大仔大女媽媽會今日: 0|主題: 177860

收藏本版

發帖

返回列表

跳至頁

查看: 984 | 回覆: 0

[2008年] 陪月員 [複製鏈接]

MichelleLo1205

民房

積分: 3

1^#

發表於 08-3-19 21:31 |只看該作者 |倒序瀏覽 |打印

我係太古城既饒太,係2007年8月中生左第二個bb女,我已經有一個5歲大既仔仔,係我生呢個仔個時都有用過陪月,個時呀媽又唔得閒幫我,
咁我諗住搵中心介紹一個陪月幫我,初頭諗住又平又係中心介紹,有證書喎,實無死啦...點知呢個所謂陪月呀姐,黎到,咩都唔識咁,
又唔炒飯比我食,又無煲d補身既湯水比我飲,我問佢點解啦,點知佢答我,中心導師無教喎,咩都食得,唔使理喎...嘩,我當堂火都黎埋,搞錯呀
一心諗住中心個d會好啦,有培訓,有證書又有護理證書個d,點知,仲衰過乜,谷鬼氣,咪請左佢唔夠10,炒左佢算數,成個月咩都無補過,
咁我係生第2個女個時,個fd黎探我,見到我落曬型,問我搞乜黎,點解唔請陪月幫手.我咪一五一十講佢知,我之前請過個培訓既陪月個件事囉..
佢聽左都話有無搞錯呀,之後佢同我講,有個fd之前都係生左個仔,搵左個有15年老經驗既,叫影姐,話好好,初頭我都好驚..
(見過鬼都怕黑啦,點知佢得唔得)咁我就心大心細,但係我個fd就叫我即管試下啦
咁我就打電話去比影姐,將我之前既情型一五一十咁同佢講,之後佢就好好咁慢慢解釋比我知,我而家生第二個都可以係一百日內補返好個身體,
咁我就問佢得唔得閒,佢話無問題,之後我就請左影姐幫我啦,其實個時都好驚下,不過佢黎到個時,真係好專業,叫我用薑去沖涼,又煲代茶比我飲
炒薑飯啦,又清蒸雞既精華比我,叫我唔使去買個d雞精.話曬錢,咁我飲左,真係人都精神左@@好過飲保力達,咁之後佢仲慢慢去教我點樣去休息,
又教我點同bb沖涼,又用中藥慢慢調理我之前生第一個個時既身體不適,個時我真正深深咁相信..平野無好野,有證書都唔係一定得既道理,
仲有,老經驗先係陪月既精髓所在,而家我就將我既經歷,同大家講下,同埋覺位如果要請陪月既話,就要比較下,去請個有老經驗既點都會好d
我誠意向大家推薦(影姐:91631848)仲有.佢d姐妹都無問題,個個都有經驗既!!