婆媳關係 今日: 0 | 主題: 27767

積分: 15603

1^#

發表於 14-7-18 23:56 |只看該作者 |倒序瀏覽 |打印

屋企一向係中產，俾敗家阿哥敗到變基層。阿媽一向重男，但對我都好好，所以一向感情都好好。

其實我媽係24孝阿媽，由細就幫我地打點一齊，舖好路。阿哥出國讀書唔成，返嚟呃咗好幾次學費去玩，之後又欠債，阿媽仲出外打工幫佢還，阿哥結婚買樓，佢出錢出力，打點一齊，基本上阿哥只係拎件衫就入得去住。期間仲成日上去當工人，清潔、洗衫、煮飯！到離婚賣樓，又因還債，無錢剩！又幫佢响屋企附近租樓，繼續做工人生涯。直到我打算結婚，搬出去，佢就叫阿哥返去住，貼身做工人，直到近呢一年，佢有新女友，進駐入我家，我媽竟然仲要幫佢洗埋底褲，當然呢件事，我咆哮啦。。。

我由大學開始，因為老豆一句話要幫佢親細佬還債，我自己借學費，自己做part time供自己。一出嚟做嘢，就俾一半人工做家用，工作順利，好快就升職加人工，每月8千養家，但後來因病，換咗份比較人工低但舒服啲的工作，都每月4千，另外過節/part time賺到，再添啲家用。

其實暗湧就响我打算結婚搬出去開始。。。

0 1 0

私人傳訊

積分: 15603

2^#

發表於 14-7-19 00:17 |只看該作者

回覆：好唔開心：估唔到同阿媽會變到咁。。。

其實暗湧就响我打算結婚搬出去開始。。。

講真當時，我同當時男朋友，即而家老公，都有共識，唔會租貴，因為仲要儲錢結婚及買樓。。。。

睇咗同區都無可能符合到budget, 所以去咗隔離2區，終於揾到比較舊，但符合價錢的屋。。。但我媽就嬲，覺得我唔應該搬去啲咁舊的地方，同埋我地睇樓無叫佢一齊。但最後我同老公落手落腳油過間屋，同擺好啲傢私，佢先接受。。。

之後，佢又想上嚟做家務，但我同佢講，家務我同老公會做，你可隨便上來沖杯茶飲，睇下電視，休息下喎。。。同埋，可以早啲話我知，我放工回來煮埋飯你食吖。結果，佢唔開心。。。因為佢一直覺得我地無咗佢生活會一團糟，一定要揾佢幫手。。。

其實，我想講我都大個啦。點解你仲覺得我咩都唔識呢。。。我又唔係敗家阿哥，用到你盡，係咪用到你盡，你先有存在價值，但你辛苦，我只想你享下清福啫。。。

私人傳訊

積分: 15603

3^#

發表於 14-7-19 00:27 |只看該作者

回覆：好唔開心：估唔到同阿媽會變到咁。。。

再到我結婚。。。

其實我做嘢一向好好，所以結婚嘅嘢，對我嚟講係無難度，統籌事項上有板有眼！

我做法係我先做好research，再逐樣問佢意見，連過大禮每個細項，到訂酒樓，要幾多餅咭，咩類型餅咭都一一分析俾佢聽，再俾佢選擇，但佢又唔開心。。。因為我做好哂，佢又覺得自己無用。。。

