吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 黃子華SHOW講佔中【劇透】

自由講場今日: 78|主題: 1344070

收藏本版

發帖

返回列表

跳至頁

查看: 24638 | 回覆: 87

黃子華SHOW講佔中【劇透】 [複製鏈接]

12 3 4 5

lumijuli

子爵府

積分: 11537

1^#

發表於 14-10-6 22:59 |只看該作者 |倒序瀏覽 |打印

本帖最後由 lumijuli 於 14-10-6 23:08 編輯

我十年都不看一次蘋果日報，更不會去SHARE，
BK 上的佔中反佔中，我有我立場，也不想同這兒的人吵，
但黃子華真的太有才華了，不得不轉載分享一下

香港俾中國「標參」：已經由母子關係變婆媳關係 http://hk.apple.nextmedia.com/enews/realtime/20141006/52987752
黃子華於今晚棟篤笑中一開場就講佔中同特首夫人「倒抽一口涼氣」，問題原因係香港病得太嚴重，咁點解病呢？子華帶大家回憶番佢97年講過香港「回歸」中國呢句金句:「香港回歸中國，就好似阿媽標個仔參，誰來俾贖金？當時係一個母子關係，當時大家以為係。但係依家已經唔係，變咗係奶奶同新抱嘅關係……依家香港嘅問題，係婆媳糾紛，所謂婆媳糾紛，係一種必然奶嘢嘅關係，係咪？除非你個新抱第一日入門就全心全意同奶奶講:『奶奶，我愛你!』唉呀我講錯，對唔住，講多次，『阿媽，我愛你!』但當然我哋係講唔出啦，仲有啲人話，你俾啲錢佢，叫佢唔好搬嚟一齊住啦。係咪？」

「如果新抱做唔到就除非個奶奶好開通，拿阿家嫂，你唔露三點，你就當係著左衫0架喇，不過你始終唔係我親生，你有你嘅思想，你有你自由，你繼續跌出嚟啦。即係你唔係是旦一個做唔到，就遲早一個反面，一反面啲說話就越來越難聽0架喇!」佢又以奶奶向人投訴新抱成日去「英美超市」搵人哭訴妙論「外國勢力」，你懂的。

繼續講佔中黃子華教特首拆局

黃子華於棟篤笑上講完奶奶同新抱嘅關係，跟手再講佢之前劇集《My盛Lady》一推出就遇上網民呼籲罷睇，依家開騷，又遇著佔中。子華笑言:「其實我都預咗咗今晚嚟唔到0架喇。咁當然梁振英即刻走出嚟……拿各位我唔想講太多，我講埋呢幾句我唔講0架喇，我冇預備咗呢樣嘢0架嘛!我年半前就準備好晒講乜嘢0架喇，忽然搞啲咁嘅嘢……但唔講我又有啲唔爽，所以俾我講埋呢幾句，ok？」全場尖叫。

「掟咗78枚(應是87枚)催淚彈之後，梁振英就出嚟講喇:『應該呀，警方係用咗適當嘅武力啦，葉劉淑儀又出嚟講係適當嘅武力:『啲人有武器0架，有把遮0架喎!』我唔知點解啲高官係咁樣嘅，你唔係與民為善嘅咩？我知道你應保護警隊，但你唔使下下分化得咁緊要。你可以話警隊係專業，我亦相信警隊係專業。但問題係，警隊掟催淚彈唔係專業0架嘛？佢哋掟咗幾多次催淚彈？香港太平盛世幾十年，十年都掟唔到一次，你十年冇煮過一次餸你敢認大廚？」

子華再謂:「如果我係政府，好簡單，當你警隊係專業嘅，但係掟催淚彈，佢哋係比較業餘嘅。冇問題0架，等如抗議班人都係業餘，嗰班人唔係專業抗議者嚟0架嘛。所以業餘對業餘，咁咪一齊誤會囉，和氣生財嘛!做到咁高位都唔識講？『係一場誤會!一場誤會!』咁咪搞掂。」

