單親天地今日: 0|主題: 18367

收藏本版

發帖

返回列表

跳至頁

查看: 1428 | 回覆: 6

如何走出傷痛 [複製鏈接]

nga.ngai

別墅

積分: 977

1^#

發表於 14-10-30 08:21 |只看該作者 |倒序瀏覽 |打印

我今年28歲，bb差不多4個月，而家係ftm，果時係有左先結婚，現在相方已協議好分開，目前仲係一齊住，但我已四出搵屋。事情這幾天才發生，感覺真係好崩潰，相信只用經歷過的jm先會明白呢個感覺，我知道呢個只係一個過渡期，但每當夜欄人靜個人就特別空虛，心口像被大石壓著一樣，情緒起伏不定。bb會跟我，其實我都係不幸中的大幸，媽咪會跟住我，個衰人現階段金錢上都繼續支援我，暫時都無需要為呢樣野煩惱，佢都好錫bb亦都想佢過啲比較好既生活，婚姻失敗只係我倆的事，佢始終係bb爸爸，佢亦都想繼續擔當呢個角色，而我都想係咁，所以我地都會保持良好關係，但呢段時間真係有矛盾位，我對佢仲有感覺，保持關係會令我好難走出呢個圈圈

0 0 0

私人傳訊

erniec

大宅

積分: 3676

2^#

發表於 14-10-30 09:40 |只看該作者

回覆 nga.ngai 的帖子

我都係攪緊離婚，不過C6七年前第一次同我講有小三，果時仲未有阿囝，半年之後係番埋一齊，有埋囝，但最終我地係阿囝未夠3歲時分居，一分就3年，我地分居關係比前好左，多左溝通，仲成日一家去旅行，所以分居對囝都無咩影響。其實我一直都無問佢係咩仲有同小三一齊，因根本我理唔到，見佢對囝都OK，我就算，直至呢2個月，佢又開始成日黑面，心情奇差，問佢咩事，佢就同我講要為自己將來打算，又話唔想第日得一個人生活，唉!我知係時候正式攪離婚，我以為都分開左幾年，果種痛應該都唔會好大，點知真係仲會痛，因為由拍拖到宜家都廿年，佢亦係我第一個男人，可能係分開呢幾年佢俾左唔少wrong signals我，同埋佢正式離婚之後就可以光明正大咁拖住個小三出街，宜家仲要同我講分資產，分左分分鐘係拎黎同個小三過新生活，個感覺真係好難受，我真係好唔想再見到佢/佢地，但因為有阿囝，我又唔可能唔俾佢地見，阿囝宜家6歲，都開始識問點解我地要同爸爸分開住，佢成日開口埋口講一家三口，又同個老豆講平日都好掛住佢，但C6同我講佢會盡番爸爸既責任，但一定唔會為囝而放棄所有。我往後日子真係唔知點面對呢個人，佢成日都覺得係性格不合，和平分手，我都明咁佢會feel good，但事實係佢變心，自私，背棄左我同個家，我知我唔係果D再見亦是朋友既人，所以好痛苦，C6係我一個好大既傷口。