自由講場今日: 2394|主題: 1349413

收藏本版

發帖

返回列表

跳至頁

查看: 217 | 回覆: 0

王力宏岳母居然疑捲入南僑地溝油事 [複製鏈接]

CACACAROL

珍珠宮

積分: 37509

1^#

發表於 14-10-16 12:09 |只看該作者 |倒序瀏覽 |打印

http://hk.apple.nextmedia.com/enews/realtime/20141016/53023581

據台灣媒體報道指今年15號，有傳南僑化學工業桃園廠，疑以食用油混工業用油，又再爆出製黑心油事件。點知今日王力宏嘅岳母李瑤敏被爆係該公司嘅顧問，兼被指係陳飛龍嘅紅粉知己，涉及地溝油案。

王力宏去年11月閃娶李靚蕾震撼中港台，外界都好奇點解王力宏要保密李靚蕾嘅背景，原來岳母背景一啲都唔簡單。王力宏今年7月先升格當爸，李靚蕾幫佢生咗囡囡王嘉莉，王力宏都維持一貫低調作風，依家岳母居然疑捲入南僑食安風暴。

南僑董事長陳飛龍今年1月被台灣媒體，影到佢同王力宏嘅岳母李瑤敏多次一齊現身，更有傳李瑤敏與陳飛龍「交情」不淺。

報道表示，去年12月27號，陳飛龍當時因髖關骨受傷行動不便，李瑤敏一直細心照顧佢，陪佢去友人聚餐，兼熟絡到揸埋陳飛龍嘅車，仲同陳飛龍一齊返李瑤敏位於仁愛鳳翔嘅住處。

元旦當日，陳飛龍一手攞拄拐杖、一手搭住李瑤敏嘅肩膀，一齊去髮廊。該報道指，陳飛龍當時回應：「李靚蕾就是李瑤敏的女兒！李瑤敏是南僑的顧問，也是供應商。」即係今次疑製黑心油事件，王力宏岳母都涉案其中。

據知李瑤敏年約50多歲，曾做過影星，1990年曾同萬梓良、關之琳合演電影《喋血風雲》，報道又指，佢同日本人生咗李靚蕾，因此李靚蕾有日文名字叫「西村美智子」，南僑內部員工都叫李瑤敏做「李顧問」。

據該報道調查，李瑤敏多年前同名模洪曉蕾老公王世均嘅姊姊，因為店面買賣糾紛鬧上法院，該報道訪問王世均，他回憶李瑤敏為人道：「只見過李瑤敏兩次，她保養得宜，低調話少，來都有司機接送，也有不少房產。」王世均更表示，睇報道才知佢係王力宏岳母。

報道指，就傳岳母涉「黑心油」一事，日前曾問王力宏嘅經理人，不過經理人稱搵唔到王力宏，表示：「力宏最近為年底發行的新專輯閉關錄音，此事與力宏無關，所以不予回應。」