吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我覺得自己好無能

夫婦情感今日: 2|主題: 42727

收藏本版

發帖

返回列表

跳至頁

查看: 1787 | 回覆: 17

我覺得自己好無能 [複製鏈接]

蛋撻

大宅

積分: 4800

1^#

發表於 08-3-5 11:38 |只看該作者 |倒序瀏覽 |打印

我從來都唔諗住結婚生仔，但同我老公拍拖後個幾月就決定結婚，舊年二月結左婚，個幾月之後，係冇計劃之下有左bb，而家生左兩個月啦，有人幫手湊，產假都就放完。

我自己就成日唔開心，好擔心自已湊bb湊唔好﹙其實已有人幫我架啦，我初頭見到bb都唔敢掂，而家都叫識得抱佢，同佢沖涼﹚，大d又唔知點教佢﹙自已過左30歲都唔夠成熟又懦弱﹚，最大問題係仲好嚮往以前無驅無束既生活，放左工做乜都得。身邊既人包括老公都錫我，但我覺得冇人明白我...而家我竟然唔想同老公傾計，佢隻手一到掂我我就彈開...人地見到bb就開心，但我覺得bb係我既責任，我仲未接受到"媽媽"呢個角色....我望住bb，覺得佢好可憐，有個咁不負責任又無能既亞媽...

0 0 0

私人傳訊

SnowMLion

禁止訪問

積分: 100

2^#

發表於 08-3-5 11:48 |只看該作者

提示: 作者被禁止或刪除內容自動屏蔽

私人傳訊

newcook

水晶宮

積分: 51366

2025勳章 2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

3^#

發表於 08-3-5 11:49 |只看該作者

你可能產後抑鬱, 快d去睇醫生~

私人傳訊

雲妮彭

伯爵府

積分: 19437

好媽媽勳章

4^#

發表於 08-3-5 12:16 |只看該作者

可能你係未有準備既情況下有左bb,
所以心理上未適應bb既來臨,
你呢種情緒係可以理解既.
不過既然bb已經出世了,
我諗你要開始慢慢調整自己各方面既生活方式了.
有左bb係辛苦,但亦有好多樂趣架,
唔好擔心太多,你話已經有人幫手,
老公又鍚你,你已經好幸福架喇....

如果你仲係適應唔到,
平伏唔到情緒,
就應該要搵專業人士輔導了.

私人傳訊

蛋撻

大宅

積分: 4800

5^#

發表於 08-3-5 13:22 |只看該作者

我身邊既人都話見到我唔開心，佢地都唔開心，而且我擔心太多，佢地都叫我得閒出去行下，放鬆下心情。開頭我個bb比我奶奶湊，但我係屋企發晒忟憎，加埋我亞媽同我老公講話奶奶做唔掂，奶奶頂我唔順叫我請工人，咁我就搵人幫手湊住，而家幫手要走，新工人仲有半個月先到，就搵我奶奶頂住兩個禮拜，好彩佢都肯黎。我奶奶成日話要教到個bb女入得廳堂，出得廚房，又話要帶個bb去show quali，唔知點解，我個心好驚...我好驚係人面前出醜，同埋我唔想帶bb出去見人...連朋友話黎睇bb我都話唔好黎。我又好擔心新工人唔知做得好唔好。我亞媽而家唔黎探我架啦，因為佢同奶奶無計傾架啦...有時我想一走了之，但bb冇左媽咪又好慘，而且我身邊既人又唔係對我唔好...我抱住bb唱歌時都會喊，點解咁少事我都處理唔到...

私人傳訊

cat503

別墅

積分: 766

6^#

發表於 08-3-5 14:07 |只看該作者

我想你可能喺患上產後抑鬱,我當初生大女時都有好多憂慮,放產假時無啦啦會喊!

我會將所以感受話俾我老公知(因為怕會做出傷害女女既傻事)然後又話俾健康院啲姑娘知,佢哋好好會同我傾,所以好快就無事!

你都要將心事同人講,佢哋會明白同體諒你的! 不要怕,我哋會支持你. 慢慢你就會享受做媽咪既樂趣!

私人傳訊

Ｆ３

大宅

積分: 2779

7^#

發表於 08-3-5 14:11 |只看該作者

我同你ｃａｓｅ有ｄ似，應該係產後抑鬱．快ｄ睇醫生！

私人傳訊

小必理痛

大宅

積分: 1366

8^#

發表於 08-3-5 14:18 |只看該作者

既然歷史嘅發展係妳已做人媽媽，就唔好諗番轉頭，過往快樂嘅時光要換另一個版本，如果唔係對自身會有不良嘅影響。

就好似我咁（我唔係女人），我之前係做政府工，工作好開心，同事又好，朝九晚五好準時，糧期又準又豐厚，心諗做死一世都抵。但人地一聲話Cut走個Team，要執包袱走人，對我真係一個大打擊。轉新工個陣，下下同上一份工做比較，做得好唔開心。但時間耐左，就發覺咁樣唔係辦法，唯有嘗試適應，而家都叫做好Ｄ。

人生就係咁，最快樂嘅時候就會遇著巨變。但時間唔會返轉頭，唯一能做嘅就係諗辦法適應，咁樣我地先會長大。

抱歉我冇講Ｄ安慰你嘅說話，不過希望樓主妳可以快Ｄ適應做媽媽，孩子需要妳的。

私人傳訊

雲妮彭

伯爵府

積分: 19437

好媽媽勳章

9^#

發表於 08-3-5 14:27 |只看該作者

係唔係因為99既說話,所以你覺得有壓力?其實,只要bb健健康康已經好好架喇,其他野,唔使奢求甘多啦,先照顧好佢先......有問題要同身邊既人傾呀,唔好自己諗埋一邊呀........遲d會好架喇!加油!

