原文章由 super2046 於 08-3-20 00:09 發表 
請問通常知道有左之後…要點樣做呢？?
例如︰
1. 去睇私家醫生寫紙 (咁快要決定私家定政府生？) 去政府登記
2. …之後要做d乜呀？請教教我…幾時要預備野呢？又要預備d咩呢？定係乜都唔使理住…等遲d先算？咁幾時先要預備呢？ ...
(1) 去診所驗多次~拎懷孕証明書(即醫生紙)叫醫生宗2份~~一入俾健康院~一份俾公司(如果你有工作的話~有d副本都ok)
(2)早d去健康院登記~~要帶夫婦身份証/副本~~住址證明如水電費單~~醫生紙~~去之前打雹話問吓係家就近既健康院幾時有產檢既新症登記~因為間間健康院唔同~一般都係每星期得一日既上/下午有得登記~~以前d人話3個月~~而家要早~~我第一胎係4年幾前~~聽醫生講話3個月先去健康院~結果俾健康院d姑娘鬧都甩肺話我咁遲去~~!!去左健康院佢會安排你bb 9週大去醫院照超聲波~~
(3)早去健康院可以早d做其他檢查~例如唐氏綜合症test~~要喺bb11-13週既時候做~~過左有可能要做抽絨毛球/抽胎水~風驗高d~~健康院會有d指引~同埋可以去私家做或者唔做~~但如果年紀大就最好做啦~~同埋而家陀唐寶寶既媽咪年齡遞減~~check吓安心d~~
(4)你可先登記政府醫院先~~再諗係咪去私家生~~但c+就要早d排~~聽聞好難book~~book左政府萬一c+冇位都可以有產檢同有個期嘛~~而且就算c+生~~一樣可以去政府產檢~~但就唔好俾政府醫生知你自己有俾錢c+有做產檢(如果有的話)~因為政府醫生知你有做c+就好多野唔幫你做~~叫你去c+做~正常你第一胎~~政府醫院喺你9-12週會同你照超聲波一次睇胎兒同心跳~~之後19-廿零週會幫你照結構超聲波~~如果係35歲的話好似會免費照埋唐氏~~!!
(5)注意飲食~~多休息~~多飲水~~刺激性既食物可免側免~~唔會亂食葯~~唔舒服就睇醫生~醫生會處方孕婦可服用的葯~~但你一定要話佢知你有bb
p.s.你指既預備係d咩呢??嬰兒用品?如果係就等個胎有6-7個月先預備都唔遲~~但而家可以做的就係安排吓第日bb照顧既方法同人選~~里d就可以諗定~~吉之島每年大約3月同9月都有嬰兒用品展銷~~減價先買都唔遲~~!!
[ 本文章最後由 babymaggieleung 於 08-3-20 01:56 編輯 ]
http://hk.myblog.yahoo.com/snowy-tsang
歡迎參觀~~雪雪 & 釨鏸's Blog
[IMG]http://i278.photobucket.com/albums/kk114/babymaggieleung/BBB.jpg[/IMG]
發表於 
返回列表
