支持佔中既，會話除此以外，別無他法。但上床攞埋被冚，點解突然又要梁振英下台呢？乜我地唔係爭取全民普選咋咩？會唔會梁振英下台後，又要埋習近平收皮，共產黨解散咁呢？
唔支持佔中既，又話唔走等警察用武力趕你都係你地自己攞黎，係咁有啲比人篤爆既假新聞去分化港人，仲話希望武力升級。係咪傻架？大家都係香港人黎架！
一時黃絲帶，一時藍絲帶，一時綠絲帶；一時黑色衫，一時白色衫，一時藍色衫。攪到著件衫都好似要敵我分明，非友即敵。我決定日日著灰，代表我對一班攪分化既人有幾咁灰！一人少句當幫忙啦好心！
薑溶，戴妖，痴鋒，冇人係代表緊我，唔好再鬥疊友鬥有voice 就話自己贏，其實你地都係輸家，可惜係全香港人陪你輸！政府都話坐低見面傾，何不珍惜呢個下台階，好好傾下呢？！
http://www.edu-kingdom.com/?10928
教育王國個人空間
發表於 
返回列表
