吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 唔識放手，點算

少年成長今日: 1|主題: 16046

收藏本版

發帖

返回列表

跳至頁

查看: 1477 | 回覆: 5

唔識放手，點算 [複製鏈接]

ykjbb

複式洋房

積分: 270

1^#

發表於 14-10-24 19:50 |只看該作者 |倒序瀏覽 |打印

我個仔今年上中一了，電話都係今年比佢，以前我番工冇時間睇佢，亦都比好少時間佢，佢可以通街走成日走左落街玩，依家我無做野特登睇住佢，希望佢中學唔好學壞，本來亞仔性格都比較成熟成個大人咁，係我地面前又識扮乖，其實佢係學校成日績同操行一向都係麻麻，依家因為直升上左間幾好品行既中學，我放下心頭大石，不過上左中學之後佢d同學成日whatapp佢，我偷偷睇過，我都係睇過一兩次，因為我覺得咁做好衰。。睇倒都係d無聊野又邊個鍾意邊個果d.....
唉，亞仔日日放學四點，六點幾先番到黎，我成日都好想知佢去左邊....
閒時一有空佢就話去打波，我唔知點解唔鍾意佢去街，佢次次問我去唔去得，我多數會比，但會留難佢一輪，因為我都覺得我幾嚴，要佢應承我點點點先可以比佢去，有時我都幾惡同幾煩，我自己都知，但係我應該點放手呢？？係咪佢大個仔喇，去街其實正常，我該比佢去呢，我唔該咁煩？今晚佢6：00番黎，沖完涼坐左陣，7：15同我講約左人落去打一陣波，我嬲嬲地咁同佢講你過幾日統測仲去街？我少少大聲同佢講：叫佢8：30一定要番黎，佢話：哦，好呀。。我係咁話佢d同學唔洗溫書咩，咁夜仲去街.....
其實我點解唔想佢去....咁落去我仔實反叛實憎我但我又唔識放手，我驚佢遲d唔問我自己去玩添，點算呀，你地會點做？sorry，打太長

0 0 0

私人傳訊

ykjbb

複式洋房

積分: 270

2^#

發表於 14-10-24 19:58 |只看該作者

回覆：唔識放手，點算

其實我細個都好鐘意去街，唔鍾意亞媽管住我，成日離家出走，點知做左人亞媽先知點解，原來睇住佢大，睇住佢學做大人，個心係咁難放開，好想成日管住佢，我成日叫自己放手個仔大個喇，但又成日不自覺頓起媽媽款....我同亞仔都只係差十幾年，估唔倒我諗野咁古老...

私人傳訊

Jin2012

侯爵府

積分: 21092

父親節2025勳章母親節2025勳章 2025勳章蛇年勳章 2024年龍年勳章虎到金來勳章 HiPP勳章(1) 2018復活節勳章最關心BB問題熱投勳章認識瑞士牛牛第二回認識瑞士牛牛第一回畀面勳章親子王國15週年勳章

3^#

發表於 14-10-25 12:45 |只看該作者

回覆 ykjbb 的帖子

睇完你段文, 發覺同我相比, 你對你仔已經非常闊鬆(明白在職媽媽的苦況), 佢從小學已經自由慣, 你到而家(又正是青春反叛期)先想收番自由度, 更想管束佢, 真係比較難, 做得唔好仲會傷感情。我覺得而家只可以用溝通同表達, 而唔係用管束, 管束係初讀小學會有效D, 初中用只會令仔女反感, 關係惡化。而我會同女講我底線, 並告之絕不能過我底線, 佢自己會知點做會唔過線, 所有佢嘅要求先有得傾, 例如有一次我女同我講某日放學後同學生日想去唱k, 我答佢唱k地方比較雜, 媽咪唔太放心, 不如你地放學買個蛋糕係學校慶祝, 你可以遲D番屋企, 佢終於係學校慶生。管教子女真係件高難度事, 大家努力!

私人傳訊

ykjbb

複式洋房

積分: 270

4^#

發表於 14-10-25 14:43 |只看該作者

回覆：Jin2012 的帖子

thx u，因為我個係仔，同埋佢多數話去打波，都屬於正常活動，所以我都唔知比唔比佢去好，做亞媽難到不得了

有時太惡自己又心痛

私人傳訊

happy314

大宅

積分: 2064

5^#

發表於 14-10-25 16:29 |只看該作者

我記得我中一的時候，係校內既課外活動好投入，後來因為呢個活動（運動黎既）識左一班大我３﹣１７年既朋友
果時我媽好唔鐘意我同佢地一齊，話佢既係做野既人會教壞我，跟左佢既我就會唔讀書

的確佢地成日叫我唱k呀，打波呀，游水呀，做好多野啦總之，後來到左中３到先同佢地冇聯絡
有幾次同佢地去街，夜左返，唔記得幾點啦，不過幾得阿媽好擔心我，我果時又覺得冇咩野好擔心，我有手有腳，仲高佢幾個頭，佢都保護唔到我架啦，因為咁鬧左幾次交

根據阿媽講，我果時日日返到屋企就關埋門，成日msn佢地（我冇咩記憶，可能阿媽傷得太重），依家我有d後悔，如果冇成日了左出去可能會讀得成書....

不過同我同級既男仔同學，成日一有時間就去打波，到左依家２０幾歲，都仲有一齊打波，佢地之間既友誼絕對唔係女仔出黎講人事飛，行街買野食飯果種，當中佢地有人讀左大學，有人讀左diploma等，就算讀唔成書都冇話係壞人（我間中學品行都好好的）

所以我覺得只要你個仔自己搞得店學業，你就慢慢等佢出去交下朋友，你寧靜佢日日呢係屋企打機，大個唔識同人溝通定係識好多朋友，起碼識得待人處事呀？

有一日佢去娶老婆你咪仲傷心?