興趣嗜好 今日: 9 | 主題: 124393

積分: 1870

1^#

發表於 14-11-11 01:32 |只看該作者 |倒序瀏覽 |打印

我媽養咗隻貴婦狗三年，係我送比佢，我返咗媽咪度住咗三個星期，發覺佢依家越黎越衰，成日周圍痾尿，啲枱角，sofa腳，櫃前面，所有門口都痾，最近仲係廚房同我個女書包度痾，我養過三隻狗，冇一隻好似呢隻咁，教又唔聽，打又唔得，鬧又唔得，獎勵又試過，佢依家痾完，比我發現咗，仲要wu我，簡直惡哂，日日起身就發現好多地方都有尿，抹都抹到傻，真係唔知仲可以點教，我媽問過人，啲人話貴婦狗係咁，冇得教，係咪真架？

0 0 0

私人傳訊

積分: 2056

2^#

發表於 14-11-11 05:10 |只看該作者

三年......點解會忍倒三年禁犀利既呢......
唔係冇得教, 只係方法唔啱同唔夠堅持啫...

內在因素...
最好先為狗狗做絕育手術, 狗狗情緒會較容易冷靜, 因此學習上會較容易~

外在因素...簡單啲講就係教育~
養狗由第一天開始, 就必定要教狗狗正確位置大小便~
先為狗狗規劃可活動範圍~
減少狗狗犯錯(亂大小便)機會, 而範圍內要有狗廁所, 當狗狗痾中狗廁所時痾完嗰一刻未離開個廁所前就要讚同獎, 咁先係最好既獎賞時機!
獎賞次數越多, 越易學識~
所以點解成犬會難教啲, 係因為幼犬時一日可能會痾五六次, 但成犬後次數就會大減, 可能只有一至三次...
如果狗狗痾錯時曾被主人打/鬧過...狗狗會因想避免再受責罰而晌狗主視線範圍外時先痾, 咁相對就減少咗獎賞機會了!

狗狗亦會因情緒問題而亂大小便~(過度壓力, 過度興奮/激動, 焦慮, 安全感不足, 分離焦慮等等...)
就算學會咗正確位置痾, 都會因情緒影響而亂痾...
過分溺愛/寵愛, 用太多負面方法去對待狗狗(打/鬧/喝), 都會引起情緒問題...

所以, 狗狗亂大小便呢個問題, 如果只係單純地唔了解要晌正確位置痾, 就較容易解決~
但如果係因為情緒問題的話, 就要改掉以往既飼養/教養狗狗方法先可以解決倒個問題, 所以就較難~

私人傳訊

積分: 1870

3^#

發表於 14-11-11 10:46 |只看該作者

引用：三年......點解會忍倒三年禁犀利既呢......

原帖由 szehoitsang 於 14-11-11 發表
三年......點解會忍倒三年禁犀利既呢......
唔係冇得教, 只係方法唔啱同唔夠堅持啫...

已絕育。bb時曾用過獎勵方法，好過一排，然後又繼續這樣。我媽已經係唔話唔打，見到抹咗就算，仲就佢而鋪咗尿布係幾個地方，但佢仍然會係冇尿布既地方痾尿，我只係最近返去住，見到咁，忍無可忍post上黎。

私人傳訊

queenie26826803

積分: 1043

4^#

發表於 14-11-11 11:06 |只看該作者

回覆：隻狗係屋企周圍痾尿，可以點？

我隻10個月未教識我用左8in1廁所訓練劑又ok哦好左D 至少知係邊all 雖然仲有D吾準但愈來愈好你可去寵物店問下

私人傳訊

queenie26826803

積分: 1043

5^#

發表於 14-11-11 11:08 |只看該作者

回覆：隻狗係屋企周圍痾尿，可以點？

我養兩隻貴婦我發現一樣野就係打不得 -.- 我兩隻愈打愈衰佢all岩就獎佢屎岩一粒就獎一粒甘樣先好D炸

私人傳訊

積分: 1870

6^#

發表於 14-11-11 11:27 |只看該作者

引用：我隻10個月未教識我用左8in1廁所訓練劑又

原帖由 queenie26826803 於 14-11-11 發表
我隻10個月未教識我用左8in1廁所訓練劑又ok哦好左D 至少知係邊all 雖然仲有D吾準但愈來愈好你可去寵物 ...

謝謝你，我去搵下先。我養之前隻狗時，用狗廁所，隻狗好乖好聽話，但依家呢隻完全冇效。激死！但佢大便唔會係家，係夜晚落街去，只係小便咁煩惱。

私人傳訊

queenie26826803

積分: 1043

7^#

發表於 14-11-11 11:39 |只看該作者

回覆：隻狗係屋企周圍痾尿，可以點？

係呀我隻貴婦都有呢D問題我打又打過話又話過哄又哄過喊都喊埋啦 (每月總有情緒不定日子) 佢都吾理我我都好灰而家試用廁所液希望最後會完全成功啦如果吾得我打算揾人教貴少少都要架啦. . . .