其實，我地結婚，唔係應該我地攪咩。。。

私人傳訊

積分: 15603

4^#

發表於 14-7-19 00:29 |只看該作者

引用：再到我結婚。。。其實我做嘢一向好好，所以

原帖由 Gopher_Lo 於 14-07-19 發表
再到我結婚。。。

其實我做嘢一向好好，所以結婚嘅嘢，對我嚟講係無難度，統籌事項上有板有眼！

我地已經做好調查，之後你可輕鬆選你喜歡嘅，唔係更好咩。。。同埋，你講嘅，我地都會跟你意見做，咁仲想點。。。

私人傳訊

mamacolly

積分: 3686

5^#

發表於 14-7-19 00:40 |只看該作者

回覆：好唔開心：估唔到同阿媽會變到咁。。。

養兒100歲，長憂99⋯其實你唔洗唔開心，有好多人都無媽媽關心～只需俾佢慢慢放開手，一時未習慣你獨立jei⋯到佢放心你時，你可以再說服佢放手阿哥

點評

Gopher_Lo 其實我地都唔細, 我哥41, 我35, 應該係已經好獨立, 比佢享福囉... 發表於 14-7-19 15:36

私人傳訊

積分: 15603

6^#

發表於 14-7-19 00:42 |只看該作者

回覆：好唔開心：估唔到同阿媽會變到咁。。。

最後，我覺得咁樣，可能佢會覺得投入度唔夠，所以我都試過改變我個模式。。。

就係扮低能，同佢講我唔夠時間揾套紅色睡衣，請阿媽幫我揾，因為我皮膚一向較敏感，唔可以著質地太差嘅衫，我媽係知嘅。。。

當然，佢收到order，梗係好開心啦。。。但係我就唔開心喇。。。佢一日5、6、7、8個電話同我講佢啲朋友嘅女响邊度買，到佢出去買嗰日，佢明明話約咗朋友去行，而我當日其實都做緊其他嘢。。。最後佢要我突然要放下其他嘢，搭的士去揾佢，因為佢已揾到最啱我嘅紅睡衣，要我即刻去試

私人傳訊

ac320

男爵府

積分: 7324

育兒性格勳章

7^#

發表於 14-7-19 00:49 |只看該作者

引用：再到我結婚。。。其實我做嘢一向好好，所以

原帖由 Gopher_Lo 於 14-07-19 發表
再到我結婚。。。

其實我做嘢一向好好，所以結婚嘅嘢，對我嚟講係無難度，統籌事項上有板有眼！

我都有同樣經驗

點評

Gopher_Lo

發表於 14-7-19 15:37

私人傳訊

積分: 15603

8^#

發表於 14-7-19 01:04 |只看該作者

回覆：好唔開心：估唔到同阿媽會變到咁。。。

去到結婚嗰日，講真，新娘真係好忙去招呼賓客。照顧阿爸阿媽的重任當然係俾咗我阿哥啦。。。（其實我之前問過我媽使唔使揾我的中學同學過去我娘家幫手，但我媽堅持唔使），結果，當日我哥就瞓咗，遲大到，我媽就無人陪，黑哂面，但我在酒樓真係好忙，還好我仲有啲好好的中學同學，一早就到，我臨時揾咗佢地幫手做“陪客”咋。。。

至於整個婚禮，我阿哥都係做低頭族或者失蹤咗去食煙，所以無人招呼女家親戚，我老豆行動又不便，唉！

最後要男家揾個表哥幫手先得，但之後我爆返我哥，我媽仲覺係我安排不當

私人傳訊

積分: 15603

9^#

發表於 14-7-19 01:17 |只看該作者

回覆：好唔開心：估唔到同阿媽會變到咁。。。

之後好快我就有咗，佢一直都話要俾佢湊，開始時，我都諗，佢後生時就幫人湊小朋友，經驗咁好，我再請個工人俾佢，幫佢做家務，應該更好，可惜，原來我咁想，係我太天真喇！

私人傳訊

RockMusicLover

男爵府

積分: 6077

10^#

發表於 14-7-19 01:22 |只看該作者

引用：之後好快我就有咗，佢一直都話要俾佢湊，開

原帖由 Gopher_Lo 於 14-07-19 發表
之後好快我就有咗，佢一直都話要俾佢湊，開始時，我都諗，佢後生時就幫人湊小朋友，經驗咁好，我再請個工人 ...

唔通變左你媽湊仔，工人專服侍你哥？

點評

Gopher_Lo 呢個容後再解, 不過都雖不中, 亦不遠了.... 發表於 14-7-19 15:37

私人傳訊

micling

子爵府

積分: 12620

11^#

發表於 14-7-19 01:23 |只看該作者

回覆：Gopher_Lo 的帖子

追 post

私人傳訊

sugarlog

積分: 1247

12^#

發表於 14-7-19 01:24 |只看該作者

回覆：好唔開心：估唔到同阿媽會變到咁。。。

追丫

私人傳訊

pusalhy

別墅

積分: 848

13^#

發表於 14-7-19 01:29 |只看該作者

回覆：好唔開心：估唔到同阿媽會變到咁。。。

追

私人傳訊

小苦妹妹

積分: 3066

14^#

發表於 14-7-19 01:29 |只看該作者

回覆：好唔開心：估唔到同阿媽會變到咁。。。

追

私人傳訊

yayukicheung

禁止訪問

積分: 10178

15^#

發表於 14-7-19 02:05 |只看該作者

回覆：好唔開心：估唔到同阿媽會變到咁。。。

提示: 作者被禁止或刪除內容自動屏蔽

私人傳訊

積分: 15603

16^#

發表於 14-7-19 02:12 |只看該作者

回覆：好唔開心：估唔到同阿媽會變到咁。。。

有咗，當然個個都開心。。。咁我同老公都想生女，但阿媽當然想係仔，最後知道咗係仔時，我心情勁down，但佢地個個都好開心，只有自己匿埋喊！最後都係老公同我2個一齊睇開咗！

