學歷有咩俾你揀？high school等同香港嘅預課，美國有分兩年大學同四年大學，普通有學位係四年大學，兩年有D似香港diploma或副學士。
申請到一定要land，land完走的話你要冒險會被移民局收留綠卡，如要長期在外超過一年又唔多過兩年，可能申請回美証，但一定要申請到收到至好離開，因為回美証係只有喺境內至可以申請。
抽獎都冇咩嘢，主要係luck，但好似有講話頭一年唔可以申請政府福利，讀大學都要當海外生，俾貴D學費。我反而覺得最緊要係心理準備，因為美國香港好唔同，你有冇親戚朋友喺美國？適應期可以由幾個月至幾年不等，見到最大問題係香港仲有家人，嚟到樣樣都同香港比較，咩都以香港制度習慣為標準，如果係咁我勸你唔好嚟，因為注定係唔夠鬼佬爭，點都係佢地人工高過我地，有位上都會俾佢地上先，中國人又慣咗唔出聲唔出頭唔爭，好多不公平嘅自己唔講係冇人理你。小朋友適應容易好多，一返學識到朋友仔就好快融入，大人反而難D。
花旗太太生活在花旗國，留意時差，你問我未必即時答到。
發表於 
返回列表
