住個 choice 背後, 其實都係同一個 result.
同埋無第 3個 choice.
通常2歲都好開心自己有得選擇.
私人傳訊

babyhowie


水晶宮

積分: 65676

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


8#
發表於 08-2-1 19:03 |只看該作者
原文章由 SEricsson 於 08-2-1 14:02 發表
工人俾我炒左, 但未有replacement, 老公仲出埋trip, 我一個要湊2個, 一個2歲半, 一個半歲. 己經涯過左5晚, 每日都係嘈嘈嘈, 喊喊喊, 我真係好想掟個仔落街, 一了百了!

大仔己經返全日學, 我見佢既時間只係早上同夜 ...


你係米全職媽咪？工人係到時候情況又係點？

其實依家工人走左，你可以清楚睇到大仔問題，
小朋友係有得教架，你要有耐性，
唔係佢見你咁憎佢米又係咁囉！

我大女12歲，細仔5歲，
唔知係唔記得定係點，
我印象中佢地兩個都冇trouble2問題，
或者我不嬲都認為小朋友係咁架啦，
根本唔係曳，佢唔識，你就要教！

我做左保母兩年幾喇，幫人湊過幾個B，
佢地媽咪都話BB跟左我之後乖左，
因為小朋友係要教，唔係縱，
但教又唔能夠用打打鬧鬧，因為咁只會有反效果！

兩歲幾返左學應該可以平心靜氣同佢傾，
好似另一位媽咪所講，多問佢意見，
要同佢講，你揀左咁就唔可以一下子又變架，
如果想做第二，就等一陣先，唔能夠三分鐘熱度，
咁仲可以教埋佢耐性同專注力！

放鬆啦！小朋友睇你頭架！
你都失控，佢地米仲......
加油呀！
私人傳訊

TSZYUI


男爵府

積分: 8555


9#
發表於 08-2-2 00:58 |只看該作者
原文章由 SEricsson 於 08-2-1 02:02 PM 發表
工人俾我炒左, 但未有replacement, 老公仲出埋trip, 我一個要湊2個, 一個2歲半, 一個半歲. 己經涯過左5晚, 每日都係嘈嘈嘈, 喊喊喊, 我真係好想掟個仔落街, 一了百了!

大仔己經返全日學, 我見佢既時間只係早上同夜 ...

我都同你差不多,一個兩歲,一個五個月!
日日比個trouble 2激到燈.....
私人傳訊

pandacat_bb


男爵府

積分: 7205


10#
發表於 08-2-2 01:23 |只看該作者
我囝囝咪又係, 問佢要唔要, 佢話唔要, 到放番低, 佢又喊住話要

我除咗一個trouble2之外, 仲有個trouble3呀, 其實我囝囝未夠2歲就已經做晒trouble2既野, 我日日都比兩隻馬騮玩謝 :;pppp:
私人傳訊

SEricsson


男爵府

積分: 6171

大廚勳章


11#
發表於 08-2-2 16:10 |只看該作者
老公終於都返左黎, 大仔係咁貼身跟住阿爸, 可以煩少左我.

其實之前工人係度, 阿仔都唔跟工人, 但工人就完晒D家務, 咁阿爸唔係度時, 我都可以同大仔玩, 但依家實在好唔得閒, 要做家務之餘, 仲要睇2個, 仲要2個都要人陪. 大仔要人同佢玩下, 佢先肯自己玩, 細仔要人係佢面前, 同佢傾計, 佢就會收聲唔喊, 所以一個人根本分唔到身.

係咪到左3歲, 阿仔情緒就會平穩D? 因為我諗佢都唔知自己想要乜, 所以成日改變主意, 又要呢樣, 又要果樣..... 仲有半年至到3歲
私人傳訊

canies


翡翠宮

積分: 96771


12#
發表於 08-2-2 19:40 |只看該作者
單人匹馬對付兩條靚 --- 非常佩服!!

suggest家務可以唔做就唔做, 衫出街洗,食叫外賣....頂住等工人來先回復正常.
私人傳訊

yingbma


大宅

積分: 1533

好媽媽勳章 醒目開學勳章


13#
發表於 08-2-3 11:56 |只看該作者
我想話, 到左3歲...就係 terrible 3 了.