還有其他

【黃子華開騷】(劇透)香港俾中國「標參」：已經由母子關係變婆媳關係

【黃子華開騷】(劇透)「奶奶」唔俾「新抱」揸弗：揸LIFT又係揸，揸住先啦！

【黃子華開騷】(劇透)梁振英唔識搞民主因為唔夠老婆？

【黃子華開騷】(劇透)子華怒撕狼英語言偽術：擺明就係大人打細路！

等等

點評

chan803

發表於 14-10-7 10:56

車仔人

發表於 14-10-7 10:21

wcpcelia

發表於 14-10-7 10:20

ac917 好正！發表於 14-10-7 07:54

偷懶喵星人 :lol 發表於 14-10-6 23:46

KATELYY 正！發表於 14-10-6 23:09

0 1 0

私人傳訊

CONNIEQ

大宅

積分: 2849

畀面勳章

2^#

發表於 14-10-6 23:05 |只看該作者

回覆：lumijuli 的帖子

好抵死

私人傳訊

tammy2008

水晶宮

積分: 50566

3^#

發表於 14-10-6 23:09 |只看該作者

好好 ! 多謝JM 分享 ~

私人傳訊

kawai120

水晶宮

積分: 53846

BK Milk勳章畀面勳章

4^#

發表於 14-10-6 23:09 |只看該作者

great

私人傳訊

namnamnamlolo

珍珠宮

積分: 43504

5^#

發表於 14-10-6 23:09 |只看該作者

回覆：黃子華SHOW講佔中【劇透】

從古至今都解決唔到既婆媳糾紛

私人傳訊

ting8503

男爵府

積分: 8990

畀面勳章

6^#

發表於 14-10-6 23:11 |只看該作者

回覆：黃子華SHOW講佔中【劇透】

私人傳訊

KG2013

男爵府

積分: 5356

7^#

發表於 14-10-6 23:12 |只看該作者

引用：好抵死

原帖由 CONNIEQ 於 14-10-06 發表
好抵死

私人傳訊

289

大宅

積分: 4574

8^#

發表於 14-10-6 23:12 |只看該作者

回覆：黃子華SHOW講佔中【劇透】

私人傳訊

loer_er

珍珠宮

積分: 37631

9^#

發表於 14-10-6 23:13 |只看該作者

回覆：黃子華SHOW講佔中【劇透】

正到爆

【黃子華開騷】(劇透)子華怒撕狼英語言偽術：擺明就係大人打細路！

頭先黃子華講到，葉劉淑儀指示威者手持雨遮係武器，子華就話:「咁都講得出，唔知葉劉淑儀有冇女嘅呢？如果佢個女夜晚出去蒲，『你去幾耐？』『三日到啦!』『唔得，好危險!』『怕咩啫，我有把遮!』你仲驚，『得啦唔使驚，我仲攞咗好多保鮮紙添呀!』」眾大笑。

「咁樣叫有備而來，葉劉仲有句話『學生不是省油的燈』，又係武俠小說先出現嘅說話，你哋(高官同特首夫人)都係古墓派嘅人嚟0架，你返番入個古墓度啦!即係點呀，『我發現學生不是省油的燈，我不禁倒抽一口涼氣。然後發出689拳，都被雨遮一一擋下!』點會咁樣樣0架？」拍爛手掌。

子華又借老友「阿強」比喻，謂拎遮同保鮮紙咁嘅裝備，莫講話擋催淚彈，鹹鴨蛋都掟得死你。「最緊要咩呀？護陰!」阿強真係買咗幾個，喺旺角大派用場。「男人戴護陰，女人就戴鋼盔(指胸部)。啲人真係咁鬼狼，擺明有組織嚟襲擊一啲和平嘅人，啲人應唔應該佔領條路係另一件事，但擺明就係佢係靜坐喺度然後俾人襲擊。然後梁振英又話喇:『我強烈譴責所有用暴力嘅人!』擺到明就係大人打細路，你就話強烈譴責所有暴力嘅人，點解要咁講嘢？」

子華繼續踢爆梁振英語言偽術:「你叫人返屋企，你咪話旺角我自己都好少出去玩，我個女咁大個都未去過旺角。大家都係想搵我啫，我喺金鐘，come on!get me!係咪？講番啲和氣生財嘅嘢得唔得？」此時有觀眾大叫「生日快樂!」

之後子華再講，政府要面對，香港已進入「催神年代」——催淚彈之神，「佢只係帶住兩把雨遮，啲催淚彈就掟喺佢身邊，so what？當年六四有個人企喺坦克車前面，佢只係夠膽咋；佢(指上咗《TIMES》封面那個港人)超越人類極限，佢嘅身體係唔怕毒氣，我唔知係咪佢嗰兩把雨傘可以調整到，解到催淚毒氣。你聽過不食人間煙火，就係佢。」

私人傳訊

loer_er

珍珠宮

積分: 37631

10^#

發表於 14-10-6 23:16 |只看該作者

回覆：黃子華SHOW講佔中【劇透】

笑到標眼水

揸弗又係揸，揸LIFT又係揸，你唔係有得揸唔揸呀嘩？揸住先啦!

頭先講到話，子華形容中國同香港，就好似婆媳關係一樣，佢仲扮晒奶奶腔，人前鬧爆新抱借助「外人(國)勢力」，又妙論「自由行」呢個恩主政策:「咩呀？依家我家族好失禮你呀？你話間屋陰，唔夠人氣，ok，我就叫晒啲親戚落嚟坐，呀…佢話人哋係昆蟲喎!」仲笑昆蟲周街「便便」，全場擊節讚賞。

子華更借助「新抱」把口反擊「奶奶」:「你搞到我全屋傢私變酸枝，但我只係想坐紅A。唔係有錢就大晒!」「奶奶」就教訓番佢:「你第一日入門就藐嘴藐舌，依家你有咩攤晒出嚟講啦!」於是「新抱」就問佢:「咁6月3號之後你去咗邊吖？」全場拍掌。「奶奶」就話:「你講呢啲？」最搞笑係，「新抱」問「奶奶」話之前明明講好過幾年俾佢「揸弗」，點知「奶奶」話佢聽錯，係揸LIFT唔係揸FIT。兩者分別就係，揸弗的話你可以周圍去，但揸LIFT，就係局限於同一個地方，俾你「上上落落」周圍去…

「奶奶」續道:「揸弗又係揸，揸LIFT又係揸，你唔係有得揸唔揸呀嘩？揸住先啦!」