唉！講起呢間幼稚園就一肚氣，佢地點止態度麻麻，啲師資同員工都係返工就等快啲收工嗰種，除個別一兩個老師OK啲之外，其它老師同嬸嬸又無愛心又無耐性，樣樣得過且過，重成日呼呼喝喝啲小朋友，郁啲就罰佢地 (當然係我地家長面前無咁啦)，唔好睇佢好似好大間又新淨，學費又貴過人以為係 high 嘢就比佢呃到，你去睇吓佢哋啲小朋友返放學就知，大部份都無笑容架，哭住返學就見好多，全間學校靜英英，無哩氣芬，似去咗醫院多過似喺間好多小朋友嘅幼稚園。
我個小朋友去年八月開始返，返咗佢地一個月度，就開始日日扭計唔返學，放學後就成日發 "擝憎"，同佢講親學校，一喺就唔出聲，一喺就哭，想同校長講就成日搵唔到，成日失縱唔喺學校，搵佢重難過搵特首，搵到佢佢就轉去叫個老師 hea 吓我，我同個老師講，個老師成日都話無啲咁嘅事，又話我都睇唔到，單憑個小朋友講，就叫我唔好估估吓，到講啲係我親眼睇到嘅情況，佢就話我太敏感所以令到個小朋友都敏感所以表現 "擝憎"，真係乜都係佢講洒！佢嘅講法真係本末倒置，唔去做律師喺度做幼稚園老師真係浪費咗佢！
發表於 
返回列表
