吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 入住十六浦經驗分享

親子旅遊今日: 1|主題: 161643

收藏本版

發帖

返回列表

跳至頁

查看: 2698 | 回覆: 16

[澳門] 入住十六浦經驗分享 [複製鏈接]

wingtam91

大宅

積分: 3570

1^#

發表於 14-7-8 11:21 |只看該作者 |倒序瀏覽 |打印

本帖最後由 wingtam91 於 14-7-8 12:15 編輯

我星期日住完十六浦返黎喇！可以分享下我既經驗！

正如其他JM所講，佢既Shuttle bus 真係好唔掂，因為班次疏同係細車。
我地一行九人(連埋一個2歲B)，落船就即行去車站，好彩早過其他人去排隊，唔係真係要等幾班先上到，佢地d車真係好準時15分鐘先一班架！唔會話多人就開多幾班，仲要係個d 22座位既車，我地前面已經排左8個人，加埋我地上埋車，排我地後面個d人根本都無位甘濟了！不過我知點解佢唔用大車，因為佢架車係酒店大堂上落客，而酒店大堂要兜上二樓，上二樓個條路係好窄，大車係入唔到的。不過如果係來往關閘個邊就係大巴黎既！

至於酒店Check In，我地一點去到，排隊Check In 時 d 職員都話要3點先會有房，不過當我地行到埋去櫃台時，我同佢講話有個小朋友，可唔可以早d比房，佢地都好好甘即刻安排左我地上房。佢地仲Sale我地加多$2500將兩間房轉做總統套房，有一廳兩房、有按摩池同出面有個總統套房住客專用泳池，佢話原價要$2x,xxx的，而家好優惠。不過我地都無要到，因為都係諗住試下住左普通房先。(不過之前都聽過有JM去到有得免費Upgrade做行政套房同總統套房！)

入到房間，都覺得好ok！入到去都覺得好舒服！景係望城市景，望到新葡京呀、大三巴甘，都好正。而我個女就係酒店房張床度跳跳摘好開心！廁所係有浴缸同有企缸，感覺都好乾淨！仲有佢電視有個台叫"Baby TV"，我個女睇得好開心！

而食野方面，我地Check In 後去左酒店既18樓飲茶，佢地比左間房我地，有電視睇，係無最低消費的。我地叫左D點心、叫左兩碟炒粉麵，一碗湯粉，埋單8大1B都係8xx，我覺得價錢都合理，比平時係香港既美X集團飲茶仲平！

之後我地去左泳池游水，雖然泳池唔算好大，但因為都唔多人，同埋都係指在同小朋友玩下水，所以都覺得好舒服。我個女游到唔肯走。而游池仲有個池畔酒吧仔，可以Order飲品，佢張單會計落酒店房度，不過都幾貴，飲左一杯凍啡同凍0茶盛惠$106。

本來打算去大三巴行下，不過天氣太熱，最後都係無行到，改左係酒店游水同係房到Hea。不過晚飯就去左新馬路個邊吃飯，行過去唔算好辛苦，可能因為太陽開始落山無甘熱，但我估如果中午抱埋個小朋友行，一定行到癡肺！而係行去新馬路其間，見到有條街叫「懷舊食街」，見到有好多燒烤檔係度，本來想再夜D去試下，不過最後都無去到！

至於個賭場，佢1樓個賭場係可以食煙，同埋都好多人，個感覺都真係唔太好，d路比較窄，又多人，好似周圍都係疊馬仔甘搞到我都唔敢自己一個人行。不過去二樓就好好多，佢個度唔食煙的，所以都無甘多人，而佢有部大細機，只係5蚊一鋪好鬼掋！所以我都係度玩左陣，而我覺得佢個賭場都係本地人玩多，都係d阿叔同師奶係度玩！我估可能因為近舊區掛，d街坊黎呢度玩！

之後到第日既自助早餐，食物種類都算多，味道都可以。不過因為我地訓到十點先落去，佢食到11點咋，所以無得慢慢嘆！
本來想問佢可唔可以比我地遲多少少Check Out，佢話正常係11點，最遲可以12點，我地再求佢，佢地話最遲最遲12:30。呢方面雖然酒店比我地係人情唔比係道理，但我上年住喜來登，佢自動比我地可以2:00 Check Out，所以就有比較喇！

但其實總括黎講呢，我覺得間酒店其實都好既，地點算方便(我指如果唔使抱住小朋友烈日當空之下行)，酒店房間乾淨企理，景觀開揚(haha，好似賣樓甘)，係真係d Shuttle bus 要改善班次！

0 1 0

私人傳訊

前世今生

男爵府

積分: 6595

2^#

發表於 14-7-8 15:02 |只看該作者

引用：我星期日住完十六浦返黎喇！可以分享下我既

原帖由 wingtam91 於 14-07-08 發表
本帖最後由 wingtam91 於 14-7-8 12:15 編輯

我星期日住完十六浦返黎喇！可以分享下我既經驗！

9個人訓2間房唔逼咩？
雖然張床係比較大張啲，但感覺都幾逼下

私人傳訊

wingtam91

大宅

積分: 3570

3^#

發表於 14-7-8 16:08 |只看該作者

回覆前世今生的帖子

唉呀，其實唔係住9個人，連埋小朋友係得5個人住兩間房，因為有D人係無過夜既！

私人傳訊

iriswook

公爵府

積分: 28877

大廚勳章畀面勳章 BK猜猜猜慶中秋 BK Milk勳章

4^#

發表於 14-7-8 16:12 |只看該作者

回覆 wingtam91 的帖子

酒店等車位置又焗熱又耐，佢架shuttle又只可以來回港澳，上次我氹仔落船先知冇車搭，同埋夜晚附近太靜又得間7仔，相比覺得住銀河果邊方便好多

私人傳訊

wingtam91

大宅

積分: 3570

5^#

發表於 14-7-8 16:39 |只看該作者

係呀，銀河個邊既感覺就安全D同方便D，因為始終都係遊客區。
而十六浦如果去新馬路個邊就方便，因為始終個邊得呢間酒店叫做比較靚D。

私人傳訊

旻昊bb

大宅

積分: 2718

6^#

發表於 14-7-9 00:10 |只看該作者

我住親D酒店都自動LATE CHECK OUT，不用主動提出。

我次次等前台打電話來先起，通常打得黎都12點，CALL上來都好有禮貌問係咪續房，我咪話唔好意思，房間太舒服喇，唔知醒~!加埋梳洗時間通常1點走都無問題。

其實11點前後係CHECK OUT高峰期，前台唔會有時間CHECK邊間房未走，所以唔會咁早理住，等做完CHECK OUT人潮，就會CALL上房。

特別係喜來登，因為成3000千幾間房，跟本做唔切，我試過3點先慢慢CHECK OUT~!