心聲留言今日: 1|主題: 17526

收藏本版

發帖

返回列表

跳至頁

查看: 2095 | 回覆: 3

嬲嬲地..... [複製鏈接]

patpat234

水晶宮

積分: 64078

好媽媽勳章

1^#

發表於 04-4-6 02:07 |只看該作者

嬲嬲地.....

D人真係冇文化,比小小錢去買野就巴巴閉閉咁.....

事情係o係尋日星期日發生.我o係做sales o既,而我鋪頭o係賣公仔.尋日有個外國人,應該係美國黑人.佢帶埋兩個女o黎我公司買野,不過唔係我招呼佢.佢一入o黎就指住隻公仔問幾$$(本來都冇乜問題),
我同事就話"呢隻唔賣o架".
之後佢就開始有d發顛,"唔賣又show出o黎".
咁我同事又好好聲氣咁同佢講"sorry,因為呢隻公仔係壞o既,唔識喊,所以唔想妳賣隻壞o既公仔."
跟住佢又重複咁發顛,"壞o既又放出o黎".
爭論左一陣之後佢終於肯擺休睇其他款o既公仔.

過左一陣佢終於睇o岩.不過o係呢段期間,大概半個鐘,佢果兩個女將我貨架上o既display掃晒出黎,總之呢兩個細路可以觸摸到o既範圍都比佢地反轉.
我間鋪得兩個人,我同事又同佢收緊錢,咁我咁o岩手頭上o既客又sale完咁咪執返整齊個場law.(我已經有小小唔高興)
點知就係呢個時候佢其中一個女整爛左其中一隻公仔o既盒.咁我梗係即時攞起,而且同我同事講.之後我就將隻公仔擺埋一面.而我另一隻手又揸住另一隻公仔,正當我想放返上貨架之際,佢個女又走o黎搶,咁我咪舉高小小隻手等個小朋友攞唔到law.

跟住就精彩.佢就發晒顛咁問我發生咩事,又話我整到佢個女,又o係度勁鬧我.又問我如果我個女咁比人對待我會點.(我心諗如果我個小朋友去到人地o既地方,一定唔會有d咁o既事發生,因我一定唔會比我o既小朋友有幾會去返轉人地o既地方.)

之後佢見我唔彩佢,佢仲嬲,手上揸住一張捲住左o既紙不停咁一路向住我fing,一路鬧.而我就仍然唔理佢,心諗妳打我啦,我唔怕痛,但我可以即刻報警(其實都好衰,哈哈!)點知佢發多一陣顛就走.之後佢又返轉頭問我同事攞寫字樓電話話要投訢我.

好彩我公司有閉路,呢一日o既事寫字樓一定可以睇得清清楚楚.

「知足者，常樂也；不知足者，富亦憂。」

私人傳訊

carman_ay

禁止訪問

積分: 348

2^#

發表於 04-4-6 02:17 |只看該作者

Re: 嬲嬲地.....

提示: 作者被禁止或刪除內容自動屏蔽

私人傳訊

bandband

子爵府

積分: 11510

3^#

發表於 04-4-6 13:57 |只看該作者

Re: 嬲嬲地.....

好少鬼佬會咁野蠻架噃...我都係開舖頭既,有時見到啲師奶湊住兩個細真係唔睇實班細...有次我同你差唔多遭遇,個師奶入嚟問部焗油機,當我向佢講解嗰陣,佢個大仔(牛高馬大,至少八九歲)己經開始掃我場,一味响度郁我啲貨,咁我都仲忍佢,點知玩玩吓走咗去我display出嚟既風筒,隔離就係玻璃樽(護膚品),我想話佢,但係果刻始終都覺得係客人個仔,我無權話人地個仔,點知呢頭咁樣諗嗰頭個百厭仔就一野推跌我其中一支價值$580既眼霜~!好彩支野啲玻璃堅硬無比,高處墮下竟然無爛,但就己經嚇窒我同埋舖頭另一位客人,連果位客人都睇唔過眼細細聲話:"有無搞錯呀!"跟住我冷靜番少少好溫柔咁同個細路仔講話叫佢唔好周圍攪,啲野好易跌爛,

點知果位師奶(個百厭仔個亞媽)隨即高八度大大聲咁大我話:"由得佢囉!跌爛咗咪跌爛咗囉!(我忍住怒火仍然微笑住咁話:但係嗰支野好貴架...)跌爛咗咪買咗佢囉!" :-x 咁既亞媽/人都有!!!我同隔離另一位客人都不值佢所為一齊怒啤住佢同佢個大仔,知後我唔鬼理呢位師奶,走去sale番另一位客人,當呢兩母子離開我舖頭之後,呢位客人都即時忍唔住猛咁同我講:"都唔明佢生兩件嚟做乜既!又唔管又唔教,出街個仔咁樣搗亂人地啲野都唔阻止又唔睇實...(下刪數十句...)" :-x 總之就好頂唔順啦!之後我都有預過有小朋友走入我間舖度玩捉,响我唔夠二百呎既舖面度走嚟走去,出面個家長又係唔理!卒之第二次佢地又係咁入黎玩,我就好唔客氣咁同佢地個家長講:"唔該睇住班小朋友,佢地唔止一次入嚟玩捉,佢地咁細,我間舖又咁多掛鈎同雜貨响度,萬一佢地跌親俾掛鈎插到隻眼真係唔知怪到邊個囉!" :-x 個家長即時好唔好意思咁拉走兩個細路,係咁二話佢地兩句...