原文章由蛋撻於 08-3-5 13:22 發表
我身邊既人都話見到我唔開心，佢地都唔開心，而且我擔心太多，佢地都叫我得閒出去行下，放鬆下心情。開頭我個bb比我奶奶湊，但我係屋企發晒忟憎，加埋我亞媽同我老公講話奶奶做唔掂，奶奶頂我唔順叫我請工人，咁我就搵人幫手湊住，而家 ...

私人傳訊

KATRINE

子爵府

積分: 11902

10^#

發表於 08-3-5 14:56 |只看該作者

樓主你唔好再係度自己唸啦，快些搵吓人幫你，或你可去健康院故娘同佢哋傾，睇吓可以點幫你．

私人傳訊

吱仔與lo仔

珍珠宮

積分: 42723

好媽媽勳章

11^#

發表於 08-3-5 15:00 |只看該作者

我聽你咁講都覺得你可能有產後抑鬱, 快D睇醫生/返母嬰院搵姑娘幫吓你手, 有好多產婦生完BB都會有咁情況架, 唔駛驚的

私人傳訊

蛋撻

大宅

積分: 4800

12^#

發表於 08-3-5 17:13 |只看該作者

我同我老公講，講得多佢覺得煩啊。我話佢聽我有問題，但我唔知係咩問題令到自己咁唔開心，佢話知道自已有問題就去"改"啦，梗係啦，佢話我同我亞媽夾埋趕左佢亞媽走丫嘛，一定係我錯晒啦!!!所以佢返到屋企，我都唔想同佢講多句。

我都知我唔應該成日諗返轉頭，咁係冇意思的。朋友亦話我聽需要時間適應。可能，以往既日子都無風無浪，經歷太少。

私人傳訊

gaga媽媽

禁止訪問

積分: 79

13^#

發表於 08-3-5 19:27 |只看該作者

提示: 作者被禁止或刪除內容自動屏蔽

私人傳訊

蛋撻

大宅

積分: 4800

14^#

發表於 08-3-5 21:36 |只看該作者

而家我變得好敏感，老公同奶奶講既野都唔岩聽...本來我欣賞老公識得慳錢，而家就覺得事事計算好鬼煩，奶奶既每一句說話又令我覺得佢睇我唔順眼...不過，多謝你地既鼓勵，我已約了輔導下星期傾下，希望可以搵出問題係邊。

私人傳訊

快樂

公爵府

積分: 27878

畀面勳章

15^#

發表於 08-3-5 23:04 |只看該作者

我都覺得你係!睇醫生好d wor!

原文章由 newcook 於 08-3-5 11:49 發表
你可能產後抑鬱, 快d去睇醫生~

私人傳訊

E@V

大宅

積分: 1312

16^#

發表於 08-3-6 03:12 |只看該作者

我估你有少少產後抑鬱呀!
我都係無準備情況下有佐bb..
其實個心一向打算有bb, 但係唔係意料之內的時間..
個心又開心, 又膽心..開頭知道個月成日喊..加上身體不適, 個腦成日唸想個bb 有事唔駛要!!

我都知有問題..所以慢慢改變自己諗法..
其實而家我都仲好膽心o架..不過成日諗住..慢慢黎, 遲d 上埋course 我就好好多喇!

加油呀!! 你去睇下輔導, 再認真同老公傾下! 因為佢的支持好重要的!

私人傳訊

kasumi4101979

複式洋房

積分: 438

17^#

發表於 08-3-6 03:41 |只看該作者

加油丫~你只要同d外人(即係姑娘,社工果d)傾下~講下自己ge感受....心情同情緒都會好好多~佢又唔識你...唔會傾完講你是非丫ma....

我之前都係咁丫~我同老公有左bb先結婚ga..
住ge地方天南地北...加上我返工ge地方又近自己娘家...入佢門之前..成日嘈交...突然去咁遠住...搭車返工都唔方便...我自己真係好唔慣又唔識應...就成日發脾氣又喊~好彩有d姑娘同我傾下咋~教我有左bb會有ge變化丫...或者點樣處理同老公ge關係會更好丫...傾完真係好好多...我次次去都要見姑娘ga...

之後生左bb..比99湊~自己又餵人奶...
可能全家都唔慣多左個新成員啦~
好多說話聽ga...都好辛苦..自己又坐月..
新手mami係咁ga啦~

慢慢黎啦~

希望你一家人開開心心啦~加油