有時我都會比呀囡激到好嬲, 不過有時想深一層, 3歲就比佢激成咁, 咁1x歲時點算, 所以會冷靜一下自己. 呀囡係咁扭時我由得佢唔理佢, 因為絕對唔會比佢得呈.

不過可能我得一個囡囡, 會比你易搞好多.

anyway, 比心機!
私人傳訊

See


伯爵府

積分: 18772

好媽媽勳章


14#
發表於 08-2-3 20:09 |只看該作者
大家放心，我睇書話去到5歲就會雨過天x，會定好多
不過去到6歲又會再黎料過 不過我都通常亞Q咁過日子。好似我媽話我仔又''點點點''時，我就同佢講，而家4歲啦！忍下啦，好快到5歲就無事啦！不過到6歲又有新野啦！
:恭: :喜: :發: :財:
原文章由 yingbma 於 08-2-3 11:56 發表
我想話, 到左3歲...就係 terrible 3 了.

有時我都會比呀囡激到好嬲, 不過有時想深一層, 3歲就比佢激成咁, 咁1x歲時點算, 所以會冷靜一下自己. 呀囡係咁扭時我由得佢唔理佢, 因為絕對唔會比佢得呈.

不過可能我得一 ...
全世界都在看你家的笑話，騙不過天地，沒不了良心。即管繼續下去，總有一天自己受！
私人傳訊

sasa@uk


珍珠宮

積分: 45224


15#
發表於 08-2-4 04:11 |只看該作者
我反而比較鐘意 enjoy "依家"既仔仔
我覺得小朋友每個 stage 都有可愛既地方

阿仔 3 個月時, 我會覺得比初出生時可愛, 因為識笑識玩

阿仔 1歲時, 我又覺得比 bb 時好, 因為會行會牙牙學語

阿仔依家 3歲, 我又覺得比 2歲好. 因為比較明事理. 記性好了, 會記住媽咪既說話.

小朋友大得快, 要把握現在相處既時間, 好快佢地返左學, 有自己的世界喇
私人傳訊

eva1320


男爵府

積分: 7478


16#
發表於 08-2-5 01:36 |只看該作者
我都係湊2個B, 老公唔係香港做野, 細B出世時真係湊到喊嫁, 1個人要照顧2個B, 仲要做家務, 整午餐, 晚餐, 真係人都DIN, 不過好快就好好多, 當細B 開始識同哥哥玩, 就好好多, 2個B會互相湊大家, 我多返好多私人時間, 可以上黎BK

加油呀!! 過度期黎嫁咋!
私人傳訊

clintonma


別墅

積分: 652


17#
發表於 08-2-14 11:41 |只看該作者
你99真係雪上加霜......:cry:

私人傳訊

LILY媽咪


珍珠宮

積分: 41995


18#
發表於 08-2-15 12:15 |只看該作者
絕對明白, 阿女2歲半時都係成日扭又喊, 太就佢唔想她喊, 她又會攪第2樣野整嬲你, 唯有硬心腸由佢喊, 唔理佢, 當她知道喊係無用時, 就會好好控制自己的情緒,不過預了一次唔得下次下次都係咁做, 過了3歲會好少少的.

努力加油.
私人傳訊

poyinma


複式洋房

積分: 316


19#
發表於 08-2-15 16:56 |只看該作者
我個女都係2歲半, 早幾個月都開始好難頂, 樣樣嘢都話要自己, 唔得就喊, 扭, lur 地, 總之直到得手為止.

同佢supermarket買完嘢, 去到大廈"車立"口,如果唔抱佢"禁"制, 佢會喊到上樓, 甚至要你搭返大堂"禁"嗰個制. 但一於好少理, 用其他嘢引開注佢意, 或分散佢, 等佢收聲.

相信trouble 2好快會過, 大家一齊努力la.
私人傳訊

fatping


伯爵府

積分: 16962


20#
發表於 08-2-16 23:47 |只看該作者
唔想講負面既野, 但我真係唔鍾意小朋友, 有左細囡時我喊左2日, 係老公c 都話要重要話唔想d仔女差咁遠, 我真係好好好後悔生細囡, 雖然我有工人幫我手, 但我完全明白你既苦處, 到而家我都好討厭老公把口就話鍾意小朋友, 但係1d都唔會幫手, 你快d請返個工人返來, 一個對一個會好d, 唔係你真係會痴線, 同個仔關係都會差d
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy