吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 愛上你是我一生的錯???

夫婦情感今日: 8|主題: 42741

收藏本版

發帖

返回列表

跳至頁

查看: 2115 | 回覆: 15

愛上你是我一生的錯??? [複製鏈接]

Praetorian

民房

積分: 10

1^#

發表於 08-3-20 10:06 |只看該作者 |倒序瀏覽 |打印

我同我太太相識一年多之後結婚，至今結婚已一年多，現在她已有三個月身孕。眼見她和自己屋企人關係越來越差，在我眼中家人對她亦已十分遷就，但可能是大家性格問題吧，不知可時可日才會有轉好的跡象．．．．．

怪只怪當初自己太過心急結婚，現在家人卻要因為我的一個決定而事事遷就，吞聲忍氣。我現在十分無奈、痛苦及煩惱，我可以點做呀！！！！

0 0 0

私人傳訊

小麵麵

男爵府

積分: 6329

2^#

發表於 08-3-20 10:17 |只看該作者

你地一齊住?如果係既話搬出來對大家都好d,如果唔係一齊住既話,少d見lo,你話太太有左3個月,會唔會就係因為有左先係咁呢?有左bb情緒係唔同左,可能會差d,你一定要比多d關心佢,同太太傾多d開心事,一放假就行下街,睇下bb東西,買埋都好

,可能睇多bb既野,人都開心d,心情好d,唔好成日坐係屋企,人都傻.

私人傳訊

phoebie

大宅

積分: 3104

3^#

發表於 08-3-20 10:18 |只看該作者

你太太會唔會係有左之後脾氣至轉差?
你可以從佢身邊既朋友同佢d家人著手
叫你太太有咩唔開心先同呢d人講
咁會好d

mama:肥脾phoebie bb:纖腰冰(冰)

私人傳訊

Praetorian

民房

積分: 10

4^#

發表於 08-3-20 10:49 |只看該作者

其實係我地結婚之前佢都已經睇我屋企人唔順眼，之不過我諗結婚之後會好啲..........我自己真係太天真太傻.............

私人傳訊

juicypig

珍珠宮

積分: 30278

環保接龍勳章 hashtag影視迷勳章

5^#

發表於 08-3-20 11:06 |只看該作者

有無能力搬開住呀, 有時唔夾就係唔夾架喇

一個人之所以快樂,不是因為她擁有得多, 而是因為她計較得少

私人傳訊

honeybear0207

子爵府

積分: 11324

好媽媽勳章醒目開學勳章畀面勳章環保接龍勳章大廚勳章

6^#

發表於 08-3-20 11:12 |只看該作者

咁你都講結婚前佢都係咁，點解仲要結呢？有人迫你，唔娶佢，佢會自殺或者殺咗你？

諗一諗，結婚時你係應承咗人哋同人哋父母要照顧人哋一生一世，咁你就唔好諗住放棄佢，更可況佢依家仲有咗你個BB？

你剩係話佢睇你屋企人唔順眼，咁會唔會你哋都睇佢唔順眼先？

咁佢做過啲乜令你屋企人咁唔開心呀？

你哋先結婚一年幾，應該仲好SWEET先啱，你屋企人應該真係同你講咗好多你太太既不是先會令你對佢咁唔滿意！

你可以咁諗，佢嫁俾你唔係嫁俾你屋企人，佢愛你對你好咪得囉！點解一定要對你屋企人一樣好呢？當然，佢對你屋企人都好就最好啦！

會唔會你屋企人對佢太多要求呀？

如果你太太真係咁差，咁你可以用一樣態度對返佢既家人，等佢感受吓你既不滿，等佢人大知你有幾難做人囉！

原文章由 Praetorian 於 08-3-20 10:49 發表
其實係我地結婚之前佢都已經睇我屋企人唔順眼，之不過我諗結婚之後會好啲..........我自己真係太天真太傻.............

私人傳訊

梓軒媽咪

侯爵府

積分: 23569

好媽媽勳章醒目開學勳章畀面勳章環保接龍勳章

7^#

發表於 08-3-20 12:19 |只看該作者

吾好逃避問題唸下辦法去解決啦~
事出必有因!!你去了解下咩事先,吾好一黎就話愛錯對方!
你就黎做爸爸啦~將來bb出世0既問題重多!
吾止係大肚婆會有情緒化,就黎做爸b0既都會有,吾好比咁大壓力自己.bb出左世係就會覺得依家幾辛苦都係值得!!
你地不如放假出去行下,睇下bb野,話題多d感情都會好d!
加油ar!!

人就是如此!喜歡隨著環境轉變.是對是錯,當下覺得好玩就不顧後果!做了媽媽時常會大罵孩子的好奇.好勝心.但做媽媽的會否反醒自己也不是如此!

私人傳訊

紫水晶

複式洋房

積分: 372

8^#

發表於 08-3-20 12:49 |只看該作者

一開始你就應該同老婆講唔應該咁對你屋企人啦~
你老婆是否好大女人個種呢?
嘗試同老婆傾下叫佢唔好對你家人咁差囉~當係為左你.....
不過依家你老婆有左,就唔好剌激佢了!等生完baby先啦~

私人傳訊

阿藍2006

侯爵府

積分: 21473

好媽媽勳章畀面勳章

9^#

發表於 08-3-20 15:06 |只看該作者

既然你太太都有左bb,你地應該好好傾下
有左bb情緒都會差d,你試下同佢傾下啦,可能係有左bb而情勢唔好呢??

私人傳訊

onon1022

子爵府

積分: 12596

好媽媽勳章

10^#

發表於 08-3-20 15:09 |只看該作者

其實試下同你老婆傾下...佢對你屋企人有咩不滿...再解釋比佢聽...講出你既感受...

[ 本文章最後由 onon1022 於 08-3-20 15:10 編輯 ]

[url=http://lilypie.com][img]

私人傳訊

zxzx

伯爵府

積分: 17352

11^#

發表於 08-3-20 15:43 |只看該作者

其實唔知你地既真實情况,但表面睇來,你好似愛你屋企人多d喎! 如果唔係, 你都唔會話 "愛上你是我一生的錯??? ". 不如,你聽吓太太感受先la. 你屋企人當然對你好, 而就算佢地對你太太冇咁好, 你都唔會太覺, 因為你唔係當事人, 你唔會有太太那種感受, 呢樣野冇得怪你, 但你要中立, 而你眼見既又係咪真相呢? 好似我, 9962係我C6面前永遠對我好好, 但C6一走開, 9962就变面單打我批評我, 我一直提倡與人和平共處, 連我都忍唔到, 私下同C6講, 佢話9962對我好好, 咁呢个假象又真係佢眼見, 之不過佢只見到事實的一部分. 我唔係話你屋企人唔好, 但凡事有兩面睇, 你聽吓太太感受先la.

你知嗎, 因為我長期積壓 (受9962氣, 因為我冇反激,繼續對佢地好, 比佢地蝦), 終於情緒影响左身體 (不是情緒病, 不過因為長期積壓, 攪到d器官有事, 已１年了), 咁唔通我又同C6講"愛上你是我一生的錯??? " --- 因為你同你屋企人攪到我身體咁差咩?

其實你去"婆媳關係"睇吓, 就会有d啟發.

你既中間角色好重要, 你太太而家好需要你, 努力呀!

私人傳訊

快樂

公爵府

積分: 27878

畀面勳章

12^#

發表於 08-3-20 15:57 |只看該作者

有咩應該同老婆傾,成日將d唔開心0既嘢,收收埋埋,你老婆唔知,問題只會越來越大!當初你又要諗下你有幾愛佢,唔好而家先話愛錯!你老婆係有唔0岩!你可以慢慢同佢講,始終佢係你老婆係一個由你自己去選擇0黍組織小家庭0既人,又唔駛講到愛上你是一生的錯咁嚴重,比你老婆知你咁諗實好唔開心架,而家仲要有左你bb tim!試下慢慢同佢講下你感受,講下你夾0係家人同佢中間0既問題!

私人傳訊

phoebie

大宅

積分: 3104

13^#

發表於 08-3-20 16:22 |只看該作者

回覆 #11 zxzx 的文章

好同意你咁講
我99都係咁
所以一定要2公婆拎哂出黎講
佢唔同你開口
就你自己主動同佢傾囉
如果你話你愛錯佢
咁我大膽講句
佢亦幫錯你陀bb了

mama:肥脾phoebie bb:纖腰冰(冰)

私人傳訊

Praetorian

民房

積分: 10

14^#

發表於 08-3-20 17:32 |只看該作者

咁多位其實已經唔係同往都係咁先至唔開心。不過諗深一層，我太太雖然係一個大女人但係又好愛我嘅，如果唔係一個女人唔會幫個男人陀bb...........

有網友話我好似愛屋企人多過愛我太太。其實對屋企人嘅情同對太太嘅情根本就唔一樣，無得比較。之不過我覺得(亦知道)屋企人為咗唔想我煩好多嘢都無同我太太計較，但我太太就完全唔同，好小事都同我投訴，令到我好煩。有好多時係言語之間嘅小誤會諗住幫屋企人解釋下，大事化小，小事化無啦，又會比我太太話我幫佢地。所以經常會因為 e d 事嘈。

私人傳訊

zxzx

伯爵府

積分: 17352

15^#

發表於 08-3-20 20:54 |只看該作者

唉, 我諗你好心做壞事羅! 男人, 你知嗎, 你既態度好重要, 我諗你都係一名孝順仔, 我知你的中間角色唔易做, 但成與敗都取决於你, 佢地的問題都因為你之喎, 快d洗出你既外交大使手腕喇

. 我諗你地剛新婚, 頭三年都係磨合期, 而且你話佢地之前 (婚前)已經唔多妥, 凡事必有因. 例如我自己, 婚前同9962超好, 但一話結婚, 佢地就突然变面, 我什麼都突然变得唔好, 都唔知自己衰セ, 但我一樣照對佢地好, 因為冇人想同人過唔去架, 但吃力不討好. 而我地亦不是同9962住 (C6 意思), 但我卻成為罪人, 因為唔同9962住, 所以之後無論我做セ,9962都睇唔順眼, 係C6不在時, 我就受氣la. 我初時有同C6講, 我唔係要佢走去鬧番佢既屋企人, 我只係想佢聽我呻, 知道我受左委屈, 我只係要 empathy, not action. 如果你試過替你屋企人解釋而老婆又認為你幫住佢地, 咁你就要轉方法. 試下show你明白佢既感受 (empathy), 跟着氹番佢, 將呢d無得解決而又奇妙的婆媳關係四両拌千斤推走去. 坦白講,比着我, 我都会好似你老婆咁, 而且我諗你都幾attach to your family (同我C6結婚頭1年一樣), 男女大不同, 我地d女人, 只是想老公幫自己對自己好, 而唔係我同你講A, 你就against我講B, 如果我唔係有呢種A既感受, 我都唔会咁同你講la. 咁每个人既感受都唔同,唔可以話佢錯羅.

私人傳訊

ioi

伯爵府

積分: 16557

16^#

發表於 08-3-20 22:09 |只看該作者

我諗我老公會明白你的心境. 我只係同老爺住, 唔駛同奶奶住, 但自從BB出世後奶奶上黎幫手湊BB不出幾天, 我已經頂唔順發晒脾氣, 因為大家的生活方式, 溝通方式, 湊仔方式都完全唔同, 又乜都要理, 我簡直覺得佢侵佔我的地盤, 干預我的私隱. 自此之後, 我都唔想俾奶奶再上黎越幫越忙, 亦唔係好想去見佢和佢現任老公. 我老公就曾經有D怨言咁講: "如果結婚前你已經同我阿媽唔妥, 可能我唔會同你結婚." 我老公係孝順的人, 難怪佢咁諗. 但我覺得, 鍾意一個人唔一定會同佢屋企人夾得黎架喎, 雖然要愛屋及烏, 咁最多都係你不犯我, 我不犯你, 見面時客客氣氣就係啦, BB未出世前, 唔係成日見面, 都無問題的.

又例如我老公有個friend, 佢同前妻和女兒原本生活好地地, 後來搬左返男家住, 佢前妻同奶奶成日嘈, 最後離婚收場. 之後佢再結婚, 都係同男家屋企人一齊住, 初時都無問題, 後來BB出左世, 佢現任老婆都係一樣同奶奶唔妥, 最後要搬開住.

總括黎講, 要同對方屋企人住真係唔容易的, 為免小事化大, 最好都係分開住, 尤其是湊BB的問題通常新抱和奶奶的做法和立場都係好易生磨擦的, 奉勸你快D分開住. 如果你唔想麻煩到你屋企人搬, 好似要佢地就晒你老婆咁, 不如你和你老婆搬開啦.