咁bb物資有好多都係朋友俾，因為一來環保，二來我地真係想慳啲，因為仲有一關係買樓，我地真係唔可以無節制咁買bb嘢！其實啲bb床、車仔、玩具，真係有如一手咁新淨，但我媽就日日話我對個仔唔好。。。bb衫仔，又有贈品、又有朋友俾，真係唔使買咁多，因為次次行街，佢都係咁買，但我真係想講，其實呢啲真係可以慳返少少，因為我地已經唔係以前咁多錢的中產家庭喇！但次次話唔好買住，佢就嬲，我已經解釋bb都未出世，可以等到bb展及吉之島大減價時先買，佢就會嬲！

到真係bb展及大減價時，我約佢去買嘢，佢又會唔出嚟，咁我唯有自己去買啦！唉！買完又俾佢話我自把自為。。。

到懷孕後期，我個人經常好倦，所以已經無咩返娘家食飯，因為想放工快啲返屋企瞓，記得嗰時真係晚上9點瞓到朝早8點返工，其實瞓咁耐都唔夠，我估係因為成日都要起身去廁所。。。當然我媽繼續都係嬲！嬲我唔返去食飯

私人傳訊

energy5458

別墅

積分: 697

17^#

發表於 14-7-19 02:23 |只看該作者

回覆：好唔開心：估唔到同阿媽會變到咁。。。

追

私人傳訊

積分: 15603

18^#

發表於 14-7-19 02:47 |只看該作者

回覆：好唔開心：估唔到同阿媽會變到咁。。。

到bb出世。。。响我媽度坐月，我真係坐到喊！首先，我都係想試人奶，除咗埋身，我當然會再pump，希望快啲上奶！

但係老一輩真係講極都唔明，我個奶pump用完，我想即洗即烚，等我可再用，因為一日都會用3-4次。但佢唔想，一來怕我辛苦，二來覺得麻煩，三來覺得無需要

咁我咪自己洗囉！又俾佢鬧！當然我明佢鬧我都係錫我，怕我濕水！但我個奶pump點先。。。日日就為個奶pump而鬧得唔開心。。。

每晚bb一喊，佢就彈起身，講咗好多次湊初生好辛苦，夜更我負責，早更佢負責，咁樣大家都有足夠時間休息，但佢偏偏夜晚都要起身，最後佢病咗。。。之後先死死氣聽我安排！

工人一事，就更加煩！阿媽一把年紀，真係無可能又湊孫，又照顧阿爸，同埋照顧大少爺阿哥，所以我一直話要請工人，但佢當然係同我唱反調喇。。。覺得我side錢！

其實經過咁多次中招，我今次決定hold住，我要俾阿媽知道工人的重要性，所以我特登唔請住，等佢捱下先，等到我預產期前1個月左右先去請，咁工人就會响bb滿月之後先到，當然佢捱不到我滿月，已經好期待工人嚟啦！

新工人嚟咗，可惜比較差，而阿媽亦唔係好識指揮人做嘢，所以唔係咁夾到。最後，因為一件黑心事件，所以炒咗！當然，佢又講唔使用工人，但根本佢捱唔住，唔夠2星期就講，都係請返工人。。。

好彩我呢個agent都算係有良心的，發生黑心事件之後，我唔計較，賠足錢請工人走，佢亦好好，話非常唔好意思，唔收agent fee俾我再選工人。原本呢個offer，佢係一口拒絕，仲當住agent話以後都唔請工人，好彩我兜住。2星期之後，我就同agent講要請返工人，而且好彩剛好有個完約的，所以試工後，ok就請咗！

只係工人事件，來來回回，我玩咗半年！

私人傳訊

姬絲丁Ding

積分: 3667

19^#

發表於 14-7-19 03:00 |只看該作者

回覆：好唔開心：估唔到同阿媽會變到咁。。。

有d父母年紀越大越癡自己仔女，你都24孝女！

點評

Gopher_Lo 但-240的仔就一次又一次比佢呃都唔嬲, 仲要一次又一次咁比機會佢... 發表於 14-7-19 15:45

Gopher_Lo 我明佢地需要我, 但我唔明點解我做到24孝, 佢地都要嬲我... 發表於 14-7-19 15:44

私人傳訊