回覆：我咁樣做會唔會好衰？
真係好感激你哋嘅回覆、意見同建議。
因為我個人好易心軟，有時都唔知係咪自己太自私，所以開咗個post問意見！
有位jm講得啱，6299經常都會將快樂建築喺我痛苦之上。
So，我成日同老公講，我同99絕對相處唔嚟，如果佢要嚟，結果真係會不堪設想。
有位jm講中咗，當年老公真係因為唔想同佢哋逼喺一間屋，所以自己出嚟搵工，自己儲錢買屋。
有次62同我講佢細新抱就快過嚟美國，我多口問咗句咁住邊？佢就話到時先算，我話又到時先算？我就講有啲嘢要一早計劃好，到時先諗就遲了。佢就話當年有諗過，有計劃過，佢所謂嘅計劃就係：
責怪老公當年唔攞錢番去同佢夾錢買屋，買三層嘅，咁就可以三兄弟一人一層（我聽到62所講嘅計劃覺得好可笑）。我問番老公，的確有呢回事，但老公話佢先唔會咁傻，而家一個人住間大屋不知幾舒服，點解要同佢夾錢買屋，仲要一人一層？
有位jm話試探99，我唔需要試探已經畀佢吓咗一驚。
我而家有咗5個幾月，佢打算過嚟湊孫，我心諗，有個人幫下手好好多，所以問佢諗住幾時過嚟，等老公嗰邊假期又好安排，心諗老公可以唔使請咁多無薪假。99就話幾時都得，睇我安排，跟住話辭職唔做嚟幫我手都可以，到時再番去可以再搵過份工做。
我聽到呢度個人好似“叮“一聲，醒咗！辭職唔做？咁容乜易住落唔走？我馬上轉態講：“咁啊，我都要同老公商量下先再復你，因為又要就老公嘅假期。“ 跟住99都話ok！
再講，老公成日話8掛問下99細仔一家到時住邊？我話你問嚟做乜？難道你想畀間房人哋住？So，我唔想老公問咁多關於佢哋住邊嘅問題，我怕畀位人入。
5W1D，無胃口，瞓5好，肚好似M痛，體重輕咗1磅!
發表於 
返回列表