私人傳訊

WW_WW

男爵府

積分: 6576

畀面勳章

8^#

發表於 14-11-11 17:21 |只看該作者

我屋企隻白松都係咁..仔黎既.. 佢好聰明好多動作, 簡單教一教已識, 去尿尿都識架. 但就係唔知點解佢一定會四圍ALL

向我面前都唔驚, 照ALL冇面比, : 罵佢佢會wu wu住咁走去哩埋...唉!! 我地都冇晒乎..唔知佢做乜, 又係... 讚過, 話過, 罰過都唔掂

私人傳訊

scarerose

積分: 4423

9^#

發表於 14-11-11 23:02 |只看該作者

回覆：隻狗係屋企周圍痾尿，可以點？

無可能！貴婦好醒好易教，前提係唔可以比佢惡過你！而家明顯係佢覺得自己大曬啦，

私人傳訊

積分: 1870

10^#

發表於 14-11-12 00:16 |只看該作者

引用：係呀我隻貴婦都有呢D問題我打又打過話又

原帖由 queenie26826803 於 14-11-11 發表
係呀我隻貴婦都有呢D問題我打又打過話又話過哄又哄過喊都喊埋啦 (每月總有情緒不定日子) 佢都吾理我 ...

我媽問過放狗啲人，佢地叫我媽放棄教，話點教都唔會聽

私人傳訊

積分: 1870

11^#

發表於 14-11-12 00:23 |只看該作者

引用：我屋企隻白松都係咁..仔黎既.. 佢好聰明好

原帖由 WW_WW 於 14-11-11 發表
我屋企隻白松都係咁..仔黎既.. 佢好聰明好多動作, 簡單教一教已識, 去尿尿都識架. 但就係唔知點 ...

我之前養過兩隻啡松，冇呢啲問題呀，教過一次就得，試過唔聽話，打一次之後冇再犯，我仲買咗個狗廁所比佢，到佢地三個月大，就交比我媽養，可惜佢地早過生。係呢隻真係好惡教，佢係我朋友繁殖賣比我，一出世未戒奶就係我媽度住，我都唔知點解佢會咁……唉～

私人傳訊

積分: 1870

12^#

發表於 14-11-12 00:27 |只看該作者

引用：無可能！貴婦好醒好易教，前提係唔可以比佢

原帖由 scarerose 於 14-11-11 發表
無可能！貴婦好醒好易教，前提係唔可以比佢惡過你！而家明顯係佢覺得自己大曬啦，

...

佢覺得自己係人囉，佢出街見到狗會掉頭走

佢痾完尿，你發現咗，佢又會好醒咁躲係sofa底唔出黎，你指住佢痾尿既位置，佢仲走得快過你，証明佢知係唔啱，但又唔明點解唔啱都繼續做

私人傳訊

積分: 2056

13^#

發表於 14-11-12 06:28 |只看該作者

回覆小魔女bb 的帖子

獎都有分啱唔啱時候...獎既時機錯咗都會影響進度/結果~
就算曾經用過鬧/打狗狗, 都會令狗狗某人/環境留下陰影, 要將呢啲陰影消除都要花心機同時間...
一個眼神一個動作, 都會令影響狗狗既情緒變化...
另外, 只講每日冇充足既運動(散步), 都有機會令狗狗有情緒問題...
當狗狗情緒有問題, 就有機會亂大小二便...
仲有安全感問題, 本身狗狗細膽會有影響...
或家裡突然有轉變, 可能多咗人住, 可能多咗件陌生既物件, 可能梳化位置換咗等等, 都有機會令狗狗帶黎困惑, 亦因為要提升安全感, 都會亂大小二便...
亂大小二便因素非常廣, 所以好難講倒完全正確既方法去更治...

私人傳訊

積分: 2056

14^#

發表於 14-11-12 06:36 |只看該作者

回覆 queenie26826803 的帖子

千其唔好諗住搵人教或比人教......
唔係話完全冇用, 但如果狗狗唔係只係單純地唔識正確位置如廁的話, 比人教係等於冇作用......
因為行為問題係會因應環境變化(人/物件/地點等等)而改變~
比人教, 去人地度, 可能短期內或根本唔會出現行為問題......最後同你講話狗狗冇問題喇, 咁就收錢走人......
但返屋企後過幾日可能問題又出現返......
所以要學既, 應該要搵個Trainer上門教授正確跟狗狗相處方法, 狗主要身體力行, 持之以恆, 狗狗既問題先可以真真正正解決倒......

私人傳訊